عاد انا عكسكم حبيت ديزاين الزجاج الي داخل المول حسيته حلو وغريب ومبتكر
بس والله السنتر حلو واحنا كنا متكبرين عليه و نقول مافيه شي مانبي نضيع الوقت في الاسواق خخخخخ بس يمكن لو انا هناك كنت بأجله لين اخر يوم عشان مايفوتني
يعطيج العافيه ومايشوفون شر عيالج وعادي تحصل في بست فاميليز (( افضل العائلات خخخ ))
الحين عندي فضول اعرف شنو هاي ماركة الكريمات مالت الويه الي ماتبين تقولين والي اكثر ابي اعرفه ليش ماتبين تقولين الاسم خخخخخخخخ
السلام عليكم هداوة
من امس قارية الجزء بس ما قدرت ارد كنت مشغولة
بس تذكرت الحين ليش صايبني هوس كيك كل من تحت راسكم ههههههه
صور الكيك تشهي حتى امس رحت الشيشة اشتريت لي كب كيك ههههههههه وهذا انا بس شفت الصور
اليوم بآخذكم في جولتنا الأخيره في أسواق فرانكفورت ، واليوم بنتسوق في سنتر فرانكفورت الرائع
اخر جولة في السوق .. بس الصرااحة هالسوق رووووعة شوية عليه كل الي في خاطرج فيه
شلي بطاقتج البنكية وسيري اشخطي لما تقول لج الحرمة في المحل ما فيها فلوس ويستوي ويهج
هههههه من القهر البيزات خلصت مب من المستحى ههههههه
هالمحل روووووعة .. تسوقت منه في ميونيخ واشتريت من عنده ملابس لعيال اخواني واخواتي واشتريت لربيعاتي بيجامات .. قعطهم حلوة واايد .. وخفيفة .. واسعارهم احلى بواايد ..
احس استمتعتوا بالتسوق علشان الجو واايد كان رووعة صح نزل مطر صبيب بس بعد رووعة عندنا نقص مطر هههههه
هداوة هالماركة يمدحونها واايد .. بتلقينها في دبي مول في سيفورا و Faces ..
الله .. ودي اكون تحت هالمطر .. مرة ثانية .. مرة جذي صب صبيب في ميونيخ على المغرب والناس كلهم تركض وما كان معانا المظلة حطينا الجاكيت فوق راسنا ويالله امشوا امشوا تخرسنا عدل هههههههههه
افا هداوة ما عرفتي معناه .. بخبرج .. اكيد في التصميم تراني نفسج خخخ بس اعتقد وهذه نظرية خخخ
انه تصميمه هو السبب ويمكن حتى المصمم
بس انا عجبني احسه حلو
صور سويسراا
ونتنظر اخر باارت
المشاركة الأصلية كتبت بواسطة سوسو الصغيرة
باااارت جميل جدااا ...۔
خصوصا مع ها الجو الحلو .....
ذكرتيني فـــ المارين بلاتز في ميونخ ... نفس المحلات تقريبا ....
عليكم بالعافية يا هداوة البيتزا و السويت ....
الله يعافيج ياسوسو
وأنا سبق اتمشيت في المارين بلاتز وكان حلو ويشبهه سنتر شتوتغارت
بس أنا حسيت انه المحلات اللي في سنتر فرانكفورت أكثر ، وأحلى
والممشى اكبر وأحلى
المشاركة الأصلية كتبت بواسطة احلى من العقد
عاد انا عكسكم حبيت ديزاين الزجاج الي داخل المول حسيته حلو وغريب ومبتكر
بس والله السنتر حلو واحنا كنا متكبرين عليه و نقول مافيه شي مانبي نضيع الوقت في الاسواق خخخخخ بس يمكن لو انا هناك كنت بأجله لين اخر يوم عشان مايفوتني
يعني تحسفتي
هههههههههههههههههه
يعطيج العافيه ومايشوفون شر عيالج وعادي تحصل في بست فاميليز (( افضل العائلات خخخ ))
الله يعافيج ويسلمج
وما استوت الا لما يينا نتسوق
بس الحمدالله الزين انه هاذيج الايام كان بوعيسى يبا يرتاح وكان يفضل يلسته في الفندق
وهذا ساعدني انه اللي يمرض يتم وياابوهم ، بس لما توتو مرضت اتنكدت ، لأنه كنت حابه نكون نحن 3 مع بعض
بس الحمدالله فاتها يوم واحد وهو اليوم الأخير
الحين عندي فضول اعرف شنو هاي ماركة الكريمات مالت الويه الي ماتبين تقولين والي اكثر ابي اعرفه ليش ماتبين تقولين الاسم خخخخخخخخ
اللي يبا يعرف يكلمني ع الخاص
