الموضوع: فرانـــــكـــفورت أم برليــــــــــــــن

السلام عليكم ورحمة الله وبركاته....۔ الرائعين دوما اعضاء المنتدى بصراحه محتاره جدا جدا...۔

مخططين لرحلة ومحتارين بين: فرانكفورت أو برلين؟؟؟؟

سبق وزرنا ميونخ والريف البافاري الرائع جدا....۔ وصراحه حابه نجلس في منطقة تسوق رائعة مثل ميونخ ومنطقة

ريف قريبة من نفس مدينة السكن... وصراحة قرأت تقارير فرانكفورت وكانت جدا رائعة ولكن هل مثلا شبكة القطارات

المترو توصلني للمناطق السياحية علما ان مدة الرحلة 12 يوم.....۔ لان سبق وزرنا ميونخ ورائعة جدا بالتنظيم كل مكان

نقدر نوصله بالمترو.....۔ ولم نحتج اي سيارة او حتى تاكسي ..... فحبيت اخذ رأيكم

مواضيع عشوائيه ممكن تكون تعجبك اخترناها لك:

• اريد افضل المواقع الترفيهيه والسياحيه
• الجو في ميونخ شهر
• السفر مرة اخرى بنفس التأشيرة
• استفسار عن محل كاث كيدستون في ميونخ
• ساعدوني
• مخطط سفر و عن طريق قارمش روست
• دوسلدروف نريد المساعده والاجوبه الوافيه
• دوسلدورف الجميلة
• هل يوجد شرح لكيفية الحجز عن طريق طيران ايربرلين؟
• أخواني خبراء ألمانيا أرجو منكم مساعدة عاجلة ربي يفتحها عليكم
• أفضل موقع أو شركة لاستئجار سيارة
• هل يمكن
• أقرب مسافة لليوروب بارك
• رحلتي الى بحيرة في المانيا
• إستفسارات عن الغابة السوداء
• وش صاير في ميونخ في اكتوبر
• اريد معلومات عن الاقامة والهجرة
• جينا لموضوع السيارة مساعدتكم
• رفضوا التأشيرة فزعتكم
• استفسار بخصوص استخراج الفيزا الي المانيا

غريبة شفيكم إخواني وأخواتي ........

مساء الخير

انا ارشح فرانكفورت وفيها وحواليها مدن كثيره جدا

ممكن اتشوفين تقريري عنها وعن المدن حولها وبالقرب منها .۔ الجزء الثاني بالموسوعه الالمانيه

دمتي بخير

السلام عليكم

طبعا واكيد انا انحاز لفرانكفورت ولاسباب كثيره
اولها انها مدينتي يعني سبب عنصري

ثاني سبب وهو الاهم برلين تعتبر فعلا العاصمه الالمانيه وفيها معالم كثيره ولكن مده رحلتكم بتكون كثيره على مدينة وحده وحتى وان كانت برلين العاصمه ولان برلين تقع في الجزء الشرقي من المانيا وبالتحديد المانيا الشرقيه فبصراحه ما افضل انكم تطلعون خارج برلين لزياره المدن القريبه منها لوجود نوع متزايد من العنصريه ضد الاجانب هناك وخصوصا العرب والمسلمين من قبل الالمان هناك نحن المقيمين هنا تعودنا على هذه الامور ونعرف ماهي الاجراءات اللي يجب اتباعها في مثل هذه الحالات ولكن بالنسبه لكم اختي العزيزه فانتم قادمون لغرض السياحه وقضاء اوقات ممتعه فالافضل تجنب بعض المنغصات اللتي قد تطراء في الرحله


ثالثا فرانكفورت وموقعها الجغرافي تقع في قلب المانيا بالظبط وتعتبر مركز شبكه القطارات والتنقل داخل المانيا كلها حيث تنطلق محطه قطاراتها رجلات تتجه لجميع المدن الالمانيه بمختلف الاتجاهات في داخل المانيا وايضا داخل اوربا كامله

ولهده الاسباب مجموعه ارى من الافضل ان تكون رحلتكم الى رفرانكفورت ومنها الى مدن ومناطق كثيره ستستمتعون بزيارتها

واولا واخيرا القرار لكي اختي العزيزه

مشرفنا الغالي والرائع دوما أبابيل شكرًا من القلب لكما....۔

طيب هل يمكن الاستغناء عن السيارة في فرانكفورت...والوصول للاماكن عبر شبكة القطارات؟؟؟

الشي الاخير صراحة وللفائدة العلمية ودي نعرف وين تتركز العنصرية وكيف طريقتها يعني..۔

لأني جلست بميونخ فترة طويلة وكان التعامل على أرقي مستوى وليس له مثيل كما شاهدت بالدول

الأخري......۔

وللامانه تقاريركم راااااااائعة جداجدا

بس بقي احدد الاماكن السياحية وطريقة الوصول عبر شبكة القطارات.......

مساء الخير

ما قصر خبيرنا .۔ فرانكفورت مدين كبيره بعكس الماينا الشررقيه من ناحية العنصريه .۔ ما في اختلاف كبير بين ميونخ وفرانكفورت من حيث تنوع السكان .۔ هذا الامر ما يشكل عائق ابدا


السكن بسنتر المدينه مهم جدا بفرانكفورت للتنقل الى كل مكان تحبينه بجميع الوسائل العامه .۔

التسوق الرائع لا ينتهي بفرانكفورت ابدا ابدا وصعب حصره او تغطيته بالكامل ۔ عموما هي من اجمل المدن للتسوق وراح تلاحظين هذا الامر عند الزياره


شوفي الي تبينه وابشري خير

الله يجزاك خير.... ليس بجديد ماتقدمه يامشرفنا الغالي فادائما انت السباق بتقديم المعونه للجميع والأعضاء الرائعين

وللأمانه اكثر ماشدني هو مادونته انت في تقريرك وكذلك اخونا ابابيل فسطرتما اروع مايمكن ......فلكم كل الشكر..۔

وبدأت التخطيط من الآن فقط بقي تحديد وجهات الجدول وامكانية الوصول السريعة فخريطة القطارات رائعة لكن بقي تحديد

اماكن السياحة في المحطات المدرجة بالخريطة.......

