الموضوع: فزعتكم يالنشاما ابي اسماء المناطق السياحية في المغرب

سلامات اخي وان شاء الله الاخوان يساعدونك اكثر مني لانهم عندهم خبرة
و ان شاء الله السسفرة راح تكون حلوة

هلا فيك اختي

طبعاً انا سافرت ولاول مره الى المغرب واخذت 10 ايام ووصلت صباح الاثنين قبل امس

وبحاول اجاوبك قد خبرتي المتواضعه

---------------------------------

- ابي اسماء المناطق السياحيه ( اللي تستحق الزياره) .. والمسافه بين كل منطقه ومنطقه
وهل فيه طيران بينها والا بس عن طريق البر

المناطق السياحية

كازا وبها منطقة الجديده تبعد حوالي نصف ساعه من كازا

وكذلك منطقة اسمها طماريس قريبه منها ومزقان وهذي جديده عمرها اقل من سنه

وعين الدئاب ( الكورنيش )

المناطق الاخرى ( مراكش ) لكن مشكلتها الجو فيها حاااااااااااااااااااار جداً جداً ولكنها مميزه في طبيعتها وبها منطقة شلالات ومناطق اخرى لا اتذكرها واغلب الخليجيين يتجهون لها وتبعد عن كازا بالطائره 45 دقيقه وبالقطار ساعتيين

المنطقه الاخرى ( اغادير ) ما زرتها لكن حسب كلام الناس جميله جداً وهادئه وتبعد حوالي 400 كم من كازا وبها مطار

المنطقة الاخرى ( الشمال ) طنجه على حدود اسانيا هذي خيااااااااااااااااااااااااال بس مازرتها لكن سمعت عنها



----------------------------

2- افضل المنتجعات الساحليه في المغرب

ذكرت في كازا ( مزقان وطماريس )

النخيل في مراكش

----------------------------

- وش رايكم نحجز من الرياض للرباط والا للدار البيضاء والا ايش .. وايهم اقرب مسافه للمناطق السياحيه في المغرب

الرجلات جميعها من السعودية تكون الى الدار البيضاء ( كازا ) وليست للرباط بالرغم ان الرباط هي العاصمه ولكن الفرق بين الرباط وكازا حوالي 90 كيلو تقريباً

------------------


4 - اذا عندكم ارقام سائقين عندهم خبره ويعرفون شوي من لهجتنا ( سهل التعامل معه ) ياليت تعطوني اياها

اكبر مشكله تواجه السواح في المغرب السواقين

ولكن افضل حل تستاجر سياره بالسائق تكلفكم في اليوم 500 درهم اي حوالي 250 ريال

واي استفسار اخر حاضرين على قد خبرتنا وضحنا بعض الامور

تحياتي -

خذ لفه عالتقارير وشوف المدن الي تناسبك

رحله عائليه ولا شبابيه

المده عشان نقدر نساعدك

المغرب كله حلو

الحجز الى كازا

عندكم مدن كثيره تستحق الزياره

كازا
مراكش
الرباط
اغادير
طنجه
افران

مرحبااااااااااااابيك
ما اعرف حسيت انكم عائلة صح ؟
كم يوم الرحلة
ايش تفضلو الجو البارد - البحر - التماشي كالحدائق والمنتزهات .....يعني حاول تحدد لنا امور نقدر نمشي عليها ...
وشكرا

[QUOTE=bnt m7md;5728570]

السلام عليكم

وشلونكم وشخباركم وش مسويين بهالاجازة
بدش بالموضوع على طول ناوين هالصيف نسافر للمغرب ان شاء الله
بس محتارين ناخذ شركه سياحيه والا حنا نرتب المخطط ايش رايكم ..!؟
وعندي كم سؤال معليش بطول عليكم بس ماودي تفشل الرحله لانهم مكلفيني بالترتيب
1- ابي اسماء المناطق السياحيه ( اللي تستحق الزياره) .. والمسافه بين كل منطقه ومنطقه
وهل فيه طيران بينها والا بس عن طريق البر
2- افضل المنتجعات الساحليه في المغرب
3- وش رايكم نحجز من الرياض للرباط والا للدار البيضاء والا ايش .. وايهم اقرب مسافه للمناطق السياحيه في المغرب
4 - اذا عندكم ارقام سائقين عندهم خبره ويعرفون شوي من لهجتنا ( سهل التعامل معه ) ياليت تعطوني اياها

اتمنى التفاعل معي لاننا متحمسين قوة وطفشانين
والله يعطيكم العافيه ..