ماقصرتو تعبتكم معايا طلعت الرحله بيونيو مو اغسطسبس انا خبصت
ماقصرت ابو فارس عالارقام ان شاء الله تكون معاهم بس مهي مقفوله وباقرب فرصه ندق عليهم بحول الله الأرقام تشتغل وبالأمس متواصل معهم لأن فيه زميل لي مشى لماليزيا بالأمس ووصيتهم عليه ..
كذلك لدي سفره في نهاية مايو مع بداية يونيو 10 أيام أندونيسيا و 5 أيام لجزيرة السحر الحلال بينانغ ..
بس الفنادق مارشحتوها ليا
ع حسب ميزانيتك , وبالنسبة لكوالا أرشح لك عدة فنادق بناء ع موقعها وتقييم النزلاء فيها:
Traders Hotel Kuala Lumpur
تريدرز خمس نجوم التقييم 9.1 رائع والسعر لليلة 476ريال مع إلغاء مجاني غرفة ديلوكس
InterContinental Kuala Lumpur
انتركونتننتال خمس نجوم التقييم 8.6 رائع والسعر لليلة 471 مع إلغاء مجاني غرفة ديلوكس
Hilton Kuala Lumpur
هيلتون خمس نجوم التقييم 8.5 جيدجداً والسعر لليلة 490 مع إلغاء مجاني غرفة ديلوكس
Le Meridien Kuala Lumpur
ميريدان خمس نجوم التقييم 8.5 جيدجداً والسعر لليلة 544 مع إلغاء مجاني غرفة ديلوكس
هذي من أفخم الفنادق في كوالا وهذي أسعارها لليلة واحدة وفيه فنادق أربع نجوم خورافية أيضاً وسعر الليلة 300 ريال وفيها ..
ميزة كوالالمبور أسعار الفنادق فيها متاحة للكل ..
بالنسبة لبينانغ أرشح لك فندقين:
Golden Sands Resort by Shangri-La
قولدن شانقريلا أربع نجوم والتقييم 5.4 جيد جداً والسعر لليلة بغرفة رفيعة المستوى مع إطلالة 480 مع إلغاء مجاني
Holiday Inn Resort Penang
هوليدي إن أربع نجوم والتقييم 5.2جيد جداً والسعر لليلة بغرفة رفيعة المستوى مع إطلالة 440 مع إلغاء مجاني
هذي عرض لبعض الأسعار من خلال موقع البوكنق , وتقدرين تتحكمين بالسعر ع حسب ميزانيتك تزيدين وتنقصين في مستوى الفندق ..
وحددي الأيام والتواريخ والأماكن وأبشري نساعدك إن شاء الله في اختيار الفنادق المناسبة ..
وكوالا كم يوم يكفيها تقريبا انا قلت سيلانقور يومين ولنكاوي3 وبينانق5 الكاميرون2 كوالا4
مدري بيانق كتير عليها خمسه والا تمام
بينانغ خمس أيام ماهي كثيرة عليها نهائياً وراح تذكرين الكلام هذا أن شاء الله
وسيلانقور لانها كلها لعب ودي اقسمها على يومين بعيد عن بعض مدري ينفع لانو ما ابي نلعب يومين ورا بعض يوم بالالصن واي لاقون ويوم بالماينز
وكمان الحدايق في حديقتين حيوان وحده بكوالا ووحده في بينانق ايت افضل فيهم وكمان الاكواريوم واحد بكوالا وواحد بلنكاوي ايت نختار يعني تختلف عن بعض وتستحق الزياره كلها
وكمان الحدايق سمعت بعض الحدايق ماهي هالقد زي الفواكه والفراشات والتوابل اش نصايحكم
بالنسبة لحديقة الفواكه والتوابل في بينانغ لاتفرطين فيها أبد أبد أبد ممتعة لأبعد درجة ..
أما بقية الحدائق فكان لي معها تجربة وللأسف كانت مجدر وقت ضائع ..
فيه حديقة الفراولة في جنتنغ تدخلين ويعطونك علبه ومقص ,, وتدورين ع الفراولات وتختارين الي يجوز لك بعدين توزنينها وتحاسبين عليها وتغسلينها وبالعافية تاكلينها .. هذي حليوه وفيها تغيير جو ..
اقلكم حافظه الدرس مزبوط احفظي الدرس مزبوط ونصيحة أخ لاتكثرين المشورة لأن الناس لهم أذواق ولهم آراء ومع كثرتها راح تتشتتين .. شاوري بحد معقول واتسعينوا بالله .. والأمر سهل جداً والسواقين هناك بيخدمونك بشكل كبييييييييييييييييييييييير ..
المفضلات