الموضوع: متي يحتفلون في القرقيعان فعاليات المهرجان

بجاوب بالنيابة ... أحسب نفسي من أهل الكويت :-)

القرقيعان معروف وهو ليلة الناصفة (ليلة 15 رمضان) وهي احتفالية شعبية لها جذور تاريخية ودينية في بعض الدول. ودول الخليج كلها تحتفل بهذه المناسبة الخاصة. لكن في السعودية تشوف القرقيعان يمكن بالشرقية بس.

على كل حال.

القرقيعان أساساً شعبي بين الناس ... لكن الزمن تطور وصارت الفعاليات في الكويت تشمل حتى المراكز التجارية والشركات و البنوك . البارحة كان مجمع المثنى مسوي القرقيعان ماله. و المجمعات و الفنادق في العادة يخصصون يوم مختلف عشان يكسبون أكبر حضور.

القرقيعان من العادات والتقاليد المتوارثة في منطقة الخليج حيث كان الاطفال ومازالوا يحتفلون بها ويمارسونها في ليالي الرابع عشر والخامس عشر والسادس عشر من رمضان وكان الصبيان والبنات يستعدون لهذه المناسبة بعد العاشر من رمضان فيقومون باحصاء المنازل التي سيطرقون ابوابها، كما يهيئون اكياسا تخيطها لهم امهاتهم، يدلونها حول اعناقهم من اجل ذلك كان اصحاب الدكاكين يقومون بخلط المكسرات مع النخي والنقل والسبال والبيذان والجوز والتين والمجفف والبرميت، وتعرف هذه المكسرات بقرقيعان أي الشي المخلوط والمتعدد الاصناف.

ما قصروا اخواني
بس بأضيف:
اشكال القرقيعان تلقاها في اماكن كثيره... منها اماكن بيع الحلويات مثل الفوز ...
لكن الاحسن انك تشتري الحلويات و تعبيها بنفسك بأكياس القرقيعان ... تلقاها بكل مكان... و ممكن تحصلها عند أبو ميه و عند الاسواق ...
و حياكم الله

القرقيعان :
________

ليلة 13 و ليلة 14 و ليلة 15 و زيادة ليلة 16
(( يعني : امس و الليله و بكره و بعده ))






طبعا اذا حاب تشوف اليهال اللي يقرقعون

تلقاهم عن البيوت عقب صلاة التراويح اب ساعه يبدون يعني عالساعه 8




او


في يوم البحار




و اليوم راح يحطون عن القرقيعان على تلفزيون الوطن

برنامج "استريح" الساعه 10 بليل توقيت الكويت

و بعد

على تلفزيون الكويت

الساعه 9.30

برنامج الاطفال : كيس قرقيعان "اظن اسمه جذي"









و تلقى القرقيعان

في محل "الخباز - Mr Baker"

مطحنة "الرفاعي"
مطحنة "الفوز"












و بالنسبه لـ حلاوة العيد

تلقاها في


محلات الحلويات


مثل :

" جنيفا "
" الخباز - Mr Baker "


و بعد في بنات كويتيات يسوون حلو.. في بيوتهم !
بس ماني عارفه ارقام حاليا !!!

]مشكورين كل الي ردو علي يعطيكم الف عافيه
وكل عام وانتم بخير يارب.....
تحياتي واشواقي

لاوالله ماأنصحك تيي لانه مو احتفال للدوله او للشعب نفس الاعياد لالالايروح بالك بعيد وماكو احتفالات ولاشيء هذي مجموعه يهال اكبر واحد 8 سنوات يفتر بالفريج صوب الجيران بس مايروح بعيد وبس ماكو شيء لاتظن انه احتفال جبير لا اهيا عااده ومشينا عليها والاساس ملها دااعي اهم شيء عيد الوطني والتحرير وبس


وسلامتكم