الموضوع: صور رحلتي ل فيلجا صور للجزيرة الكويتية فيلجا

بسم الله الرحمن الرحيم
كنت كاتبه موضوع عن فيلجا لكن للاسف الصور اختفت
الحين حملتها على سيرفر المنتدى ... لعيونكم
============================

الحمدلله رجعنا من رحلتنا ل فيلجا ( فيلكا ) .....
عدد الافراد : أنا و زوجي وبس
يوم السفر : 17/10/2007
سبب الزياره : أنا رتبت السفره من ورى زوجي ... سويتها له مفاجأه لنجاحه ... ( يكمل دراسته بالثانويه ... الله يوفقه)
الاوراق المهمه للسفر لفيلجا : دفتر السياره ( شرط تكون السياره بأسمك ) + ( صورة عن ورقة الملجه : عقد الزواج + بطاقتك المدنيه ) هذول للفندق
و راح أقولكم بأختصار عن عيوبها و مزاياها .... و عندي 110 صور
أن شاء الله راح أنزلها لكم على شكل أجزاء ....
5 أجزاء :
الجزء الاول :الذهاب لفيلجا بالعباره .
الجزء الثاني :معالم فيلجا و أماكنها السياحية .
الجزء الثالث : فندق ايكاروس .
الجزء الرابع : مطاعم فيلجا .
الجزء الخامس : المغادرة من فيلجا بالعباره .
بس أتمنى أنكم تطولون بالكم شوي معاي
و أن شاء الله كل يوم أنزل جزء الى ان يخلص التقرير و أن شاء الله يعجبكم

**********
الجزء الاول : الذهاب لفيلجا بالعباره .
**********

رحنا ل رأس الارض ....
مكانها : الاشاره اللي قبل المركز العلمي ... يكون شوبيز على يمينك .... أخذ يمين ... تلقى المرسى ( هذا مرسى العبارات اللي تشيل السيارات
أما العباره السريعه تركبها من مرسى المارينا )
رقم المرسى : 2328654
ما يصير تحجز قبلها .... الحجز يكون بنفس اليوم .... أما العباره السريعه تقدرون تحجزون قبلها من فندق سفير أنترناشيونال
عنوانه : عالبحر .. مقابل نادي ضياط الجيش .. بالدور الثاني
أوقات دوامهم الصبح ... أعتقد من الساعه 8 الى 3 العصر
كانت عبارتنا تطلع من المرسى لفيلجا عالساعه 12 ... لكن قالوا لي لازم تروحين مبجر ... رحنا عالساعه 10 .... طلعت العباره عالساعه 12 و وصلنا فيلجا عالساعه 1 ونص تقريبا
المهم ...
الكل نصحني أروح بالسيارة .... و الحمدلله رحنا بالسياره
لانه هناك ما فيه تكاسي ولا شي
قبل تركبون العباره لازم تقطعون التذاكر
20 للسياره و سايقها
دينارين و نص لاي فرد زياده
ولا تنسون : دفتر السياره
مدة الرحله : ساعه و نص
أخليكم مع الصور ::
في رأس الارض :




التذاكر:




الركوب بالعباره :












بانتظار تعليقاتكم
أنتظروا باقي الموضوع ان شاء الله

مواضيع عشوائيه ممكن تكون تعجبك اخترناها لك:

• جوانزو بعيون عائلة إماراتيه
• بحاجتكم يااهل الكويت لاتخيبون املي الله يخليكم
• استفسار
• «الجزيرة للعطلات» تقدم عروضاً حصرية جديدة لرأس السنة
• عندي رحلة من مطار الكويت ؟؟؟ وطلب معلومة لاهنتم
• سؤال مستعجل
• سوق المباركية ؟
• اهلى الكويت ابي شقق مفروشه الفزعة
• فندق نجوم في الكويت
• الرحلة الذهبية لاحلى مدينة صينية فيديو
• اريد مساعدتكم بالمعلومات
• زواجي بعد أشهر أين أذهب في الكويت؟
• فهد رحلتي الى الكويت فبراير م
• مشكلة السكن
• البلدية وافقت على مشروع تطوير الجزيرة الخضراء
• الفزعه يا أهل الدار
• مطعم التسيمو في برج النصار
• خدمه لاهنتم
• استفسار ضروري شباب أحتاج مساعدة
• مسابقة اعرف الموقع والصورة

