السلام عليكم و رحمه الله وبركاته ....
حبيت اعرض لكمن تقرير زيارتي الي دامت لمده 3 ايم في ربوع دوله الكويت...
الرحله بدأت يوم الاثنين الساعه 4,30 العصر تحركنا من بوظبي و الطريق كان و لا اروع ( بالنسبه لخط مكه وايد احسن ) ... المهم زصلنا الحدود قبل المغرب ... خلصنا من الجوزات الاماراتيه و السعوديه و الحمدلله ما كان في اي تعطيل .... و اول شي سويناه عبينا بترول في السعوديه ( واااااااااااايد ارخص من الامارات :112: ) المهم ... كملنا دربنا لين ما وصلنا الهفوف و كان الوقت عشا تقريباً و اقرب مطعم بخاري و اديناها هذاك العشا الدسم الي فر راسي فر :24: ... المهم كملنا دربنا لين ما وصلنا منفذ الخفجي تقريباً الساعه 3 الفجر و كان وااااااااااااايد فاضي ... و اول ما دخلنا الحدود الكويتيه احس اني استانست لاني اول مره بدخل الكويت ... ( العاده اشوفها بس في المسلسلات :109: ) المهم وصلنا و ما كان قدمنا حد الا سياره وحده و الحلو في الحدود الكويتيه انه التأمين مش الزامي نفس السعوديه و الامارات و عمان و قطر .... و انا من باب الاحتياط امنت ... المهم وصلنا الكويت الساعه تقريباً 4 الفجر و كنت قاري عن عدد من الفنادق في المنتدى :113: .... كل ما سرنا فندق الا قالول لنا فل مافي غرف .... و الحمدلله الله قطنا على فندق الكورنيش الي جنب المارينا مول ...دخلنا و كنا نبغي شقه ابغرفتين و صاله ... و لله الحمد حصلنا و عطانا اياها اب 45 دينار و والله السعر اشوفه وايد مناسب بالنسبه لنظافتها و موقعها ... بس المشكله انه الريال ايقول انه لو سوينا شيك ان بيحسب علينا يوم كامل .... و نحن ما بنكون يالسين في الفندق الا 7 ساعات بس ... قلت له على الاقل احسب لي اجره نص يوم قال ما اقدر ... الي صار اني اتفقت معاه اني لو سويت شيك ان الساعه 6,30 الصبح بيحسب انه يوم يديد و الشيك اوت بيكون اليوم الثاني ... كان باقي قدمنا ساعه و نص ما نعرف وين نروح فيها و المشكله يواعاه بعد و المطاعم مسكره ... قلنا ما النا الا المسيد ... صلينا الفجر و طلعت اتمشى لين ما اتيه الساعه 6,30 ... وصلت لين الابراج و تميت امشي على اقل من راحتي اتريا الوقت ايمر لين ما قررت اني اسير اوقف قدام الفندق اتريا الساعه توصل 6,30 ... و انا ياي ادخل المدخل مال الفندق صعدت الرصيف بالغلط ( 14 ساعه اسوق :110: ) المهم دخلنا و كان الجو جو رقاد و الله ... رقدنا و ما وعينا الا الساعه 2,30 الظهر ... صلينا الظهر و العصر و بدينا المغامرات في الكويت .... الاماكن الي زرناها كالتالي ... ( المارينا مول - مجمع الفنار- مجمع المنتشر و مجمع الكوت - الابراج - الاكوا بارك - النادي العلمي - سوق شرق - و احلى سوق بالكويت سوق المباركيه - شارع المطاعم - مجمع المهلب ... و في اماكن سرناها بس نسيتها و الله ) ...
طبعاً احلى مطعم كلت فيه مطعم فريج صويلح .... اكله وايد حلو بس شكلته انه زحمه و مافي يلسات على الارض :112: ...
انطباعي كان عن الكويت انه شوارعها صغيره و مكسره و جوها وايد حار ( من المسرحيات و المسلسلات الي نشوفها ) بس بعد ما شفتها اب ام عيني و الله اني حبيت الكويت و حبيت ناسها اكثر الي يرحبون بالضيف و يحبون يخدمونه و جوها حلو مش هذاك الجو الي يخوف ...
الاشياء الي عجيتني في الكويت ... اهل الكويت اب شكل عام .. مافيها زحمه سيارات :24: ... اسواقها الشعبيه ...
الاشياء الي ما عجبتني فيها ... المطبات الي في الشوارع مش ملونه اب لون تحذيري ( و الله يمكن طيرت السياره فوق 7 او 8 مطبات .... في شوارع صدق يبالها تصليح .... المصاروه الي يشتغلون في حديقه الاكوا بارك ( اشوي خقاقين :112: )...
الاشياء الي استغربت منها ... انه الكويت مافيها ابراج و لا عماير كبيره ... صراحه استغربت من عدد الناس الي يقعدون في الكوفي شوبات ( الواحد لو يبا يسوي مشروع كوفي شوب يسويه في الكويت و 100% ربحان ) ... بعد انه اكثر الشباب ما يلبسون الكندوره ... كله جنزات :114: ... و الصراحه استغربت من عدد اليخوت و الطراريد الي عندكم ... ما شاء الله وايد ( تراني اموت اب شي اسمه بحر )
المهم ما بطول عليكم ... هذه كان انطباعي عن الكويت و ان شاء الله هذي ما راح تكون اخر زياره للكويت ...مواضيع عشوائيه ممكن تكون تعجبك اخترناها لك:
- سؤال بخصوص جواز السفر؟
- ساعدوني ياأهل الكويت واللي زار الكويت قريب
- مشروع شركة التجاره والاستثمار العقارى تجاره
- استفسار سريع ،،،، أرجو الرد بسرعه
- إلى كل كويتي و من زار الكويت أتمنى مساعدتي و لكم مني جزيل الشكر
- صور معبره لمعلم الكويت البارز
- مطعم ساسو شغل عدل
- مطعم زعتر و زيت بالصور
- موجة برد عاتية قد تستمر اسبوع او اكثر الى
- مساعده ممكن فندق رخيص قريب لفندق هولدي ان السالمية
- ما هو الافضل في الكويت شقق فندقية او فندق ريتز شرق او فندق بلازو هوتيل
- وسائل الترفيه على الخطوط الكويتية
- بزور الكويت ثالث يوم بالعيد
- زيارة للعوضـــــــــــــي مول
- كيف جو الكويت بشهر ابريل
- فنادق السالمية
- العيش والاستقرار في الكويت هل هو ممكن ؟
- جائزة «إنتركونتيننتال لـ كراون بلازا الكويت
- سؤال أخوكم عن خدمات الفنادق للمعرس زيارة للكويت
- مميزين وخبراء البوابه الكويتيه
رد مع اقتباس
المفضلات