+ الرد على الموضوع
النتائج 1 إلى 43 من 43

الموضوع: التقرير كما وعدتكم تم دمج كل الاجزء

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    التقرير كما وعدتكم تم دمج كل الاجزء


    السلام عليكم ورحمته الله وبركاته
    ما ودي اطول عليكم با المقدمات اللي مالها داعي واخل علي طول في الموضوع من اوله :24:
    حنا ثلاثه اصدقاء دايما نسافر مع بعض ولا خلينا ديره عربيه طبعآ الا سافرنا لها واجتمعنا نبي نسافر لديره غير وكل واحد يسال من جهه والا والله واسمع با المغرب والناس المزعوطه فيه قلت يا ولد اغنم العافيه يقولون كلها سحور الله يخارجنا ومير يطمر فهد ويعزم بنا ويلزم علينا الولد خبل اهم شي يطيح اللي في راسه طبعا بدر وين مانروح معنا ما يعارض ابد ولد رهيب ومرح:24: المهم بعد المشاورات والاجتماعات وين مجلس الامن ماعلينا المهم انا عزمنا طبعا انا متعود علي شرق اسيا يعني اللبس حدث ولا حرج بس المغرب يقولون لازم تشخص با قي عا الرحله شهرين المهم بديت رحله الرجيم والحرمان من الاكل عشان اصير شخصيه :110: ما عليكم من ذا كله جاء العيد كانت الرحله بعد عيد رمضان علي طول وثالث يوم جهز العفش شنطتي نصفها حلويات طبعآ بعوض اللي فقده علي مدي شهرين (حلوه مدي شهرين)ونطمر للمطار حاجيزن عا الخطوط الاماراتيه الله لايعودها كسرت رجلينا مسيكين فهد دب تحرول عقب الرحله جته إعاقه في الركبه من الضيق الله يجيركم اكيد عارفين المشوار مواصلين با العيد وصلنا للامارات 8 ساعات مواصلين طبعا ركبنا الي البلد النبيل واحنا متحمسين بنطير من الفرح وصلنا الي مطار محمد الخامس ما صدقنا علي الله انواع الارهاق والتعب بس والله ما كلنا شي لا تفهمون غلط مواصلين طبيعي انواع الشاهي والقهوه نبي نروح لاقاديرمن كثر ما سمعنا عنها خبلان ماندري وش السالفه يوم دورنا حجز داخلي قالو لنا بكره طبعا غشمان ما نعلاف ندف بدراهم ويمشونا رحنا للقطار ما يوصل لاقادير يا ولد وش الدبره ما لك الا التاكسي ونروح ندور تاكسي ولقينا واحد بس والله شكله يخوف هاه وش نسوي نركب معه ومن زود الخبال نحسب الديره قريبه نستاجر سياره واتفقنا ونتوكل علي الله وناخذ ذيك المازده ونحما العفش وتونا ما شين الا بدر يقول وين الدرب يا الربع انا ضايعين هاه وش السوات ونديور للمطار محل الاجار اللي خذنا منه السياره وناخذ منه خريطه تقول رحاله ( منا بعاقلين ذا الاوربيين ) والله وننطلق بس كان الرحله روعه با النهار مشينا الساعه 3.5 العصر مناضر خياليه لو اعرف احط الصور وريتكم بس اعذروني جديد عا النت يوم جاء الساه 5 نقوف في ديره اسمها بن جرير علي الخط عند مطهم الله با الخير بيس من زود التعب نبي ناكل لو ما وقفنا كلنا فهد الدب المهم مسكنا لخط يوم جاء الليل الا والله تحولت المناظر الي رعب الطريق يخوف انواع الاوديه والنزلات عاد اللي يسوق بدر ناشب له وراء باص وداز وراه ونوصل مراكش حول العشاء ونضيع الطريق وكل ما سالنا مالقينا احد نفهمه قلنا ياولد ما لك الا لغه الاشاره بس وشلون نقول اقادير وفهد الدب علي باله بيفهمون انجليزي( الولد فلته في الانجليزي) المهم بعد الضيعه والسؤال لقينا من يدلنا عا الدرب والله يمسنا بنا بدر الرجال يبي يوصل با اللي هي به وصل اقادير يا الله شي خيالي نحس انا فوق الريح من الفرحه:109: اللحين نبي فندق صح طبعا غشيمين داجين في الديره بس ولو خويكم ذيب من غابه واتصل علي واحد مزعزط في اقادير من اتصلت بها وهو يقولي هاه سكنت في صحاري ويم قاله واسوي نفسي فاهم قلته افا عليك يا الله خلاص لا تصرف علي واصك السماعه في وجهه ونروح ندور علي صحاري ونحجز فيه ونريح بس لو ذبحنا الدب فهد يبي ياكل ويخاف يروح بلحاله وانا تعابا ما فينا حيل ولنا نفس بس وش نسوي بنروح معه لا ياكلنا:105: ونروح لمطعم علي نفس الشارع عشان ما نضيع الفندق المهم يوم حطو العشاء كله ربيان وسمك وقمبري علي طلب فهد الدب طبعاوالله تخر سعابيلنا انا وبدر احس اني ما كلت من شهر:115: وادبغ في الاكل لين انشق بطني فهد ما خلا شي كل حتي الصحون وبدر لك الله يعرم في الخبز ما لقا الا هو ولا فيه فنانه ازعجتنا تغني وتحوم علينا تبي نعطيها دراهم ما درت انا فهد الدب والله ما يدفه لو تشب فيه بس قاعدين نصفق لها عشان تروح الله يغثها:x1: ويوم راحت الا ونطمر تقول مقاريص عشان ننحاش ولا نعطيها شي ونحروح كل واحد يسحب بطنه ونررجع للفندق قلنا برنقد للين بكره ونشوف برنامجنا بس والله ما قدرت ارقد قلت يا ولد خلني انزل اشوف الدنيا قبل النوم وهي نزله والله ما رجعت الا الصبح قاعد كني خبل في اللبي اشوف الداخل والطالع وشوي الا فهد الدب نازل ويا بدر صابتهم نفس الحاله ما ندري وين نروح ((تم التعديل من قبل المشرف البحــر)) ونروح تسكع با الشوارع ((تم التعديل من قبل المشرف البحــر)) هذا كله مواصلين من يومنا في الرياض الله يخارجكم المهم رجهنا ونمنا اليوم الثاني بتبدأ مشوار الرحله العظيمه ؟
    وانتظرو البقيه عشاني تعبت وانا اكتب بروح ارقد لين بكره وبكملكم

