الموضوع: معاهد لتعليم اللغة بنيوزلندا

السلام عليكم ورحمة الله بركاته

ممكن ياجمااااااااعة الخير تفيدونا في الحيرة اللى احنا فيها وما نملك لكم الدعاء .

انا والله محتااااار بين عده معاهد وما ادري ايش الاحسن والافضل بغض النظر عن السعر
اهم شي الواحد يستفيد بقدر الامكان وتكففوووون كل وواحد يعطي رائة من واقع التجربة طبعا .
الله يجزاكم ا لجنة .
المعاهد هي :::

Christchurch ENG INS
Wilkinson's ENG Lang Shool
South Canterbury school of Eng Lang
Cathedral Lane Academy
Aspire NZ Eng Lang center
Pacific
Excel
Elim Eng Academy و سؤاااااااااال ثاني بلييييز

انا ابغي اخذ شهادة التوفل لازم ادرس جنيرال انجلش اول والا ادخل بدراسة التوفل على طووووووووووووووووووووووووول تكفوووون تكفووون يا جماعة لا تردووني خايب .

وايش الفرق بين االتوفل و الجنيرال انجلش ؟؟؟؟

مواضيع عشوائيه ممكن تكون تعجبك اخترناها لك:

• المطاعم الاسلامية والعربية
• النجدة يا أهل نيوزيلاندا
• استفسار وارجو الرد الكافي
• استفسار بخصوص هاملتون
• استفسار عن نيوزلاندا مهم
• ما افضل بطاقة للاتصال بالسعودية
• تصريف العملات
• من ماليزيا ابسافر لك يانيوزلاندا ولكن
• هل يمشي ترفل تشيك دولار امريكي في كرست تشيش
• فندق
• ماليزيا ام نيوزيلاندا ماذا اختار ارجو المساعدة
• ساعدوني في الحجز
• ارجو المساعدة من الطلاب السعوديين في نيوزيلندا
• مسافر بعد ايام
• ممكن تكون نيوزلندا
• هام وعاجل طلب مساعدة في نيوزلندا
• هل في ولينقتون ؟؟
• لما لهذا الموقع وأعضائه الكرام اهميه خاصه لدي فأرجو المساعده
• من اجمل ماوجدت عن نيوزيلاندا
• خطوات استخراج فيزا الدراسه لنيوزلندا من مصر

عندك الباسيفك واكسل موقعهم مررره حلو .. لكن انا درست في اكسل افضل من باسيفك .. لأن الباسيفك صغير صراحه ... وبقيه المعاهد ربما نعود لمواقعهم على النت ونتأكد من امكانيات المعهد

بخصوص دراسه التوفل ... اهم شي يكون عندك مباديء ومعارف بالانجليزي ... هم ما عندهم مشكله يدخلونك صف التوفل ... لكن لو ما توفقت في المتحان مضطر تدفع فلوس مره ثانيه وتختبر وتدرس ... وهم الكسبانين .. لكن لو تدخل جنرال انجليش اول ... تمهد نفسك للتوفل

الجنرال انجلش هو انجليزي عااااااااام .. يعني مباديء الانجليزي من قواعد وكلمات وووو

اما التوفل فهي مستوى متقدم في الانجليزي ... اللي يحصل عليه تكون لغته حلووه ... وتلاقي معظم الجامعات الاجنبيه تطلب من الطالب الاجنبي شهادة توفل عشان تضمن انه يمشي في المواد

ما اقول الا الله يستر عليك ويحرم النار على جسدك ووالديك يوم تلقونه ياااارب ياااااااارب . و الله انه شرفني ردك على موضوعي وهذا توااااضع منك والله . الان عرفنا الفرق بين التوفل و الجينرال انجلش بس لو تسمحلي عندي بعض الاسئلة

ومنها الدراسة في هذه المعاهد ماهي محددة يعني كاتبين بس اسعار الاسبوع الواحد يعني ما ادري كم تكون مدة الجنيرال انجلش في كم اسبووع اخلصه وكذلك بالنسبة للتوفل في كم اسبوع ممكن اخلصه ؟ علما ان لغتي متوسطه تقريبا .

وهل يعطونك شهادة حق الجنيرال انجلش وشهادة للتوفل والا كلها وحده ؟ وهذه الشهادات معترف فيها في السعودية ؟ وياليت تقووول المعاهد المعترف فيها اذا وجد ؟ انا ودي اختار معهد في قرية حلوة هادئه وتكون ساحلية والمعهد يكوووون ممتاااز بس ما اعرف شي عن قرى نيوزلاند ( القرية ماتكوون مرة مررة صغيرة يعني متوسطه ) واعطينا على ذوقك معاهد حلوة في قرى وممتازة دراسيا .

احس اني مسختها شوية معاك لكن ان شاء الله ما ابخل عليك بالدعاء في ظهر الغيب وهذا وعد والوالدة كمان بخليها تدعيلك وانت والله تستااااااااااااااهل ماشاء الله خدماتك واضحة مثل الشمس .

