الموضوع: الاجواء الوقت الحالي

السلام عليكم

انا ذاهب الاسبوع القادم واريد ان اشتري ملابس الخاصه بسفر فأحب استفسر عن الاجواء هناك والملابس المناسبه لها

الغرض دراسة اللغه الانجلزيه لمدة شهرين فما تنصحونني به

الف شكر لكم

مواضيع عشوائيه ممكن تكون تعجبك اخترناها لك:

• اكمال الدراسه بعد الحصول على
• ماهي الجامعات المعترفه في استراليا ونيوزيلاندا لمن اراد الابتعاث هناك
• دنيدن ، شهرين لغة ، نصائحكم
• شرطة نيوزيلندا تعتذر لطالب سعودي
• هلستون فراولة يحيكم من ارض الوطن
• ترقبوا قريبا
• كورس بزنس في معاهد نيوزلندا
• طلب
• ممكن سؤال عن التكلفة الاسبوعية للسكن مع عائلة المعهد
• استفسار عن المسافات بالساعة بين مدن نيوزلندا الجنوبية
• تجول في نيوزلندا عبر الاقمار الصناعيه
• شباب المكتب نكبني بالاصح وهقني مساعدتكم
• سؤال عن الفيزا الترانزيت
• خدمة البلآك بيري
• معد جيد رأيكم بـ معهد ؟؟
• أريد التحويل من أمريكا إلى نيوزيلندا ساعدوني
• ماذا عن مدن الترانزيـت المدن التي تتوقف فيهـا الطائرات المقلعة من السعودية مثلاً
• مشاهدة مباراة السعودية و استراليا على قناة نيوزلندية؟
• مسافر لمهمة عمل ابي مساعدتكم
• ماهي أشهر الصيف والشتاء في نيوزلاندا

المشاركة الأصلية كتبت بواسطة أسامة العتيبي
http://www.arabtravelersforum.com/tr...8/#post4610778

ما هي الأشهر التي يكون بها فصل الشتاء ، الربيع ، الصيف ، الخريف؟

صيف : 12 ، 1 ، 2.. خريف : 3 ، 4 ، 5.. شتاء : 6 ، 7 ، 8.. ربيع : 9 ، 10 ، 11
(بالميلادي)





هذا اقتباس من رد مشرفنا أسامة
في موضوع :- http://www.arabtravelersforum.com/travel461640/

وأنصحك فيه
لأن خبراء يعني ناس راحوا ويعلموووونك عن اي شيء يفيدك كمسافر ويكون كمشكلة الى أي شخص جديد

انت رايح في اشهر الشتاء خذ قفازات وكاب وشال وجاكيت واغراض البرد كاملة

سفرة سعيدة وتوصل بالسلامة

تحياتي لك

يقول المثل حدد موقفك حدد .. وانا اقول حدد موقعك حدد

الى اين الوجهه بنيوزيلند .. الى الجزيره الشماليه ام الجنوبيه

الثنيتين عندهم شتاء العكس عندنا .. الجنوبيه صقيع .. والشماليه اقل بروده بكثير بالمعني انك تطلع فوق تنزل الحراره وهكذا

واشتر لك شتوي والله الله بالشرابات حقين الشياب ترى تخش وياها جو هع

المشكلة يارجال وين احصل ملابس شتويه هالوقت هذا ! كل العالم تحس بموجه من الحر الجاف المليء بالسموم وين نبي نحصل جاكيت نبي اشياء حلوة اللي يعرف شي كذا بالرياض حلو يبيع اشياء جديدة لايبخل علينا

والله يا اخي انا كلتها على اولها مثل مايقولون واصعب منك لدرجه اني دورت ملابس قبل شهرين من سفرتي

وحست الديره حوس علما اني من الشرقيه درت بالخبر والاحسا .. ماتلقى اللي ببالك وانا اخوك وان لقيت تلقالك شي ماحد شراه من كثر شينه

الشي اللي انا اتبعته اني حاولت ادور ملابس قد ما اقدر .. شريت من زارا ومحل اسمه نيويورك عندنا بالاحسا ..