طالما عندج 12 يوم

ممكن توزيعهم بين عدو مدن قريبه او بعيده شوي عن فرانكفورت

مثال دوسلدروف او بادن بادن الجميله وخصوصا لو حبيتم اتزورون ملاهي يوربا بارك

بعد ما اتشوفين شنو ترتيباتج خبرينا

تحياتي

الشكر موصول لاخينا ابو عمر والسباق دوما بخبرته ونصائحه التي لا غنى عنها

الاخت العزيزه حلم الغرام نصيحتي ان تبدئي من الان بتدوين اسماء الاماكن اللي قريتي عنها بالتقارير وقررتي انكم تزوروها ويبدي التخطيط للرحله من الان اسامي الاماكن اللي اعجبتك بيكون جدا مهم حتى اتمكن من تزويدك بالعناوين وطريقه الوصول لها ثاني شيء انتي لم توضحي متى ستكون السفره ان شاء الله يعني في اي اشهر لان الاماكن اللي انصحكم بزيارتها بتفرق حسب الجوء وطبيعته في الفتره اللي بتقررون فيها زياره المانيا
بالنسبه للسكن فالافضل كما اشار عليكي الاخ علي يكون قريب من سنتر فرانكفورت ليتيح لكم حريه الحركه بسهوله بين السكن واماكن المطاعم والمحلات وشارع التسايل وهنا طبعا بيكون اختيار السكن متاح في اطار اربعه كيلو متر من السنتر يعني في نطاق شبكه المواصلات الكثيفه اللي شفتيها فهنا القطارات او المتروات والباصات توفر خدمه النقل على مدار الساعه وبصراحه هناك نوع من المتعه في ركوب الاسبان او المترو خصوصا داخل محطات سنتر فرانكفورت تحت الارض

بالنسبه لسوالك حول العنصريه فلا تشغلين بالك ان شاء الله ما تلاقون اي نوع منها لان المدن الكبيره في المانيا شهدت اندماج وانصهار لجنسيات وعروق بشريه كثيره من جميع انحاء العالم ولكن في القرى البعيده عن الاماكن السياحيه او المدن الكبير يوجد فيها هذا النوع من العنصريه وهو ان وجد يكون على شكل جلافه وسوء في التعامل في عموم المانيا وقد يصاحبه نوع من العنف في المناطق الشرقيه من المانيا
اما بالنسبه للنصايح حول موضوع العنصريه وتجنبها وان بدينا الكلام عنها فيبيلنا منتدى خاص بهالموضوع ويمكن ما يكفيه
لذلك افضل انركز بموضوع السفر والسياحه والمعلومات اللي تفيد المسافر العربي

الله يجزاك خير اخوي ابابيل دائما مبدع بكل شيء...۔ بصراحه الوقت محتاره بين قبل اغسطس او وسط اكتوبر لإن

اشوف الوضع الآن تغير اصبح السياح اكثر كثرة في شهر اكتوبر رغم البرودة في الجو .... لان لنا اقارب وصلوا قبل ايام من ميونخ

وكانت مزدحمة جدا بالسياح وفيها مهرجانات كثيرة سواء في الاسواق او الساحات....۔ وبالنسبة للتخطيط من الآن انا بخطط

على الاماكن لاني حابه يكون ضمن الرحلة منطقة ريفيية نزورها ونجلس فيها ونرجع لفرانكفورت مرة اخرى بحيث

تكون المسافة اقصى مايمكن 200 كيلو

علما ان التخطيط المبدئي الاعتماد على شبكة القطارات لاننا صراحة جربناها ومريحتنا كثير جداجدا.....۔

وبالنسبة
لموضوع العنصرية صراحه سئلتك لانه زرت اماكن ريفيه في المانيا ولم نجد اي عنصرية تذكر بالعكس كنا نحرج

من حسن تعاملهم معنا فلذلك احببت اعرف اكثر كونك انسان خبير ونسعد دائما بكتاباتك وتقاريرك...۔

ويارب ينكتب لك في كل خطوة عزة ومحبة وسلام.......

اختي العزيزه
بصراحه ان كنتي تبين نصيحتي فالمانيا افضل وقتين بالسنه تنزار فيها هي في مايو شهر خمسه او في نهايه سبتمبر وبدايه اوكتوبر
في مايو بيكون الربيع بادي والخضره والطبيعه واشكال الاشجار فعلا قطعه من الجنه بشوارع الجانبيه اللي تفصل بين القرى الصغيره في نواحي المدن هذي المناظر مستحيل تتعوض وكذلك في نهايه التاسع وبدايه العاشر بيكون الخريف بادي والوان اوراق الشجر اليابس والمتساقط المختلفه منها البني الفاتح والغامق وحتى في منها البنفسجي
بالنسبه للاحتفالات المستمره اللي تبدي في فصل الشتاء تكون بصوره عامه بدايتها مع بدايه شهر نوفمبر وهي احتفالات ليليه على شكل فعاليات بسيطه ومحلات او اكشاك تنصب في ساحات المدن القديمه يباع فيها جميع المنتوجات اليدويه القديمه والتقليديه وهذه الاحتفالات هي احتفالات دينيه بمناسبه قروب فصل الشتاء والكرسمس وراس السنه

السكن طبعا بيعتمد على عدد الاشخاص وكذلك ماتفضلوه من عرف فندقيه او شقق ولكن الموقع هو المهم فنصيحه ان يكون قريب من مدخل محطة الاسبان S-Bahn وهذا هو اسم المترو باللغه الالمانيه حتى تتيح لكم حريه الحركه والتنقل بسهوله

المناطق الريفيه اللتي تمتاز بطبيعه جميله وخلابه قريبا من فرانكفورت هي مناطق شمال فرانكفورت ماين تاونوس كرايس و هوخ تاونوس كرايس هذه المقاطعات لو لاحضتي باي خريطه جغرافيه لفرانكفورت ستلاحظين اللون الاخضر الذي يغطي الجهات الشماليه من فرانكفورت وكذلك وجود سلسله جبال فيلد بيرك وفي معلومات مختصره عنها في تقريري عن فرانكفورت تقدرين تدخلين وتشوفين بعض الصور هناك بصراحه المناظر جدا جدا رائعه وجميله فالطبيعه في المانيا فعلا معتنين فيها لاقصى الحدود