اخر سؤااااال ( لا تقول على حسب صرفيتك ......... من دون سكن العائلة ومن دون فلوووس المعهد انا كم ممكن اصرف من دون هذي الاشياء يعني كم ممكن تكون صرفيتي بالشهر اذا كنت اصرف فوق المتوسط شوية ؟؟؟؟؟؟؟ يعنى مواصلاات يوميا كم ممكن تكون قهاوووي اكلات خفيفة وعصيرات خفيفة يعنى اشياء زي كذا . لا تقول على حسب صرفيتك انا اعرف صرفيتي بالريال السعوودي لاكن هناك والله مدري .

واخيرا و ليس اخيرا الله لا يحرمك الفردوس الاعلي انت وكل من سيشارك في هذا الموووضوع ( وحتى اللى مايشاركووون وكل المسلمين . اتمنى اني ما ثقلت عليك بكثرة الاسئلة .

واسأل الله ان يكون هذا الموووضوع موضع استفادة لكل من سيدرس بنيوزلندا التى عشقناها بفضل الله ثم ماسطرته انامل المايسترو
في امان الجبار .

اخوووووي المايسترو انا قلبي ميااال شوية للكاثيدرال لاين اللى في نابير بس مدري كيف ؟؟

مرحبا يا غالي ...
اول شي تسلم على هالدعوات ... واحنا ما نبي الا مثل هالدعوات ...

شوف حبيبي ...
مافيه شهادة اسمها جنرال انجلش ... انا بشرح لك السالفه كيف صايره ... الان انت اذا رحت المعهد يجلسونك ويختبرونك ... معظم المعاهد عندها 7 مستويات يبدا من 1-7 ... اختبروك مثلا وقالوا لك انت في المستوى 3 ... خلاص تدخل هالمستوى وتدرس ( جنرال انجلش ) اي ( انجليزيه عاااامه ) .. بعد ما تدرسها كل نهايه اسبوع او اسبوعين يختبرونك .. يقول لك خلاص انت تستحق تنتقل للمستوى اللي بعده .. ويعطونك شهاده صادره من المعهد بعد كل مستوى ...
لكن وشو التوفل ؟
التوفل هي شهادة في اللغة الانجليزيه تعطى من جهة واحدة ... ( يعني مو اي معهد يعطيك اياها ) ... وأسألتها تأتي من هذه الجهه ... ( يعني مو مدرسينك هم اللي يحطونها لك ) .... بس يكون المعهد هو الوسيط بينكم .. يعني هو اللي يجيب لك الاسأله .. ويختبرك .. ويسلمهم الاجوبه ... ويجيب لك النتيجه ...
طبعا التوفل يعتبر اللي حاصل عليه هو رائع في اللغه الانجليزيه ... ومعترف بها عالميا في الجامعات العالميه ... وهي اللي تلزمك اذا نويت تدرس في احدى الجامعات الغربيه ...
باختصار ممكن نقول ان ( الجنرال انجليش ) هي السلم الموصل الى شهادة ( التوفل ) .... طيب تبي تقول وش فائدة هالفصول اللي في المعاهد ويدرسون توفل ؟؟؟ المعاهد هذه تهيئك لدخول الامتحان .. يعني يعطونك اساليب الاسأله التي احتمال تجي .. يدربونك على الاشياء الصعبه اللي ممكن تواجهك في اختبار التوفل ... يعني اعداد قبل ما تدخل التوفل ...
بخصوص اعتماد الشهادات ... الجنرال انجلش شهادة عاديه تعطى من المعهد ... تستفيد منها مثلا انك تضعها في النبذه الشخصيه لك اذا تبي تقدم على وظيفه .. او علاوة لك ... ( مثل شهادات الدورات ) .. اما التوفل ففائدتها اعظم ... ممكن ان يتوقف قبولك في جامعه اجنبيه على هذه الشهادة .. او لو تبي تكمل مثلا ماجستير في جامعة الملك سعود من شروطهم هذه الشهادة ...
بخصوص المعاهد المعترف بها ... وزارة التعليم العالي لا تعترف بالمعاهد .. بس تعترف بالمنشآت الاكاديميه يعني ( المدارس ... والجامعات .. والكليات .. ) اما المعاهد فلا تعترف بها ... لكن انت اختار المعهد المناسب على امكانيه المدرسين الموجودين فيه .. وعلى تجربه الشباب السابقه فيه ...
بخصوص الصرفيه ... لنقول انك تبي تروح للمعهد يوميا بالباص .. وترجع بالباص .. هذه تقريبا 25 دولار في الاسبوع ... لنفرض ان الفطور والعشا عند العائله .. اذا الغدا يوميا نقول 8 دولار ... لنفرض تقول ابي عصيرات وشي خفيف نقول 3 دولار ... لنقول تبي تروح لمقهى الانترنت يوميا لمده ساعه هذه 3 دولار ... يعني تقريبا 20 دولار يوميا حلوه ...