المشاركة الأصلية كتبت بواسطة plant explorer
سوقهم حلو وايد يمدحون كافهوف وفي ستور ثاني مايحضرني اسمه
وفرانكفورت تعرفنا عليهامن صورج انها مرتبه ونظيفه وسوقها حلو
والمطر كان فله انا احب المطر وايد والجو صج حلو اما صورالطبيعه سبحان الله فعلا تريح الأعصاب
وتخلي والواحد يفكر اذا هذي الدنيا اشلون الجنه
الله يرزقنا وياكم الجنه
المشاركة الأصلية كتبت بواسطة صوت القطار
جزء روووووووووعه
والاسواق عندهم يبيلها كم يوم لفلفه
اكثر مدينه اعجبتني فرانكفورت
ماودنا يخلص التقرير بصراحه
متابعينك يَ حلو
وايد عجبتني فرانكفورت حتى أقول لبوعيسى ودي نرجعلها ونستكشف المناطق اللي حواليها
وأبا اتمشى في سنترها ع راحتي مب عشان أتسوق
بس اتمشى واستمتع
المشاركة الأصلية كتبت بواسطة ام ميلاد
مشكورررره يالغاليه
كلك ذوق دوم000بالعكس انا منحرجه منك اني رديت قبل ماتخلصين
حسيت اني قاطعتك 000
اما صور طبيعه سويسرا00ااااه00الصوره اقوى من اي تعبيييير
لاعادي حبيبتي
آآآآآآآآآآآه ع سويسرا وطبيعتها وجمالها
ماشفت لين الحين جمال أحلى منها
حتى سرت جهة النرويج والسويد أبا أشوف طبيعه تبهرني مثل سويسرا وماشفت لأنه يمكن المناطق اللي زرناها منها محدوده
ياربي هاي البلد أنا أعشقها وودي يكون عندي بيت فيها ( يارب يتحقق حلمي )
التعديل الأخير تم بواسطة hibaa ; 09-20-2015 الساعة 02:50 PM
اولا الحمدلله على سلامة العيال وسلامة الحلوة توتو... ويعطيج العافية كفيتي ووفيتي ما شاءالله رووووعه وابداع صور التسوق احلى شي بالسفر التسوق مع البنات مو مع الرياييل خليهم بالكوفي وتمشي خخخخخ
احس الانبوب الزجاجي له قصة والا شحقه سوووه يمكن تهوية للمول ......۔
اما عن بناتنا اقول لج آمييييين ويزقهم الازواج الصالحين ...الميسورين علشان يسفرونهم ..۔
[قUOTE=beyond expectation;6362074]يعطيك العافية ع الصور الرااائعه ......۔
ياحلوها طبيعة سويسرا توسع الصدر وتفتح النفس..۔
يسلموووو هدهد...[/QUOTE]
الله يعافيج ويسلمج
هيه والله توسع الصدر والروح
المشاركة الأصلية كتبت بواسطة احلى من العقد
مشاعري صارت جياشه لما شفت صور سويسرا بغيت اصيح خخخخخخ
وشكلي أنا بصيح وياج
المشاركة الأصلية كتبت بواسطة aqatha
السلام عليكم هداوة
وعليكم السلام
من امس قارية الجزء بس ما قدرت ارد كنت مشغولة
معذورده الغاليه ، وجزاج الله خير انج تعطيني من وقتج
بس تذكرت الحين ليش صايبني هوس كيك كل من تحت راسكم ههههههه
هههههههههههههههههههههههههههههه
صور الكيك تشهي حتى امس رحت الشيشة اشتريت لي كب كيك ههههههههه وهذا انا بس شفت الصور
الشيشه يعني محطة البترول عن تنفهم غلط ههههههههههههههههه
وانتي تتحسبين انكم بروحكم اشتهيتوها ، حتى أنا اشتهيتها وما أرتحت لين ماسرت واشتريتها ومممممم وكليتها
اخر جولة في السوق .. بس الصرااحة هالسوق رووووعة شوية عليه كل الي في خاطرج فيه
شلي بطاقتج البنكية وسيري اشخطي لما تقول لج الحرمة في المحل ما فيها فلوس ويستوي ويهج
هههههه من القهر البيزات خلصت مب من المستحى ههههههه
هالمحل روووووعة .. تسوقت منه في ميونيخ واشتريت من عنده ملابس لعيال اخواني واخواتي واشتريت لربيعاتي بيجامات .. قعطهم حلوة واايد .. وخفيفة .. واسعارهم احلى بواايد ..
احس استمتعتوا بالتسوق علشان الجو واايد كان رووعة صح نزل مطر صبيب بس بعد رووعة عندنا نقص مطر هههههه
هداوة هالماركة يمدحونها واايد .. بتلقينها في دبي مول في سيفورا و Faces ..