و الحمدلله وصلنا فيلجا :


انتظروا الجزء الثاني بعد قليل

مشكوره المرام ، اتعبناج ويانا ، ماشاءالله مجهود كبير تبذلينه للمنتدى الغالي ، فشكرا لج جزيل الشكر

المشاركة الأصلية كتبت بواسطة اكشخ يازين
http://www.arabtravelersforum.com/tr...3/#post1647783

مشكوره المرام ، اتعبناج ويانا ، ماشاءالله مجهود كبير تبذلينه للمنتدى الغالي ، فشكرا لج جزيل الشكر



تسلم أخوي على مرورك الطيب

والله ما قصرتي يا المرام ..

بس ما توقعت فيلكا كذا ..

إلى الان ملامح الدمار موجوده! .. ليه ما فيه أي نهوض بهذه الجزيرة الاثريه ..

و أعتقد أنها من أهم جزر الكويت من حيث إستيراتيجية الموقع ..

متابعين لك يا المرام .. وتعجبني همتك في كتابتة التقارير .. تستحقين تكريم لنشاطك ..

معاك معاك .. إلى أخر المشوار ..

يعطيج العافيه يا مرام

تقرير رائع

مشكور ,, الله لا يهينك .

اى الحين شغل عدل يعطيج العافيه اختي المرام وادري انا تعبتج في تعديل الموضوع وبارك الله فيج

المشاركة الأصلية كتبت بواسطة الرصاصي
http://www.arabtravelersforum.com/tr...3/#post1647863

والله ما قصرتي يا المرام ..

بس ما توقعت فيلكا كذا ..

إلى الان ملامح الدمار موجوده! .. ليه ما فيه أي نهوض بهذه الجزيرة الاثريه ..

و أعتقد أنها من أهم جزر الكويت من حيث إستيراتيجية الموقع ..

متابعين لك يا المرام .. وتعجبني همتك في كتابتة التقارير .. تستحقين تكريم لنشاطك ..

معاك معاك .. إلى أخر المشوار ..




يا هلا فيك اخوي الرصاصي
تسلم على المرور و على المتابعه







المشاركة الأصلية كتبت بواسطة 7حسن
http://www.arabtravelersforum.com/tr...3/#post1647883

يعطيج العافيه يا مرام

تقرير رائع



الله يعافيك أخوي
تسلم على مرورك







المشاركة الأصلية كتبت بواسطة الأفـق
http://www.arabtravelersforum.com/tr...1/#post1647891

مشكور ,, الله لا يهينك .

العفو أخوي
مشكور عالمرور







المشاركة الأصلية كتبت بواسطة Kuwait-Love
http://www.arabtravelersforum.com/tr...3/#post1648023

اى الحين شغل عدل يعطيج العافيه اختي المرام وادري انا تعبتج في تعديل الموضوع وبارك الله فيج



يا هلا فيك أخوي
لا تعب ولا شي :101:
تسلم على مرورك

الحين انتي :24: يعني شغل عدل مدل
يعطيج العافية:113:

الله يعافيك اخوي
تسلم على مرورك

مشكوة اختي المرام

*********
الجزء الثالث : فندق ايكاروس .
********


هو الفندق الوحيد اللي شفته هناك و سمعت عنه
الصراحه ... ما عجبني الفندق ولا ارتحت له مدري ليش
تخيلوا قعدنا يوم و نص تقريبا بالفندق ... و ما شفنا ناس فيه ... ما عدا ثاني يوم لما رحنا نتريق لقينا عائله أجنبيه
اذا بغيتوا تحجزون للفندق ... روحوا فندق سفير انترناشيونال عالبحر مقابل نادي ضباط الجيش
و احجزوا اليوم اللي تبونه ... و تقدرون تحجزون من الفندق للعباره السريعه .... لكن الاحسن تروحون بالبطيئه على سياراتكم
نسيت أقولكم ... الغرفه المطله على البحر ب 45 دينار
غرفه غير مطله على البحر : 35 دينار ... ( اللي حجزنا فيها ... راح تشوفونها بالصور)
و فيه انواع شاليهات ثانيه لكني ما سألت عن اسعارها
أخليكم مع صور للفندق:









الرسيبشن : الاستقبال :




الفندق عطانا هذي الورقه : دعايه لهم :


و المفاتيح و ورقة الفطور : الفطور مجانا :


