الموضوع: انطباعات رحلة مابعد العيد للكويت بعين السائح

السلام عليكم ورحمة الله وبركاته
من العايدين وتقبل الله من المسلمين صالح الأعمال ...
كانت رحلة سريعة عائلية للكويت بداية من ثاني أيام العيد ولمدة ثلاث ليالي ...الانطباعات اللي اخذتها عن الديرة هي للأسف انطباعات غير جيدة البتة لأني قبل أخطط للسفر قريت بعض التقارير اللي شجعتني أزور الكويت وهي تبقى وجهه نظر شخصية حسب رؤيتي للديرة وأرجو أن تؤخذ بصدر رحب لأني أرى بعين السائح فقط لا غير ...النقاط السلبية هي أول شيء الزحام الشديد جدا جدا حتى إنك تمل من طول الانتظار وخاصة في شارع الخليج العربي حيث كان مكان الإقامة بالخلف في شقق فندقية أسمها الأليزية وهي جيدة جدا ولكن مالقيناها ألا بعد ثلاث ساعات من الدوران ..
السلبية الثانية وهي رداءة الشوارع في منطقة السالمية حيث كنت في غاية الاستغراب عندما أخبرني رجل كويتي بأنها أرقى أحياء الكويت :114: ربما لوجود المارينا ... الشوارع والطرق غير مرتبة ..السيارات أكثر من البشر :114:
أكواخ المطاعم الصغيرة في كل مكان...
منتزة الشعب وهو مدينة ألعاب كبيرة جدا وهي قديمة ولكن بناءها وآلاتها جيدة رغم قدمها وهناك لو لم أكن متأكدا أني في مدينة ملاهي لظننت أني في حفلة زواج :114: أنواع اللباس وأنوااع المكيااج ....
قلة الفنادق والشقق الفندقية رغم أني لم الاق أي مشكلة في السكن كوني قد حجزت مسبقا .
مطاعم ميس الغانم وبرج الحمام زحااام شديد وبالطابور حتى إني شفت عوائل تنتظر خارج المطعم :114:
شيء جيد ولله الحمد هو كثرة المساجد وسماع الأذان بكثرة رغم أن الميكروفونات الخارجية تغلق وقت الصلاة .
الأسعار بالكويت تزيد عن مثيلتها بالسعودية بنسبة 20% تقريبا ...
شيء جيد بالكويت هو ندرة وجود العمالة البنقلاديشية (اللي سببت لنا بالسعودية وجع راس)
الشعب الكويتي شعب أصيل وطيب وخدوم...
الزحام الشديد جعلني أختصر هذي الرحلة ربما لأن هذي أول مرة أستخدم السيارة في رحلة سياحية ...ولكن الانطباع العام هو أن الكويت تحتاج الكثير والكثير لتكون وجهه سياحية مميزة للسياح .
لي عودة...

مواضيع عشوائيه ممكن تكون تعجبك اخترناها لك:

• استفسار بخصوص الكويت ايام العيد
• مطلوب سكن نظيف ورخيص
• جآية زيآرة ل دانة الخليج وعندي كم استفسار ؟
• غدانا بمطعم فريج عقاب للمأكولات الكويتية
• مريديان تاور العاصمة مريديان الخليج العربي أسعار تبدأ من دينار
• جميع الأسواق و المجمعات في الكويت
• اسعار نفس اسعار حجزي من مواقع الفنادق نفسها
• الكويت مافيه شي جديد؟
• صور جديدة لبعض المشاريع في الكويت
• مسافر الكويت أول مرة وعندي اسئلة مهمة اذا تكرمتوا
• الخطوط السنغافورية تعود الي الي الكويت بعد غياب عام
• ادري ازعجتكم بس تحملوني ؟
• مارينا ، موفنبيك ، هيلتون ، ميسوري ،ماريوت ، شيراتون أي فندق ترشحون
• دير بالك تزور الكويت نصيحه
• الشيخ صلاح الراشد وين يصلي القيام و التراويح ياليت احد يدلني عليه
• المنطقة الحلوه والشقق
• درة الفنطاس
• أين تقع معارض السيارات المستعمله ؟
• رايكم شقق مفروشة بالفنطاس او بنيد القار؟؟
• المساعدة يااهل الكويت

منتظرين التكملة و الصور

ربي يسعدك

اي والله زحممممممممممه

اتفق وياك بهالنقطه و بنقطه السيارات اكثر من الناس !