العنصريه الخطره ابعدكم الله عنها وعن شرها توجد فقط في القرى النائيه والبعيده عن المدن الكبيره وطرق واماكن السياحه
فالالمان اللي يتعاملون مع السياح اكيد مابيكونو عنصريين لان هذا مصدر رزقهم والمدن الكبيره بسب تواجد الاجانب باعداد كثيره ومنذ فترات طويله تاقلمو الالمان على التعامل معاهم وخصوصا الاجيال الجديده من الشباب اما الالمان القدماء اللي اعمارهم فوق الستين واللي يسكنون المناطق المعزوله وحتى الشباب منهم هذول هم اللي نقصدهم بكلامنا وخصوصا في المناطق اللي كانت سابقا تعتبر المانيا الشرقية
هذا ما يتعلق بالاستمتاع بجمال الطبيعه
اما متعه التسوق وتنوع الماركات ففرانكفورت فعلا تعتبر سنتر اوربا كامله في هذا المجال والاعمار والبناء مستمر لجد هذا اليوم في بناء اكبر مجمعات التسوق والتبضع في المانيا واوربا كلها ففي تقرير اختنا العزويزه اشرت لمجمع تسوقي اسمه ماي تاونوس سنتروم كان البناء والتوسعه وقتها مستمره فيه ولكن يوم 17 الشهر هذا تم الانتهاء منه واعاده افتتاحه من ومع العلم انه قريب من منطقه سكناي فصدقيني يا اختي لعد هذا اليوم لم اقوم بزيارته لانه يشهد ازدحامات شديده فوق ماتتصورين فعدد الزائرين له وطوابيل السيارات المتجه له تصل الى الطريق السريع اللي اعاني كل يوم من زجمه السيارات المتجه لزياره هذا المركز وانا عائد بطريقي للمنزل ولكن اوعدكم اني ساحاول باقرب فرصه زيارته وان استطعت ان اصور بعض الصور له من الداخل مع المحلات الجديده وستكون صور حصريه لمندانا الرائع
وهناك ايضا في مطار فرانكفورت مراحل بناء مركز المطار الجديد اللي سيكون على شكل حوت بحجم بناء جدا هائل يحوي بداخله عده مراكز تسوقيه وكذلك مجموعه فنادق وكذلك جناح خاص بالمكاتب والشركات كل هذا في مبنى واحد
وهذه صوره المبنا


]

الله يجزاك خير صراحه كل كلمة تكتبها اجد فيها المتعة والفائدة وتجذبني اكثر واكثر لفرانكفورت..۔ بصراحه لما كنت في

ميونخ كنت واضعة بالحسبان فقط يومان للتسوق والتمشية فيها وللامانه جلست فيها 6 أيام وبرضوا اجد نفسي مشتاقه

لزياردة عدة اماكن فيها فهي في غاية الجمال... وزرتها عامان متتاليان....فيها النظام والاحترام المتبادل بين الجميع لم اجده

في دول آخرى وخصوصا المناطق الريفيه القريبه منها...۔ ولكن لما قرأت ماسطرته اناملك انت ومشرفنا الغالي اعجبني

وشد انتباهي ماكتبتم....۔فلذلك قررنا زيارتنا القادمة لفرانكفورت ان شاء الله...۔ العدد 2 والوقت ليس باستطاعتنا تحديده

اما قبل اغسطس بأيام او في المتوسط من شهر اكتوبر.... وبالنسبة للايام بتكون تقريبا 12 يوم او بالكثير 14 يوم

وحبيت اعرف كيف اقسمها بالنسبة لفرانكفورت راح اضع لها مايقارب 6 أيام ووضع جدول خاص لها

وتبقى لدي مثلا 7 أيام :::

وأريد اختيار وجهات قريبه استطيع الوصول لها بالقطار ومن ثم العودة لفرانكفورت...۔

ووضعت ببالي عدة خيارات : ماين تاونس - هوخ تاونس - دوسلدورف - بادن

بقي اعرف ايهم افضل اختار والوصول عن طريق القطار والمسافات بحيث لاتتجاوز الساعتين بحيث اختيار او حذف او اضيف

اي وجهه اخرى....۔

وطبعا المثل يقول لا يــفــتى ومالك في المدينة.....۔

فأنتم خير دليل لي بعد الله .......والله يجزاكم كل خير على جهودكم....سبحان الله كل مازرت مكان اتذكر من دلني عليه

واردد جزاه الله كل خير .....

بادئ ذي بدء اختي العزيزه والاخوه الاعضاء اكرر اعتذاري عن الاخطاء الاملائيه اللي موجوده بكثره بمشاركاتي والسبب اني اكتب بسرعه ومن غير مراجعه وبيكيبورد لابتوب مافيه عربي يعني المفروض حافض مكان الحروف بس الظاهر ان الاصابع تضيع طريقها للحرف الصحيح بعض الاحيان فاحببت ان انوه لهذا الموضوع واجده مهم جدا حين اعود مره ثانيه لقرائه المشاركه اللي كتبتها احس نفسي طالب ثالث ابتدائي
المهم ما علينا
اختي العزيزه تصدقين قبل نص ساعه من الان وبالضبط الساعه الواحده والنصف طلعت في راسي وقلت كيييييييف مركز مايتاونس انفتح وانا للحيييييييين ماني شايفه كيييييييف
فطلعت براسي فكره وتلاقيني مثل الغزال نطيت لبست ثيابي وكثرت بالثياب وعلى طول للكراج اخذت السياره وفريره للمركز بركتها هناك وكانت سيارتي بروحي يعني لا زحمه النهار وانطر نص ساعه لين تحصل بارك المهم نزلت اتمشى بروحي بالمركز وكل المحلات مسكره وهدوء رهيب وجميييييييييل واتفرج على المحلات الجديده والديكورات الجديده اللي خاطينها واشجاء الكرسمس ومحلات الماركات الجديده اللي كا كانت سابقا موجوده فيه فقمت خرجت موبايلي وبديت اصور واصور واصور ولكن ياحسافه توني من رجعت البيت وشفت الصور تذكرت اني نسيت اغير اعدادات وضوح الصوره وكنت باصور باقل جوده في الجوال عشاني كنت مضبطها مع الواتس اب الصوره تكون بحجم صغير عشان ترسل بسرعه بالواتس اب
ولكن اوعدكم بصور اخرى انشاء الله بتقرير منفصل والان بكتفي بالصور الطازه والجديده الخاصه بمنتدانا قبل نص ساعه بالضبط من الان وفي تمام الواحده والنصف من مساء هذا اليوم



















اختي العزيزه بالنسبه للاماكن اللي انصحج وضروري تزوريها وهي قريبه من فرانكفورت وفعلا اماكن جديره بالاهتمام

مدينه ماينز وروئيه سنتر المدينه وكذلك الكاتدرائيه القديمه والاثار الموجوده في كاتدرائيتها القديمه
وكذله مدينه فيزبادن وسنترها الكبير وعلى فكره فيزبادن تعتبر عاصمه مقاطعه هسين الاداريه اللي فرانكفورت هي احدى مدنها اقصد مقاطعه هيسن

واهم شي تزورين مدينه65385 Rüdesheim am Rhein رودزهايم ام راين او رودهان على نهر الراين ففيها المدينه القديمه الرائعه الجمال وكذلك كورنيسها الجميل على نهر الراين والتمتع بركوب التلفريك والصعود الى قمه الجمبل والتمتع بالمناظر الخلابه من اعلى مزارع العنب الالماني وزياره القلعه او القصر الموجود في اعلى قمه الجبل
وكذلك امكانيه ركوب العباره اللي يستقلوها الناس وكذلك السيارات ووقطع النهر من ضفه الى اخرة بواسطه رحله العباره

على كل حال هذي مجرد خواطر تذكرتها الان اللي اطلبه منك اتسجليها وتحفضيها عندك وانشاء الله لما يقرب وقت السفر بعطيكي العنواوين الدقيقه لهالماطق اللي تقررين زيارتها او كيفيه الوصول لها سواء بالقطار او بالسياره