باب الفندق :


حمام السباحه :




الفندق من داخل : ذكرني ببيوت السوريين القديمه :




غرفتنا رقم 22 :


أول ما تدخلون تلقونا هالمنظر : جدامكم الحمام أعزكم الله ..و يساركم تسريحه و يمينكم غرفة النوم :


الحمام:
اعزكم الله

غرفة النوم :


انتظروني غدا ان شاء الله بأهم جزء
انتظر تعليقاتكم و استفساراتكم

أولا .. أشكرج اختي على تقريرج الجميل و المفصل ...
ثانيا .. أنا كلي اسف على حال هذه الجزيرة التاريخية ...
الوضع لا يبشر بالخير أبدا !!

الله يعطيج العافية المرام.......... واشكرلج جهدج بتعديل الموضوع... مشكورة

تسلمين يا الغاليه


وتبقى فيلجا رمز من رموز الحضاره القديمه للكويت

وتبقى اهي ملاذي الوحيد والمتنفس الجميل ..

كونها موقع ميلادي ..

المشاركة الأصلية كتبت بواسطة برشاهوليك
http://www.arabtravelersforum.com/tr...6/#post1649056

أولا .. أشكرج اختي على تقريرج الجميل و المفصل ...
ثانيا .. أنا كلي اسف على حال هذه الجزيرة التاريخية ...
الوضع لا يبشر بالخير أبدا !!



تسلم اخوي على مرورك الطيب
احنا بانتظار تنفيذ المشاريع اللي نسمع عنها







المشاركة الأصلية كتبت بواسطة il Bambini
http://www.arabtravelersforum.com/tr...6/#post1649146

الله يعطيج العافية المرام.......... واشكرلج جهدج بتعديل الموضوع... مشكورة



الله يعافيك أخوي
تسلم على مرورك الطيب







المشاركة الأصلية كتبت بواسطة أحلى كيميائية
http://www.arabtravelersforum.com/tr...2/#post1649382

تسلمين يا الغاليه


وتبقى فيلجا رمز من رموز الحضاره القديمه للكويت

وتبقى اهي ملاذي الوحيد والمتنفس الجميل ..

كونها موقع ميلادي ..



تسلمين اختي كيميائيه على مرورج الحلو

يعطيج ألف ألف عافيــــــــة إختي المرام على هالتقرير الرائـــــــع والجميــل .. .. مبدعة كما عهدناج .. ..

نسلم اخوي على مرورك الطيب

اشكرج اختي المرام على هذا التقرير الحلو عن فيلجا
وتبقى فيلكا شامخة وموطني الثاني وذكريات الطفولة الجميلة

:110::115:

يا هلا فيك أخوي
تسلم على مرورك الطيب

ماشاء الله تقرير جدا رائع ومفيد ومعجم معلومات ماشاء الله تبارك الله ،، الصراحة أول مرة أقرأ تقرير عن الكويت وقد أعجبني جدا ،، تسلمين على الإبداع ،، ومنتظرين جديدك.

المشاركة الأصلية كتبت بواسطة سفير الهند
http://www.arabtravelersforum.com/tr...9/#post1650739

ماشاء الله تقرير جدا رائع ومفيد ومعجم معلومات ماشاء الله تبارك الله ،، الصراحة أول مرة أقرأ تقرير عن الكويت وقد أعجبني جدا ،، تسلمين على الإبداع ،، ومنتظرين جديدك.



يا هلا بسفيرنا
تسلم على مرورك و كلامك الطيب

hg[الحمد لله علي السلامه
التجارب لابد منها ويعطيج العافيه علي الموضوع
الجزيره شبه خاليه ولا تصلح للزياره في الوقت الحالي ومهيأه لاعمار مشاريع سياحيه بالمستقبل
وهاذا فندق ولا سجون ابوغريب
:109:
حرام ليلته 35 مايستاهل

المشاركة الأصلية كتبت بواسطة waleed_8q8
http://www.arabtravelersforum.com/tr...3/#post1650833

hg[الحمد لله علي السلامه
التجارب لابد منها ويعطيج العافيه علي الموضوع
الجزيره شبه خاليه ولا تصلح للزياره في الوقت الحالي ومهيأه لاعمار مشاريع سياحيه بالمستقبل
وهاذا فندق ولا سجون ابوغريب
:109:
حرام ليلته 35 مايستاهل

:109:
تسلم أخوي على مرورك
35 فعلا ما يستاهلهم لكن شنسوي ... ما فيه الا هو الفندق الوحيد هناك

هلا بالمرام ..

