يا شباب
انا مبدئيا عمري ما طلعت الساحل قبل كده , فمعرفش عنه حاجه غير المعلومات العاديه اللي اغلبنا يعرفها
لكن انا الصيف ده ناوي اطلع انا و اصحابي نصيف هناك (5 أفراد)
وكنا حاطين 1000 جنيه للشاليه اللي هنسكن فيه لمدة 4 ايام
سوألي لخبراء الساحل , ايه القري اللي سعر الليله فيها يكون بالمبلغ ده (250 جنيه).
عارف ان المبلغ مش كبير , بس هي دي امكانياتنا الحاليه
ياريت كمان اللي عنده كونتاكت لحد في القري المقترحه يبعتهالي
أنا شخصيا معرفش غير بعض القري البسيطه اللي سعرها يناسبنا في الساحل زي رويال بيتش ودي بعد 210 كيلو من اسكندريه , فبعيده أوي أوي.
اخر حاجه , لو فيه اماكن مقترحه غير الساحل , رينج السعر ده يقدر يجيب فيها حاجه كويسه ياريت تتفضلو تقترحوها عليا , لأني مش قدامي غير مرسي مطروح قرية الأندلسيه وعلي الرغم من سعرها المناسب جدا الا ان البعض قاللي انها بتكون زحمه و خصوصا السنه دي بعد الناس اللي رجعت من ليبيا.
ياريت اللي عنده ابسط معلومه ميبخلش بيها عليا , وشكرا جزيلا.
مواضيع عشوائيه ممكن تكون تعجبك اخترناها لك:
المفضلات