بصراحه ماقصرت كفيت ووفيت والصور رائعة جداجدا...۔

بالنسبة للتخطيط وضعت تخطيط مبدئي وراح استقر عليه ان شاء الله بس بقي اخذ مشورتك في الاماكن::

طبعا مدري عن المسافات يعني شنو اللي اقدر اروح له وارجع بنفس اليوم وشنو اللي لازم اسكن فيه ....۔

طبعا وضعت مايقارب 6 أيام لفرانكفورت شاملة لها... وبقي لي زيارة او سكن والجلوس باقي الايام بين المناطق التالية:

ما ينـــز - فيس بادن - فرايبورغ - رست -- سولسباخ ---- شتوتغارت --- ماين تاونس -- كولون

ولا اعرف المسافات بين هذول وبإمكانك تضيف او تحذف اي منطقة منهم وطبعا الوصول عن طريق القطار ولاتتجاوز المسافة

ساعتين ونصف..۔ عن فرانكفورت...۔ وطبعا نرغب باختيار موقع يكون فيه الطبيعة الخيار الاول...او مدينه حيويه جدا...۔

وتحياتي لك وتشكر على جهودك المرئية للجميع....

اختي العزيزه
المناطق اللي كتبتيها بصنفها حسب قربها من فرانكفورت
وراح اصنفها قسمين
القسم الاول المناطق اللي تقع في داخل فرانكفورت ويمكم زيارتها في نفس النهار او زياره اكل من منطقه منها في نهار واحد لانك ممكن تستقلين شبكه الاسبان او المترو والوصول لها بيكون سهل وقريب
سولسباخ وفيها مركز التسوق مايتاونوس سنتروم هذا اسمه طبعا والوصول لها عن طريق الاسبان رقم s3
منطقه الهوخ تاونوس ومركزها كونكشتاين او ابشتاين وهي جدا قريبه ولكنكم بتحتاجون سياره للتمتع بمناظر الطبيعه اللي تشبه لحد كبير احد الافلام الموجوده في الممتدة عن متعه القياده في الريف الالماني ويوجد فيها قمه الجبل اللي موجوده في تقريري عن فرانكفورت

ماينز وفيزبادن مدن كبيره تقع قريبه من فرانكفورت ويمكن الوصول لها بالقطار ايضا برحله اقل من اربعين دقيقه وفي هذي المدينتين معالم سياحيه كثيره من مديمه قديمه واثار وسنتر تسوق

القسم الثاني من المدن اللي ذكرتيها هي كل من فرايبورك كولون شتوتغارت فرايبورك فهذي مدن بعيده شوي برلحه قطار قد تصل لاكقر من ساعتين حسب رحله القطار ونوعه ان كانت سريع او فيه تنقلات وتبديل قطار ولكن مع هذا لحينها ووقت السفر وان قررتو زيارتها وحددتي يوم الزياره ممكن انشوف في مخطط وجدول الرحلات واعطيكي رقم الرحله اللي تكون مباشره وبدون تحويلات وموقع انطلاقها حتى يسهل عليكم اختيار الرحله المناسبه والسهله

يعني حسب هذي الخطه راح يكون سكنكم اول ست ايام في فرانكفورت وتدائين بوضع جدول لزيارات كل يوم وافضلها اول يومين بيكونون لسنتر فرانكفورت والمكانات القريبه منها على ضفتي النهر فرانكفورت الجديده وهي جانب ناطحات السحاب ومراكز البنوك وشارع التسايل والجانب الاخر وهو فرانكفورت القديمه ( الت شتات ) وفيها الفلكلور الالماني والطبيعه القديمه اللي ممكن تكوني شاعدتيها في الافلام الكلاسيكيه القديمه عن اوربا في العصور الوسطى واسم المنطقه ساكسنهاوزن


بالنسبه لمكان سكنكم وعنوان الفنقد فانصحك بما انكم ناوين تعتمدون على الاسبان او القطارات بالتنقل ومابتاجرون سياره فانصحكم بالسكن في سنتر فرانكفورت لانها قريبه من محطه فارنكفورت الريسيه اللي هي تعتبر سنتر لانطلاق جميع خطوط الرحلات بجميع انحاء فرانكفورت وكذلك مدن المانيا الاخرى
ولكن ان كنتو ناوين تاجرون سياره فبتكون النصيحه هي السكن في شقه او فندق في نواحي فرانكفورت اللي تتميز بالطبعه الخلابه مثلا سولسباخ او باد زودن او كلكهايم لقربها من الغابات والمنطقه الجبليه وبنفس الوقت قربها من سنتر فرانكفورت وفي هذه المناطق السكنيه لاتوجد مشكله لمكان ايقاف السياره لان الباركات هناك مجانيه يعني امام الدار او العماره توقف السياره لانه لاتوجد كثافه سكانيه كبيره فيها

اهلا وسهلا .......۔ وشكرا لك على جهودك المتواصله مع الجميع.........۔ جلست وتصفحت وحفظت معلومات كثيرة وتقارير

رغم ان البعض رأ يت يكتب ان فرانكفورت لاتصلح للسياحة بل مدينه اقتصادية....۔ والمهم انا قررت تكون طريقتنا مقسمة

إلى قسمين : فرانكفورت و منطقة اخرى ... بحيث بتكون زيارتنا اول ثلاث ايام لفرانكفورت وبعدها الانتقال بالقطار

للمنطقة الآخرى لمدة خمس ايام وخلال هالخمس ايام زيارة مناطق بجانب هالمنطقة او معالمها السياحية ومن ثم

العودة مرة آخرى لفرانكفورت والجلوس مايقارب 4 أيام وزيارة الأماكن القريبة من فراكفورت ووضع جدول لها...۔

وبقي الآن ترشح لي المنطقة الآخرى فهناك عدة خيارات ولا أعلم مانختار فهل نختار

ماينز وا فسبادن وهايدلبرج ودسلدورف وكولون او غيرها...۔

لان المسافات لااعرفها واحاول قدر الامكان لاتتجاوز الساعتين بكثير

ولك الخيار بتحديد الخيار لاني اريد وضع جدول مقسم لقسمين فرانكفورت وجدولها ومنطقة اخرى وجدولها..۔

وكل التحايا لك ولمشرفنا الغالي على جهودكم المتواصلة....

