الموضوع: ممكن برنامج سياحي عائلي ولمدة ايام يا شباب

السلام عليكم
باذن الله رح اكون بدبي مع اسرتي خلال الفترة من 19 الى 25 يوليو
وحاب تقترحون لي جدول سياحي
في دبي 4 ايام والفجيرة بوم والعين يوم
ملاحظة: انا عارف ان في تقارير مصورة شاملة بس تراها وايد وتضيع :114:
ومشكورين مقدما :101:

مواضيع عشوائيه ممكن تكون تعجبك اخترناها لك:

• استفسار مهم ضروري الرد
• طيران داخلي من أبو ظبي الى دبي
• السكن في الامارات
• بشرى ساره للمسافرين الى دبي او الدوحه من المملكه العربيه السعوديه برا
• كم تكاليف رحلة اسبوع ؟؟؟؟
• إلى أهل دبي الاعزاء ارجو المساعدة
• معايدة
• تجربة تجنننن في بوا ستيك هاوس أبوظبي
• «روتانا جت» تدشن رحلتها الأولى من أبوظبي إلى الفجيرة
• فهرس للفنادق في دبي
• بوفيه فطور رمضان بدبي
• دانبو بلييييييييييز
• زيارة للامارات من لغاية اي نصائح لمكان للسكن رخيص واماكن تستحق المشاهدة
• القريه العالمية
• استفسار عاجل استأجر سيارة وإلا أخليها ع التكاسي في دبي
• العربية للطيران تدشن مركز إنهاء إجراءات السفر بمركز لامسي ببر دبي
• استفسار عن فندق في دبي
• اريد السفر للامارات ساعدوني
• سعر التذكره الرياضدبي الخطوط السعوديه
• محتاجه ردودكم يا اصحاب الخبره

شدعوة ولا رد!!

اخوي شنو بظبط اللي تبيه وانا حاااظر
بس حدد
اذ تبي بكج كاامل موجود
بنتظااااااااااارك

بكج كامل توكل على الله ... وما تقصر يا الغالي

هلا بو فطومه معاك بو فطومه

اخوي العوايل زين لهم السكن بدوست او انجسيانا شقق فندقية حلوة الخطوط الكويتية مسويه عليها عرض سكن وتذكرة

اغلب العوايل يمدحون هالامكانين وحط حجز تذاكر من الحين وبعدين اثبتلك على فندق عشان لا يرتفع سعر التذكرة


انا رايح السبت 11-7

واحد العضوات حطت شي مختصر وجميل كالتالي لزيارات اختار اللي يناسبك

. دبي مول ( أحدث أسواق دبي, تسوق- مطاعم- تزلج- حديقة أسماك- نوافير راقصه – سينما)
2. دبي فيستيفال سيتي ( يوجد به ممر مائي وقوارب مجانيه- تسوق- مطاعم- سينما)
3. مول الامارات ( تسوق- مطاعم- سوبر ماركت- ملاهي- مدينة الثلج "سكي دبي"- سينما)
4. ابن بطوطه مول ( تسوق- سوبر ماركت- ملاهي- مطاعم)
5. مركز تايم سكوير (تسوق- مطاعم – المقهى الثلجي "تشيل أوت")
6. مركز سيتي سنتر ( تسوق- سوبر ماركت- مطاعم- ملاهي- سينما)
7 مركز برجمان ( تسوق ماركات غاليه- سوبر ماركت- مطاعم)
8. سوق التنين ( سوق منتجات صينيه مخفض)
9. أوت لت مول ( تسوق ستوكات ماركات مخفضه- بعض المطاعم)
10. لامسي بلازا ( مركز تسوق بنظام الأدوار: كل دور اختصاص نسائي- أطفال- مستلزمات منزليه- سوبرماركت- مطاعم- ملاهي صغيره)
11. سوق مرشد ( سوق شعبي مفتوح للجلابيات)
* أماكن الترفيه:
1. الباص البرمائي ( جوله على أبرز مناطق دبي في البر والبحر بنفس الباص)
2. رحلات السفاري ( رحلات بريه + غداء أو عشاء)
3. الممشى (the walk) (مقاهي- مطاعم- نوافير راقصه على البحر)
4. أتلانتيس (ملاهي مائيه- حديقة أسماك)
5. وايلد وادي ( ملاهي مائيه)
6.وندر لاند (ملاهي مفتوحه+ ملاهي مائيه)
7. ملاهي بوابة النجوم في حديقة زعبيل (حلبة سباق سيارات- العاب ثلاثية الابعاد-ملاهي- تزلج-مطاعم)
8. الخور (جولات بالقوارب- أو قوارب عشاء وغداء)
9. مدينة البوم ( قارب عشاء)
10. حديقة الخور (حديقه على البحر- تلفريك- مدينة الطفل "مركز تعليمي وترفيهي")
11. متحف دبي ( متحف للشمع والأثار القديمه)
12. قرية الغوص (قريه تراثيه على البحر- يوجد غواصه)
13. مدينة مدهش ( تفتح في الصيف: ملاهي وعروض مسرحيه)
14. القريه العالمية ( تفتح في الخريف والشتاء)
15. منطقة المارينا (مقاهي ومطاعم على البحر)

