الموضوع: مشكلة حجز الخطوط السعودية بشهر اغسطس

السلام عليكم ورحمة الله وبركاته..اولا اخواني اشكركم جزيل الشكر على المعلومات القيمة وبامانه استفدت منكم كثير في التخطيط لشهر العسل عسى الله يكون بالعون وبحتاجكم كثير يا الغالين لكم باخذها وحده وحده..
عندي مشكله حاليه وهي الحجز الطيران الاسعار مبالغ فيها جدا وخصوصا في شهر اغسطس تصل الى 8500 من ابها-جده-كوالامبور تاريخ 8/3 الى 8/15 ياليت تساعدوني الله يسعدكم لاني الاحظ الاسعار ترتفع وتنزل على سبيل المثال قبل 4شهور تقريبا السعر 6000 وشوي وقبل شهرين تقريبا ب 4050ريال فقط ارجو الافادة وشكرا..

مواضيع عشوائيه ممكن تكون تعجبك اخترناها لك:

• اهل الخبرة رايكم في مخطط السفر
• استاذ وافي ممكن تدخل موضوعي عاجل
• استفسار مواصلات إلى جزيرة بانكور
• شهر عسل بالصيفية يونيويوليوترشيح فنادق
• استفسار ي اهل الفنادق
• مساعدتكم في إختيار جدول لشهر العسل
• استفسارات ماليزيا
• اين توجد جزيره ؟؟؟
• الحمد لله حجزنا وتوفقنا باقي برنامج الرحلة نرجو المساعدة من اهل الخبر والسفر
• استفسار عن حجز التذاكر
• هل تغيرت الاجراءات؟
• ايهما افضل السفر للنكاوي بالطائرة ولا عن طريق العبارة
• ما رأيكم في
• ابغى فزعتكم ياشباب في ترتيب جدول يومي لشهر العسل
• وش الحل إير آسيا غيروا حجزي ؟؟
• سؤال لطلاب الطب البشري
• طلب جدول تفصيلي لرحلتنا يوم
• أول مره لماليزيا احتاج مساعدتكم ؟
• فندق سيتي البي فيو
• استفسار برنامج شهر عسل

اخي الكريم


هل مواعيد سفرك ثابتة ام يمكن تقديمها و تاخيرها بعض الايام ؟؟


هل من الممكن سفرك من جدة ام لا بد من ابها ؟؟؟


بعد الاجابة احدد لك امكانية الاسعار


وفقك الله

والله الأسعار في ارتفاع انا حجزت ع الخطوط السعودية 4/8/2014 الى 14/8 بــ 6220 ريال قبل اسبوعين واحس انها رخيصة مقارنة باقي الخطوط الاخرى
الحق عليها

أخوي طارق من الممكن تقديم وتأخير كم يووم مو مشكلة لكن الافضل نفس التاريخ..وبالنسبة لجدة او ابها ماعندي مشكله امرها بسيط
اخوي s6s6 مشكور ع النصيحة والله اني توهقت لكن ربك كريم والي وهقني جواز المدام تاخر..

والله انا نفس الشيء ياغالي رحلتي يوم 11 اغسطس وسعر التذاكر وصب 9000 الاف ريال

نصحية مني لاتحجز من مكتب انت عارف بعضهم نصابيين

شوف انا حصلت حجز من 14 اغسطس الى 24 اغسطس

بـ sar 6,962.00

واتوقع هذي ارخص حجز في اغسطس الحق عليه اليوم اذا انت تبي الخطوط السعودية

بالنسبة لي ممكن اغير الخطوط ممكن اخذ الاماراتية والله يعين على الانتظار والتنقل من مطار لمطار بس في النهاية خليها للفلة

وصدقني راح تبقى كل لحظة للذكرى وربي يسعدك في سفريتك

انا شيقت على الحجوزات وحصلت التاريخ الي تبيه فل يعني اقرب رحلة رخصية من جدة الى كوالالمبور يوم 6 اغسطس

او عندك حل ثاني ياخي دام الشغلة من ابها الى جدة ولفة طويلة

عندك حليين تخلي رحلتك من جدة الى كوالالمبور على طول يعني تاخذ ام العيال قبل السفر بيوم وتاخذ لك شقة قريبة من المطار او عند اقاربك اذا لك اقارب في جدة

وتتمشى على الكورنيش وتتعشى من البيك ^^

واليوم الثاني تسافر من جدة على طول والرجعة نفس الشيء تريح يوم في جدة ويمكن تغير رأيك تاخذ عمره انت والمدام وتسافر سيارة او انك تحجز لك رحلة من جدة الى ابها

وصدقني امورك طيبة احنا شعب نحب الفلة والمرمطة متعودين عليها عيال شقى ^

اخي الغالي
اذا تحجز الذهاب 15-16-17-19
و الاياب 30 -31
من ابها الى كوالا
يكون السعر دون 5000 بقليل
براي هذا افضل سعر و افضل حل
اجل السفر كم يوم و وفر نقودك