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء


    حياك الله

    اخوي /// abushkeep

    بين اخوانك في بوابة المغرب

    تقرير جميل جدا

    ولكن ارجوا الاهتمام بمراعات قوانين المنتدى

    وننتظر باقي التقرير


    وتحياتي

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    أبوشكيب صديق بدر وفهد الطبوزي

    على قولت سيدنا Tadart الله يوووورجكم !!! وش ذا الخبال سفر 24 ساعة بالطيارة

    ثم تستاجرون سيارة ومن كازآ لمراكش وانتم مانتم لم دلولة !!! ومن ثما (حلوة) أكآدير !!!!!!!!

    لا ولا ترقدون تبارك الله عليكم عشوة (شكلكم بالقولدن قيت) ولا نمتوا أيضآ !!! قعدتوا للفجر !!!!

    بركة ما تفجرت روسكم ... يالله بنتظار بقية الرحلة بس اتوقع نمتو ثلاث أيام عقب ذا الطردي !!!!!

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    ابو شكيب
    اشكرك على الموضوع وفي انتضار البقيه

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    شكرا abushkeep على هذا التقرير
    و بانتظار الباقي مع الصور

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    عزيزنا abushkeep


    شكراً لك على المفاجئة الجميلة اللتي وعدتنا به ..

    يعجبني فيكم روح المغامره والجلد ..
    في انتظار البقيه ، مع مراعاه ما كتب لك المشرف القدير البحر من تعليمات

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    اخى abushkeep

    يعطيك العافيه

    المغامرون الثلاثه اعجبنى اصراركم على الوصول لهدفكم ( اغادير ) دون سابق معرفه .

    ننتظر التكمله


    تحياتى ,,,,,,

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    شكراً اخوي أبو شكيب على هالسرد الحلو والممتع:24:
    إلا على فكره تصدق أن ودي أعرف الكتابة اللي مسحها المشرف.... من زود البلاغه:101:
    :

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    اخوي أبو شكيب لك مني كل الشكر على هذا السرد الرائع وبنتظارالمزيد من احداثها على ان لا تتعدى قوانننننننننين المنتدى

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    المشاركة الأصلية كتبت بواسطة moroclover


    أبوشكيب صديق بدر وفهد الطبوزي
    على قولت سيدنا Tadart الله يوووورجكم !!! وش ذا الخبال سفر 24 ساعة بالطيارة
    ثم تستاجرون سيارة ومن كازآ لمراكش وانتم مانتم لم دلولة !!! ومن ثما (حلوة) أكآدير !!!!!!!!
    لا ولا ترقدون تبارك الله عليكم عشوة (شكلكم بالقولدن قيت) ولا نمتوا أيضآ !!! قعدتوا للفجر !!!!
    بركة ما تفجرت روسكم ... يالله بنتظار بقية الرحلة بس اتوقع نمتو ثلاث أيام عقب ذا الطردي !!!!!



    الاخ عاشق المغرب ......لاتنقل على لساني شي ترى انا تحت المجهر :109: :109:

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    مشكور على التقرير وانا من اول مابديت اقرأ التقرير قلت بيني وبين نفسي متى يجيب العيد

    ننتظر البقيه ولك خالص تحياتي

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    اولا \ مشكورين علي ها الردود واعتذر للإداره عن اختراق القوانين بس والله مدري وش السالفه زي ما تشوفون اول مشاركاتي زين ما كملت التقرير كان جبت العيد فيه انواع الحذف بتطيح يد المشرف وهو يحذف ( الله يستر لا يحذفني بس)
    تانيا\انشاء الله تشوفون بقيه التقرير قريب مع مراعاه لقوانين المنتدي واكرر اسفي مره ثانيه
    انتظرووووووووووووووووووووووووووووووووووووني

    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    السلام عليكم اخوي ابوشكيم (عبده)
    شكرا على التقرير الواعر بصراحه :x1: احيي فيك هالبساطه في الطرح بس الظاهر اني باهدي لك كتاب املاء :109: من عندنا في السمتودع وبعدين انا دب :112: حرام عليك صح شوي بس مو لهادرجه اللي ذكرتها وبعدين احب اصحح لك بعظ المعلومات :114: ولا خلها مستوره اقولك بصراحه احلى رحله طلعنا لها وبعدين الدكتور وصى على اكل البحريات:36_1_51: :36_1_40: اما بالنسبه لخطوط الامارا ت بصراحه معاناة :110: بس اثبتنا لانفسنا اننا مغامرين :11ight: بلا فخر :113: وكانت بداية الرحله موفقه ولايقين على بعظ :gathering الله يديمها اخوه وننتظر الباقي على فارغ الصبر ونتمنى لك التوفيق :smile001:

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    اخوي ابو شكيم
    صراحه مغامره والله انكم مانتم سهلين
    ياخوي على كثر روحاتي للمغرب مافيه امل اطلع من كازا لاقادير بسياره ولا نص الطريق بليل بعد
    انصحك مره ثانيه تضبط حجوزاتك سواء طيران او سكن من احد مكاتب السفر
    واذا تبي مكاتب زينه اعطيك اساميهم واسعارهم مناسبه
    عموما انتظر باقي المغامره ولا تنسى الصور الله لايهينك
    تحياتي للجميع

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    تشكر على التقرير الحلو. والتتمه في الانتظار.