اولا اهنئج انج رحتي فيلجا ..

وبنفس الوقت اعزييج ..

لانج رحتي بوقت الواحد ما يفكر يروح لها وشبه خاليه ..

افضل وقت لزياره فيلكا قلت لكم

راس السنه المسلاديه يعني من 25-12 إلى 5-1-2008

او

بعطلة التحرير والعيد الوطني
25--26- فبراير من كل سنه


تدرين لو رحتي بهالوقت أصلا كل سنه راح تفكرين تروحين لها

وبعدين ترى وايد تضايقت كونج قاعده تسوي انطباع مو شئ عن الجزيره

انا رحت لها قبلج وكل شئ عجبني اصلا ما كان عندنا وقت فراغ نقعد فيه بالفندق

وفي بعد البسطات اللي يسوي خبز رقاق واللي يبيع الذرة واللي يبيع خبز عالصاج بالحلوم او الناتشوز

اعتقد هالبسطات موقفين حاليا بسبب عدم وجود الناس

ولا تنسين معلم الشاورما لحم ودياي .. تلقينه يم الريسبشن

ولا تنسين حفلات العرضه + حفلات الأطفال اللي يسوونها براس السنه الميلاديه + عيد التحرير


انتي جذي تخليني اسوي تقرير عن بس الحفلات والمناسبات اللي صارت بفيلجا وشوفي الناس وزحمتهم

وان شاءالله وعن قريب راح اسوي وبكتب لعيون الزعلانه مرام

اوافق الاخت احلى كيميائيه بان التوقيت اكبر غلط وبالعيد بعد زين لقيتي ناس هناك



وياليت احلى كيميائيه تسوي لنا تقرير عن احلى الجزر ونتذكر ايام قبل فيها
ايام اللنج اللي يوصل بعد اربع ساعات الحين عباره وسياره ومكيفات بعد الله يرحم ايام قبل وعند المطعم الهندي وفندقنا فندق الشباب كل الفيلجاويه يعرفونه فندق الشيراتون وكان فيه ميزه غريبه انه مجاني تصدقون

المشاركة الأصلية كتبت بواسطة أحلى كيميائية
http://www.arabtravelersforum.com/tr...0/#post1651610

هلا بالمرام ..

اولا اهنئج انج رحتي فيلجا ..

وبنفس الوقت اعزييج ..

لانج رحتي بوقت الواحد ما يفكر يروح لها وشبه خاليه ..

افضل وقت لزياره فيلكا قلت لكم

راس السنه المسلاديه يعني من 25-12 إلى 5-1-2008

او

بعطلة التحرير والعيد الوطني
25--26- فبراير من كل سنه


تدرين لو رحتي بهالوقت أصلا كل سنه راح تفكرين تروحين لها

وبعدين ترى وايد تضايقت كونج قاعده تسوي انطباع مو شئ عن الجزيره

انا رحت لها قبلج وكل شئ عجبني اصلا ما كان عندنا وقت فراغ نقعد فيه بالفندق

وفي بعد البسطات اللي يسوي خبز رقاق واللي يبيع الذرة واللي يبيع خبز عالصاج بالحلوم او الناتشوز

اعتقد هالبسطات موقفين حاليا بسبب عدم وجود الناس

ولا تنسين معلم الشاورما لحم ودياي .. تلقينه يم الريسبشن

ولا تنسين حفلات العرضه + حفلات الأطفال اللي يسوونها براس السنه الميلاديه + عيد التحرير


انتي جذي تخليني اسوي تقرير عن بس الحفلات والمناسبات اللي صارت بفيلجا وشوفي الناس وزحمتهم

وان شاءالله وعن قريب راح اسوي وبكتب لعيون الزعلانه مرام



يا هلا فيج اختي
انا ما سويت انطباع مو شي عن الجزيره
انا والله قلت كل اللي صار معاي
كل واحد يكتب في تقاريره شنو اللي عجبه واللي ما عجبه ....من صج
ما اقدر اقول غير اللي شفته
يا ليت اهل فيلجا ما يزعلون .... بس عندي اهم شي ان الواحد يقول الصج عشان غيره ينتبه ...و يروح لها بوقت ثاني
و عشان ما تزعلون ان شاء الله اروح لها بالمناسبات و أسوي عنها تقرير حلو ان عجبتني :101:
تسلمين عالمرور و المتابعه







المشاركة الأصلية كتبت بواسطة سواح كويتي
http://www.arabtravelersforum.com/tr...7/#post1651627

اوافق الاخت احلى كيميائيه بان التوقيت اكبر غلط وبالعيد بعد زين لقيتي ناس هناك



وياليت احلى كيميائيه تسوي لنا تقرير عن احلى الجزر ونتذكر ايام قبل فيها
ايام اللنج اللي يوصل بعد اربع ساعات الحين عباره وسياره ومكيفات بعد الله يرحم ايام قبل وعند المطعم الهندي وفندقنا فندق الشباب كل الفيلجاويه يعرفونه فندق الشيراتون وكان فيه ميزه غريبه انه مجاني تصدقون



يا هلا فيك أخوي
نفس الكلام أوجهه لك
انا ما نقلت غير اللي صار معاي
مشكور على مرورك







المشاركة الأصلية كتبت بواسطة Almoravid
http://www.arabtravelersforum.com/tr...0/#post1651700

مشكورة اختي على التقرير الحلو
رحت فيلكت مرة وحدة قبل سنتين و كانت ممتازة مع انها صادفت فصل الصيف يعني على شهر خمسة لكن كان اكو ناس .
سكنت في البيوت ( عرفت انه صار حضانة ) و ايضا تجولنا في الفندق و أخذنا نظرة على الغرف (من الفراغة) الفندق مستواه معقول يعني يمشي الحال , و البيوت مبنية على الطراز الكويتي القديم , يمكن الشي الغريب ان المطبخ ما كان فيه سخان و فرن و هذا شئ غريب , جبنا اكلنا معانا من الديرة و ايضا سخان صغير يستخدم اثناء السفر لتسخين الوجبات , هذا لم يمنع من اخذ جولات تفقدية بالمطاعم و ان لم نأكل (السبب هو انا غير متاكدين من كون اللحوم في تلك المطاعم ذبح الكويت ) .
بس شي أكيد المطعم ما راح يعجبك بعد الخبرات الكبيرة في المطاعم لمراسلتنا المطاعم

الحقيقة استمتعنا كثيرا فيها و تمنيت لو ان معانا سيارة لاستكشاف معالم الجزيرة التاريخية
الخدمات السياحية في الجزيرة تمشي الحال يعني أحسن من ماميش و لكن لا ترقى للمستوى المطلوب و المامول و هذه الجزيرة الرائعة تستحق ان تشهد طفرة على مستوى المشاريع السياحية المدروسة

بالمناسبة هل تذوقتوا الحلوى التي يعدها خورشيد (يم يم )



يا هلا فيك أخوي
للاسف انا ما شفت شي عشان اتذوقه ههههههههههههههه
تسلم على مرورك

هههههههههههه مشكوووووره حبيبتي على الصووور

والله جنااااااا فندق فريج اصوويلح ههههههه

على العمووم الحياه تجارب وانتي جربتي

بس لاتعيدينها الا اذا استانستي

::

ننتضر البقيه بشووق اختي

انا مع الاخت احلى كيميائية انا من الحين افكر شنو بسوي حق العيد الوطني قاعد اجهز حق فيلجا وترى فيلجا وايد حلوة وكوني فيلجاوي بس ارجع الديرة ودي ارجع حق فيلجا لأن عشت فيها طفولتي ليما صار عمري 11 سنة

أحلى كيميائية بانتظار تقريرج

المشاركة الأصلية كتبت بواسطة افتخر اني كويتي
http://www.arabtravelersforum.com/tr...5/#post1652285

انا مع الاخت احلى كيميائية انا من الحين افكر شنو بسوي حق العيد الوطني قاعد اجهز حق فيلجا وترى فيلجا وايد حلوة وكوني فيلجاوي بس ارجع الديرة ودي ارجع حق فيلجا لأن عشت فيها طفولتي ليما صار عمري 11 سنة



تسلم أخوي على مرورك
بانتظار تقاريركم عن فيلجا
و اختلاف الرأي لا يفسد للود قضية

ميرسي حبيبتي ..

والناس اذواق ..

وبانتظار باقي تقريرج ..

اللــــــه يعطيــــــــــج العافيــــــــــة

و أتمنـــــــى ان نشــــــوف المــــشــاريـــع اللـــي نســـمع عنـــها

و تـــكون فيــلجا المكـــان الســياحــي الأول بالكويــــت



متابـــــعة معــاج لي النهايه
الله يعطيج العافية على جهودج الواضحه

شكرا خواتي على مروركم الطيب
ان شاء الله الجزء الاخير انزله بعد شوي

**********
الجزء الخامس: الاخير : المغادرة من فيلجا بالعبارة :
*********

صعود السيارات بالعباره :










وبالعباره أكتشفنا الغرفه السريه هههههههههههه
قصتها :

بوقت ذهابنا لفيلجا (من الساعه 12 الى 1ونص ) طبعا الوقت مو حلو ... متنا من الحررررررر
رحنا قعدنا بالسياره و شغلنا المكيف الى ان طيرنا بنزين السياره
على بالنا ما في مكيفات بالعباره
لكن و احنا راجعين للكويت ... أكتشفنا انه فيه غرفتين بالعباره فيهم مكيف
صورة الغرفه



و الحمدلله انتهى التقرير
بانتظار تعليقاتكم
و ان شاء الله يكون عجبكم

الله يعطيج العافية اختي المرام بذلتي جهد جبار لانجاح هالتقرير وفعلا كان تقرير متميز وصور مفصلة وكثيرة

ابرزت معالم فيلجا السياحية مشكورة على جهودك الكريمة ونتمنى المزيد من التقارير الممتعة

تسلم أخوي على مرورك و تعليق الطيب

حبيبتي والله المرام ..

معقوله ساعه ونص قاعدين بالسياره ومشغلين التكييف !!!!

ترى كل عباره فيها غرف مكيفه ..

وانتي رايحين في عبارة اسمها ايكاروس .. هذي غرفها صغيره

اما العباره الثانيه نسيت اسمها غرفها اوسع وكراسيها من اسنفج وليس خشب ..

ان شاءالله المره اليايه انا اكون مرشده معاج بفيلجا ولا يهمج ..

واراويج شلون فيلجا حلوه

عيوني لج

وان شاءالله المرات اليايه تستانسين ..

واضح من الصوره ان العباره خاليه من السياح ..

تدرين لو وقت عطلة راس السنه او العيد الوطني

نصفط سيارتنا من الليل عشان ايي دورنا الصبح ..

ودايما العباره تكون فـٌــــــــــــــــــــــــــــــــــــــــــــــل

يعني مرات 9 رحلات باليوم الواحد من كثر السيارات والسياكل والبانشيات والقواري ..

تقرير حلووووووو ماشاء الله مشكوره

المشاركة الأصلية كتبت بواسطة أحلى كيميائية
http://www.arabtravelersforum.com/tr...0/#post1660970

حبيبتي والله المرام ..

معقوله ساعه ونص قاعدين بالسياره ومشغلين التكييف !!!!

ترى كل عباره فيها غرف مكيفه ..

وانتي رايحين في عبارة اسمها ايكاروس .. هذي غرفها صغيره

اما العباره الثانيه نسيت اسمها غرفها اوسع وكراسيها من اسنفج وليس خشب ..

ان شاءالله المره اليايه انا اكون مرشده معاج بفيلجا ولا يهمج ..

واراويج شلون فيلجا حلوه

عيوني لج

وان شاءالله المرات اليايه تستانسين ..



يا هلا بالغاليه كيميائيه
منوره الموضوع
الصراحه ما انتبهت على اسم العباره
خوش مرشده :24:
تسلمين على مرورج







المشاركة الأصلية كتبت بواسطة أحلى كيميائية
http://www.arabtravelersforum.com/tr...4/#post1660974




واضح من الصوره ان العباره خاليه من السياح ..

تدرين لو وقت عطلة راس السنه او العيد الوطني

نصفط سيارتنا من الليل عشان ايي دورنا الصبح ..

ودايما العباره تكون فـٌــــــــــــــــــــــــــــــــــــــــــــــل

يعني مرات 9 رحلات باليوم الواحد من كثر السيارات والسياكل والبانشيات والقواري ..