بس برضو الزحمه مشكله بأغلب دول العالم مو بس الكويت :101:








السلبية الثانية وهي رداءة الشوارع في منطقة السالمية حيث كنت في غاية الاستغراب
عندما أخبرني رجل كويتي بأنها أرقى أحياء الكويت



أرقى أحياء الكويت :114:
من اي ناحية لوول..
منطقة تجارية و اسواق راقيه بشنو ههههه :109:
اللي قالك مسكين ما يعرف يوصف الاشياء :11ight:

أرقى احياء الكويت
المناطق الداخليه السكنية ! ( كمنطقة ضاحية عبدالله السالم + النزهة + الشويخ السكني )






















نصيحه :
مره ثانيه لا تجي الكويت بفترة الأعياد او بفترة العطل الرسمية ! :101:
لأن زحمة وايد ! :11ight:






























و




















ناطرين

التكملة.. !

عساك من العايدين والفايزين وسلامتك وماتشوف شر

اما من ناحية الزحام الشديد فذلك يدل على حرص الكثير من الناس على قضاء اجازة العيد فى الكويت
اما باقى انطباعاتك فتبقى وجهة نظر وعلى العموم نحن نرى انه يوجد لدينا فى الكويت مقارنة بباقى الدول
العربية االاماكن الكثيرة التى تستحق الاطراء والزيارة ومن ثم قضاء اوقات جميلة فيها

عساك من العايدين

انا اعتقد الوقت والمكان كانو غير مناسبين وهو السبب انك خذيت فكرة خاطئه عن الكويت...

في اماكن احسن بكثير من الشقق الفندقيه الي سكنتها في اماكن ارقى من المكان الي سكنته وبعيد عن الزحام الشديد

وفي الأعياد دايما زحمه شديدة في كل دول العالم ...

صراحه احنا اهل الديرة مانفكر نطلع بالعيد .. عيدنا مقصور على الزيارات العائليه ولأماكن القليله الزحام مثل الشاليهات والأستراحات

ان شاء الله تزور الكويت مرة اخرى وانساعدك في اختيار المكان المناسب والوقت المناسب بعد

وحياك الله بالكويت

اتفق معاك بخصوص الزحمه ( الغير طبيعيه ) بالعيد

ايضا بالنسبه للشوارع ..

اذا تبي نصيحتي .. زور الكويت خلال شهر 1 و 2 و 3

ياهلا اخوي الحمدالله على السلامة

من الخطأ انك تزور الكويت خلال فترة العيد فان الزحام الشديد يفسد عليك كل شي فان الزحمة تصبيك بالغثيان وانا اعتقد ان الزحمة في كل مكان حيث صديقي ذهب الي البحرين وقال لي انه ظل فوق جسر الملك فهد اكثر من 3 ساحات وانه لم يستلم غرفته التي حجزها الا الساعه السادسة مساء
وكذلك دبي فعند مرورك بشارع الشيخ زايد فانك تنتظر اكثر من ساعتين حتى تخرج من هذا الشارع

على العموم الكويت بلد جميل وبه الكثير من مراكز التسوق الحديثة والفنادق الراقية والمدن الترفيهية والشواطئ والمطاعم والمقاهي العالمية ولكن فترة العيد هي اسوء وقت

وبالنسبة للشوارع في السالمية لااعتقد انها سيئة بهذه الطريقة لان معظم شوارع السالمية قد تم تجديدها او مازلت تحت الصيانه

حياك الله انت واهل الخليج بالكويت

الكويت كل عيد زحمه ..زحمه ...زحمه
وبعد في رمضان هم زحمه وعند المدارس هم زحمه

الكويت ديره صغيره وتلقى الناس منكبين على كذا مكان يا مطاعم ولا سينمات ولا شاليهات ولا سفر


اخي العزيز الكويت ديره مواسم يعني عندنا خبه على كل شي
تعال شوفنا بالصيف وقت السفر الكل هاج من الديره
وشوفنا بعطله الربيع زحمه على البر
وشوفنا برمضان زحمه على السوق