    فنادق عطلات


  16. #16
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    الأخ الكريم abushkeep
    يعطيك ألف عافية على التقرير الرائع .
    تقبل تحياتي

    فنادق عطلات


  17. #17
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    ابوشكيب رحله موفقه
    وأهم شيئ سلملي الرجال اللي أمثال فهد :24: :24: :24:
    وسألني والشباب من الأعضاء يعرفون ترى الروحه على عماه مافيه أحلى منها
    طبعاً مش تعميها كلها لا تكون فيه بعض المعلومات
    وبالتوفييييييييييييييق وننتضر الباقي 00


    مهاجر للمغرب0
    :24: :24: :24: :24: :24: :24: :24: :24: :24: :24: :24: :24: :24: :24: :24: :24: :24: :24:

    فنادق عطلات


  18. #18
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    مساكم الله با الخير .
    ادري اني طولت عليكم بتكمله التقرير بس اعذروني ماعلينا وين وصلنا :114: صح اول ليله مرت بسلام في اقادير والله ونمنا ذيك النومه اللي يحبه قلبك في اليوم الثاني ما صحيت الا علي خبط باب الغرفه خبط الله لايوريكم صحاني وصحا الدور اللي حنا فيه كله واطلع مرتاع من الغرفه قلت مداهمه:108: ياولد بغيت ما افتح نسيت اني فندق صحاري المهم استجمعت قواي وفتحت الباب الا هو بدر الغبي مو هنا المشكله المشكله ان بدر مقومنا يبغي يفطر يحسبنا الصبح واشوف الساعه الا وين فطور انا حول المغرب والله ياهي نومه شي واللبس ونتجه لغرفه فهد ما قلتلكم ان فهد ماخذ معه كرتون ماليه نواشف ومكثر العسل والطحينيه طبعا:24: ما قلتلكم الولد ذيب ونلقاه صاحي وسابقنا دابغ في ها النواشف ونطب معه ويم عينا من الله خير ها ياشباب وين نروح قلنا نروح للبحر ( البحر في الليل مسكه غلط) قلنا لا خل البحر بكره خلنا ندور لنا سوق نتمشي فيه ونروح للمرجان وتقول اول مره ندخل سوق كنا ضايعين ونقعد نحوس فيه لين عقب العشاء ومعنا اغراضنا طبعا نصفها اكل (علينا ) لا تدققون ما علينا رجعنا للفندق الا السكيورتي عيا يدخل اغراضنا يقول ممنوع المهم حنا خلص نتعلمنا ونرشه بدراهم وندخل الاغراض معنا وكل واحد راح لغرفته موعنا بعد ساعه المهم بعد ساعه ساعه مين قل ساعتين مدري ثلاث تواجهنا وقلنا نطلع نلف نكمل الشوارع اللي ما لفيناها ورجعنا للفندق جايعين من كثر اللف هذا الساعه وحده با الليل ونروح ندور مطعم اللي با العيسي كلن يعرفه اكيد اللي في ارسبيشن يدلنا علي مطعم خليل مدري اسماعيل اللي وراء الفندق والله وندز له ويوم دخلنا والله ونشوف الاكل وتطير عيونا فيه:106: عاد الله لايوريكم الطلب يتاخر عندهم وانا ضعوف نتفرج عا اللي ياكلون وعيونا طايره وكل يخطط للمغامرات عقب الاكل وش بسوي :11ight: وعقب ما كلنا وشبعنا عينا من الله خير رجعنا للفندق
    اليوم الثالث لنا في اقادير صاحين من بدري زي العاده علي خبال بدر وين العزم علي البحر الله شي مشتاقين للبحر ونشغل موترنا يوم شفنا البحر شي يوسع الصدر ويتفلت علينا بدر الا يبي يسبح :surf ويا الله نمسكه خبل يبي يسبح في ها البرد مو برد مره بس ولو الجو مو جو سباحه ونقد ندور عا البحر ويجون ها البزرارين حقين الورد الا يبيعك با الغصب وناخذ منهم ورده وش نسوي الورد جميل وعا البحر كل واحد معه ورده (مناب عاقلين ذا الرومنسيين) بش شي لحضات الغروب عا البحر ويوم جاء عقب المغرب ونتكي علي ذاك المقهي اللي عا البحر يرد الروح ونشرب الاتاي ونعين من الله خير لين العشاء ونمر الا فيه سوق علي البحر كنه سوق خيري فرينا فيه شوي ورجعنا للفندق طبع كل واحد راح لغرفته عشان يشخص وننزل انا وبدر نبي نتمشي ونشوف ذا الرجال اللي قاعد لحاله في اللبي والله كني اعرفه من ذا صار خالد واحد بارد كنه ثلجه ومعه واحد رايق اسمه صالح وهو مواطن صالح لانه يسدد الفواتر بإنتظام اعرفهم معرفه سطحيه والمهم جلسنا مع بعض وانبسطنا وعرفت فهد وبدر عليهم شباب علي كيف كيفك جلسنا معهم يومين في اقادير انواع الفله وسعه الصدر:106: جاء موعد رحلتنا خلصت إقامتنا في الفندق وين نروح قلنا علي مراكش ودنا نشوف ساحه الفناء اللي غنت فيها الفنانه حسناء اغنيه مرسول الحب ونحمل العفش طبعا صلوحي وخالد با قي لهم ثلاثه ايام في اقادير قلنا نروح نتمشي في مراكش ونتلاقي في تالرباط لاننا ناوين نتكي فيها مسكنا الخط العصر العشاء انا في مراكش وين نروح نسيت اقولكم صلوحي الرايق من المزعوطين با المغرب يعرفها شبر شبر وصانا علي اقامه النخيل ورحنا والله انواع الضياع ونوقف تاكسي واركب انا معه وفهد وبدر يلحقونا عشان يوصلنا للاقامه والله خايف اضيع معه والا يسرقني ( القطه معي )وصلنا لاقامه النخيل بسلااااام:101: المشكله ما فيه شي فاضي الا بعد اربعه ايام يعني قد رحنا الشكوي لله رحنا للفندق اسمه تاشفين وسكنا فيه مو ذيك الدرجه بس انه حليو مهوب هم لاننا ما عندنا وقت نقعد فيه اغلب وقتنا طالعين نمنا وعينا خير ويوم اصبحنا افطرنا من ونواشف فهد رجل المواقف الصعبه ونطلع طبعا معنا اسماء المواقع اللي بنروح لها من الخبير صلوحي وندز للمنطقه اسمها الكتبيه فيها زي الحديقه اسمها المناره يا الله روعه شي خيال بحيره علي ضفافها مناره قديمه جدا وكلها نخيل واخر الليل فيها عروض حلووووووووووه شي يوسع الصدر ما اقدر اوصلكم والله شي خيالي ونطله منها العصر ونروح للقبور السعديين نشوف الاثار واشياء من هذا القبيل ( حلوه من هذا القبيل مثقف الولد) ونطلع منها وانواع اللف والدوران في مراكش بصراحه مدينه اثريه وحلوه باالحيل وطاحت رجلينا من اللف ورجعنا لفندقنا نبي نرقد عشان بكره ورانا مشاوير بعد اليوم الثاني طاعنا من الطهر ونلف بشلرع فرنسا لين العصر وبعدها للموقع اللي نحتري اللحضه اللي ندخله فيه ســـــــــاحــــــــــــه الــــــــــــــــفـــــــــــــــــناء شي روعه وناس وزحمه ونجي لذاك اللي معه ثعابين وعلي بالنا اقوياء نبي نمسك الثعابين انا وفهد اما بدر وواقف علي بعد عشره متر منها من الخوف ومسوي ما انتبه ويجي ذالك المغربي ابو الثعابين ويدخل الثعبان في صدري ياولد وش تسوي انت خبل وفهد مثلي ابي انحاش ما قدرت قاعد يرطن علي اثره يبي دراهم والله واطلع اللي جيبي كله واعطهياه ابي الفكه ياولد حنش يروع والرجال ما طلع الثعبان وانا اصيح علي بدر تكفا اللحقني اثر الخبيث يبي زياده درهم قال ها الذرق بروعه لين اطلع كل اللي معه بس انا ذيب فكيت الازرار حقت القميص لين طاح الحنشر في الارض والعطه يا ولد اثر بدر صادق اربح العافيه ( عافيتنا طبعا)ونقعد نلف في الساحه ونشوف ذاك الرجال اللي يشرف الماء وهو يفوح حاااااااااااااااااار نار الله يجيركم وقفين من بعيد لايصير زي ما صارلنا في الثعبان الساحه كبيره طاحت رجلينا وانا ندور فيها المهم يوم جاء الليل منظر الساحه جميل يفوق الوصف بصراحه انوار ودخنه وشي حلوووووووو ونركب ذاك الحنتور اللي خذ علينا دبل السعر حسب فهد عن ثلاثه يقول الحنتور ما يتحمل المهم ركبنا وخذ بنا لفه لين العشاء ورحنا لموترنا ورحنا للمكان اسمه (علي بن فلاح ) مكان زي الجنادريه عندنا اول ما دخلنا الا وطلق نار من ها الاسلحه القديمه اللي معهم وبدر من الروعه يدق فرامل با السياره الا وجبهته فهد في القزازه ويضيق عليه:112: وبدر ساكت من الروعه :105: وانا زابن وراء كني ما سمعت شي مسوي ثقيل معهم :101: (خخخخخخخخخخخخخ) دخلنا داخل شي جميل اشكال والوان من الناس واكثره اوربيين شي عاد انا مبسوطين المهم ما خلصو الا اخر الليل ونعود للفندق طبعا متعشين بس فهد لازم يعقب عا النواشف يبي يحلل قيمتها:115: ونصقعها نومه لين الظهر ويوم صحينا حملنا العفش وقلنا الدزه للرباط ونوقف عند مطعم افريقيا ملينا ناس :106: ونغدي غداء فطور ونمسك الخط كان الجو روعه والمناظر في الطريق خلابه شي جميل كنا في حلم المشكله ان بدر مشغل لنا اغنيه (متغربين)لاصاله وصابر في الطريق وانواع الروقان اللي ما شفناه في الروحه شفناه في الجيه الله مناظر الجبال خضر وكننا في حلم :11one: وصلنا لرباط قعدنا ندور فله والله نتصل علي صالح المواطن الصالح ويعطينا رقم يونس سمسار فلل ويجيب لنا ذيك الفله اللي يطرد فيها الخيل شي بصراح كننا شيوخ في ها الفله :king: وفيها الطباخه فاطمه بس طباخه علي اصول غير الشغالات :mf_leia: السواق اللي فيها وفيها بدروم شي:50055: وذيك الساحه الخارجيه اللي كها خضره فهد يطلع يراعي فيها كل صبح غير الغرف نضيفه ولصاله وما ادراك ما الصاله عا الطراز المغربي القديم وصاله الطعام تخصص فهد:baaa2: اتفقنا عالسعر وش باقي ننتظر ربعنا بيجون اليوم من اقادير .
    كذا كفايه بكره اكمل طاحت مصابعي علي الكيبورد التقرير الجاي الجزء الثالث والاخير عن الرباط وكازا لين الرجعه.
    انتظرووووووووووووووووووووووووووووووووووووووون ي