أنا مأدورهم هنيه ، اتريا يوم أسافر واتشرى من برع واللي أشتريه يكفيني فتره طويله
تصدقين انه أحيانا أحصل الماركات العالميه أغلى من برع
الله .. ودي اكون تحت هالمطر .. مرة ثانية .. مرة جذي صب صبيب في ميونيخ على المغرب والناس كلهم تركض وما كان معانا المظلة حطينا الجاكيت فوق راسنا ويالله امشوا امشوا تخرسنا عدل هههههههههه
أتخيل شكلكم يجنن
افا هداوة ما عرفتي معناه .. بخبرج .. اكيد في التصميم تراني نفسج خخخ بس اعتقد وهذه نظرية خخخ
انه تصميمه هو السبب ويمكن حتى المصمم
بس انا عجبني احسه حلو
ههههههههههههه
المصمم كان بيخبرني بس انا قلتله عقب الحين مشغوله في السوق
صور سويسراا
ونتنظر اخر باارت
سويسرا
لاقبلج ولابعدج
المشاركة الأصلية كتبت بواسطة كيان55
ننتظر اخر جزء
ان شاءالله قريب
المشاركة الأصلية كتبت بواسطة صيـد الفوائد
مافهمت ليش فاضي
عموما حياكم الله
المشاركة الأصلية كتبت بواسطة توبليرون
اولا الحمدلله على سلامة العيال وسلامة الحلوة توتو... ويعطيج العافية كفيتي ووفيتي
الله يسلمج ويعافيج
ما شاءالله رووووعه وابداع صور التسوق احلى شي بالسفر التسوق مع البنات مو مع الرياييل خليهم بالكوفي وتمشي خخخخخ
هيه والله صدقتي
احس الانبوب الزجاجي له قصة والا شحقه سوووه يمكن تهوية للمول ......۔
ههههههههههههههههههههه
ويمكن عشان الرياييل اتمون صادين فوق يتفرجون ونحن نتشرى
يعني يشغلونهم بشي
اما عن بناتنا اقول لج آمييييين ويزقهم الازواج الصالحين ...الميسورين علشان يسفرونهم ..۔
آمين يارب
واللي بياخذ أي وحده من بناتي ، يعطيني تذكره ع الدرجة الأولى ع سويسرا عشان أحبه
التعديل الأخير تم بواسطة hibaa ; 09-20-2015 الساعة 02:54 PM
الاخت العزيزه هداوه اسف على الانقطاع الفتره اللي فاتت لضروف العمل ولكن اليوم رديت قريت كل اللي فاتني وفرحت بامور كثيره ووووووووووغاااااااااااااااااااااضتني بعض الامووووووووووور
بالله الحين انتي تقولين ما شفت فندق جميره ومادري وينه وبالتقرير شفتك داخله مجمع ماي تسايل اللي هو اساسا عائديه بنائه للشركه جميره نفسها والفندق يوقع فوق المجمع مباشرتا وبنفس الوقت مدخل الفندق يكون من البوابه الخلفيه للمجمع وثاني شي صور المجمع حلوه بس ماشفتك مصوره السلم الكهربائي الطويل؟؟؟؟؟؟؟؟ لا تقوليلي ما انتبهت له وماشفته؟؟؟؟ لان هذا يعتبر اطول سلم كهربائي متحرك بالعالم
بس اكيييييد البظايع والمحلات هي اللي جلبت الانتباه وشغلتكم الوقت كله ههههههههههههههه
وفي تعليق لك على وحده من محطات الاس بان تحت الارض وعلى كبرها ومساحتها الشاسعه هي فعلا وكان تسائلك عن اسمها وانك ناسيته المحطه اسمها (هاوبت فاخه)
المجمعات والاسواق اللي زرتوها لاحظتها انها كلها تقع قريبه من سنتر فرانكفورت ولين رديت قريت التقرير عرفت السبب انكم سلمتو السياره قبل ايام من موعد السفر لذلك بيكون طبيعي يتعذر عليكم زياره المراكز التجاريه الكبيره او السنترات الكبيره الباقيه في فرانكفورت
تقرير ورحله جدا رائعه وجميله وعلى فكره بانتضار الحلقه الاخيره مستنيها لسه عجلي علينا بسرعه تراج تاخرتي بسجللج غياب الليله ان ما نزل الجزء الاخير وهو يوم العوده على ما اضن
سهره صباحي
[قUOTE=beyond expectation;6365384]وانت من اهل الخير ياقلبي..وكل عام وانت بخير مقدما..۔
بانتظاااااااااااااااااارك...[/QUOTE]
المشاركة الأصلية كتبت بواسطة صوت القطار
كل عام وانتي بخير ام عيسي
وعيدكم مبارك جميعا
وانتي من اهل الخير
المشاركة الأصلية كتبت بواسطة ام ميلاد
معذوررره ياقلبيوكل سنه وانتي طيبه
خذي راااحتك واحنا بانتظارك
وأنتوا بالف خير وصحه وسلامه يا أحلى صبايا
المشاركة الأصلية كتبت بواسطة ابابيل
الاخت العزيزه هداوه اسف على الانقطاع الفتره اللي فاتت لضروف العمل ولكن اليوم رديت قريت كل اللي فاتني
انته وينك ، كل يوم أدورك بين الردود أبا أعرف رآيك في الاسواق
ومتحمسه لأي اضافه من عندك
وفرحت بامور كثيره ووووووووووغاااااااااااااااااااااضتني بعض الامووووووووووور
بالله الحين انتي تقولين ما شفت فندق جميره ومادري وينه وبالتقرير شفتك داخله مجمع ماي تسايل اللي هو اساسا عائديه بنائه للشركه جميره نفسها والفندق يوقع فوق المجمع مباشرتا وبنفس الوقت مدخل الفندق يكون من البوابه الخلفيه للمجمع
