المشاركة الأصلية كتبت بواسطة bader.f
http://www.arabtravelersforum.com/tr...4/#post4262160
السلام عليكم
عليكم السلام ورحمة الله وبركاته
عندي كم من استفسار عن دلمون اتمنى من الكل او اللي معاه خبره عنها
هلا وغلا , تفضل طلباتك أوامر
سواء مشرف او عضو انه مايبخل علي بالاجابة
اولا كيف الاجواء ذا اليومين في البحرين حر والا برد؟
حر .. بس أحلى من الأيام السابقة .. يعني أواخر فصل الحر .. وخذ نصيحتي أخوي .. حلاتها جنة دلمون في الجو الحار .. لأنها تقع في منطقة برية .. وفي الشتا ما تصلح أبد .. بدليل إنها تغلق في الفترة ما بين شهر نوفمبر حتى مارس .. وخلال فترة الشتاء بالإمكان زيارة واهووو وهي المدينة المائية الثانية في البحرين والتي تقع في مجمع البحرين ستي سنتر وهي المدينة المائية المغلقة الوحيدة في الشرق الأوسط.
ثانيا متى مواعيد فتح ابواب دلمون للزوار في الصباح او المساء؟
والله أخوي يعتمد على الفترة الي راح تزورها ، بس تجدر الإشارة إلى أن الخميس من المغرب إلى منتصف الليل مخصص للنساء ، وفي الأيام العادية تقدر تزورها من الظهر حتى المغرب أكيد مفتوحة والمفروض انها تظل مفتوحة حتى الثامنة مساء .. ويوم الثلاثاء مغلقة للصيانة.
ثالثا اللي يبي يروح لهم الاربعاء متى الدخول ومتى الخروج؟
الأربعاء يوم مناسب لزيارة جنة دلمون ، روح لها من الظهر حتى يقولون لك خلاص بنغلقها يعني حتى الساعة 8 تقريباً.
رابعا محتار مدري وش تسمونها يااهل البحرين اللي هي البلونات والسفن البالونية
حقت المطافش هل هي موجودة داخل الحديقة للكل والا لازم تشتريها منهم وهل هي غالية ولو اجيب من بره هل عادي يدخلونها لي؟
كل شي موجود داخل المدينة المائية أخوي حتى المطاعم ومحلات الملابس .. ما عليك سوى الذهاب والاستمتاع .. وهناك تقارير عدة للأعضاء عن جنة دلمون المفقودة ما عليك سوى الاطلاع عليها.
خامسا كم اسعارهم حاليا؟
14 دينار بحريني للشخص الواحد .. طبعاً هذي تذكرة الدخول لأن الألعاب مجانية بالداخل باستثناء أكل المطاعم بفلوس ومفتاح اللوكر ( صندوق حفظ الملابس ).
سادسا الله لا يحرمكم جميع الاجر ويوفقكم
الله يسلمك يا الغلا , وحياك الله بين أهلك وأخوانك.
.,
رد مع اقتباس
المشاركة الأصلية كتبت بواسطة joryfahad
المفضلات