الموضوع: رحلتي المختصرة لمنتجع هيلتون الكويت

من الاربعاء 22-8-2008 الى الجمعة 24-8-2007 (ليلتين)


في يوم من الايام و بسبب عدم مقدرتي على أخذ اجازه الا بعد شهرين من الآن و بسبب ظروف الربع المالية و الوظيفية قررنا الآتي:

تشجيع السياحة الداخلية و تطبيق الامثال التاليه (دهنا في مكبتنا) و (الأقربون اولى بالمعروف)

المهم قررنا زياره منتجع هيلتون الكويت في منطقه المنقف لتغيير الجو و روتين الدوام الممل و عدم مقدرتنا على السفر خارج البلاد في الوقت الحالي

ماراح اطول بالكلام لأن مالي خلق اكتب وايد و انا عودتكم ان الصور ابلغ من الكلام رغم قلتها في هذا التقرير البسيط جدا جدا جدا جدا




يقع منتجع هيلتون في منطقة المنقف جنوب مدينه الكويت



و هذي صورة مقربه للمنتجع



و هذي صورة من الموقع للفندق



طبعا لازم نذكر معلومات عن الفندق

Hilton Kuwait, PO Box 7887, Fahaheel, Kuwait, 64009, Kuwait
Telephone: +965 372 5500 - Fax: +965 371 6001 - Email: mailto:[email protected]

و هذا موقع الفندق على الانترنت http://www.hiltonworldresorts.com/Re...ait/index.html

يحتوي الفندق على اربع انواع من السكن:
1-غرف الفندق
2-شاليهات دور واحد
3-شاليهات دورين - تطل على البحر
4-شاليهات دورين - تطل على البحر - مع حمام سباحة خاص

من ناحيتنا حجزنا غرفة بالفندق (sea view) لأن الفرق بسيط عن الغرف الي تطل على المواقف

ماله داعي اذكر الجدول اليومي لأن مافي جدول يومي بالنسبة لنا (افطار - حمام سباح + بحر :surf - غداء - الجلوس بمقهى ستاربكس - العشاء- نوم)
وتوجد نشاطات بحريه مثل البنانا و الدونت و النادي الصحي spa

و في حالة زيارة اخواننا الخليجيين للمنتجع يمكنهم زيارة مجمعات الكوت(القعده بالكافيهات حلوه) و مجمع المنشر (الصراحة عجبني جدا) بمنطقة الفحيحيل (اقل من خمس دقائق بالسيارة)

نرجع لفندقنا مع بعض الصور

[blink]اعتذر عن الصور لأني التقطتها بالتلفون النقال [/blink]

اللوبي



صورة باتجاه المواقف



و صورة باتجاه الشاطئ



الممر الذي يحتوي على بعض المحلات و يؤدي لمطعم الافطار و النادي الصحي



صورة غير واضحه للمطعم الذي يقدم الافطار :24::24: يقدم تشكيلة ممتازه من الاطعمه



و الحين نصعد للغرفة طبعا الغرفه مرتبه :109: تدرون عزوبية





و تتوفر بالغرف فيديو DVD و نقطة اتصال بالانترنت

و نلقي نظرة من نافذه الغرفه





و صورة باتجاه حمام السباحه




و تيتي مثل ما رحتي جيتي :surf

مواضيع عشوائيه ممكن تكون تعجبك اخترناها لك:

• ممكن ايها الاحبه تتكرمون باسعافي
• مطلوب اسماءمحلات
• طلب مساعده فيبجامات نوم مقاسات كبيره
• النوافير
• زيارة للكويت ليومين مساعدة
• إذا ممكن معلومات عن الأماكن السياحيه
• رحلتي الى الكويت في عيد الاضحى
• أرقام جميع المطاعم والكافيهات بدولة الكويت
• بحريني جاي للكويت بتاريخ
• استفساااااااااااارين للخبراء
• ضروري جدااااااا
• مطعم بالصور جميل جدا في الكويت
• ۝ஹΨஹ ஹΨஹ۝
• طلبتكم طالعة الكويت الخميس القادم
• استفسار
• تناول عشائك على ارتفاع متر من ابراج الكويت
• اخواني الكويتيين ارجو المساعده العاجله
• خدمه ياهل الكويت
• اريد شقق سعره معقول
• بنات الكويتـ أبحث عن المساعدة الاسئلة بساحة الاستفسارات