يعني مختصر الكلام تعال الكويت بوقت مايكون في مناسبه
راح تستانس حيل

صحيح الكويت زحمه بالعيد والاجازات


والزحمه كلها مجتمعه في شارع الخليج صوب المارينا بس

يعني لو رحت مكان ثاني راح تشوف الهدوء

أخوي حياك الله بالكويت

لكن سبق أن نوهنا كثيرا بالمنتدى إلا أنه من يرغب بزيارة الكويت عليه تجنب فترة الأعياد أو حتى نهاية الإسبوع وذلك للغزدحام الشديد الذي تجده عكس باقي ايام الإسبوع حيث يكون الإزدحام أقل والكويت حالها حال باقي دول الخليج حيث تجد العوائل ترفه عن نفسها خلال الويك إند والأعياد ( شخصيا احاول خلال هذه الفترات الإبتعاد إما إلى الوفرة أو الشاليه)

ويظهر من تقريرك انك لم تزر أبرز الأماكن وأقتصرت على البعض

يعني مثلا مطعمي ميس الغانم وبرج الحمام وهما مطاعم يتم تحاشيهما خلال فترة الأعياد للإزدحام الشديد مما ينعكس ايضا على جودة الطعم ( مجرب)

حيث توجد مطاعم لبنانية كثيرة وراقية كان عليك طلب بعض الاستفسارات والإخوة بالبوابة لن يقصروا ابدا .

أما بالنسبة للسكن فهناك عدد كبير من الشقق الفندقية الراقية .

الافنيوز يظهر أنك لم تزره وهو من المعالم الجميلة ( حيث أنه أضخم مول بالكويت)

طبعا هناك المدينة الترفيهية وهي أجمل من حديقة الشعب وإن كانت بالأعياد مزدحمة كما سبق الإشارة .

عموما هذه تجربة أولى وإنشالله عندما تعقد العزم على زيارة الكويت مرة صثانية إختر الوقت المناسب وإطرح ما تريد السؤال عنه وستجدنا نقوم بالواجب

تعال في هلا فبراير وراح تشوف الكويت تغيرت عليك

حياك الله

تجربة وعدت

موفق في سفراتك القادمة واتمنى تختار دولة تعجبك مره ثانية

اتفق معاك اخوي

الكويت ابوقت العيد زحمة غير طبيعية انا عن نفسي ما افكر اني ادش مجمع ولا مطعم بوقت العيد

وبالعكس اخوي الكويت فيها وايد شقق سكنية وخصوصا بنيدالقار والسالمية

اذا تبي تزور الكويت احسن وقت شهر 1و2و3

حذرنا وايد ناس من زحمه العيد !!


يالله ميخالف خيرها بغيرها

و الحمد لله عالسلامة

حمــدالله علي السلامه

وتشرفنا يالغالي

انشاء الله تعيد الرحله ثانيه وانت عارف الكويت عدل
اكيد راح تستانس وايد .

ههههههههههه


الله يهداك أخوي مالقيت تروح إلا ميس الغانم وبرج الحمام بالعيييييييد

إحنا أهل الكويت نحاول مانطلع مجمعات بالعيد لأن الزحمة تسد النفس
وفعلا السيارات أكثر من البشر ...


خيرها بغيرها
وحط بالك على التوقيت لما تزور أي دولة مو شرط الكويت





زارا

حياك الله يالغالي

ولكن بالفعل جميع الدول العربية تكون بالعيد زحمة ويكون في ضغط شديد على جميع المرافق الترفيهية مثل السينما والأسواق واماكن الترفيه

شوف ..

الكويت لا تروح لها بالأعياد زي ما قالوا أهل ديرتها .. وهم أعــرف ..

وبعدين تبي الصدق الكويت مسكات ..

يعني أنا رحت بعيد الأضحى اللي طاف ما فيه زحمة اللي تتكلم عنها

بكل صراحة ولا أذكر إني طولت بشارع

مع إنه شارع الخليج خلقة زحمة فيه وإلا ما فيه .. زحمة

عشان كذا أنا أطلع الصبح أتمشى .. أرفه عن نفسي ..

وعلى فكرة تعال للكويت مرة ثانية وصدقني راح تجيها دايم ..

شاقــي

حياك الله بالكويت

واتمنى أنك تختار التوقيت المناسب للسفر لأي دوله لاني سافرت مره للدمام قبل العيد بيوم وكانت الاسواق زحمه ومافي مواقف للسيارات من الزحمه وتضايقت في البدايه ولكني عرفت أني اخترت الوقت الغير مناسب وقررت إني ازورها مره ثانيه إن شاء الله