اكيد اختي العزيزه القرار الاول والاخير لج وخير مافعلتي الفتره اللي فاتت قريتي واخذتي معلومات اكثر وكونتي فكره كامله عن الاماكن اللي بتنوين تزوريها
وبالنسبه للمدين اللي تبين نصيحه بزيارتها انشاء الله بالاول حتى يسهل على تقديم النصيحه بالشكل الصحيح
ابحاول اصنف الاهتمامات الى ثلاث انواع او اكثر وانتي قوليلي وش هي اهتماماتكم بالدرجه الاولى اللي فعلا تجدون متعه في الوقت اثنائها وهي كالاتي
الاهتمام بالتسوق والتبضع وزياره المحلات
المناظر الطبيعيه والريف والهدوء
المعالم الاثريه والثقافه الاوربيه والمتاحف والاهاتمات الثقافيه

طبعا مبدئيا ان ركزتيلي على مجال معين سواء من هذي الامور او امر فاتني فبيكون كثير سهل علي احددلك المدينه او الوجهه اللي بتروحوها وبتلاقون فيها ضالتكم ومبتغاكم لان هنا في المانيا التخصص بكل شيء طال حتى تصنيف المدن والطابع اللي تنتمي لها والمجال اللي تميله هذه المدن وحتى المرافق السياحيه فالتخصص اصبحه سمه العالم الحديث في يومنا الحالي
بانتضار اجابتكم وانشاء الله باسرع وقت بيكون عندك قايمه باسماء الاماكان اللي ممكن تزوروها وطرق زيارتها والمسافات اللي تبعدها عن فرانكفورت

الله يجزاك كل الخير..... طبعا اجابتك تنم عن انسان فاهم تماما ومقدر لكل شيء..۔ وهذا بحد ذاته رائع جدا...۔

طبعا كان لنا رغبه بالمقام الاول طبيعة ولكن ليس طبيعة خاليه من التسوق والتمشية...۔

يعني نغير جو مكان طبيعة ومن بكرى مكان تسوق وبعده تمشيه وهكذا...۔

وطبعا بالنسبة لو كان مكان طبيعة فقط خالي من التمشية فإننا نختار مكان رحلات وتسوق عوضاً عنه......۔

احيانا في ناس تفضل مثلا السكن في اكواخ وهذا بالنسبة لنا ممل جدا يعني يومين وتمل من الهدوء ودك تغير

واحيانا تكون مناطق ريفية هادئة وفيها اماكن حيه كاسواق ومناظر وتمشية وهاذي رائعة....۔

وان لم تتوفر هذه فاننا طبعا نفضل مكان الرحلات والتسوق والتمشية... وتحياتي لك لسائر جهودك مع الجميع

مساء الخير

طالما خبيرنا موجود ماعلينا وعليج خوف راح يصحح لنا اذا اخطأنا


طالما عندج 12 يوم وتحبين اتقسمينهم ما بين فرانفكورت ومدينه اخرى

انصحج بالاتي

فرانكفورت 5 ليالي وتخصصونها للسياحه لها ولما حوالها من مدن رائعه

ثم الانطلاق الى بادن بادن جنة الترفيه والهدؤؤ والريف الحلو وطبعا مع اجواء مدينه مع زيارة ملاهي يوربا بارك ويوم ممكن زيارة ستراسبورغ الفرنسيه .۔ ويوم ببادن بادن واماكنها السياحيه وبادن تعتبر من المدن الفخمه بالمانيا 4 ليالي

ثم الرجوع الى فرانكفورت وهنا ممكن تخصصون 3 ليالي للتسوق داخل فرانكفورت 12 ليله 13 يوم

تحياتي لكم جميعا

السلام عليكم
اخوي ابو عمر العين ما تعلى على الحاجب ياخوي وتبقى انت السباق بفضلك ومساعدتك للاخوه جميعا وانا اولهم

اختي حلم الغرام ان اعجبك المخطط اللي وضعه اخونا بوعمر اذا بيكون اول خمس ليالي في فرانكفورت والسكن ان احببتم بيكون قريب من السنتر فساحاول وضع جدول للرحله كل يوم على حدى واشرح فيه بعض النصائح البسيطه اللي ممكن تكون غايبه عن الكثيرين
زياره اماكن التسوق والمحلات والسنترومات من الافضل تكون في فتره من الصبح لفتره الظهر لان بعد الظهر الناس تخلص من اعمالها وينزلون السوق فيزداد الازدحام على المحلات وحتى البائع يكون له وقت قليل لكل زبون فالافضل زياره المراكز التسوقيه قبل الضهر
الاماكن السياحيه تكون في مابعد الظهيره الى المساء لان تنشط فيها الفعاليات الموسيقيه والفنيه فيكون الاستمتاع فيها بشكل امثل

ان قلنا خمس ليالي فاول يوم بيكون يوم الوصول وراحه وهذا بيكون بدون جدول الافضل بعد ماتوصلون الفندق وترتبون الاغراض حسب وقت الوصول تقدرون تنزلون للمنطقه القريبه للفندق وبجوله استكشافيه عن مكان محطات الميترو القريبه وكذلك تاخذون خراطه للمتروات ومحطات توقفها وهذي جدا جدا مهمه لازم تكون بجيبكم على طول وهي على فكره مجانيه

اول يوم
بيكون الاستيقاض مبكر والفطور وتكونون جاهزين بحدود الساعه تسع تنزلون للمدينه وتتوجهون للسنتر شارع الماي تسايل طبعا هذا الشارع اضن الشرح في التقارير كان وافي له وساظيف بعض التفاصيل الدقيقه
شارع التسايل محاط بطرفيه بمحطات مترو مشهوره الاولى هاوبت فاخه وهي محطه المتيرو الغربيه للشارع وفيها وقريب منها شارع كوته Goethestrasse للماركات العالميه والبضائع الغاليه جدا يعني للي عنده اهتمام بشراء او التمتع روئيه منتج تم صناعه عشر قطع منها في العالم فقط
ويوجد ايظا قريب منها بنايه الاوبرا القديمه Alte Oper
وشارع المقاهئ Grosse Bockenheimerstrasse وهو مليء بالمقاهي القديمه ومنها ماركات كثيره معروفه وموجوده في بلداننا وكذلك فيه وكاله شركه ابل Apple ومعرض منتوجاتها الالكترونيه
هذه الجوله اعتقد بتاخذلها اقل شي خمس ساعات وبيكون حان وقت الغداء وبتاخذون راحه الغداء سواء في الفنقد او في المطاعم الموجوده في المنطقه واعتقد لابد من عوده للفدق لاخذ راحه
بفتره ما بعض الظهر والمغرب العوده مره اخلى الى جهه التسايل ولكن هذه المره الاتجاه نحو المدينه القديمه وهي القريبه من نهر الماين Alt stadt وفيها وخصوصا ان كنتو قادمين بفتره ما قبل نهايه العام بتلاقون الفعاليات الفلكلوريه الجميله والاكشاك اللي تبيع المنتوجات الكلاسيكيه الالمانيه من حلوى وشموع والعاب ومنحوتات خشبيه اضافه للاحتفالات والموسيقى وفرق العرض اللي تكون كل ليله في عرض جديد وكذلك جهه شارع التسايل الشرقيه محطه الكونستابلار فاخه موجود قريب منها حديثه عامه وكذلك حديثه حيوانات فرانكفورت ممكن زيارتها. بصراحه اضن ان كل هالاماكن بيوم واحد صعب جمعها ولكن هذا تخطيط مبدئي وبالاخير يكون لك الاختيار

ثاني يوم
بيكون من الصبح لاخره بخصصه لزياره سنترومات التسوق اللي بتحتاجون المترو والباص للوصول لها
اولا مايتاونوس سنتروم والوصول له
من محطه الكونستابلر فاخه على سبيل المثال سيكون النطلاق باخذ المترو رقمS2 والنزول في محطه هوكست وفي الرابط هذا خط المترو والمحطات اللي بتمرون فيها موشره باللون الاحمل واسهم دخول المحطه والخروج من المحطه تشوفيه حتى يسهل عليكم الشرح بتمرون بست محطات والرحله بتستغرق 15 دقيقه بس بعدها تنزلون
http://www.rmv.de/auskunft/bin/jp/tr...7&backLink=tp&

بعد النزول من المحطه بتلاقون الباصات امامكم مباشرتا تستنون باص رقم 253 وطبعا بتركبون فيه وبتمرون بسبع محطات لين توصلون محطه النزول وهي مايتاونوس سنتروم والرحله بتستغرق 13 دقيقه بس هناك بتقضون فتره الصباح كلها لين وقت الضهر طبعا راح تلاحضون تنوع البظاعه وحتى نوعيه الزباين
وهذا طبعا مخطط المحطات الباص
http://www.rmv.de/auskunft/bin/jp/tr...6&backLink=tp&
والعوده بتكون على نفس الخط طبعا
نسيت اقولك ان هوكست هذه المخطه اللي بتبدلون فيها المترو والقطار فيها سنتروم شعبي صغير وفيها غرب بكثره والمطاعم الحلال طبعا في مطعم تركي اسمه اورفه انا دايم اكل عندهم لان فعلا اكلهم على درجه عاليه من النضافه واهم شي حلال تقدرون ان كان عندكم وقت تتوقفون بسنتر هوكست وتخذون لفه صغيره فيها
هوكست تعتبر ميناء فرانكفورت القديم على ضفه نهر الماين هناك البوابه القديمه والبيوت الفلكلوريه القديمه جدا اللي في ازقتها مثلو افلام العالميه اللي تتكلم عن حقبه اوربا في العصور الوسطى على شاكله اولفر تويست وتاجر البندقيه

فتره ما بعد العصر زياره نوردفيست سنتروم وهو مجمه تسوقي قامت الاخت هداوه بزيارته ووضعت شرح وصور عنه تقدرين تشوفيه بتقريرها
الوصول له بيكون ايضا من محطه الانطلاق الافتراضيه وهي هاوبت فاخه جهه التسايل الشرقيه بالركوب في شتراسن بان او مترو الشارع رقم U1 وستمرون ب 13 محطه توقف برحله زمنها 17 دقيقه الى ان تصلو محطه النورد فيست سنتروم تنزلون وتقضون باقي النهار هناك طبعا هذا المجمه كبير وفيه كل شيء حتى مطاعم ووجبات سريعه ويشهد في هذه الفتره فعاليات فنيه وترفيهئيه
http://www.rmv.de/auskunft/bin/jp/tr...6&backLink=tp&


اباخذ استراحه واقوم اتعشى الحين اختي وارد اكمل باقي المخطط

اليوم الثالث
بيكون مخصص لمدينتي ماينز وفيزبادن
الوصول لمدينه ماين وفيزبادن ارتائيت ان اضعه في يوم واحد لان نفس الاسبان او المترو اللي يوصل لماينز هو نفسه يكمل ويوصل لفيزبادن وهو رقم s8
وبخلي مخطط رحله القطار كالعاده في اسفل المشاركه
ايضا من الصباح الذهاب لمدينه ماينز باخذ القطار رقم s8 من محطه الكونستابلار فاخه وبرحله بتستغرق تقريبا 45 دقيقه وبتمرون ب 14 محطه وتنزلون في محطه ماينز الريسيه اللي تكون قريبه من سنتر ماينز وخلال هذه الرحله راح تستمتعون بالمرور بالمناظر الطبيعيه الخلابه لين توصلوها وبسبب اعتمادكم على وسائل النقل العامه فبهالرحله تقدرون تستمتعون نوع ما بمناظر الطبيعه الخارجيه عن المدن ومشاهده الطبيعه من تلال ووديان خلال رحله المترو
من رايي تقسمون الوقت ما قبل الضهيره تكون لمدينه ماينز تحاولون تتطلعون على مايسمحلكم بيه الوقت من معالمها واسواقها وبعدها تعودون لمحطه المترو نفسها وتاخذون نفس القطار s8 وتكملون الرحله بعد الظهر لين فيزبادن اللي تعتبر مدينه كبيره وعاصمه مقاطعه هيسن كلها وفي هذي المدينه توجد مرافق كثيره جدا بتشد اهتمامكم لان سنترها كبير وفيها معالم اثريه وفنيه وبعدها عندنا يقرب المساء تعودون على نفس الرحله ولكن بالاتجاه الاخر لين توصلون فرانكفورت والرحله هنا بتكون مدتها ساعه تقريبا في الاسبان او المترو

http://www.rmv.de/auskunft/bin/jp/tr...0&backLink=tp&

اما اليوم الرابع اللي بتكون ليلته اخر ليله في فرانكفورت قبل مغادرتها في اليوم التالي للمناطر او المدن الاخرى فمن رايي لو تتمكنون من زياره المناطق الريفيه شمال فرانكفورت لان توجد محميات طبيعيه وجبال وغابات وعيون ماء نقيه جدا وبحيرات ولكن هذي بصراحه بتحتاجون لها سياره خصوصا قمه جبل فيلد بيرك او الشوارع الزراعيه الموجوده في ابشتاين وكونكشتاين فان استطعتو ايجار سياره او اتفقتو مع احد من السواقين ولا اعرف بصراحه هي يندلون هذه المناطق ام لا ولكن بكل حال من الاحوال ان نويتو انو تشوفون هذه الاماكن فلوقتها انشاء الله بنلاقي حل
وان ماكان عندكم اهتمام لها فممكن في هذا اليوم زياره مدينه بادهومبورك شمال فرانكفورت لانها تجمع الطبيعه مع محلات التسوق معن لوحود الحديثه المركزيه في قلب المدينه وفيها مناظر طبعيه جميله وكذلك سنترها كبير ويمكن قضاء وقت فيه ايضا والوصول لها بيكون عن طريق الميترو من الكونستابلر فاخه الى سنتر باد هومبيورك باخذ القطار رقم s5 والرحله بتاخذ تقريبا 26 دقيقه وبتمرون ب 11 محطه لين الوصول لها
http://www.rmv.de/auskunft/bin/jp/tr...4&backLink=tp&

اختي لاحظت اني بالجدول والمخطط وخصوصا اول ايام وضعته بشكل يكون مزدحم اتمنى انكم تقدرون تشاهدون وتزورون اكبر عدد من الاماكن اللي وضعتها وان ضاق الوقت في اول ايام تقدرون بعض الاماكن اللي ما قدرتو تزوروها تعودو زيارتها في اليوم الاخير اذا كان هناك متسع من الوقت

في الايام الاخيره اللي تكون قبل السفر في طريق العوده طبعا هذي افضل انك تخصصيها للتسوق لانكم اكيد في اول ايام وانتو تزورون المحلات اخذتو فكره عن البظائع واسعارها وانواعها فالتسوق الافضل يكون في الاخير حتى تشترون الاشياء اللي استقر رايكم عليها بعد ما شاهدتو جميع البضايع

طبعا هذا جدول اتمنى باقي الاخوه المشاركه بتعديله اذا كانو يرتائون ذلك لان خبرتهم في السفر اكثر مني واكيد في اشياء طافتني ومانتبهت لها وذلك لاني مقيم هنا يعني التنقل سهل بيكون علي ومشاهده اكثر من موقع او مدينه خلال يوم واحد لان تعودنا هنا على السرعه بالحركه خلال النهار

بصراحه لو فتحت معجم وبحثت عن كلمة تستحق الثناء والشكر وتفي عم بداخلي من تسطير عبارات شكر وثناء

وإعجاب فيما خططت ووضعت وسطرت أناملك من إبداع وتخطيط مدروس فلن أجد ما يوفيك شكر صنيعك فيما كتبت

وفيما طرحت من تخطيط رائع جدا جدا أعجبت فيها ومباشرة وضعته عنوانا لنا .... بصراحه اعجبني تخطيطك اخي ابابيل

جداجدا ... واتوقع البرنامج راح يستغرق مايقارب 8 أو 9 أيام وهذا بحد ذاته رائع جدا... وتبقى لنا مايقارب 5 أيام

وضعها في منطقة اخرى وفيما رشحه مشرفنا الغالي وصاحب الآيادي البيضاء على الجميع فخياره رائع جدا

ووضعناه في الحسبان .... بالإضافة لانك يااخي ابابيل وضعت مناطق فيها طبيعة يمكن زيارتها فمن الممكن ايضا

وضع الأربع او الخمس الايام الاخرى بنفس فرانكفورت وزيارة مناطق اخرى متبقيه بالقرب من فرانكفورت او وضع منطقة

ولك الحرية الكاملة بالترشيح احد الخياران.... لانه سبق وجلست مايقارب 13 يوم في ميونخ لوحدها وللامانه لم نستطع

زيارة اماكن اخرى كنا مخططين لها بسبب كثرة الخيارات في ميونخ سواء داخلها او بالمناطق القريبة منها نزورها في اول

النهار ونرجع في اخره....۔ والشكر موصول لك انت ومشرفنا الرائع الذي دائما مايتحفنا ويقدم لنا المعونه فبارك الله لكما

في كل ما تقدمانه للجميع ويارب يجعل لكم من كل ضيق مخرجا ومن كل درب سهالة وسعادة ...

كلمات اطراء جدا جميله تشكرين عليها ياختي العزيزه

انا وضعت المخطط ونسيت اسالكم انتو كم شخص بتكونون وهل في اطفال او صغار بالعمر ومتى بتكون الرحله في اي شهر ويوم الوصول لان بصراحه هالمعلومات هذي جدا مهمه معرفتها في تقديم بعض النصائح المهمه وكذلك اقتراح بعض الاماكن

بانتضار الاجابه وانشاء الله بتكون رحله موفقه

كلمات اطراء جدا جميله تشكرين عليها ياختي العزيزه

انا وضعت المخطط ونسيت اسالكم انتو كم شخص بتكونون وهل في اطفال او صغار بالعمر ومتى بتكون الرحله في اي شهر ويوم الوصول لان بصراحه هالمعلومات هذي جدا مهمه معرفتها في تقديم بعض النصائح المهمه وكذلك اقتراح بعض الاماكن

بانتضار الاجابه وانشاء الله بتكون رحله موفقه

الله يجزاك خير..۔ وانت شخصكم الكريم من تزرعون في اعضاء المنتدى محبة وتقدير وثناء الجميع لكم..۔

طبعا عددنا اثنان فقط........وبالنسبة لموعد الرحلة من المحتمل تكون في شهر اكتوبر واحتمال ضعيف تكون قبل اغسطس

بأيام......

اذا ياختي رحلتكم انشاء الله تستغلونها افضل استغلال من ناحيه الوقت وزياره الاماكن المختلفه لانكم اثنين بس وبالغين يعني حريتكم بالحركه بتكون كبيره وحتى اسعار التذاكر في المترو او الاسبان بتقدرون تشترون تذكره لمده اسبوع وتقدرون تستخدمون الاسبان والمترو والباصات بكل راحه ولفتره تواجدكم كامله وابشوف انشاء الله مكتب التذاكر هل في تذكره لشخصين او لازم عائليه
في اكتوبر الجو بيكون جدا جميل ورائع وحتى اغسطس تعتبر من اشهر الصيف
ولكن الان تذكر شيء جدا مهم ابدخل موقع معرض فرانكفورت العالمي واشوف جدول اعمالهم

http://www.messefrankfurt.com/conten..._FFM_d_web.pdf

الان دخلت موقعهم ولاحظت ان في شهر عشره بيصادف معرض الكتاب العالمي في فرانكفورت فنصيحتي اختي العزيزه تحاولون اتكون سفرتكم مهي خلال ايام المعرض ان ماكنتو ناوين تزورونه لانه اسعار الايجارات والشقق والفنادق بتحترق نار في فتره المعارض لكثره الزائرين والسياح من جميع انحال العالم في هذه الفتره والافضل انك تقومين بالحجز قبل فتره طويله حتى تضمنين اسعار رخيصه ومنافسه

حلو جدا نبهتنا لها الامر..۔ وانا دائما اخطط من بدري.....۔ ماقصرت الله يسهل لك كل امر عسر

مرحبا اخوي ابابيل صراحه عملت مراجعة كاملة لتخطيطك الرائع ووضعت الجدول كالتالي::
اليوم الأول: تمشية عامة في ساحة تسايل والمقاهي

اليوم الثاني: الاتجاه عبر محطة s2 والنزول في محطة فرانكفورت هوكست واخذ الباص رقم253

اليوم الثالث: الاتجاه عبر محطة u1 والنزول في محطة النورد ويست زينتريوم

اليوم الرابع: الاتجاه عبر محطة s8 والنزول في محطة ماينز هبن هوف

اليوم الخامس: الاتجاه عبر محطة s8 والنزول في المحطة الاخيرة فيس بادن هبن هوف

اليوم السادس: الاتجاه عبر محطة s5 والنزول في محطة ماقبل قبل الاخير باد هامبورج

اليوم السابع : زيارة مجمعات التسوق الثلاثة اللي وضعتهم في تقريرك ولكن اثنان منهم لايوجد بالقرب منهم محطات قطار حسب الخريطة ان كانت رؤيتي صحيحة

اليوم الثامن : زيارة حديقة الحيوانات ولا اعرف طريقة الوصول لها ان كانت تستحق الزيارة

اليوم التاسع: زيارة - مدينة الملاهي فريزت بارك ( Freizeitpark ولا اعرف طريقة الوصول لها

اليوم العاشر : الذهاب إلى مدينه هايلدبرغ : لا اعلم طريقة الوصول لها وان كنت تنصح بزيارتها

طبعا وضعت الجدول خفيف من خلال زيارة المكان المقرر والعودة مرة اخرى للساحة الرئيسية والتمشية فيها

وبإمكانك الآن بحكم خبرتك وضع جدول زيارات ثلاث او اربع ايام سواء حدائق او مناطق سياحية متبقية بالقرب من فرانكفورت او في نفس فرانكفورت بحيث

يمكن الذهاب باكرا

والعودة مرة اخرى ........ والجدول وضعته ان كان اي خطأ تراه فبإمكانك تصحيحه وجزاك الله كل خيرررررررررررررررررررررررررر

ولروعة وجمال تخطيطك احببت ان اضع الخطة الرئيسية كما تراها وشكرا لك ولمشرفنا الغالي على جهودكم الرائعة

صراحه بعد التصفح المبدئي لجيمع المشاركة الخاصة بفرانكفورت وبتصفح النت صراحه وش هالظلم لفرانكفورت مليئة بالاماكن والانشطة والاسواق......

السلام عليكم اختي حلم الغرام
اسف على التاخير بالرد بسبب توقف الموقع لفتره لغرض تطويره وبعدها ضاعت مني المشاركه

بالنسبه لتقيسم جدول الزيارات اللي وضعتيه جيد وحلو ولكن لي بعض الملاحظات عليه وهو في اليوم السادس وزياره باد هامبورك فهي منطقه جدا قريبه من سنتر فرانكفورت وماتحتاج لها يوم كامل تقدرين تخليها في نفس يوم زياره المايتاونوس سنتروم او نورد فيست سنتروم

بالنسبه لليوم السابع وزياره مراكز التسوق الثلاث اللي قلتي عنهم فبصراحه ماعرف اي عن اي مراكز تقصديها فهل تقصدين مشاركتي في تقرير الاخت هداوه
فان كان هذا القصد فو مايتاونوس سنتروم وانتي بتزورينه وموجود بالمخطط والثاني اللي هو هيسن سنتروم وهذا في له مواصلات ممكن توصليه ولكن ليس بالقطار العادي ولكن عن طريق شتراسن بان او قطار الشوارع وان حبيتي ممكن اعطيكي خط الرحله وكيفيه الوصول له
اما الاخير اللي هو لوووب فونف Loop 5 فهذا المجمع بصراحه جدا جدا كبير وانصحك ان ماتفوتين زيارته ولكن مشكلته لايمكن الوصول له الا بالسياره لانه خارج فرانكفورت

وبالنسبه لحديقه الحيوانات هذي جدا قريبه من السنتر ومافي داعي تخصصيلها يوم كامل

بالنسبه لليوم التاسع وزياره حديقه فراي تسايت بارك بصراحه لم افهم اي وحده منها
لان كلمه فراي تسايت بارك هذي بالالماني تعني حدائق وقت الفراغ وهي جدا كثيره ولابد اللي تقصديها يكون لها اسم خاص فيها عشان اقدر احطلك طريقه الوصول لها

مدينه هايدلبيرك بعيده نسبيا عن فرانكفورت يعني طريقها اكثر من ساعين ونص
وان كنتي مصممه تزورين مدن بعيده فانصحك مثلا بادن بادن او كولن او ديزلدورف لانها مدن اكبر ومعالمها السياحيه اكثر

نصيحتي ان تخصصي الاماكن القريبه اللي وضعناها بالجدول فوق لتتمكني من زيارتها بنفس تذكره المترو وباقي الاماكن والمدن الابعد ان بغيتي حددي المدن اللي تنوين زيارتها واقري تقارير عنها وان نويتي زيارتها ممكن تاجرون سياره مع السايق وتزوروها نهار كامل من الصبح لليل وترجعون مره اخرى لفرانكفورت او تاجرون سكن فيها

بالنسبه لتعليقك الاخير نعم اختي العزيزه فرانكفورت منذ القدم فيها معالم سياحيه جدا جدا كثيره وكذلك مراكز تسوق ولكن لقله العرب فيها نسبيا لباقي مدن المانيا جعل منها هدف بعيد عن مقصد السائح العربي

اولا انا اللي اسفه اتعبتك وياي.... وانت ماقصرت كفيت ووفيت وزيادة .....واللي جذبني كثير اسلوب تخطيطك وطرحك بالرغم من اني قرأت عن فرانكفوت انها فقط مدينة
اقتصادية... بل كنت مترددة بين فرانكفورت وبرلين واخترت فرانكفورت بناءاً على جمال ماطرحته وكذلك ماقدمه مشرفنا الغالي من كتابات رائعة....

بالنسبة لفرانكفورت وجدت مناطق حلوه متعددة واسواق تحتاج ايام بناءا على ماشفته من مشاهد حية في احياءها فأقل شي مايقارب خمس ايام شاملة منطقة السنتر

وما حوليها... بالنسبة للاسواق فعلا هما هيسن سنتروم ولا اعرف طريقة الوصول له وكذلك اقرب طريقة للوصول للاخر لوب فايف يعني اقرب محطة له ومن ثم الاكمال

بالتاكسي.....

بالنسبة لحديقة الحيوان وجدت المحطة تماما بالقرب من الحديقة..... وكذلك زيارة الحي القديم القريب جدا من السنتر

وبالنسبة للملاهي فيزت بارك وجدت انها بالتقارير تبعد مسافة 30 شمال فرانكفورت واخذتها من التقارير

والمنطقة الاخيرة ان كنت ترشحها وهي هايلدبرغ 80 كيلو وطريقة الوصول لها....وكذلك مدينة فرسبورج 100 كيلو ومدينة منهايم 40 كيلو عن فرانكفورت...

وخالص التحايا لك وعلى جهودك الرائــــــــــــــعة جداجداجدا...

حبيت اسئلك المحطة الرئيسية هل فيها جميع الخطوط لاني لما اضع رقم الخط يطلع لي فقط رقمين??