الموضوع: كيف الوصول إلى

السلام عليكم ورحمة الله وبركاته

مساء الخير أيها الأخوة ..

هذه أول زيارة لي للبحرين , وسوف آتي عن طريق الجسر ..

فكيف الوصول لكل من :.
مجمع السيف - مجمع السيتي سنتر - متحف البحرين الوطني - منتزه عين عذاري


شاكر ومقدر لكم جهودكم ..

مواضيع عشوائيه ممكن تكون تعجبك اخترناها لك:

• ارجو الافادة بخصوص هذه الفنادق
• أهلاً رمضان
• مكاتب خطوط في البحرين
• رحلتي العائلية الجميله الى البحرين
• عندي ترانزيت ساعة وين اروح فيها ساعدوني
• سااااعدوني ابي مطعم حلووو ويستحق التجربه يا غالين
• جزر البحرين
• المواصلات من مطار البحرين إلى الدمام
• البحرين تغلق الملاهي الليلية بعد أيام
• الفزعة ياأهل البحرين
• ذهب
• تكفوووون
• وين منطقة الزنج
• ممكن تساعدوني عن الاماكن اسواق وكافيهات ومطاعم في البحرين
• ابي رد سريع لو سمحتووووو
• ودي بشاليه في البحرين
• الريال السعودي والدينار البحريني بين الواقع والخيال
• تصريح دخول للسيارة
• مطلوب مساعدتكم للعرسان لا تبخلون علينا
• طريق البحرين

يا هلا ومرحبا فيكم ..

هذي البحرين تحييكم ..

نبدأ بالأقرب وهو منتزه عذاري ..

بعد دخول الأراضي البحرين لا تلف لا يمين ولا يسار .. استمر إلى الأمام .. تمام ؟ بعد حوالي 10 كيلومترات راح تحصل منتزه عذاري واضح ولكن على جهة اليسار .. وانت راح تكون ماشي على اليمين .. لذلك لابد من الانعطاف دوران عكسي عند أول مخرج والعودة على نفس الطريق من الجهة المعاكسة والدخول في أول منعطف إلى اليمين حيث محطة للبترول وهي مدخل للمنتزه.

مجمع السيف والستي سنتر يتجاورون ( مسافة مشي بينهما تقريباً 15 دقيقة مشي على الأقدام بين الستي والسيف ) ..

السيف طبعاً أقرب للجسر .. عند الوصول إلى الأراضي البحرينية واصل إلى الأمام ( يمين ولا يسار ) حتى الوصول إلى المنعطف الثالث إلى اليمين .. أخذ هالمنعطف راح يلف فيك تلقائياً إلى الأعلى وتكون فوق جسر .. استمر إلى الأمام ( لا يمين ولا يسار ) بعد حوالي 5 كيلومتر راح تركب فوق جسر وبعد ما تنزل بنحو نصف كيلومتر يوجد جسر آخر خذ هالجسر إلى الجهة اليمنى ومن ثم منعطف من إشارة ضوئية إلى اليسار حيث مجمع السيف راح يكون واضح أمامك.

متحف البحرين الوطني هو الأبعد تقريباً .. شفت الخط اللي مسكته حق السيف ؟ استمر معاه إلى الأمام ولا تلف تحت الجسر اللي عنده إشارة ضوئية توديك السيف .. واصل فوق هذا الجسر إلى الأمام ( لا يمين ولا يسار ) حتى الوصول إلى أول إشارة ضوئية ومن بعدها هناك العديد من الإشارات الضوئية حوالي 4 إشارات ضوئية عند التقاطع الرابع انعطف إلى اليمين وبتلاحظ وجود لوحات إرشادية ( جنوب المنامة ) .. استمر إلى الأمام وخذ أول إشارة ضوئية راح تحصلها إلى جهة اليمين .. وبعد ما تنعطف خذ أول منعطف إلى اليسار عليه لوحه ارشادية ( متحف البحرين الوطني / كورنيش الفاتح ) .. بعدها لف إلى اليمين واستمر إلى الأمام راح ينعطف فيك الشارع تلقائياً إلى اليسار ومباشرة راح تحصل دوار .. خذ هذا الدوار إلى اليسار وبتكون في مدخل متحف البحرين.

ان شاء الله يكون الشرح واضح

يعطيك العافية .. شرح وافي ..

طيب طريق العودة من متحف البحرين إلى الجسر واضح ؟؟؟

اطلع من المتحف اظن من نفس المكان الي دخلت منه وبعدين ولازم تاخذ يمين مسار الشارع ....اقطع الاشارة وواصل سيده وراح يكون فندق الدبلومات على يسارك واصل لي نهاية الشارع خذ يسار وهذي الشارع بيكون نفس الشارع الي جيت منه من السيف واصل سيده على طول بتلاقي السيتي سنتر على يمينك وبعده العالي وبعده السيف وانت مواصل سيده على الجسر لين تجيك لافتة السعودية على اليمين خذ يمين وواصل والشارع بياخذك للجسر........حياكم الله

هلا الغالي نقدر نساعدك بكل دا ونوفر الك جولة على كل مكان تبية وودك فية
وبرنامج سياحي وفلة على الاخر واضمن الك انك راح تعود الزيارة مرة ثانية
ادا ودك عطني التاريخ الي بتجي فية ان شاء الله ورقم التوصل وياك او الايميل وان شاء الله اجازة حلوة وممتعة بالبحرين