الصراحه انا ماعرفت عنه الا منك ، مثل ماقريت في بداية التقرير انه نحن قررنا السفر ، قبل سفرنا بأسبوعين
وماكان عندي الوقت الكافي اجمع معلومات ، بالاضافه انه يلسنا 5 أيام وكل يوم حد يمرض ، وكله ركيض في الاسواق ، فعلا ماعندي معلومات
وثاني شي صور المجمع حلوه بس ماشفتك مصوره السلم الكهربائي الطويل؟؟؟؟؟؟؟؟ لا تقوليلي ما انتبهت له وماشفته؟؟؟؟ لان هذا يعتبر اطول سلم كهربائي متحرك بالعالم
بس اكيييييد البظايع والمحلات هي اللي جلبت الانتباه وشغلتكم الوقت كله ههههههههههههههه
فعلا شغلني التسوق وزين اني صورتلكم هالكثر صور
وفي تعليق لك على وحده من محطات الاس بان تحت الارض وعلى كبرها ومساحتها الشاسعه هي فعلا وكان تسائلك عن اسمها وانك ناسيته المحطه اسمها (هاوبت فاخه)
المجمعات والاسواق اللي زرتوها لاحظتها انها كلها تقع قريبه من سنتر فرانكفورت ولين رديت قريت التقرير عرفت السبب انكم سلمتو السياره قبل ايام من موعد السفر لذلك بيكون طبيعي يتعذر عليكم زياره المراكز التجاريه الكبيره او السنترات الكبيره الباقيه في فرانكفورت
ياريت تخبرنا عنهم بالتفاصيل
اسم المول ؟ موقع ؟ شوفيه أو شو يميزه ؟
وهل يستحق ولا لأ؟
واذا ممكن عطني ياه ع الخاص وأنا برتبه وبعدله وبنزلك باسمك
تقرير ورحله جدا رائعه وجميله وعلى فكره بانتضار الحلقه الاخيره مستنيها لسه عجلي علينا بسرعه تراج تاخرتي بسجللج غياب الليله ان ما نزل الجزء الاخير وهو يوم العوده على ما اضن
اليوم سهره صباحي ابا اشوفك أول واحد
المشاركة الأصلية كتبت بواسطة قطرية كول
الله الله الله على النورث ويست مول ..
هيه والله ، زارني هذا الفيروس ويلس يلسه
الله يشافيهم ويحفظهم لج يارب.۔
ويحفظج ويحفظ عيالج
أما سنتر فرانكفورت فمررررررررررة عجبني رايق والتسوق في محلاته رووووووووعة
بانتظار العطر المميز اللي شريتيه ونعيما على روحة الصالون في فرانكفورت وزين سويتي جربتي القص عندهم..
كل عام وانت بخير وأسرتج الكريمة بألف خير..
قطرية كول
وانتي بألف خير
اليوم ان شاءالله بخبرج عن العطر
التعديل الأخير تم بواسطة hibaa ; 09-20-2015 الساعة 03:02 PM
ختام التقرير ( الجزء الأول )
لكل بدايه نهايه
بالحب بدينا وبالحب بودعكم
عشت معاكم أوقات صدق جميله
سهرنا وضحكنا ودارت بيننا نقاشات حلوه ،واستفدنا من بعض
أشكركم من كل قلبي ع كل شي
وان شاءالله نلتقي قريب في البوابه التايلنديه
يوم العودهنشيت الصبح في اليوم الأخير وحسيت
بأعراض الأنفلونزا
جهزت الشنط ورتبت ، وطول الوقت وأنا الملم هنيه وهناك ، والتعب يزيدكلمنا الفندق انه نسوي شيك أوت متأخر لسويت واحد ، ووافقوا
يتنا السياره التابعه لطيران الامارات وكانت كبيره ( فان ل 9 راكب )ويومها الجو كان مغيم وممطر
وصلنا المطار وتمت اجراءاتنا بكل سهوله ، بس للأسف نسيت كيف سوينا التاكس فري
وعقب مادخلنا ، تسوقنا من السوق الحره واتشرينا عطورات للهدايا ، واشتريت عطر واحد ماقدرت أقاومه
وهو عطر ايلي صعب ، وايد تجنن ريحته ، ومن عطوراتي المميزه
واتشريت من غوتشي ومونت بلانك اللي في السوق الحره ، واكتشفنا انه عليه بعد تاكس فري
وسرت صرفتهم من المكتب اللي داخل
كله هذا وانا متحامله ع نفسي ، والتعب يزيد ويزيد لين وصلنا الامارات وكان الفجر ، واصبحت
سخونه وزكام واحتقان
وكل تعب السفر طلع عليه مره وحده
أترككم مع الصور
وداعا المانيا
تابعوني في الجزء الثاني من ..
ختام التقرير
عورني قلبي وانا اقرا بفقدك مرررة ياهدهد وبفقد السهرة معك ومع الصبايا
زين ان التعب ماجاك الا باخر يوم وماخرب عليك ايام التسوق
عطرك ايلي صعب هو نفسه عطري يجننن اخذته من المطار في دبي بالعيد اللي فات
مشكووووووووورة جدا جدا جدا ع تقريرك الراااائع وخفة دمك ورحابة صدرك وبساطتك وجمال اسلوبك في النقل..۔
عشنا معاك ايامك يوم بيوم وانبسطنااااااااااااا معك وفيك..۔
الله يسعدك وتقبلي تحياااااتي
000كنت اجهز للعيد وفرحااانه
كويس انه التعب ماجاء الا اخر شيء000
عاد تلقينك خلقه منهده من كرف السفره000اتخيلك ركبتي الطياره وانتي يالله تمشين
بالنسبه للمحطه00ترى كبار السن عندنا يقولون شيشه
هداوي0000كالعاده كثيييييير استمتعنا معاك00وبنفقدك00ونفقد جمعتنا00
بس اكيييد انه تقرير تايلند قريب00
حابه اهديك هالورده
يعطيك العافية اختي ام عيسى وحمدلله على سلامتك وسلامة عيالك..