    فنادق عطلات


  19. #19
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    اخوي أبوشكيب جزء حلو بعد تسلم يمينك:101: , والحمد لله انكم استانستكم :24: , نحن ننتظر الاجزاء الباقية على أحر من الجمر خصوصا انو الجزء الجاي حق مدينتي الحبيبة , بس ياريت أخوي تكمل الجزء الباقي هنا بعد الجزء هذا , يعني ماتحطو تحت عنوان موضوع أخر , عشان يصير الاخوان الاعضاء يدشون هنا ويشوفون التقرير كامل , أفضل ما كل شوي يدشون لجزء بخانة أخرى , تحياتي لك أخوي...

    [glint] كحوولة[/glint]

    فنادق عطلات


  20. #20
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    :11ight: أبوشكيب :11ight: و بدر :11ight: وفهد :11ight:

    عسلامتكم الدياب :bounce8: تبارك الله عليكم كفتكم نومة نص يوم :114: على طرديكم:36_15_17:

    كنت متوقع يومين :thumb_ico ويالله صباح خير :55654: مساء خير :tongue: وش ذا الي

    بغى يكسر الباب :118: ؟؟؟؟ بس حاااااالوة (:11sted_co مداهمة :11sted_co ) ملوعتن

    قلوبكم خفتو أنه ( افتاح :11sted_co ولاك ) وبعدين أحسن ما في روحتكم أنكم

    جبتو النواشف ( عسل طحينية ) ولا الباقي طقها والحقها :102: تعجبوني :36_1_11:

    بعدين وش وداكم لسماعيل :016: أكله وزباينه :36_11_5: الله يكرم النعمة مكدانلز يامال العافية