مشكوووووووووووووووووووووووور

يعطيك العافية على الصور الحلوة

فندق هيلتون احلى مكان بالكويت الصراحة انا ما استانس الا ابهالمكان

يعطيك العافيه اخوي mzwd علا الصور الطيبه والتقرير الكثل من حلو ومشكور وماقصرت

يعطيك العفية أخوي على الصور بس سؤال

هل مسموح للكويتيين العزابية السكن في الفنادق ؟؟؟

اللي اعرفه إنه غير مسموح إلا ومعاك الزوجة

يا ريت تفيدني بهالشي

يعطيك العــــــــافيه أخوي على الصور الروعه

يعطيك العافية

يعطيك العافيه علي الموضوع الرائع وماقصرت

المرام - الزور - old-man الله يعافيكم

مشكور على التقرير
وللتوضيح للمثل اللي تفضلت فيه " الاقربون اولى بالمعروف " ليس مثل وانما جاء من حديث شريف والله اعلم
و غريبة ان الفندق يسكن عزوبية الظاهر لك واسطة او عضو فعال

شكراً على التقرير الحلو ..........

.........................يعطيكم العافيه .........................

ما شاء الله

موضوع كامل ويحتوي على الكثير من المعلومات

اللي يحتاجها السايح

الف شكر لك ..

وعلى ترتيبك وسلاستك في وضع الموضوع

..

hamad123 مشكور اخوي على التوضيح و جزاك الله خير و بالنسبه للعزوبيه لا واسطه ولا هم يحزنون حتى صاحبي قالهم اول ما حجز ترى احنا شباب قالوا عادي

بس الصراحه انا قاعد اشوف ان الشباب كثروا بالمنتجع اكثر من اللازم خصوصا ان يمكن دخول المنتجع بدون حجز (للكافيه و المطعم) او حتى زياره حمام السباحه و النادي الصحي مقابل خمس دنانير

و من وجهه نظري طبعا صعب ان فندق عالمي يمنع احد انه يدخل الفندق لأي سبب الا في استخدام مرفقات الفندق الخاصه بالزبائن و خصوصا ان الفنادق بالكويت تعاني مشاكل قله السياح عشان جذي تضطر تعوض بأشياء ثانيه (صال افراح مثل ريجينسي - كافيهات مثل موفينبك - حمام سباحه و بحر مثل هيلتون - مطاعم و نادي صحي مثل كراون بلازا و هوليداي ان )

بس للعلم صج ان في شباب اكثر من اللازم لكن ما شفنا منهم اي مشكله اغلبهم محترمين نفسهم و تكانه على الاقل بتصرفاتهم جدام الناس يعني ما شفنا احد تحرش باحد او قال كلام غير محترم او سوى حركات بايخه بالعكس الكل بحاله

bokandar_q8 - أحلى كيميائية الله يعافيكم

الله يعطيك العافيه بس الأسعار على كم

الله يعطيك العافية

deerpy الله يعافيك

ماقصرت عالصور

شكرا

:101:

اليازي-uae العفو

يعطيك العافية

attractive149 الله يعافيك

مع اني اسكن بالكويت ولكن هذا المنتجع الجميل لم ازوره سوا مرتين! !

شكرا لهذه الصور الجميلة

تجريب2 ولله حتى انا مرتين اول مره يوم زياره و هذي weekend

ممكن اخوي تفيدنا عن الاسعار للغرف والشاليهات
ويعطيك العافيه على التقرير الجميل

تسلم أخوي على هالتقرير اللطيف
عاد والله اني أمووووت على الكويت وأهلها :24:


بس في شغله صغيره :101:






من الاربعاء 22-8-2008 الى الجمعة 24-8-2007 (ليلتين)



احم احم :115: