الموضوع: زيارتي الاولى للكويت استفسار

اول شي السلام عليكم ومبارك-ن- عيدكم وعساكم من عوادة العيد

اخواني انا اختكم من الامارات ناويه انا واهلي نزور الكويت للمره الاولى ووايد فرحانه بهالشي من متى ونحن نريد نزورها بس ما الله كتب الحين ودي منكم تخبرونا عن الاماكن اللي المفروض نزورها و اهم شي الاسواق اللي فيها الجلابيات -الدراعات- و الاماكن الاثريه و السياحيه

سؤال على الماشي بعد سمعت عن لاغونا سيتي -اذا مب غلطانه في الاسم- ياريت تخبرونا عنها

ويزاكم الله خير

مواضيع عشوائيه ممكن تكون تعجبك اخترناها لك:

• مركز صباح الاحمد الاسلامي
• اول مشاركة لي لاتخذلوني
• خدمة عاجلة
• شـــكرا يا كويتنا
• ابحث عن مطعم اشاز الهندي
• مشاغل العربيد
• عودتي و غدائي في مطعم فرايديز مارينا ’ يوم العيد الوطني
• احتاج الوصف من منفذ الرقعي إلى أرينزا تاور بالسالمية
• صور مجمع سوق المطار الجديد
• بيت الكويت للاعمال الوطنيه
• استفسار بسيط
• عندي كم سؤال اتمنى تجاوبوني ؟
• فى جده حى العزيه شارع الصاحفه بجانب نادى الاتحاد
• زائر للكويت لأول مرة ياليت تفيدوني
• زيارتي الخاصة للكويت الشقيقة
• الكويت وجهتي القادمة
• مين جرب فندق كورنيش
• معانى اسماء مناطق الكويت
• تخفيضات الصيف للملابس هل بدأت ؟
• كم يبعد شارع ابن خلدون عن منطقة مشرف معرض الكتاب

هلا اختي حياكم الله عندنا وانشالله تقضون وقت حلو وممتع


اهم الاماكن السياحيه :
1- ابراج الكويت
2- المركز العلمي
3- المدينه الترفيهيه
4- حديقة الشعب

اهم الاسواق :
1- سوق المباركيه (سوق شعبي يفضل زيارته بالليل)
2- المارينا مول
3- الافنيوز
4- المهلب
5- سوق شرق
6- الكوت
7- المنشر

واذا تبون جلابيات عندكم مجمع الاوقاف بالاضافه للمعارض مثل بيت ديفا وكاريزما وبيت لوذان وبيت بدره وبيت ديما

هذا اللي تذكرته واي خدمه احنا حااضرين

أهلا وسهلا فيكم وبأهل الإمارات نتمنى لكم طيب الإقامة

مثل ما ذكرت اختي روان هذي الاماكن الترفيهية بالكويت

ولاغون سيتي قيد الانشاء ليلحين ماخلص

اتمنى لكم زيارة سعيدة

أختي روان قالت كل ما يستحق الزياره
بس راح احط لج صور عن كل مكان منهم ..


المركز العلمي .. و فيها سينما أي ماكس و الأكواريوم




المدينه الترفيهيه.. بمنطقه الدوحة



حديقة الشعب



سوق المباركيه



المارينا مول



الافنيوز



المهلب



سوق شرق



ومن الداخل




الكوت و المنشر ... يم بعض في فحيحيل

الكوت



المنشر




و طبعا هاذي الأبراج



بالإضافه للمطاعم

للأكل اللبناني

برج الحمام



ميس الغانم




و بعد مطاعم اللي على شارع الخليج ( الكورنيش )
مثل أس أس دانه للأكلات البحريه
بافلوز كافيه أمريكي ... دجاج تكا مشويات ... جوني كارينوز ايطالي
نينو .. فرايديز .. فدركرز .. لي نوتر ... أبل بيز.. تشيليز .. روبي تيوزدي

أتمنى لج أقامة سعيدة بديرتج الكويت ..
و اذا اي شي تبين تعرفينه.. سألي و لا اردج شي


تحياتي لج
زعطوطه

اول شي المرحب باجي ربي يخليكم تسلمووووووووووووووووووووون وما تقصرون والله مب عارفه اشكركم كيف يزاكم الله خير

اخواني سؤال الحين المولات و الاماكن السياحيه مثل المركز العلمي ومحلات الجلابيات ومركز الاوقاف تفتح في العيد اقصد ثاني وثالث يوم العيد؟

الابراج اكيد اكيد بروحلها انشالله صراحه مايستوي ايي الكويت ومااسير الابراج والصور روووووعه اللي محطينها خصوصا المركز العلمي ناويه اخذ عيالي حقه

خاطري اروح اماكن تراثيه اماكن احسها مثل الخليج ايام اول مثل متحف او شي

عااااااااااده متولهه ابا اسير الكويت بسرعه

اهلا وسهلا بكم فى بلدكم الثانى

واذا فى اى استفسار احنا حاضرين

وبالتوفيق ان شاء الله