ومع هذا ماشريت كل شي ولا حصلت خصوصا الجكيتات .. ومن الوهقه اللي طحت فيها خذت من اخوي وماقصر صراحه ارسل لي الدعم ولا كنت راح اشتري من هناك

الله يساعدك

بالنسبة للغربية

في جدة المولات كثيره وتلاقي في كل سوق قسم كذا جاكيتات وقفازات وكذا

اما مكة مركز العائلة العزيزية الجنوبية عندهم جاكيتات وملابس شتوية روووعه
وسوق السلام وباوارث

الفروات بس ماتخارج في نيوزلندا
دائما الاقيهم عند الخطوط السريعه جاعد وفرو

حدي هذا وانت بالشرقية ماحصلت بس يمكن جووكم مرة حار ورطوبة
لكن الرياض ان شاء الله في شي بس مادورت والرياض أكبر قلق أدور والا اروح لسوق علشان كذا الواحد وده ينحر محلات او مول معين يخلص شغله ويمشي ماحب القلق والزحمة ههههه

سوبر مافهمت قصدك بالنسبة للفروات ؟
قصدك ماتنفع يعني؟ بصراحة انا والله من هواي البر والمكاشيت خخخخخخخخ الود ودي اتلحف بفروتي بنيوزيلندا مع الخضار الله الله احساس مش طبيعي

بس المشكلة ياخوك الوزن احس الفروة بتاخذ نص الوزن علشان كذا مكنسلها هههههه

المشاركة الأصلية كتبت بواسطة what3v3r
http://www.arabtravelersforum.com/tr...4/#post5594614

المشكلة يارجال وين احصل ملابس شتويه هالوقت هذا ! كل العالم تحس بموجه من الحر الجاف المليء بالسموم وين نبي نحصل جاكيت نبي اشياء حلوة اللي يعرف شي كذا بالرياض حلو يبيع اشياء جديدة لايبخل علينا




في البطحاء عمائر الراجحي وما حولها ... تجد كل شيء ...

وانت رايح للبطحاء فيه سوق الشعلة في طريق الوزارات بجانب وزارة الدفاع فيه محلات كويسة على خبري .

تحية .

تبي تقوللي ان اجوائكم ربيعيه بالرياض ههههههههههههههههههههه

احنا رطوبه وحر وغبار .. انتو غبار وحر .. يعني جوكم احسن طلعت صادق خخخخ

كلامي مره ثانيه دور لين تتعب نفسك واذا نقصك شي اتجه للفزعه

مسافر متزن مشكور يالغلا بحاول امر على اكبر قدر وان شاء الله اسير على اللي قلت لي


حدي لايارجال كل السعودية تشكي من الحر خخخخخخخخ وان كان الديرة ماش لك عليها تلقى في عجاج وغبار من تارة الى اخرى هههههههههه يعني انتم على الاقل عندكم بحر يشفع لو هو حررر اما انا وربعي تلفت بالاستراحة وملاحق

الله يجزاكم خير على التفاعل معي

انا ذاهب بأذن الله اوكلاند

اجل الله يعين بكره بلف الرياض لف

المشاركة الأصلية كتبت بواسطة حدّي مصــر
http://www.arabtravelersforum.com/tr...8/#post5594698

والله يا اخي انا كلتها على اولها مثل مايقولون واصعب منك لدرجه اني دورت ملابس قبل شهرين من سفرتي

وحست الديره حوس علما اني من الشرقيه درت بالخبر والاحسا .. ماتلقى اللي ببالك وانا اخوك وان لقيت تلقالك شي ماحد شراه من كثر شينه

الشي اللي انا اتبعته اني حاولت ادور ملابس قد ما اقدر .. شريت من زارا ومحل اسمه نيويورك عندنا بالاحسا ..