أما بالنسبه للشوارع ماعتقد ان في احلى واوسع من شوارع الكويت

شوف تبي ديره مافيها زحمه في العيد
روح قطر ... الاهل راحوا قطر في العيد يقولون البلد فيها هدوء مو طبيعي ... المجمعات والشوارع والمطاعم
يعني اللي يبي راحه واستجمام في العيد يروح قطر
على فكره الاهل مروا على البحرين قبل لا يردون الديره شافوا العيد هناك مثل الكويت زحمه مو طبيعيه
ما شالله اهل الكويت والسعوديه وبعد اهل قطر كلهم معيدين هناك

وحياك الله في ديرتك الثانيه الكويت

الله يعطيك العافية والحمد لله على السلامة عطنا الصور خلنا نشوف الزحمة شلون مشتاق اروح للكويت بعيد الاضحى

هلا فيك اخوي

الكويت بالاعياد زحمة ونوهنا على هالشي بالمنتدى من قبل .

السالمية منطقة تجارية بحته يعني كلها مجمعات ومطاعم اشلون بتكون الارقى؟؟؟ المناطق الراقية اهيا المناطق السكنية اللي فيها بيوت الكويتيين.

اشكرك على كلامك الطيب بحق شعبنا.

وفي النهاية اتمنى انك ماتتسرع بحكمك لان ولله الحمد اغلب اخواننا اللي شرفونا ووزارونا ارتاحوا بالديرة بس اهم شي انك تبتعد عن اوقات الاعياد وتحسن اختيار التوقيت.

المجمع الكبير اللي سمعت عنه هو الأفنيــوز وهو على امتداد الدائري الخامس قريب من المطار وفيه ايكيا وكالفور وطبعا محلات تجارية ومطاعم ومقاهي مجمع حلو وجوه عائلي يستاهل الزيارة
والمارينا مول بالسالمية
سوق شرق بالعاصمة
مجمع الكوت والمنشر بالفحيحيل ياريت لو تزوره بالليل وتمتع بجلسة على النافورة
المهلب بحولي
سوق السالمية
سوق المباركية بالعاصمة هو سوق غني بالاشياء التراثية والشعبية ومبنى على الطراز القديم

[SIZE="7"]وتقدر تزور الموقع التالي فيه كثير صور عن الكويت والاماكن السياحية والمهمة فيها
http://www.q8shots.com[/SIZE]

حمدلله على سلامتك أخوي
فعلا احنا نعاني من الزحمه ... لكن هذا شي طبيعي لانك جاي بالعيد
لو انتظرت لشهر فبراير كان أحسن
تعوضونها المره الجايه

اخي البشر اولا الحمدلله على سلامتكم

ثانيا احنا تكلمنا في البوابه وقلنا ان الكويت راح تكون مزدحمه في العيد انا اللي اكلمك احاول ما اطلع بالعيد ابد


والملاحظ بعد العيد هذا او قبل العيد كثره الاخوان من السعوديه اعتقد ان الشقق اللي سكنت فيها جديده نوعا ما لو ماخذ راينا اكيد راح نعطيك حجز لشقق فندقيه رائعه وممتازه

اللي قالك ان السالميه من ارقى احياء الكويت هذا ماعنده سالفه لانها منطقه تجاريه بحته وجاري العمل فيها من تغيير للشوارع وتوسعتها لكن الزحمه اللي مأجله الموضوع خصوصا دخول رمضان والاعياد لكن اكيد خلال ايام راح يبدا الشغل مره ثانيه


حياك الله اخي وكل البلدان حاليا زحمه وخصوصا في العيد

لكن الزحمه هذي مو ظاهره سيئه ياليت تعطينا انطباعك عن البلد خصوصا ان هذي شكلها اول رحله لك الى الكويت وشنو كنت متوقع تشوف وشنو شفت طبعا غير الزحم

عكسنا تماما في الرياض يكون ايام العيد من اجمل الايام في الرياض لقلة الزحمه وخيرها في غيرها

ماعرف صراحه

ولا رحت الكويت

بس اذا زحمه معناه ان الديره وناسه والناس تظهر وتستانس في العيد

اما اذا الديره فاضيه معناه ملل



وان شاء الله ازور الكويت في اقرب وقت

الإخوة والأخوات: جامعي 1,Hambka Q8 ,DJOMDD ,كويتيه30,ALANSARI,ترافلز مان,الغاليه غاليه ,7حسن,فهد الأحمد,شيخ على ربعة,أزرق كويتي,alrashedq8,زعطوطه,old-man,المتألق999,زااراا,رحــــال,شــاقي,ام ثنيان2007,الملك,ريدس عداوم,مسافرة كويتية,q8shoter,المرام,سواح كويتي,وليـ السلطان ـد,قـــطــــــري

