انا كنت مرشد سياحي في شرم لمده 7 سنين . حاليا منقيم في بولنده وكنت في اجازه مع مراتي وبنتي في شرم من اسبوعين
بص يا سيدي
حاليا الفنادق مهويه - يعني فاضيه - و مش مزدحمه وده ميزه وعيب في نفس الوقت
ميزه ان مفيش زحمه وعيب ان مفيش شغل فالناس تعبانه
المهم
انت تقعد في اي فندق في نعمه باي
عندك هيلتون الفيروز و الجولي فيل وتروبيتال نعمه باي و والماريوت ودول خمس نحوم
عندك برضه في نعمه بايس 4 نجوم زي الجافي لاند- البستان- هالومي - فالكون الديار- نعمه ان وهالومي 0 بس هالومي له سلم كبير لانه علي تبه عاليه )
انت عندك الشرم متقسمه 3 مناطق : خليج نعمه- السوق القديم - الميركاتو والف ليله ع الهضبه ( دي للسياح )
المطاعم الكويسه
1- منطقه نعمه : فرايدايز - دراجونيرا (صيني)- دنانير ( سمك)
2- منطقه السوق : فارس و رد سي ( سمك ) المصريين ( بس متاكلش عندهم كفته )
الرحلات
رحله البحر سنوركلينج
الموتيسيكلات ( كواد )
الجلاس بووت او الغواصه ( لو معاك اطفال )
سفاري الكانيون الملون
لو عايزين تخشو سينما موجوده في الكيروسيز
وعشان انتو شباب وهتروشو يبقي تروحو حفله الباشا يوم الخميس او مينستري اف ساوند يوم السبت
وتروح يوم الاربع البودا بار ويوم الجمعه الهارد رووك
اه متنساش اول ما تخش الفندق انك تدي تبس في الاول عشان تشجع الناس انها تخدمك ولو عندك مشكله يحلوهالك في السريع
وانجوي يا مان ولو عوزت حاجه ابعتلي ع الخاص
والله ماشاء الله عليك يا اخ محمد البولندي
معلومات ممتازة
فعلاً الواحد يستفيد منها
تقبل تحياتي وشكري
المفضلات