السلام عليكم ورحمة الله وبركاته..
تحية طيبة..
في البداية أشكر الأخ zazaz على تقريره الأكثر من رائع على هذا الرابط
http://www.arabtravelersforum.com/travel413341/
وبالفعل اتبعت نصيحته و سبقته بخطوة و حجزت من الجسر مباشرة..وكان الحجز لغرفة مفردة كنت انا و زوجتي وبنتي الصغيرة ناشبة لنا( مصرف اخوانها الي اكبر منها ) و حجزت من الجسر قالي ترى غرف السنجل مايجي منها الا نظام عربي قلت الشكوى لله خلني اجربه عشان انقل التجربة بما ان الاخ zazaz نقل تجربة الايطالي و حجزت سعر الليلة بـ 850 ريال عن طريق المكتب و كلمهم وانا عندهم قالوا فيه غرفة متوفرة..قلت توكلنا على الله ...
وانطلقت مباشرة للأوتيل وكان الطريق واضح جدا وعشان اسهله اكثر الكل يعرف طريق الملك فيصل الي يودي للمطار اذا جاك الكبري الي يودي لضاحية الشيف طبعا تنزل من تحت الكبري و تدخل يسار تجيك اشارة عشان توصل لهاني سويتز ادخل يسار من الاشارة و امشي 400 متر و بتلاقي الاوتيل على يمينك اصلا اول ما تلف يسار من الاشارة بتشوفه واضح ..ووصلت الاوتيل ( لن أضع الصور الخارجية لان الاخ زاز سبقني و نزلها) ودخلت الرسبشين قلت لهم فيه حجز باسمي قالوا ايه و لكن للاسف اخر غرفة راحت قبل شوي و لكن بنسوي لك upgrade وبنعطيك سويت بغرفتين قلت خير و بركة وبنفسي اقول لو بعد جبت باقي الاسرة الكريمة كان زين و طلعت الغرفة و ماشاء الله كانت جميلة و من باب ذكر المحاسن و العيوب واجهتني مشكلتين :
1- طبعا اكرمكم الله دورات المياه فيها ديكور مجموعة ححجر محاطة بالبانيو بمكان مخصص و لكن لما دخلت لقيت الحجر منثر برا المكان المخصص له و لقيت علب الشامبو طايحة بوسط البانيو الشهادة لله المكان كان نظيف و لكن هالشي بشكل عام و لكن غاضني هالشي كلمتهم و جا عامل و رتب سريع يرسع والحمدالله .
2- المشكلة الثانية الله يكرمكم بدورة المياة بعد للحمام الي بالغرفة الثانية المغسلة كانت مسدودة يعني تغسل ولاينزل الموية تحت بحكم اننا ننام في الغرفة الرئيسية ما دققت على هالموضوع و مشيتها ولكن لينتبه الي بيروح.
أظن طولت عليكم بالمقدمة و لكن هذي الصور :
من عند المصعد
المدخل
الصالة
منظر ليلي للصالة
المطبخ
مدخل غرفة النوم
غرفة النوم طبعا الغرفة الثانية كذلك نفس النظام دبل سايز السرير
منظر نهاري للسرير
دورة مياة الغرفة الرئيسية وزي ما تشوفون الحجر الي قلت لكم انه كان خارج عن مساره
دورة المياة في الغرفة الثانية :
تذكرت نقطة باب الحمام ذكر الاخ zazaz ان ابواب دوراة المياة في النظام الايطالي كانت شفافة و لكن هنا في النظام العربي كانت مثلجة كما في الصورة التالية
واتمنى لاي شخص يقيم هناك اقامة سعيدة و ممتعة ..
طبعا تمنيت اني جبت كاميرة اليجتال لكن نسيت و عاد صورت بالايفون ..
بالتوفيق و انا حاضر لاي استفسار..
مواضيع عشوائيه ممكن تكون تعجبك اخترناها لك:
- معقوله يا
- السفر من السعودية للبحرين ببطاقة الأحوال المدنية
- اسعار الشقق ولإيجار في البحرين حالياً؟
- استفسار عن مجموعة من الفنادق ؟
- متى موعد النساء في جنة دلمون
- استفسار السيارات الايجار منتهي بالتمليك لاهنتوا
- شقق عائلية في البحرين
- سؤال حول محمية العرين انا من السعوديه
- شقق سحاب
- البحرين تستعد للاحتفال بعيد الفطر المبارك
- من يعرف هذا الكوفي شوب؟
- استفسار عن الدوائر الحكومية
- ارض الـمـعـارض
- احبابنا اهل البحرينالكرام هل يوجد خياطي بدل رجاليه من الجنسيه الفلبينيه ؟
- أخر الأخبار إفتتاح أولى متاجر ويتروز في البحرين
- شقق في الجفير ،؟
- استفسار عن مطعم لوباتو
- المساعدة ياأهل البحرين الطيبين
- شقق البحرين و اسعارها
- أماكن السباحة في البحرين
المفضلات