اعتذر عن عدم استمراري بمتابعة التقرير بشكل دائم ولكن طالما ان التقرير قد انتهى(للاسف) فلا بد من الحضور وتقديم كل الشكر لكي على الجهد الذي بذلتيه في هذا التقرير الرائع(كعادة كل تقاريرك ما شاء الله) وايضاً لاقول لك كل عام وانت بخير..
تحياتي وتمنياتي لك بالتوفيق..
المشاركة الأصلية كتبت بواسطة ابابيل
لا لا لا حصل خطاء فني لسه هداوه ما وصلت الحلقه الاخيره في تقريرها يا اخوان باقي جزء وبننتظره منها وحصل خطاء فني بسيط وبنبقى ننتضر منها باقي تكمله الجزء مهم
هداوه شوفي الخاص تكفين لان توني كملته وارسلته
ياهلا وسهلا فيك أخويه الرائع بابل
شفت الخاص وبسوي اللازم مايهمك بضبطها ان شاءالله
التعديل الأخير تم بواسطة hibaa ; 09-20-2015 الساعة 03:05 PM
يسعدني مساكم
[قUOTE=violetq8;6368252]طافني تسوق وااايد
فرانكفوووت ديرة تسوق صح
و موقف السيارة و التقفل على البنية حرااام خايفة
و الحرارة و السخونة و البرد مشكلة باسفررر
ناطرين الجزء الاخرررر[/QUOTE]
وأنا ناطره عيديتك
أقصد تعليقك ع ختام التقرير
المشاركة الأصلية كتبت بواسطة bufahad
دام السهرة صباحي
فالقهوة جاهزة
شكل قهوتك بردت
المشاركة الأصلية كتبت بواسطة ام ميلاد
000كنت اجهز للعيد وفرحااانه
كويس انه التعب ماجاء الا اخر شيء000
عاد تلقينك خلقه منهده من كرف السفره000اتخيلك ركبتي الطياره وانتي يالله تمشين
بالنسبه للمحطه00ترى كبار السن عندنا يقولون شيشه
هداوي0000كالعاده كثيييييير استمتعنا معاك00وبنفقدك00ونفقد جمعتنا00
بس اكيييد انه تقرير تايلند قريب00
حابه اهديك هالورده
مشكوره ع الورده يا أحلى ورده
المشاركة الأصلية كتبت بواسطة F.A.H.D
يعطيك العافية اختي ام عيسى وحمدلله على سلامتك وسلامة عيالك..
اعتذر عن عدم استمراري بمتابعة التقرير بشكل دائم ولكن طالما ان التقرير قد انتهى(للاسف) فلا بد من الحضور وتقديم كل الشكر لكي على الجهد الذي بذلتيه في هذا التقرير الرائع(كعادة كل تقاريرك ما شاء الله) وايضاً لاقول لك كل عام وانت بخير..
تحياتي وتمنياتي لك بالتوفيق..
الله يعافيك ويسلمك أخويه فهد
وكل سنه وانته بالف خير
وانته كلك ذوق وأشكرك ع حضورك وتواصلك ماقصرت
وأنا مريت ع تقريرك وقريت منه شوي وقلت مابرد لين أخلصه كله ، ولكن ممحصله فرصه
ولكن بعد ماخلصت التقرير أول شي بسويه انه بقرأ تقريرك اللي انا متأكده انه رائع وبدون مجامله
المشاركة الأصلية كتبت بواسطة happy face
الحمدلله على سلامتكم
و بانتظار الخاتمة
وكل عام وانتي وعائلتك الكريمة بخير
دمتي بود
الله يسلمكم
واتمنى تعجبكم النهايه
المشاركة الأصلية كتبت بواسطة احلى من العقد
شالسالفه ؟؟؟؟
هدهد هل هناك جزء سقط سهواً ولا شالسالفه .۔
السالفه ياطويلة العمر طويله
أول شي ضاع كل اللي كتبته في الجزء الأخير وما أدري كيف
واضطريت أعيده بس ع السريع لأني كنت تعبانه ومحبطه
وعقب ماخلصت يتني رساله من أخويه أبابيل وفيها معلومات حلوه عن اسواق فرانكفورت
فقمت ومطيت الجزء الخير عشان ما أحرمكم منها
وهاي كل السالفه
عالعموم لاتزعلون ... صحيح ان هالتقرير خلص بس ورانا تقرير احس انه بيكون حلووووووووووووووووووو في بوابة تايلند
ان شاءالله وبحاول ما أتأخر بس اباكم كلكم هناك
المشاركة الأصلية كتبت بواسطة صوت القطار
تقرير جميل ببساطته ومعلوماته
عشنا معك احلا الايام
وان شاء الله نشوفك بتقارير ثانيه
والله يعطيك العافيه ويسعدك يارب
الله يعافيج ويسعدج
وانا اتمنى أشوفكم
المشاركة الأصلية كتبت بواسطة توبليرون
معاك يا هداوة وبانتظار الخاتمة .......۔
عطر ايلي صعب شريناه بعد انا وبنتي من الامارات مول .۔
واحب اهنيك بالعيد السعيد عيدكم مبارك
وعساج من عواده
التعديل الأخير تم بواسطة hibaa ; 09-20-2015 الساعة 03:08 PM
نتابع معاكم الجزء الثاني من ..
