الموضوع: رايح للكويت اول مرة وابي منكم المساعدة

الاخوة والاخوات الاعضاء في منتدى المسافرون العرب ..
انا بروح للكويت خلال اجازة العيد الوطني لدولة الامارات من 29-11 الى 3-12-2007 ..
فياليت أقدر احصل منكم اخواني واخواتي على معلومات بخصوص أحسن موقع للسكن لي ولأفراد عائلتي ( زوج وزوجة وثلاثة اطفال ) بحيث يكون قريب من المجمعات التجارية ولا يبعد كثيرا عن مدينة الالعاب الترفيهية ..

وحقيقة دخلت مواقع عديدة لفنادق في السالمية ،، لكن الواحد يحاتي وقررت اني أسألكم كونكم أهل خبرة
ولكم جزيل الشكر .

اخوكم جاسم من دبي
نورس دبي

مواضيع عشوائيه ممكن تكون تعجبك اخترناها لك:

• رحلة مفيم فى السعودية الى الكويت
• بدز بريد للكويت سؤال
• مدينة فبراير للطفل
• عاجل جدا
• اخـــــــــــر و اهـــــــم سؤال
• ابي لحم نعام
• مسافرللكويت
• رحلتنا الى الكويت الشقيقه بتاريخ
• سأزور الكويت ولدي بعض الاستفسارات الله يسعدكم
• وين القى هل منتجات الكويتية بالجملة؟؟
• عدة استفسارات لووسمحتم
• استفسار عن طيران اقتصادي بين الرياض والكويت
• لمحبي الدرابيل حلويات درابيلنا
• ماركة
• هل اقدر ادخل الكويت ببطاقة الاحوال عن طريق البر
• زين أحد الرعاة الرسميين لمهرجان هلا فبراير
• ماهو أحسن مطعم بالكويت ؟؟
• كويتي؟؟ ادخل
• استفسار عن فندق و منتجع شاطئ النخيل
• من يساعدني في اجابة عدد من الأسئلة عن السفر من البحرين الى الكويت لاول مرة

حياك الله اخي جاسم


بالنسبه للمدينه الترفيهيه هي بعديه تماما عن السالميه ولا قربها اي فندق


انصحك تسكن في شقق مفروشه خصوصا اذا كان وياك عائله يكون السكن في الشقق اريح من الفندق

انصحك في شقق ريتز السالميه وهي مقابل سيتي سنتر مركز تسوق كبير جدا وفيه المطاعم والالعاب الترفيهيه للاطفال

عموما منطقه السالميه هي اللي راح تكون مناسبه لك خصوصا ان وقت الزياره مافي اي فعاليات عندنا ولا زحمه وراح تكون الاسعار رخيصه جدا


والف مبروك العيد الوطني للغاليه دوله الامارات العربيه المتحده

جزيل الشكر لك أخوي سواح كويتي على جميل تعقيبك .. وسأحاول الاتصل بريتز للحجز .. وانشالله نتوفق..
أكرر شكر
أخوك جاسم

حياك الله اخوي

مثل ما قال اخوس سواح كويتي منطقة السالمية افضل منطقة وانصحك بفندق المرينا والمدينة الترفيهية شوي وتبعد عن السالمية 20-30 دقيقة تقريبا

والف مبروك للامارات عيدها الوطني

بوحموووود : بضبطك بسكن علي كيف كيفك .... راح أسالك في فندق (شقق مفروشه ) يم المرينا مول.
بشوفلك أسمه ورا أسألك كم أسعاره وردلك . تستاهل يابوحمود

&&&& صــــوت المــطـــــر &&&&

فندق الكورنيش او المارينا..
احسن شي و في موقع استراتيجي بالسالمية
و
قريبيين من حديقة الشعب الترفيهية (مدينة ألعاب)

اخواني الاعزاء :

alrashedq8 ، Hambka Q8 ، sout_almo6ar
جزيل الشكر على تعقيبكم والله يبارك في حياتكم وسلم بلدكم - بلدي الثانية- الكويت

مرحبا اخوي جاسم , انا انصحك بفندق بو دل اجنحة فندقية وجديدة وجدا ممتازة انا توي جاية من الكويت في يوم 28-10- 2007 موقعه في السالمية - دوار الخنساء شارع المطاعم وقريب من المراكز التجارية ،،،، ورايح يعجبك واتمنى لك سفر ة سعيدة انت والعائلة الكريمة.

حياك الله اخوي
المدينة الترفيهية بمنطقة الدوحة فماراح تحصل فندق قريب منها .
من رايي تسكن بالسالمية او بالعاصمة وهالمناطق تبعد حوالي 20 الى 30 دقيقة عن المدينة الترفيهية.
وبنفس الوقت يمها كل المجمعات ولاتحاتي الاماكن مو بعيدة عن بعضها .

انصحك تسكن ب :

الكورت يارد
المارينا
الهوليدي ان
ريترز شرق
ريترز السالمية

وبالنسبة للسكن انشالله يفيدونك اكثر الاخوان.

الاخت سكاكر والاخت مسافرة كويتية ...
جزيل الشكر على ماقدمتماه لي من معلومات ..

الأخت سكاكر ,, بعد اذنك بس حبيت أعرف رقم الشقق بو دل للأجنحة الفندقية اللي تكلمتي عنها ..

ان شاء الله الأفراح دايما في دار زايد

حياك الله بالكويت ..
اذا تبي فندق فندق المارينا
و اذا تبي شقق ريتز السالمية


و الكويت تزيد نور فيكم


تحياتي لك

دبي لاند حياك الله بديرتك الثانيه لكويت وانت اخو وعزيز وغالي عندنا اذا تبي اي شيء انا حاضر وتحت الطلب حبيب قلبي تبيني استقبلك واوديك الاماكن وتشوف فنادق حلوه بس حدد تبي جم سعر الفندق اوصلك الى الفندق وامشي وادليك على الاماكن بالتليفون واذا تبي اسويلك جدول من المطار لي ماترد للمطار وانت متجه لديرتك الامارات حاضر من عيوني

** يمنع كتابة الإيميلات والأرقام الشخصية **
BeeBoo

عيوني للكل .. YaNaSeNa

حياك الله في الكويت

أفضل الفنادق التي تمتاز بالفخامة وقربها من الأماكن السياحية

- فندق المارينا
- فندق شاطئ النخيل
- فندق ماريوت كورت يارد
- فنادق هوليدي إن (داون تاون والسالمية)
- فندق المنشر


السياحة في الكويت هي سياحة مطاعم ومجمعات أساسا
أما مدن الملاهي فأكبر مدينتين هما: المدينة الترفيهية في الدوحة ، وحديقة الشعب على الكورنيش

حياك الله في ديرتك الثانية الكويت
انا انصحك بالسكن في فندق المارينا وذلك لموقعة على البحر و قربه من الاسواق