الموضوع: امارتي ايام في الكويت يبغي شوركم ؟

السلام عليكم ورحمه الله وبركاته

يسرني يا اخوان اني راح ازوركم بعد فترة قريبة في دولتكم دولة الكويت الشقيقة :101:

وانا حبيت هاي الدولة وهاي ثالث زيارة لي ... على العموم ما راح أطول عليكم أنا ناوي احجز في السالمية

وابغي تساعدوني انا أبحث عن فندق يكون نظيف بالدرجه الاولى ولا اشترط فيه الفخامه وتكون الغرفه لشخص واحد ويفضل يكون معاها وجبه فطور بس ما يزيد عن 23 دينار كويتي... :114:

وسؤال ثاني وان شاء الله ما ازيد سؤال بعد :109: بكم احصل ايجار سيارة باليوم تكون نوع كورلا او لانسر 2006 واذا تعطوني اسم المكتب جزاكم الله خير ....

والسموحة منكم

أخوكم / صقر الإمارات

مواضيع عشوائيه ممكن تكون تعجبك اخترناها لك:

• كيف رمضان بالكويت يا اهل الكويت
• اهل توجد عروض مسرحيه في شهر نوفمبر
• ابي عناوين شقق مفروشة معقولة السعر بالكويت عاااجل
• متى تبدي اجازه الربيع ؟
• استفســـآر بالدخول ببطاقة الأحوال السعودية
• سؤال ياهل الكويت
• فيلكا عنوان كويت المستقبل بالصور والفيديو
• استفسار يا أهل الكويت عن موقع جامعة الكويت
• فندق هوليدي ان الكويت السالمية وإقامة رائعة لا تنسى تفضل
• طلب من اهل الكويــــ خوالي ــــت
• مجمع الكوت
• يارب احد يرد علي
• أول مرة مع الخادمة؟
• اقصر الطرق من الرياض الى الكويت
• طلب تكفون رد علي
• أقوى عرض بمناسبة عيد الأضحى
• فساتين السهره الراقيه
• المساجد الكويتية طراز إسلامي يعبق بالتاريخ
• صور احترافيه عن الكويت من تصويري
• لليي عنده ساعة رولكس هل ابيعها

حياك الله في الكويت

23 د.ك صعب في http://www.q8shots.com/kuwait/kuwait-hotels/يمكن تحصل http://www.q8shots.com/kuwait-hotels...otels-resorts/في حوالي 30 الى 35 د.ك وهي منتشرة في مختلف مناطق الكويت وهذا بعض مكاتب تاجير السيارات


http://www.q8shots.com/kuwait-rent-a...rent-a-car/://

http://www.q8shots.com/kuwait/kuwait-hotels/

http://www.q8shots.com/kuwait/kuwait-rent-a-car/

حياك الله اخوي
صعب تحصل فندق بالسالمية نظيف ب 23 دينار
عالعموم انا بذكر لك اسماء الفنادق بس للاسف ماعندي علم بالاسعار:

هوليدي ان السالمية

المارينا

ريترز السالمية

وفي شقق مفروشة وايد بس مااعرف عنهم شي للاسف

وحياك الله بالكويت

أهلا وسهلا فيك من دار زايد زور موقع فنادق الكويت وستجد الأسعار ولك ماتختار.

http://www.kueaithotels.info

مشكورين أخواني .... q8 shooter & مسافرة كويتية & kuwait hotels ويعيطكم الف عافيه على تفاعلكم وياي...

على فكرة انا مب شرط يكون فندق حته لو نظام شقق فندقيه تكون نظيفة وانا ترى ما اريدها شرط فالسالمية لكن يفضل وبالعكس انا اريد تكون قريبة جدا من دواااااااااار البدع .........

تحياتي لكم وان شاء الله الاقي في المواقع اللي حطيتوها شي مناسب .... شو البرد عندكم !!

علشان عندنا للحين شبه حر فالنهار ...

falcon_uae
السلام عليكم ورحمه الله وبركاته
يسرني يا اخوان اني راح ازوركم بعد فترة قريبة في دولتكم دولة الكويت الشقيقة
وانا حبيت هاي الدولة وهاي ثالث زيارة لي ... على العموم ما راح أطول عليكم أنا ناوي احجز في السالمية
وابغي تساعدوني انا أبحث عن فندق يكون نظيف بالدرجه الاولى ولا اشترط فيه الفخامه وتكون الغرفه لشخص واحد ويفضل يكون معاها وجبه فطور بس ما يزيد عن 23 دينار كويتي...
وسؤال ثاني وان شاء الله ما ازيد سؤال بعد بكم احصل ايجار سيارة باليوم تكون نوع كورلا او لانسر 2006 واذا تعطوني اسم المكتب جزاكم الله خير ....
والسموحة منكم
أخوكم / صقر الإمارات




عليكم السلام ورحمة الله و بركاته
حياك الله أخوي صقر بالكويت و اتمنى لك زياره موفقه
احسن فندق فندق المارينا (الكورنيش ) بس أكيد أكثر من 23 !!