ختام التقرير
عناوين جديده من أسواق فرانكفورت
في البدايه احب اشكر اخويه أبابيل لأنه هو اللي اعطاني هاي الاضافه الجميله من اسواق فرانكفورت
مراكز التسوق في فرانكفورت
أولاماي تاونوس تسنتروم
Main-Taunus-Zentrum
وهو مجمع تسوق اكثر من الرائع لانه باختصار يقع في شمال فرانكفورت يبعد بالسياره خمس عشر دقيقه عن التسايلوفي وسط الاحياء الراقيه اللي يسكنها اغلبيه اغنياء المانيا والعالم وفي ما يسمى حي ماي تاونوس الشهير بجمال طبيعته وهدوئهوتوفر ارقى الخدمات فيه من مستوى معيشيوالمركز هذا يشهد الان توسعه محلاته الى الضعف وقاربت اعمال البناء فيه على الانتهاء ويمتاز ببضائعه ذات الجوده والماركات العاليهوالتي تشهد تخفيظات في الاسعار على مدار العام اضافه الى الباركنات المجانيه للسيارات( كل الخدمات الجيده متوفره في هذا المركز بصوره لأنه مخصص للطبقه الراقيه من سكان المنطقه)
عنوانهMain-Taunus-Zentrum
65843 Sulzbach/Taunus
موقعهم ع الخريطه
https://www.google.com/maps/place/ma...IVRbQaCh2nOQBm
ثانيا
هيسن سنتر فرانكفورتHessen-Center Frankfurt
يقع في غرب فرانكفورت
وهو مجمع تسوقي يقع في منطقه صناعيه تشتهر بكثره المعامل في ماحولها لذلك يعتبر هذا السنتر جيد للي يبحث عن الرخص على حساب الجودهلانه حاطينه للطبقه العامله في المعامل الكثيره في المنطقه ولان النهار قصير هنا في اوربا فيذهبون دائما العمال للتسوق منهلانه قريب من مكان عملهم خلال النهار وبصراحه ما انصح بزيارته ولكنه يبقى عنوان سنتران كان في شخص قريب من المنطقه يسجل عنوانه ويمر يشوفه ماهو خسران شي
موقعهم
عنوانهمHessen-Center Frankfurt
Borsigallee 26
60388 Frankfurt am Main
ثالثا
مركز تسوق لووب فونف
Loop 5
تحفه المراكز التسوقيه واللتي يعتبر مبنى هائل بكل ما تعنيه الكلمه فعلا من معنىلم ارى بحياتي في يوم من الايام اي عربي قد زاره من قبل او حتى الاجانب من البلدان غير الغربيه فيعتبرونه كثكنه المتسوق الغربيهنا اي شركه عالميه اي ماركه يوجد في هذا المبنى المتكون من اكثر من اربع او خمس طوابق
وكل طابق مساحته اكبر من مساحه كره القدم مرتين يعني فعلا مساحه شاسعه
وهذا المركز التجاربي وحده لا يكفي يومين كامليين لزياره جميع المحلات الموجوده فيهيقع خارج فرانكفورت من جهه الجنوب على الطريق السريع رقم خمس وموقعه على النت هو
وموقعه
LOOP5 Shopping Centre
Gutenbergstr. 5
64331 Weiterstadt
وكل المعلومات اللي فيه اهديها لك اختي العزيزه واتمنى ان تنزليها في مشاركتك وحلقاتك تطول حلقه اضافيه لان فعلا تعلقنا فيها زيادهوصدقيني المهم عندي يكون تقريرك يخرج باحلى حلته وروعته ومابي اي اشاره لا من قريب ولا من بعيد لاسمي عن هذي المعلومات
و اي سوال او استفسار عن السنترومات هذي او اي معلومات اخرى عن فرانكفورت أنا في انتظاركم
لانها فعلا تعتبر من اهم دول العالم اللي يزورونها ويتمتعون فيها كبار الشخصيات وكانت على مدار ازمنه طويله حكر على طبقه معينه من الناس
هدية رائعه بروعة حضورك أخويه أبابيل ، والله يوفقك ويسعدك في حياتك
تقرير أخونا أبابيل فيه معلومات مهمه عن فرانكفورت
http://www.arabtravelersforum.com/travel301559.html
في نهاية التقرير
اتمنالكم الصحه العافيه
وان شاءالله قريب بنزللكم الفهرس في أول الصفحهو
التعديل الأخير تم بواسطة hibaa ; 09-20-2015 الساعة 03:36 PM
تقرير رائع بؤوعة كاتبته أختي أم عيسى
استمتعنا معك وباللمة الحلوة طوال أيام التقرير.۔
يعطيج ألف عافية وتسلم يد أخونا ابابيل على الإضافة اللي أثرت التقرير وزادته حلقة.۔