شوف راح اعطييك موقع عرب لينك والله ماراح اتحصل ارخص منهم
واذا ماعجبك اسعاارهم وخدمتهم انا كفيل غرام شرايك بعد
والبكج هذا اختاار اللي يناسبك انت واليهاال والباجي قطه بحر اذا حجيتهم قولهم انا يااي من طرف ولد_الكويت وبشر بالخير
http://www.arabtravelersforum.com/travel253309/
____________________________________
وهذا ممشى الجميره ترا خوووش ممشى باللليييللل شي
http://www.arabtravelersforum.com/travel293418/
______________________________________
شوف ولد عمي اتصحك لله والله لايوجد بين عرب لينك اي علاقه الللي اني متعاامل معااهم من 2007 وقمت الاحترام وبعض العروض يعطونك سياره معااها مجااني
وهذا موقهم وفيها كل العروض وفيه صفحه بخصوص راي الاعظاااء شوفها قولهم انا عظو لانه لنا خصم
http://www.arabtravelersforum.com/travelarab231/
بتووفييج وانا لحقق بتاريخ 15_ ترودون بسلامة اي استفساار انا حااظر

وهذا عرض من عرب لينك على ممشي الجميره
اهم شي انك ماتحووس مثلي مع اليهااال ( - _ - )
خلهم يحووسون جداام عينك برك من حووست الموولات
كككككك
http://www.arabtravelersforum.com/travel295777/

ريد مان
ولد ديرتي الغالية
شكرا جزيلا لكم
وبارك الله فيكم
وبإذن الله رح اعتمد على هذا الموضوع من بعد ربي في سفرتي

ولد ديرتي
انا حجزت الفندق من الكويت
حصلت خوش عرض
سويت + إفطار
فندق 5 نجوم "فندق سمايا"
بــ 45 دينار كويتي فقط
لكن السيارة بإذن الله بستأجرها من عرب لنك
طرشو لي خوش عرض على ايميلي قبل يومين
وشكرا على التواصل

الله والنبي محييك
تروح وترد بالسلامه

السلام عليكم اخوي

يا مرحبا والله

اسمحلنا على التأخير ياخوي

ابعطيك هالبرنامج وان شاء الله يعجبك انت وعايلتك

دبي

اليوم الاول :

ابن بطووووطه موول http://www.arabtravelersforum.com/travel56380/
من ثم الذهاب إلى مول الامارات ودخول الحديقه الثلجيه الموجوده بها
http://www.arabtravelersforum.com/travel48010-2/
http://www.arabtravelersforum.com/travel158174-2/

اليوم الثاني :

الصباح إلى مدينة مدهش الترفيهيه
ومن ثم الذهاب إلى دبي فيستفال سنتر ( مول الفيستفال قريب من مدينة مدهش )
http://www.arabtravelersforum.com/travel114987/
فالليل .. يا انك اتروح على خور دبي وتركب لك قارب سياحي ياخذك بجوله جميله على خور دبي
او انك اتروح على قرية البوم السياحيه وتركب قاربهم وتتعشون فيه

اليوم الثالث :

الصباح اتروحون على جزيرة نخلة جميرا وتتمشون فيها وتروحون على فندق ومنتجع اتلانتس وتتمشوون فيه
ومن ثم الذهاب لـ دبي موووووووووول وتدخلون الاكوريوم المائي و مركزالاستكشاف
المغرب تروحون على الكافيه الثلجي
http://www.arabtravelersforum.com/travel143257/
وبعدها على THE WLAK وتتعشووون فيه
http://www.arabtravelersforum.com/travel293418/

اليوم الرابع :

الصباح تروحون لـ سيتي سنتر
فترة العصر تروحون لـ حديقة خور دبي وتركبون التلفريك والحديقه بها مدينه ترفيهه وتعليميه للاطفال واسمها ( مدينة الطفل ) http://www.arabtravelersforum.com/travel193420/
وفي الليل تروحون على مركز وافي سيتي

http://www.arabtravelersforum.com/travel294601/

وهالدليل السياحي راح يفيدك اكثر :http://www.arabtravelersforum.com/travel295584/


بخصوص مدينة الفجيره

بصراحه ما انصحك بها لانها شوي بعيده عن دبي وصغيره وما فيها اماكن سياحيه كثيره

انصحك اتقضي لك يومين في مدينة العين



العين تبعد عن دبي : ساعه وربع بالسياره والطريق اليها جدا سهل

بخصوص الفنادق : يوجد بها الكثير من الفنادق والشقق الفندقيه وابرزها الهيلتون وروتانا

انصحك تسكن في فندق ميركيور الموجود في قمة جبل حفيت
بصراحه راح تعيشون تجربه فريده من نوعها

البرنامج اليومي :

الصباح تروحون لـ العين موووول
العصر ع حيوانات العين
على فترة المغرب تروحون لـ مبزره الخضراء

مبزره الخضراء يوجد بها :

مسابح مياه كبريتيه خاصه للرجال والنساء والاطفال
منطقة العاب الطفال
مطاعم
شاليهات للايجار
بحيره قوارب

ومبزره الخضراء ملاصقه لـ جبل حفيت ومن الفندق يعني من مبزره على الفندق

وتقدرون تقضون فيها فترة الليل بها

اليوم الثاني :

الصباح تروحون لـ الجيمي مووول

ومن ثم تقدرون تزورون سلطنة عمان وبالتحديد مدينة البريمي الملاصقه لـ مدينة العين

البريمي مدينة صغيره وجميله وهادئه ويمكن الدخول لها بالسياره عن طريق جواز سفر او هويه

فترة العصر تقدرون تروحون على مدينة العاب هيلي ( العاب كهربائيه + صالة تزلج ) وتعبر هالحديقه من اقدم الحدائق الترفيهيه فالامارات

ومن بعدها تقدرون ترجعون لـ دبي

وهذي بعض الصور لـ مبزره الخضراء









جبل حفيت



قمة جبل حفيت

موفقين انشالله
وانا انشالله بعد باجر الصبح مسافر لدبي

موفقين خير ... ودرب السلامة إن شاء الله