على فكرة انا مب شرط يكون فندق حته لو نظام شقق فندقيه تكون نظيفة وانا ترى ما اريدها شرط فالسالمية لكن يفضل وبالعكس انا اريد تكون قريبة جدا من دواااااااااار البدع .........
تحياتي لكم وان شاء الله الاقي في المواقع اللي حطيتوها شي مناسب .... شو البرد عندكم !!
علشان عندنا للحين شبه حر فالنهار




و الشقق الفندقية

كويت بالاس
الهاتف: 5710301 ~5710309 ~5710303
الفاكس: 5719520
+00965
العنوان: حولي الكويت

ريجينسي
الهاتف: 2470000 ~2492091 ~2492092
الفاكس: 2494224
+00965
العنوان: دسمان الكويت

بودل
الهاتف: 2492062 ~9007004
الفاكس: 2492061
+00965

سفير البستكي
الهاتف: 2555081
+00965
العنوان: الدسمة الكويت



و بالنسبة للجو .. الحين الجو وايد حلو خاصه بالليل
بس مو برد


حياك الله بأي بالكويت
و اتمنى ان توصلنا الاخبار الحلوه عن زيارتك

تحياتي

في فندق العالميه غرفه مفروشه وحلو لابأس فيه ولك مسفط والليله ب 20 دينار ودام انك شخص واحد يناسبك كان صديق لي وعزيزي وحبيب قلبي اماراتي تعرفت عليه بسفر واحمد ربي اني تعرفت عليه ماطول عليك عزمتك ايي عندنا بالكويت وسكنته هالفندق لمدة يومين حلو ومريح وكل شيء جريب منك
اسم الفندق العالميه ب 20 دينار وبشارع الفنار قريب منك يمكن اذا بعيد عنك 200 قدم تمشي بس وتشوف كل شيء من البلكونه :÷ اما التأجير اليومي ب 5 دنانير او اقل او اكثر ب دينار بس وحياك الله حبيب قلبي بديرتك الثانيه
واذا تبي شيء من عيوني لك فدوه

يا مرحبا اخواني .. زعطوطه & Yanasana ... ومشكورين على اضافتكم الطيبة ..

الله يحييج نعم فندق المارينا عندكم من احسن الفنادق :24: مثل ما خبروني ربعي بس ما يناسبني موقعه :108: ومشكوووووووورة وما قصرتي ..

اخوي Yanasena تسلم عيونك وما قصرت بس ممكن موقع الفندق ( العالمية ) بالنت او الرقم وكم مسافته تقريبا عن دوار البدع واكرر شكري لك ولباقي الاعضاء اللي كلهم ما قصروا معاي ...

تحياتي لكم ،،،

حياك الله اخوي صقر في بلدك الكويت

فندق الرايه وايد حلو بس اكثر من 20

وبالنسبه للجو في الكويت هالايام صار واايد حلو

مع تمنياتي لك بالتوفيق

اوكي تخلي البلاجااات على يمينك وتكمل سيده تيلك اول اشاااره تكمل سيده ويصير النادي العلمي على يمينك كمل سيده تيلك اشاره كمل سيده تيلك اشاره الثانيه وقف عندهااا بس خلك على اليسار علشان تروح شمال ولما تفتح الاشاره تروح شمال وتيلك اشاره ثانيه امسك اليسار بعد واول ماتفتح اخذ يسار بعد ماتاخذ يسار تكمل شوي تقريبا 100 متر تشوف مطعم ماكدونالدز في دخله قبله يمكن ب3 خطوات:24: اادخل معاها يصير ماكدونالدز على يسارك جريب واايد كمل سيده أييلك خط معترض من ا ليسار وخط يمشي سيده بويهك وخط اللي بينزل يمينويكمل اوكي انت انتبه ومن اللي يايك من اليسار وكمل سيده اول ماتكمل سيده ايلك خط من اليمين وقف تشوف فندق على يمينك وقف واساله عن فندق العالميه بقولك هذا اهوا تروحله مشي على ريولك يمكن 15 خطوه

الوصف : اول اشاره خلها والثانيه خلها والثالثه وقف وبعدين يسار بعد ماتاخذ يسار تيلك اشاره على طول وتوقف وبعدين شمال وتشوف ماكدونالدز قبل ماكدونالدز في دخلته ادخل معاها وكمل سيده اييلك شارع معترض بس لاتروح يمين ولاشمال كمل سيده تلاقي فندق على يمينك وقف عنده وسأله وين العالميه بيقولك هذا اهواا واذا مافهمت بلغني
:24:
ممنوع وضع الايميل - ملبورن

حياك الله ..

بس اقرب شئ لدوار البدع هو منتجع النخيل

بس سعره اعتقد الليله اب 63 د.ك

واهو 5 نجوم

جزاك الله خير Yanasena على التوضيح ... وشكلي برسم لي خريطة على وصفك علشان لا اضيع :109:

الله يحييج يا أحلى كيميائية ومشكوره على مرورج واضافتج الطيبة

مشكورين كلكم يا اخواني وما قصرتو ابد وما عليكم زوووووووود... تحياتي..

لالا لاترسم ولاشيء هههههههههه بعد الدوار تعد 3 اشارات ثالث اشاره ادخل يسار وتجيك اشاره ادخل يسار وتشوف ماكدونالدز قبل ماكدونالدز في دخله ادخل معاها ويجيلك شارع معترض من اليسار انتبه منه لاتجيلك سياره هههه المهم كمل سيده تشوف على يمينك فندق اسأله وين الدوليه ويقولك هذا اهواا وخلاص

3 اشارات الاشاره الثالثه توقف وبعدين تاخذ يسار وتجيلك اشاره وتوقف وتاخذ يسار وتشوف ماكدونالز تقريبا متر في دخله ادخل معاها وكمل لما يعترضك شارع وكمل سيده وتشوف فندق بس غالي اساله وين الدوليه

تعبت

يعطيك العافية اخوي YaNasena ووضح وصفك وان شاء الله اوصل بالسلامة ما أضيع ... :24:

وكل الشكر والتقدير للي شاركوا فالموضوع وما قصروا معاي.... :101:

تسلم حبوب واتمنى وصفي يطلع بمحله وانطر ردك