شكرا جزيلا لكم على مشاركتكم بالموضوع ولسوء حظي أن أول زيارة للكويت كانت في هذا الوقت المزدحم وإن شاء الله سوف أكرر الزيارة لهذا البلد الحبيب لأن الإزدحام لا يترك أي مجال للتعرف على البلد لكن أعجبني جدا الكورنيش ترتيب وتنظيم ونظافة ايضا من الملاحظ كثرة اللوحات عن المشاريع الاسكانية وخلافها وكثرة المباني تحت الإنشاء مما يدل على نمو اقتصادي وسياحي... ملاحظة أتمنى أن يتم تداركها وهي وجوب الإهتمام أكثر بحديقة الحيوان اللي في منطقة العمرية لكي تكون من أماكن الجذب السياحي المكان رائع وجميل لكن تحتاج لإضافة الكثير من الحيوانات .

من الأشياء الجميلة في الكويت احترام قواعد المرور حيث يندر أن ترى تجاوزات مرورية .
لافتات التهاني بالعيد بالشوارع منتشرة بكثرة في وقت العيد أيضا لافتات إعلانات الزواج المذيلة بعبارة "عفوا لا نقبل العانية " :101:

الشعب الكويتي شعب طيب ومدرك وواعي ومثقف ويحب المساعدة شعب متلاحم مع قيادته حفظها الله .إن شاء الله نرى الكويت كما هي الآن وأفضل رقيا وتطورا ونماء وبالتأكيد سأكرر الزيارة لكن في وقت مافيه زحمة :101: .

تحياتي للجميع.

والله انا متحمسه ازور الكويت

هلا فيك

تصدق انا وقت العطل الرسميه والاعياد

ما افكر اطلع إلا للضرووره او اطلع في وقت قبل بداية الزحمه

الزحمه مشكله عندنا بالكويت

يعني مشوار بو ربع ساعه يصير ساعه

وكل وقتك يكون بالسياره

ولا تنسى إذا بتروح مول معين بتاخذ شغله معينه وبسرعه انسى تحصل موقف لسيارتك إلا بعد نص ساعه ..

وان شاء الله تخف الزحمه

وحياك الله بالكويت ..

هلا اخوي فيك بالكويت ولازم تعاود الزياره وعلى حسابي بعد

اولا بالنسبه للزحمه شي مايختلف فيه اثنين

الزحمه مزعجه مزعجه بشكل مو طبيعي فنحن وقت الاعياد لا نخرج ولا نذهب للمنطقة السالميه

واخطأ من قال انها ارقى المناطق (( ده كان زمان )) هي منطقه تجاريه بحته

اغلب سكانها من الاجانب سواء العرب وغير العرب

تكثر فيها المباني والعمارات السكنيه لذا فهي تعج بالزحام

وكذلك اغلب البلدان تكثر فيها الزحمه في الاعياد والمناسبات فما بالك في بلد من اصغر دول العالم

فعذرا على هذا الخلل

وبالنسبه لحديقة الشعب ماذا تتوقع من انت في موسم عيد لابد ان ترى الناس في كامل زينتها

خاص وان الحكومه لا تردع على موضوع اللباس والغطا كما هو الحال لديكم

وكذلك لا سيما كثرة الاجانب فيها

اخي الفاضل اذا كنت من اهل السعوديه بلدي الثاني الحبيب فانا حين اذهب بالمواسم والعطل لزيارة الدمام

او الخبر او الرياض

فاني الاقي التعب والرهاق في البحث عن سكن مناسب وهي بلد مهيئ سياحيا خاص من السياحه الدخليه

فمابالك في بلدنا الحبيب الصغير الكويت

انها مشكله تعاني منها الحكومه بجد وهي السكن لكن لك وعد مني ان استقبلكم اهلا وسهلا بك في بيتي

المكان مكانك والبيت بيتك انت وكل عائلتك

الكويت ليست فقط بالمارينا ولا بالحديقه الترفيهيه

بل فيها كثير من الاماكن السياحيه التي لم تذهب اليها وتاخذ فكره عنها وتجعلك حتما ترجع لزيارتنا مره اخرى

اسف اخي على الاطاله ولكن عدني بان تكرر الزياره ولك العين والقلب

الحمدلله على سلامتك اخوي البشر

الاخوان كفوا ووفوا لكن نتمنى لك زيارة اخرى بفترة مناسبة