    أكل جيد :36_1_51: وخدمة :106: ممتازة

    وبعدين أيش الرومانسية :36_3_12: ثلاثتكم تتمشون على الآكوط بالأزهار :whistling

    :m9: أحسن ما فيكم:m9: أن ما بان عليكم:m9: أنكم سعوديين :m9:

    وبعدين أنا اطالبك بأعادت كتابة:36_1_37: زيارتكم لمراكش :36_1_30: هاذا ما هو أختصار

    هاذي شلوطة :36_13_5: أرجع وأكتبها على نار هادية:222: قصدي أكتبها على رواق

    بس مشالله عليكم انواع الأنبساط ( فهد يطلع يرعى في الحديقة كل صبح) محللين دراهمكم

    :36_11_6: حمقتيني :36_11_6: بيزاااااف :36_11_6:

    وبعدين تعال :36_6_2: تراك خميتنا :36_6_2: وين التصاوير يا قلبي :36_6_5:

    حفظكم الله الثلاثي :36_15_17: السريع وبنتظار جديدكم :smile001:

    فنادق عطلات


  21. #21
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    الغالي abushkeep


    شكراً لك على مجهودك بوضع التقرير ، مع انني تمنيت وجود الصور ليكتمل ..
    ومثل ماقالت كحل العيون يفضل وضع التقرير كامل في موضوع واحد ..

    فنادق عطلات


  22. #22
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    اخي ابوشكيب ..


    رحله خفيفة الدم والطينه ..

    ثلاث اخوان يجمعهم ..

    كلمة طيب وهزل ومزح ..

    وجمعة حب في دار الحب ..

    آه مااحلاه ويازينه .....


    دمت بود ..

    فنادق عطلات


  23. #23
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    اخوي ابو شكيم (عبده)
    انت ماينراح معك ياخوي :112: كل الناس تاخذ معها نواشف ليه ماذكرت التونه كانك قط؟؟؟؟؟ تموت في التونه ماذكرت انو انزعطنا في اغادير :36_3_15: وانبسطنا فيها كثير ل:36_3_2: بعدين انااتعلف وين ميت جوع في الرياض بس على فكره كنت ارعى كل صبح جرجير مع الشاهي مثل اللي انت خابر بس ادائك في الاملاء متحسن كثير:x1: كنت مجهز كتاب الاملاء بس غيرته لتعبير تعليقا على كلامك مطعم اسماعيل :36_1_51: بصراحه كان غالي كثير مانصح احد يروح له وماهنا زود اكل احلى شي ان عندهم رز بس مناب عاقلين هنود اخوي (moroclover) بالنسبه لطلبك رحلة مراكش كان اغلبها مشفر:36_3_1: :106: :106: :106: :106: ماعليش تعدينا على تقرير ابوشكيم بس الظاهر ذكر اسمي اكثر من مره : حاب اصحح معلوماته وننتظر الرد قريبا :smile127:

    فنادق عطلات


  24. #24
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    اخى abushkeep

    تقرير خفيف لطيف ظريف

    اتفاقكم وتفاهمكم اعطى السفره جو من المرح والانبساط

    ننتظر تكملة بقية التقرير ولا تنسى الصور

    تحياتى ,,,,,,

    فنادق عطلات


  25. #25
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    مسائكم ورررررررررررررررررررررررررررررررد وياسمين وكاااااادي
    اشكركم علي الردود الحلووووووووه اتمني يكون عجبكم التقرير واوعدكم بتكمله التقرير قريب انشاء الله .
    *با النسبه للكتابه التقرير في نفس الصفحه ما اعتقد احس كل وحده في موضوع جديد لان كل مغامره مستقله عن الثانيه علي العموم راح تلقاها سهله في المنتدي الرئيسي .
    * با النسبه للصور اوعدتكم تكون في موضوع مستقل تابع للتقرير والصور كامله من طق طق الي سلام عليكم .
    انتظروووووووووووووووووووووووووووني

    فنادق عطلات


  26. #26
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    abushkeep يعطيك العافيه ديالنا على التقرير الممتع
    وبصراحه شرح وافي عن الرحله

    واللي اتمناه التكمله تكون في نفس الموضوع علشان يكون متكامل لان اي شخص ممكن يقراء
    الجزء الثاني قبل الاول