اي مو واجد السياح
بس احنا و كم عائله
:101:







المشاركة الأصلية كتبت بواسطة عربي حر
http://www.arabtravelersforum.com/tr...2/#post1661022

تقرير حلووووووو ماشاء الله مشكوره



مرورك الاحلى اخوي
تسلم على مرورك

يعطيج العافية المرام

تبين الصج انا ما رحت فيلجا الا وانا ياهل عمري ماتعديى ال 4 او 5 سنين ولا اتذكر شي
وكنت متشوقة اروح لها لكن بعد تقريرج ماكو الا ننطر حزة مناسبات يمكن تصير احلى
لأن اللي بالصور مايشوق مولية

وبيني وبينج ترى الرحلة يبيلها يمعه ترى لوماخذين الاهل معاكم جان استمتعتوا اكثر
ولا تنسون الماجلة ومطاطير الجاي المره الياية لوول

بس صج يعطيج الف عافية على التقرير

هلا فيج اختي
تسلمين على مرورج
رغم انه التقرير ما فيه صور او كلام كثير لكني قلت بأحطه تنبيه للناس .... و معلومات بالصور القليله اللي معاي ....

http://www.arabsys.net/pic/index.php

تسلم أخوي على مرورك

الله يسلمك أخوي
مشكور على مرورك

جزيرة متروسه اثار مثل هذي لو كانت بدبي ولا البحرين ولا اي دوله اوربيه جان صارت مزار عالمي وجزيره خيال

الل يسامح مسؤولينا اللي اهملوها وحولوها لي جزيره رعب


واستغرب من كلام الاخت: احلى كيميائية

عمري ماسمعت انه جزيره فيلجا براس السنا تنترس

الجزيرة غير مأهله للسياحه ولاتصلح حتى لعرضها في المنتدى

المرااااام الله يعطيج العافيه بصرااحه ابدعتي بس عندي ملاحظه


الملاحظه : انا احس انهم مقصرين بحق هالجزيره وااااايد يعني لكويت عندها ملايين والبلايين عجزانين لايقطون ويضبطون هالجزيره والله انا لما اشوف هالصور تصكني اكتأااب والله المنظر قديمممم حده جنج عايشه قبل الغزو احس اني رااد اياام البااديه حدي اتخيل ان الاجداد نفس جذي ماقول الا الحمدلله على العافيه والنعمه بس انا بصرااحه مامافكرت ازورها ابدا ابداا حتى ربعي يقولون ياريت مارحتلها شكلها مو شيء اتعب لما اشوف هالمنظر بصرااحه المرام التراث قديم حده وماله معنى حديقه الحيواان مو شيء كأن الواحد عايش بصحراء


واسف اذا ابديت شيء غلط بس هذا رأيي صوب فيلجا ولا انتي ماقصرتي ويزاج الله خير على هالصور

والسلام ختام

تسلمون أخواني على مروركم اللي شرفني
و فعلا .... فيلجا تحتاج لكثيررررررررررررررر من التعديلات

تروحين وتردين بالسلامه انشاءالله وتقبل الله طاعتج يارب لاتنسيني بالدعاء مرام جزااج الله خير

:113: ماشاء الله :113:

تقرير رائع لجزيرة الخير فيلجا :24:

يعطيج الف عافية

الله يسلمكم و يعافيكم
مشكورين على مروركم

اختى الغاليه .....المرااااام...:x1::x1::x1::x1::x1:

تقريرك راااااااائع جدا

سلمت يداك

الله يسلمج اختي
مشكوره على مرورج

يسلمووو غلاي

الله يسلمج
مشكوره على مرورج

الله يعطيك العافيـه والحمد لله على السلامـه

وبصرحه انا من زماان نفسي اشوف فيلجا ....من كثر ما يجيب طاريها الفنان الكبير طارق العلي في مسرحياته

بس بصراحه توقعتها شي غير غير غير

على العموم جهد يستاهل التقدير

وتقبلي مروري

^^^^^^^^
أخوي هذه العبارة دائما يستغلها من يملك الشاليهات في أواخر الجزيرة...

أما الآن فـ توجد عبارات خاصة و سياحية من المارينا مول تنطلق إلى فيلكا يوميا و فيها أماكن جديدة من عدد من الفنادق و غيرها قيد الإنشاء.

على العموم فيلكا لا تزال تنتظر الإنشاءات و التعديلات...
لأن العمل اللي أنجز حتى الآن يعتبر قليل جدا أو شبه معدوم من المخطط له.

شكرا على مروركم اخواني