الموضوع: بالعيد والا بفبراير ش رايكم

حبايبي وهلي اهل الكويت اسعد الله مسائكم وجميع اوقاتكم بكل خير ومسرة كيفكم وكيف رمضان وياكم على كل مابي اطيل بصراحه من زمان نفسي زور الكويت وماحصلي الشرف وباذن الله قررت انه هاالسنه ماطوف بعد كنت فكرت ازور لكويت بالعيد وبعدين ترددت بناء على اقترح صاحبي اتركها وااخليها بمهرجان فبراير ش رايكم شنو الانسب من جميع النواحي :114::24:

والله يحفظكم
اخوكم/خالد الرياض

مواضيع عشوائيه ممكن تكون تعجبك اخترناها لك:

• ورطتي في الكويت
• زياره خاطفة الفزعة
• بلازا أثيني للشقق الفندقية الراقية
• وينكم يا بنات الكويت
• رحلات بحرية على الشاطئ
• مرئياتي ونظرتي للكويت انا والمدام
• أهل الكويت هل يوجد خيام راقية قريبة من الكويت للايجار ؟
• فنادق الكويت استفسار
• سعودي يبغى المشوره منكم
• استفسار بخصوص الاوضاع بالكويت
• شباب و بنات تعالوا قولوا شنو أحسن نادي صحي و أحسن دورات تعليم انجليزي
• مطعـم قيصــر ♥
• مسافر الكويت بكره ومحتاج مساعدتكم
• حفلات فبراير؟ سكن ؟
• الي احبتي اهل الكويت الاعزاء
• عاجل بكره مسافر وضروري الرد
• مطاعم علي بحر الكويت صور
• إفتتاح فندق أول فرع في الشرق الأوسط
• حملات الحج الكويتية يا أهل الكويت
• محتاج فزعتكم يا أهل الكويت

والله الكويت حلوة بشهر يناير و فبراير..


فأنصحك بمهرجان "هلا فبراير"

يفضل الحضور الي الكويت بدون وجود مناسبات علشان مايكون في زحمة في الأعياد يكون الازدحام شديد على كل المرافق

انا افضل ان تحضر الي الكويت في اي يوم من ايام السنة وخصوصا ان درجات الحرارة بدأت بالانخفاض التدريجي

حياك الله وإذا ما تشيلك الدار تشيلك العين .. هاليومين وخاصة بعد المغرب الحر بدى يخل ودرجة الحرارة 38 أول المغرب وتبتدي تخف تدريجياً ليلاً ، والمجمعات والطاعم والأماكن الترفيهية ما تفرق معاك زرتها شهر 10 أو فبراير .. الي يفرق معاك أنك إذا ييت بالعيد راح تقدر تتمتع بالمرافق البحرية والنشاطات البحرية اما باجي المرافق فمكيفة :101: وأنت أختار وندلك أشلون تستانس ووين تروح بالديرة

بالعيد زحمه ومصخره

خلك في بيتك احسن

ياهلا ويامرحبا اخوي خالد


أنصحك في هلا فبراير بسبب كثرة المهرجانات ويكون الجو في شهر 2 فبراير ممتاز جدا

هلا فيك اخوي خالد
و حياك الله بديرتك الثانيه
الاحسن انك تنتظر لشهر فبراير
عشان الفعاليات و الوناسه
اما بالعيد كل شي زحممممممممممه
يعني ما راح تشوف الكويت بزحمة العيد
و انت براحتك

بشهر 2 الجو حلو و اقل زحمه من العيد


وحياك الله بالكويت

شهر 2 الجو احلى من العيد......العيد زحمة!!
وفي خصومات بالفنادق والمجمعات التجارية بمهرجان هلا فبراير.....

نصيحتي خلها بفبراير(جو حلو - اسعار اقل -الديرة مو زحمة - بتستانس اكثر من العيد)

مثل ما قالو الاخوان شهر 2 وايد احسن

ما انصح ابدا في فتره العيد .... احنا اهل البلد ما نطلع في العيد من كثر الزحمه
فالافضل لك شهر فبراير خصوصا ان الجو يكون وايد حلو
وحياك الله بالكويت

حياك الله اخوي والله راح تتعب بلعيد من الزحمه انصحك بشهر فبراير مهرجانات ووناسه اكثر والجو متعه وخصومات من الفنادق وجميع المجمعات وانت اختار ولا تحتار وحياك الله بديرتك الكويت

كنت باسأل نفس السؤال .. بس ما قصروا كفوا وفوا ..

اشكر الجميع على تفاعلهم وارائهم والملاحظ ان التصويت كله تقريبا على شهر ثنين فبراير فبالتالى بحيل الله اشيل فكرة العيد من راسي وبحيل الله ارتب حق المهرجان جزيل الشكر مرة اخرى اقدمه لكم والله يسعدكم

أغلب الزملاء ينصحون الزيارة بشهر فبراير وأنا معهم ومتفق معهم .

مع طيب الإقامة بالكويت

تبي تستانس بالزحمه وناسه تعال بالعيد انصحك لان هلا فبراير مو نفس العيد عندي الاماكن السياحيه زحمه وانا من ناحيتي احب الزحمه وهلا فبراير حلو بعد تعال بالعيد وفبراير

تشلك العين

الف شكر لك ياغالي وتسلم وان شاء الله يرجعوا يتذكروك اللى نسيوووك:24::109: وكل عام وانت بالف خير