    واطالب بشرح اكثر عن مراكش


    وننتظرك والمواقف الروعه


    تحياتي لك

    فنادق عطلات


  27. #27
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    سلااااااااااااااااام عليكم وصباحكم ورررررررررررد:smile105:
    اكملكم تقرير نهايه رحلتنا المهم ما احب اطول في المقدمات طبعا قلتلكم انا وصلنا للرباط واستاجرنا الفله ما قلتلكم انها في حي الرياض قريبه مناسواق اسيما ووصفت لكم الفله تونا قاعدين ومريحين طبعا جايين برا اكيد تعبانين الا جوالي يرن ترن..ترن الووووو الا هلا صلوحي وينكم فيه وقالي النهم وصلو للرباط والله ونرسل لهم السواق عند المرجان عشان يجيبهم للفله وصلو عندنا انواع السلام تقول ما شفنا بعض من سنين :36_1_39: المهم اطبوزي فهد يبي يتعشي خلصت نواشفه قضي عليها في اقادير ومراكش ويلزم علينا صالح الا نطبخ في البيت ونطمر للمرجان كلنا متزاحمين في السياره تقول بنروح نخطب وسريع سريع ناخذ مقاضينا ونعود لفلتنا وتبدا فطومي الشغاله با الطبخ وتسويلنا خرابيط مدري وشي المهم انا كلنا وبس من الجوع طبعا قلنا للشغاله من بكره نبغي كل يوم عشاء علي الطراز المغربي والله وابشر بها من طباخه جيده اكلنا وعينا من الله خير وجو الشبا ب:106: وقعدنا نهيص ونبسط وانواع التعاليق علي بعض لين جانا النوم وكل واحد يسحب نفسه يروح لغرفته ينام والله ما ودنا ننام بس التعب غلاب ونطمر الظهر في اليوم الثاني ونلقي فطومي الطباخه مصلحه الفطور الشاهي (الاتاي) وندبغ فيه ونريح ويوم جاء العصر الا صلوحي الدليله ديالنا يقول بوديكم للسوق شعبي رايق قلنا يا الله ما شينا الا نتمشي وننطلق با السياره عاد ذا المره انا اللي اسوق:36_7_14: وادز بهم للسوق السويقه الشعبي ونلف فيه السوق انواع الزحمه فيه اشكال تروع بسم الله الرحمن الرحيم كنهم سحره :36_1_15: وحنا ساجين بها السوق الا خالد يضيع منا وندوره اثر الرجال لاهي با احد المحلات وانواع البرود الرجال يبي يشتري هديه :106: يوم لقيناه يقول ليه تضيعوني (مهوب عاقل ذا البزر ) وندخل عند محل رايق يبيع الجلابيات المغربيه الرجاليه وكل واحد ياخذ له جلابيه بس والله حلووووه جلابيتهم ويا الله نلقي مقاس لفهد ونطلع من عنده ونروح نشتري اغرض الفطور من كبده واللذي منه ونطلع من عندهم حول المغرب المهم صالح مشتهي زريعه بيظاء( حب قرع) ويلطعنا با السياره ربع ساعه الله لايعوده من حب وندز للمرجان وناخذ با قي الاغراض تجهيزا للاطباق المغربيه:36_1_51: طبعا معنا ورقه كنه صك من الطلبات كاتبتها فطومي الطباخه وفهد حاط نصف الاغرض في حضنه من الفرحه يحس انه مبسوط بياكل شي جديد عليه الله لايوريكم غير اللي في شنطه السياره من انواع الاغرض مسلتزمات الفله:36_7_11: المهم عودنا للفله العشاء وننزل الاغرض وتواعدنا الشغاله الساعه عشر العشاء جاهز ونروح الصاله واللقي فهد ينقرش علي شابوره وشاهي والله وانا اطب معه والولد رومانسي مشغل له اغنيه جوه رايق وكل لاهي في نفسه وقبل العشاء يجتمعون الشباب:106: احسن شي في السفر الجمعه وانا مبسوط مدري وش اسوي من الفرحه:36_1_33: المهم ما عليكم مني خبل وطاح في وناسه الساعه عشر ونص العشاء جاهز وش تتوقعون اول ليله كسكس مع طاجن لحم وقرعه حمراء وحريره منظر السفره يوسع الصدر :115: والله نطيح في الاكل كنا ما عمرنا شفنا عيشه:36_1_51: ويوم خلصنا طبعا السفره كنها مغسله من قوه الاكل الشغاله نوال:mf_leia: ما تعبت في التنظيف المهم اجتمعنا في الصاله بعد ها الوجبه اللذيذه نستمتع بشرب الاتاي بصراحه الطباخه تقول فاهمه مزاجنا انواع الروقان بعد التعب و اللف با الاسواق والمهم ذيك الليله قضينا فله وسعه صدر لين الفجر بها الفله :50055: ونصقعه ذيك النومه لين الظهر وما صحينا الا علي تشليخ البيبان اللي وقض الجيران من النوم وانا نايم في العسل واطمر مرتاع الله لايعوده واسمع غرفه فهد تتكسر بيبانها واطل بعيني من الخوف الا بدر الله يرجه واشوف فهد طالع عليه با النعله عيونه كله غمص:118:ياويل بدر بيتشلخ وينحاش وانواع الطردي في الفله الا يبي يطقه ما هوب عاقل فهد يبي يلحق بدر وينا فيه المهم انتهت المطارده بإنتصار بدر(ثلثين الشجاعه النحشه) يوم قمنا الا فطومي مصلحه الشاهي والكبده وهاك الفطور الطيب ويوم جاء العصر والله نطلع نتمشي في اكدال ويوم جاء المغرب وندز للمقهي رايق بسلا اسمه الدوليز علي نهر الرق راق هواه يرد الروح ودك ما تطلع منه :36_1_11: طلعنا م الدوليز العشاء ورجعنا لفلتنا نحتري العشاء متحمسين قبلها مرينا اسيما قريبه من البيت وخذنا بعض الاغرض والله ويجتمعون الشباب با الصاله بيننا حب واللفه سبحان اللي جمعنا والمهم ذا المره العشاء جاهز الساعه عشر ونشوف ها السفره اللي عليها شي خيال من الاطباق ودك تطبق محيفره عليها العشاء الطبق الرئيسي حريره وبطاطا رايقه علي الطريقه المغربيه شغل نضيف والطبق العجيب البسطيله وما ادراك ما البسطيله بسطيله الدجاج والله لو تذوقونها والله ان طعمها متعلق بفمي لين اللحين ونفس برنامج اليوم الي قبله عقب العشاء انواع الفله , وفي اخر الليل بدر بيدخل وره المياه وفيها قفلين الدوره بدر الغبي قفل الباب با المفتاح ويوم بغي يفتحه نسي انه مقفله با المفتاح وراح بي يفتحه با القفل العلوي وما انفتح وقام يخبط علي الباب وانا من زود القهر ازعجنا الولد بتكسير البيبان بروح اطقه الله لايعوق بشر :112: والا وفهد عنده وانفتح الباب بقدره قادر وانا اللي ابمسكه وينحاش للصاله يحسب الي لاحقه فهد الدب ما دري انه انا والا وفهد يمسكني ويقولي خلاص يا رجال عدها علي خير( فهد متفهم الموقف ) وانا اللي اخليه طبعا مهوب لله خايف من فهد اقوله لا ثم يبرك علي وش يفكني منه عاد (ذكي تصرفت بحكمه) قلت علي شانك بخليه خلاص وفي اليوم الثالث قلنا نبي نسير علي كاز ونشوف مسجد الحسن الثاني والمهم صلوحي وخالد ما بغو يروحون ناوين يخلونها اخر رحلتهم وبعدين عندهم موعد مهم في الرباط ونركب السياره انا وفهد وبدر من الظهر ونسحب الخط علي كاز طبعا نمشي علي اللوحات لين وصلنا ونسأل عن المسجد المهم انا وصلنا بسلام عصير قبل المغرب ونتمشي علي المسجد والساحه بصراحه شي جميل جدا ويوم اذن صلينا با المسجد معهم المغرب وجمعنا العشاء وطلعنا علي شاطي عين ذياب كان الجو رايق وتكينا في مقهي ميامي علي البحر شي جميل بصراحه الا فهد شاف ما كدونالدز اللي عا البحر لزم علينا ياكل وانا مانيب فاضي ليه مواعد واحد بيجيني في الماكدنالدز المهم رحت وجحدتهم عا البحر وقابلت خويي الي انا مواعده وقعدت اسولف معه وجبته لفهد وبدر يتعرف عليهم ونسولف خاشين جو الا وصالح المواطن الصالح يتصل علينا وراكم صيفتوا اخلصو ارجعو الجماعه بيمشون:36_1_13: والله ونركب السياره وفهد اكله معه ما فكه قاعد ياكل طول الطريق لين وصلنا الفله الساعه عشر علي حزه العشاء ونلقاء ذاك العشاء عاد اللي يوسع الصدر بسطيله سمك وحريره وطاجن وقرعه حمراء وعقب عينا من الله خير وانبسطنا في اليوم الرابع رحنا نتمشي لانه اخر يوم لنا انا وفهد وبدر ورحنا لصومعه احسان واماكن والله ما اعرف اسمها بس رايقه شيييييييييييييييييييييييي ونعود خلاص اخر ليليه ودنا انها ما تخلص وعشنا اجواءاخر ليله احلي لييله المهم اليوم الثاني قمنا وافطرنا وعينا من تله خير ونودع طباختنا فطومي واشغاله نوال وعبد الرحيم الحارس ونمسك الخط لكازا عا لمطار وكلن نفسه في خشمه من القهر ودنا ما نعود ويا الله نواصل علي النهايه ونسلم السياره ونقص البوردنق ونركب ها الطيران البايخ اللي ما انصح احد يروح فيه ونوصل دبي ونرقد في ذاك الفندق لين العصر رحلتنا للرياض المغرب ونطلع للمطار ونصل للرياض علي امل تكرار الرحله .
    اتمني عجبكم التقرير وكان خفيف عليكم وانشاء الله اني با لصيف راجع وانتضروا التقرير مع نفس القروووووووووووووووووووووب بدر فهد عبووووووووووووووودي اللي هوانا :smile001:

    فنادق عطلات


  28. #28
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    بوشكيب الغالي
    اشكرك على تكملة الموضوع والله ينعومكم كنتم مرتاحين بزاف
    في كازا :24: انا الي اعرفه الي يروح الكازا يرجع ونفسيتو ممتازا
    يالغالي غربلتنه مسوي لنا على قولة القايل من دودها من طقة :109:
    كل جزء في موضوع جديد يا أخي خله في موضوع واحد احسن
    عموما اشكرك مره ثانية

    فنادق عطلات


  29. #29
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    :36_11_6: أبو الشفافية :36_11_6: عبووووودي :36_11_6:

    :36_11_4: الرومانسي :36_11_4: بدوووووري :36_11_4:

    :36_1_51: الطبوزي :36_1_51: فهووووودي :36_1_51:

    سفرتكم هاذي:36_15_17: وااااااااااااااعرة :36_3_16: بيزاااااااااااف :36_6_5:

    صحيح قلبه قلبه:36_7_14: بس حللتو والديها :36_7_11: وكنكم مخططين لها من زمان

    :36_1_41: تبارك الله عليكم :36_1_41:

    بعدين وش قضى النواشف :36_1_13: ما أمداكم :36_1_13: الله يعطيكم الصحة

    و نصيحة للرومانسيين :36_11_4: يجيبون هداياهم من هنا :36_1_13: أوجه لهم:36_1_20:

    :36_1_12: وأنت يا أبو شكيب عيني بعينك :36_1_12: جبت هدية ولا لا :36_1_12:

    أخيرآ مشكوين بيزااااااف على أشراكنا برحلتكم الممتعة:36_3_2: والي الله يعينكم على ذكرياتها

    :36_1_4: :36_3_4: :36_1_4:

    :smile001:

    فنادق عطلات


  30. #30
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    تسلم على التقرير الواع بالزاف و الله يعينك لحد الصيف يمكن تقدر و يمكن لا؟
    اهم شي انكم انبستوا بالسفره و الحمد لله

    فنادق عطلات


  31. #31
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    الغالي مروكولاف
    ابو الشافيه ايه والله صدقت الحبيب بوشكيب عجيب في تقريره حتى الهوا جاب طاريه :109:
    بس ابو الشفافيه حتى ابو العتاهية تراه توهنه كل جزء في موضوع:109:
    الغالي بوشكيب حتوحشنا كتاباتك لاتخلي شهر وارجع للمغرب واذا انت من الشرقية
    ترا طياران الخليج انشاءالله في شهر6 تفتح بحرين كازا بحرين إلا إذا انت قدير وصبور:114:
    أقول الله يكون في عونك

    فنادق عطلات


  32. #32
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    أخوي[blink] بوشكيب [/blink]شكرا على التكملة الجميلة للاجزاء السابقة :101: , واحنا نستنى التقرير حق الصيف على شوق , بس ياريت لو كان بالصور , عشان يكون أكثر روعة :24: , دمت بود...

    [glint] كحووولة[/glint]

    فنادق عطلات


  33. #33
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء


    اخوي /// abushkeep

    تقرير جميل جدا

    ونشكر لك جهودك

    وننتظر منك المزيد

    وتحياتي

    فنادق عطلات


  34. #34
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    الطبوووووزي ديالي والزعطة الوااااعرة أبو فهدية

    أعذرني توني أنتبه لردك ... أجل الرجال جايب تونة هههههههههههه ولا علم !!!!