وسلامات عليج من الإنفلونزا والحمدلله إنها ما يات إلا على آخر يوم قد الواحد وصل بيته وديرته.۔
بانتظار تقرير بانكوك بس بعد ما تاخذين فترة استجمام عقب تعب هالتقرير.۔
وعيدج مبارك وعساك من عواده
يسعدني مساكم في اول أيام العيد
وتقبل الله طاعتكم
المشاركة الأصلية كتبت بواسطة aLKuwaitia
خلص التقرير
عزائنا الوحيد وجود تقرير يديد بالطريج .. لا و لدوله عليها تساؤلات وفضول وايد .. الله يعينج علينا
من عيوني بفيدكم باللي أقدر عليه
يعطيج العافيه ام عيسى
استفدنا و استمتعنا و صار لنا مرجع ان مرينا فرانكفورت بالمستقبل ان شاء الله
عيدج مبارك و يعوده عليج و علي كل من عزينه بخير و عافيه يارب
لا تطولين علينا .. بنفقدج
الله يعافيج ويسلمج يالغلا
وان شاءالله مابنطول
المشاركة الأصلية كتبت بواسطة توبليرون
يعطيج العافية هداوة كفيتي ووفيتي
ما شاء الله ...........ونشكر الاخ ابابيل لجضوره المتميز
الى اللقاء في تقرير بانكوك
الله يعافيج يا ام يوسف
ونلتقي ان شاءالله في تايلند
المشاركة الأصلية كتبت بواسطة ALI_Q8_77
اختنا المتألقه دوما .۔ هداوه
استمتعنا معاكي بالايام التي مضت ..وانتي تنقلين لنا رحلتكم الرائعه
وكالعاده خاتمه رائعه ..۔ ويستاهل التقرير 5 نجوم ...
وعيدكم مبارك
وانته من العايدين والسالمين
وجزاك الله الف خير ع كل ماتقدمه لهاي البوابه ، وع كل التعاون اللي شفته منك
وانا سعيده انه تقريري نال استحسانك
المشاركة الأصلية كتبت بواسطة أبــوعبدالله
ياهلا وغلا فيج مميزتنا الغاليه أم عيسى على التقرير والقلم المميز والاسلوب الراقي
أنا أشهد يستاهل 10 نجووووووم بعد
عيدكم مبارك وتقبل الله طاعتكم
ياهلا وغلا فيك بوعبدالله
شهاده أعتز فيها من خبير ومتميز شرواتك
وأشكرك من قلبي ع متابعتك الدايمه لتقاريري وتشجيعك وتقديرك لي
وعساك من عواده
التعديل الأخير تم بواسطة hibaa ; 09-20-2015 الساعة 03:39 PM
المشاركة الأصلية كتبت بواسطة قطرية كول
تقرير رائع بؤوعة كاتبته أختي أم عيسى
استمتعنا معك وباللمة الحلوة طوال أيام التقرير.۔
وانا واااااااااايد استانست بجمعتكم اللي تشرح الصدر
يعطيج ألف عافية وتسلم يد أخونا ابابيل على الإضافة اللي أثرت التقرير وزادته حلقة.۔
الله يعافيج الغاليه ، وماقصر أخونا أبابيل
وسلامات عليج من الإنفلونزا والحمدلله إنها ما يات إلا على آخر يوم قد الواحد وصل بيته وديرته.۔
هيه والله وهذا ساعدني أني أرتاح
بانتظار تقرير بانكوك بس بعد ما تاخذين فترة استجمام عقب تعب هالتقرير.۔
وعيدج مبارك وعساك من عواده
وأنا متحمسه وايد وانا اشوفكم متحمسين ، وان شاءالله ما أطول عليكم
المشاركة الأصلية كتبت بواسطة احلى من العقد
مشكوره هداوه وماقصرتي على هالتقرير واحنا دايما طماعين وانتي كريمه بس احنا نستاهل
أكيد تستاهلون
ماقصرتي وجزاج الله خير ولاتوصين بتلقيني في تايلند انطرج عن الباب
يسعدني ويشرفني يالغاليه تكونين اول الواصلين
المشاركة الأصلية كتبت بواسطة violetq8
و اخيراااااا خلص التقرير
الصراااحة تمتعنا بامشاهدة
وانا استمتعت بتواجدكم
المشاركة الأصلية كتبت بواسطة alia69128
عايبني التقرير من كمن شهر اتابعه ما شا الله فنان ومتي بتخلصين تقرير تاييلند امباركن عيدج
حياج الله أختي علياء
قريب ببدأ في تقرير تايلند بس ما اباج اتيني عقب كمن شهر اباج ويانا من البدايه
التعديل الأخير تم بواسطة hibaa ; 09-20-2015 الساعة 03:41 PM
المشاركة الأصلية كتبت بواسطة سوسو الصغيرة
ما شاء الله عليج يا هداوة ..۔
كفيتي و وفيتي ...۔
على مدى كمن شهر و نحن نتابع التقرير الحلو ..۔
الصراحة خليتينا نحط فرانكفورت و بادن بادن في جدول السنة الياية ...۔
نترياج عند بوابة تايلاند عشان الشوبنج ....