بخصوص المعاهد ...
اولا معهد http://www.aspiring.ac.nz/
صراحه انا اول مره ادخل على موقعهم بالانترنت ( مع كثرت زياراتي لمواقع المعاهد ) .. لاحظت ان موقع المعهد بعيد شوي عن اهم الخدمات ... واسعارهم حليوه شوي ... واحس انه صغير نوعا ما ...

بخصوص http://www.welslanguageschool.com/

فهذا موقعه جدا رهيب .. ويقع في الوسط تماما .. وجنبه الخدمات كلها .. لكن اذكر انه صغير نوعا ما .. ( مثل معهد اكسل اللي درست فيه ) ... والمعهد جيد

بخصوص معهدhttp://www.studyenglish.ac.nz/default.asp

العلم عند الله انه في قريه تابعه لكرايست جيرج .. ( ماني متأكد مره ) لكن زرت موقعهم ماليت وصف للمعهد او كروكي له .. لكن قالوا في قريه تامورا ... واعتقد اني قد لمحتها بعيده شوي عن كرايست جيرج ...

بخصوص معهد http://www.cathedral.ac.nz/

اعتقد انه في نابير ... مو في كرايست جيرج ... ياليت تتأكد يا غالي ...

بخصوص معهد http://www.elimenglish.co.nz

هذا المعهد يقع في شارع الكاشيل .. لالي في نص البلد ... يعني بعد عن معهد اكسل والباسيفيك كم شارع ... انا زرت موقعهم ... مهتمين بالمعهد .. لكن لاحظت ان اسعارهم مرتفعه شوي ... ياليت تراسلهم يمكن يعطونك اسعار ثانيه .. لكن عموما المعهد بشكل عام جيد

بخصوص معهد http://www.english-language.school.nz/

هذا نوعا ما جيد .. يعيبه صغر المعهد ... اذكر انها 3 غرف .. واذكر انه كان معهد لتدريب التزحلق على الجليد .. وقلبوه معهد انجليزي ... انا دخلته وتمشيت فيه شوي ... يعني متواضع جدا .. احسن شي فيه موقعه في السيتي سينتر


بخصوص معهد http://www.excelenglish.school.nz/

فهذا المعهد اللي درست فيه ... صراحه انا اعجبني تعامل المدرسين معاي ... والموقع الرائع للمعهد .. يعيبه انه صغير نوعا ما ... يعني اذا فيه اكثر من 3 عرب ما انصح ان الواحد يدرس فيه ...لكن هو صراحه ممتاز من نواحي عده ... النشاطات والاسعار والموقع والمدرسين ... وهذه اللي اهتم فيها ..

عندي لك كم موقع فيها معاهد كثيره يمكن تستفيد منها ..

http://www.localeye.info/pages/?catId=134

http://www.english-schools.co.nz/sea...p?cityqrystr=2


مع تحياتي ...

ما اقووول الا الله يجعل اخر كلامك من الدنيا لا اله الا الله ويوفقك وين مارحت ياااااارب وانا ادعيلك ترا صااادق والله انها من القلب .

والله اثلجت صدري بالكلام الحلو والشرح الواااايفي ثانكيووووووووووووووووو فيرري ماتش

سامحني اذا تعبتك انا في انتظار ردك على المعاهد و زي ماقلتلك انا مياااال للكاثيدرال اللى بنابير . / ولو تعطيني كم اقل مده ممكنةاخذ فيها التوفل ؟؟؟

و اشوفك على خير . في امان الجبار .

رديت عليك يالغالي بخصوص المعاهد
شكلي وانا اعدل على مشاركتي .. كنت انت تكتب مشاركتك
راجع ردي وراح تلاقي المعاهد

ايش اللخبطه اللى صايره ؟؟؟؟؟؟؟

الله يعطيك العافية وسلمت يمينك ياارب والله تعبناك يالمايسترو لكن كله باجره ان شاء الله .

انا اشهد انككفيت ووفيت يا طويل العمر . ماقلت كيف الكاثيدرال اللى بنابير من ناحية الحجم والتعليم ؟ وهل فيه معاهد ممتازه بهاميلتون ؟ اذا فيه ياليت ما تحرمنا من ابداعك ؟؟

الله يجعلنا من الذين قال الله فيهم ( ونزعنا مافي صدورهم من غل اخوانا على سرر متقابلين ) امين

الأخوة الاعزاء:
بصراحة انا ناوي ادرس لغة وماستر ولكن الافضل والارخص لأني سأدرس على حسابي 3 سنوات تقريباً بمشيئة الله عز وجل ،،،،،،،،،،،، آمل الإفادة ممن جرب واستفاد كي تعم الفائدة الله الله الله يسعدكم

وينك ؟ عسى المانع خير يا المايسترو ؟ الله يجيبك بالسلامه

مشكورين على جهودكم ... تحياتي

مرحبا ..
بخصوص نابير والله انا مارحت لها .. لكن اخوي مسافر متزن ما قصر في كتابه موضوع عنها
http://www.travel4arab.com/vb/showth...E4%C7%C8%ED%D1

لعلك تستفيد منه

ثااااااااااانكس

بيض الله وجهك ياأحلى ماسترو