    وتقريركم وااااااظح أن أكثرة مشفر ومقص الرقيب لاعب فيه ( ولا الومهم ) عمومآ مجموعتكم

    جدو متافاهمه والله يجمع قلوبكم على محبتة

    فنادق عطلات


  35. #35
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    :36_11_6: أبو الشفافية :36_11_6: عبوووووودي :36_11_6:

    :36_11_4: الرومانسي :36_11_4: بدووووووووري :36_11_4:

    :36_1_51: الطبوزي :36_1_51: فهوووووووودي :36_1_51:

    وين الناس :7: مختفين :7: تبارك الله نشطتو :36_7_9: أول ما جيتو :36_7_9: وبعدين أختفيتو

    يا خوفي أنكم متقابلين الحين :gathering وتذكر :36_3_2: وتذكر :36_3_2: وبآخر الجلسة

    :36_1_48: :36_1_48: :36_1_48:

    :36_1_38: :36_1_38: :36_1_38:

    :36_1_4: :36_1_4: :36_1_4:

    عمومآ لا تضيق صدوركم :36_3_4: ترى ربعكم وآآآآآآآ:36_6_5: آآآآآآآآآآ:36_6_5: آآآآآآآآآآجد

    المغرب هي البلد الوحيد الي تسافر له مرة :36_3_14: وتقعد تحكي عن سفرتك هاذي 10 سنوات

    :smile001:

    فنادق عطلات


  36. #36
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    هلا وغلا اشكر كل واحد باسمه وخاصه اخوي مروكلوفر( يا الله قريت اسمك يا اخوي صعب حاول تخففه ) علي ها الردود الجميله وعذروني عا التقصير
    وبصراحه ردودكم شجعتني اكتب تقرير عن رحلتنا اللي قبلها بس مو للمغرب الرحله كانت لشرق اسيا طبعا نفس القروب وانشاء الله تشوفون التقرير عن قريب في المنتدي المخصص لشرق
    انتظرووووووووووووووووووووووني

    فنادق عطلات


  37. #37
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    اخوي صاير فيني عجز ....................ماعاد احب الكلام .............يعني ادا مافيه صور يالله اقرا اول سطر واحاول ادبلج واكمل السناريو من عندي

    فنادق عطلات


  38. #38
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    المشاركة الأصلية كتبت بواسطة TADART


    اخوي صاير فيني عجز ....................ماعاد احب الكلام .............يعني ادا مافيه صور يالله اقرا اول سطر واحاول ادبلج واكمل السناريو من عندي



    :8888: بس لو تؤلي حتترك:36_3_3: كل هادا لمين :114:
    يقطع قلب :36_3_10: ما فيه رحمة

    فنادق عطلات


  39. #39
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    المشاركة الأصلية كتبت بواسطة abushkeep


    هلا وغلا اشكر كل واحد باسمه وخاصه اخوي مروكلوفر( يا الله قريت اسمك يا اخوي صعب حاول تخففه ) علي ها الردود الجميله وعذروني عا التقصير
    وبصراحه ردودكم شجعتني اكتب تقرير عن رحلتنا اللي قبلها بس مو للمغرب الرحله كانت لشرق اسيا طبعا نفس القروب وانشاء الله تشوفون التقرير عن قريب في المنتدي المخصص لشرق
    انتظرووووووووووووووووووووووني



    :113: هلا والله بعبووووووودي :113:

    شوف حبي ضروري تعطيني خبر متى بتكتب تقريرك القادم ... والله شكلها ديرة أبآكبار أن صدق حدسي

    فنادق عطلات


  40. #40
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    هلا وغلا والله صادق انها ديرة هبا كبر الفنس بس والله مو مهم الديره اهم شي علي ما يقولون الجمعه وسعه الصدر :109: واحنا انبسطنا حيل فيها صحيح مو زي البلد النبيل ( المغرب) بس كانت الرحله سعيده
    اما الصور والله ما اعرف وشلون ادخلها مع الموضوع :114: والا عندي من الصور قومه وقعده خمس البومات كلها صور من المغرب بس عجزت اعرف زين اني عرفت وشلون اكتب التقرير واحد يشرحلي وشلون وابشرو با الصور كامله في موضوع مستقل مع التعريف بكل صوره

    فنادق عطلات


  41. #41
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    المشاركة الأصلية كتبت بواسطة moroclover


    :8888: بس لو تؤلي حتترك:36_3_3: كل هادا لمين :114:
    يقطع قلب :36_3_10: ما فيه رحمة



    بترك كل اللي شفته وعشته لريجيل تقدره ................وغيري كثير تشيله الطياره............وانت فاهم وانا فاهم اتركه لمين:110: :110: :110:

    فنادق عطلات


  42. #42
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    مشكور على تكملت التقرير وبصرااحه لو كان التقرير على جزئين مدعم بالصور مره وحده

    يطلع افضل بكثير00000 مجرد رأيئ شخصي

    لك خالص تحياتي

    al.saher

    فنادق عطلات


  43. #43
    عضو مسجل
    تاريخ التسجيل
    Dec 2014
    المشاركات
    1,962,485

    رد: التقرير كما وعدتكم تم دمج كل الاجزء

    اخي ابو شكيب
    يعطيك ألف عافية على الدقة في التقرير بس ألاحظ على رحلتكم انك تكلمت عن الأكل أكثر من اي شي ثاني كنكم رايحين تسوون تقرير عن الأكل في المغرب وكذلك ألاحظ عدم وجود صور في تقريرك
    عموما ماقصرت تقريرك مفصل الى ابعد الحدود
    ولك الشكر والتقدير

    فنادق عطلات


+ الرد على الموضوع

المواضيع المتشابهه

  1. رحلتي الى الاذقية وكسب كما وعدتكم
    بواسطة Robot في المنتدى بوابة البعثات مبتعث في الخارج
    مشاركات: 6
    آخر مشاركة: 02-03-2015, 10:25 AM
  2. كما وعدتكم صور من بيرتساو
    بواسطة Robot في المنتدى النمسا العرب المسافرون فيينا سالزبورغ انسبروك زيلامسي
    مشاركات: 65
    آخر مشاركة: 02-02-2015, 05:11 PM
  3. صور للرتز كرلتون كما وعدتكم
    بواسطة Robot في المنتدى بوابة السفر الى مملكة البحرين Bahrain
    مشاركات: 53
    آخر مشاركة: 01-30-2015, 12:27 AM
  4. صور بــرج الســلام كما وعدتكم
    بواسطة Robot في المنتدى بوابة السفر الى سلطنة عمان Oman
    مشاركات: 5
    آخر مشاركة: 01-15-2015, 05:12 PM
  5. صور التقرير الذي وعدتكم به عن صلاله بتاريخ هـ
    بواسطة Robot في المنتدى بوابة السفر الى سلطنة عمان Oman
    مشاركات: 6
    آخر مشاركة: 01-14-2015, 08:09 PM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X