أشكركم ع متابعتكم وماقصرتوا ويايي
وعند بوابة تايلند جهزوا خردتكم
المشاركة الأصلية كتبت بواسطة ابابيل
الاخت هداوه
تقرير اكثر من رائع وبصراحه واقولها واعنيها انا تابعت تقريرك بكل شوق وحتى الاماكن اللي زرتيها مع العلم اني شايفها وعايش فيها ولكن متابعه وصفك وسردك للتفاصيل كان له اثر طيب ومشوق للقارء والمتابع
بانتضار تقريرك القادم وكلنا شوق له
أهلا وسهلا فيك
وأشكرك ع مشاركتك اللي افادتنا
وحياك الله في تقريري القادم
المشاركة الأصلية كتبت بواسطة kly_uae
عيدكم مبارك .۔ و كل عام وأنت بخير
مشكورة أم عيسى على كل معلومة و على كل صورة و على كل ما جاد به تقريرج المفيد
اسعدتينا به و في انتظار التقارير الجديدة
كل الشكر لك
العفو أخويه
وأنا أشكركم ع متابعتكم وتواصلكم
وكانت رحله جميله قضيتها معاكم واستمتعت فيها
المشاركة الأصلية كتبت بواسطة حبيب الترحال
هلا وغلا بهداوه
كل عام وانتي وعائلتك بخير يارب
وانته بألف خير
تقرير يهبل متابعينك بالبوابه التايلنديه مع اني ماحب تايلند وبالاخص بانكوك احسها خايسه بس مدري انتي كل شئ تنزلينه تخربين علي ميزانيتي هههههههههههه
تقرير تايلند بيخربها عدل
الصراحه من حقك عطر ايلي صعب مرره يجنن وانتشر كثير صار بكل مكاان
متابعيين جديدك اختي الكبيره هداوه
هههههههههههههههههه
حياك الله اخويه الصغير
التعديل الأخير تم بواسطة hibaa ; 09-20-2015 الساعة 03:44 PM
كل عام وانتوا بخير
انشاءالله يكون عيد سعيد على الجميع
الصراحه انا ماكان ودي يخلص تقريرج ام عيسى لكن استمتعنا بمتابعة كل بارت
فعلا مشكورة على المجهود والتعب والمعلومات الي توفرينها لنا كقراء وعايشنا معاج كل المواقف
واللحظات الي مريتي فيها انتي مع عايلتج الكريمه فعلا كنا معاكم بكل لحظه
وخليتنا نشوف المانيا الجميلة بعدستج فصار خليط رائع بين طريقتج المشوقة والعفوية وصور جميلة وخلابه من عدستج
المميزه
في تقريرج اختي ام عيسى شي مميز ان العلاقة بين القاريء والكاتب فيها اريحية فصار التقرير مثل ديوان عائلي بين الأعضاء وان الكل اخوان لله الحمد
فشكرا اختي هداوه
المشاركة الأصلية كتبت بواسطة plant explorer
كل عام وانتوا بخير
وانته بالف خير
انشاءالله يكون عيد سعيد على الجميع
آمين يارب
الصراحه انا ماكان ودي يخلص تقريرج ام عيسى لكن استمتعنا بمتابعة كل بارت
فعلا مشكورة على المجهود والتعب والمعلومات الي توفرينها لنا كقراء وعايشنا معاج كل المواقف
واللحظات الي مريتي فيها انتي مع عايلتج الكريمه فعلا كنا معاكم بكل لحظه
وخليتنا نشوف المانيا الجميلة بعدستج فصار خليط رائع بين طريقتج المشوقة والعفوية وصور جميلة وخلابه من عدستج
المميزه
في تقريرج اختي ام عيسى شي مميز ان العلاقة بين القاريء والكاتب فيها اريحية فصار التقرير مثل ديوان عائلي بين الأعضاء وان الكل اخوان لله الحمد
فشكرا اختي هداوه
العفو أخويه
وجودكم وتفاعلكم هو اللي أعطى التقرير حلاوه وزاده جمال
والحمدالله اني خليتكم ترتاحون وتستمتعون وتسنفيدون مني
ولولاكم ما استمريت في العطاء
التعديل الأخير تم بواسطة hibaa ; 09-20-2015 الساعة 03:47 PM
السلام عليكم ورحمة الله وبركاته
تذكرون لما خبرتكم عن الشطاف الخاص بالسفر ، واللي أشتريته من الجمعيه
المهم عقب ماخبرتكم عنه سرت وجربته في لوالب ( حنفيات ) البيت بس للأسف ماركب
قبل العيد بيومين ، صار أحلى لقاء بيني وبين أم نواف الغاليه
وفاجأتني أم نواف ويابتلي الشطاف الخاص بالسفر ، واللي أدوره
ماتتصورون كيف فرحت فقمت وصورته لكم
عشان لما تدورونه أشتروا هذا النوع اللي يناسب كل المقاسات
هاي هي الفتحه المناسبه لكل المقاسات
مشكووووره حبيبتي أم نواف وكان لقاء جميل ووايد استمتعت وياج
المفضلات