ومع هذا ماشريت كل شي ولا حصلت خصوصا الجكيتات .. ومن الوهقه اللي طحت فيها خذت من اخوي وماقصر صراحه ارسل لي الدعم ولا كنت راح اشتري من هناك

الله يساعدك



مسّيك بالخير اخوي حدي مصر، والسموحه ياراعي الموضوع باسأل الرجال عن شغله،

وين محل نيويورك اللي قلت عنه بالاحسا

يعطيكم العافيه

المشاركة الأصلية كتبت بواسطة safety280
http://www.arabtravelersforum.com/tr...8/#post5601268

مسّيك بالخير اخوي حدي مصر، والسموحه ياراعي الموضوع باسأل الرجال عن شغله،

وين محل نيويورك اللي قلت عنه بالاحسا

يعطيكم العافيه




المحل تلقاه بالاحساء مول اجدد مول بالاحساء على الدايري بعد الدوار الاول ان ماكنت من اهل الديره

المحل حليو وتلقى فيه ملابس شتويه عكس باقي المحلات مستحيل تلقى شي . . وزارا رجالي بنفس المول فيه كمن شغله شتوي تمشي الحال للمظطر

بالتوفيق

المشاركة الأصلية كتبت بواسطة ابو غازي الحبابي
http://www.arabtravelersforum.com/tr...8/#post5599698

الله يجزاكم خير على التفاعل معي

انا ذاهب بأذن الله اوكلاند

اجل الله يعين بكره بلف الرياض لف





لاتنسانا اذا حصلت شي يالغالي

ياشباب مشكلتكم انا مريت فيها قبل
لاني مافكرت بالسفر الا يوم جاء الصيف وضفت المحلات بضاعة الشتاء

لكن بعد تعب وبحث عن ملابس شتويه لان وزني تغير شوي وسمنت هههه قلت لازم اجدد الملابس الشتويه لانها قليلة عندي ومتعود بالشتاء على الثوب الشتوي والشماغ

المهم بعد تعب وتدوير

لقيت سوق قريب للبطحاء .. الي يبي بالطوات وجاكيتات والله ان الي عنده احسن من الي بالعلياء ومره جلست اسولف مع سوري راعي محل قال عندنا فرع بشارع العلياء ورح شف الي انت اشتريت بكم هناك .. صراحه طار عقلي وقلت الحمدلله على ان الدجة معلمتنا قيمة القرش هههههههه
والناس بالعلياء تضف أشياء بالآلاف وهي ماتسوى شي

الجمع هذا تمسكون طريق الملك موجهين للبطحاء
لين يجي مخرج طريق المدينة المنورة
تطلعون فوق وبعدين تاخذون يسار من عند الإشارة وكأنك موجه لقصر المصمك والبطحاء وسوق الصقور الجديد
بعدها تجيك اول اشارة لاتعديت سوق الصقور بعد التحويلة الي فيها مديور كبير
خذ مع الاشارة يسار
اول اشاره تجيك بعدها شف فيه مجمع ابن سليمان وبالزاويه قدامك مكتوب بوابة مكة وكل بوابة مسماة بأسم مدينة سعودية

اول ماتدخل بتلاقي زنقة بالوسط محلات كلهم عارضين بلايز صوف وبالطوات وجيكيتات واتر بروف

بتدعون لي لان بضاعتهم تستحق




المكان الثاني سيدا على الدائري الشرقي
وكأنك جاي من مخرج عشرة بإتجاه مخرج 11
اطلع مع 11 وخذ يسار
شف بآخر الشارع بعد اشارتين او ثلاث بتلاقي المتجر الوطني لوحته احمر بأسود ومعروضة فوق
ادخله وبتلاقي عنده بضاعه شتويه انا مار عليه قبل كم يوم

واتمنى اني افدتكم

بالتوفيق

بتوفيق لك اخوي وجمع معلومات انشاء الله رايح بس ابي خبرة
عااااد لاتنسي تتواصل معانا هنا وتعطين العلوووم .. اخوك يبي يروح وورطان

لاحد ينسى ياشباب لما تخش المحلات الكبيره يعني الماركات لانها صارت لي بزارا

شريت اشياء والله ماتستاهل خمآجيم

المشاركة الأصلية كتبت بواسطة حدّي مصــر
http://www.arabtravelersforum.com/tr...2/#post5604602

المحل تلقاه بالاحساء مول اجدد مول بالاحساء على الدايري بعد الدوار الاول ان ماكنت من اهل الديره

المحل حليو وتلقى فيه ملابس شتويه عكس باقي المحلات مستحيل تلقى شي . . وزارا رجالي بنفس المول فيه كمن شغله شتوي تمشي الحال للمظطر

بالتوفيق



بيض الله وجهك، وبدعي لك في صلاة الفجر اليوم