نفس تواريخك في حدود 6500-7000 من ابها


لم ابحث لك من جدة لاني وجدت السعر مناسب


اي مساعدة الساعة المباركة

الطيران الداخلي اسعاره ثابته

دور من ابها لأنك بتدفع نفس الشي


حاول تشيك على الفجر لأن في تذاكر يكون عليها وقت محدد وتلغى في حالة عدم الدفع وتنزل مرة ثانية في النظام

حبيبي سوي في الحجز ابها كوالالمبور وحط التواريخ
وشوف اش يطلعلك من الموبايل

مشكورين حبايب قلبي..الله يجزاكم خير لكن والله جد توهقت لكم ربك كريم..
لكن تتوقعون الخطوط تنزل اسعار لان قبل كم شهر كانت الاسعار مرتفعه ونزلت من جديد الي عنده خلفيه يساعدني

مهندس ايمن


الفترة اللي تريد السفر فيها ذروة الايام


انصحك تحجز بالمواعيد اللي حددتها لك ب 5000


بالتوفيق

اخوي طارق اشكرك جزيل الشكر..
ولكن المشكلة الي تواجهني اني ملزوم باجازه معينه اقصاها 22 اغسطس يعني اذا باقدم او ااخر يوم يومين بس. من الموبايل

الله يوفقك للخير

وياااك يارب

طيب وش تنصحوني من طيران دام اني خسران خسران من الموبايل

أخواني..وجدت رحلة من ابها لدبي(فلاي دبي) ومن دبي لكوالا(الاماراتية) والعودة نفس خط السير
تنصحوني احجزها بمبلغ 7200ريال او انتظر شوي

فيه رحله بتاريخ 8 والعوده بتاريخ 21 من ابها الى كوالا على الخطوط الاماراتيه الحجز لشخصين
سعرها 6100
وعندهم وقت ثاني 6362 الفرق تقريبا 1200 عن السعر اللي لقيت انت فرق كبير

وفيه كمان من جده الى كوالا على الخطوط الاماراتيه على 5788 لشخصين

بس انتظارها طويل في الذهاب 20 ساعه تاخذ شقه اشوفها حلوه تنزل دبي


وتشوفها وتتمشى فيها وتنام واليوم الثاني رحلتك الصباح
والعوده انتظارها حلو ساعتين بدبي

تاريخها من 8 الى 20 او 21 نفس السعر

اختي نواال مشكورة الله يسعدك..لكن المشكله عندي بالتواريخ لان اجازتي قصيره تبدا بتاريخ 8/3 اغسطس وتنتهي 8/21 والوقت حقي ناكبني صراحه
لقيت طيران نااس وصراحة مرا حلوه ب5960 ورحله ثانيه بعد 3 ايام ب 4864ريال لكن خايف من خطوط ناس ممكن تفيدوني واسف ازعجتكم كثير..
للمعلوميه الرحلات الاولى :الاقلاع يوم الاحد 8/3 والعودة 8/16
والثانيه: الاربعاء 8/6والعودة 8/18
*تاريخ الزواج باذن الله 8/2 يوم السبت

تؤكل على الله وحجز الرحله الثانيه ارخص 11 ليله تقريبا حلوه تكفي والحق احجز لاني دخلت مالقيت الحجوزات هذي مااعرف انت كيف لقيتها

اختي نوال حجزتها تو حجز مبدئي لكن والله متوتر عن ها الطيران اخاف احجزه واتوهق الله ييسرها..

اذا السعر مناسب ادفع و توكل على الله

لاتستعجل
مرلك كم مكتب سفر وسياحة ، امكن تلاقي عندهم حجوزات طيران اخذوها بأسعار رخيصة
وتكون أرخص من السعر اللي لقيته في موقع الخطوط

ماني متأكد من هذي الحركة لكن أسأل وشوف
حفظك الله

الله يسعدك اخوي سعد مشكوور..تعرفون لي مكتب سياحي جيد بالرياض

أشكرك على دعوتك الجميلة
مكتب معين ماعندي علم لانو لي عن الرياض مايقارب السنتين
عموماَ شارع جرير ان ماخانتني الذاكرة يعج بالمكاتب السياحية خذلك لفة والله يكتبلك الخيرة

الله يستر شكلها السعوديه راح تفضى من أهلها


تخيل حاجز بتاريخ 24/9/2014
قبل شهرين لبالغين وطفلين
بــــ 5200 ريال لكوالا من المدينة المنورة


يعني قبل موعد السفر بـــ 8 أشهر تقريبا


اقاربي وخوياني قاموا علي بدري ومجنون ومن الكلام هذا
قبل يومين واحد من أخواني يبغى يخاويييني تخيل
ماهو ملاقي على نفسي رحلتي غير رجال أعمال بــ 7000 ريال للشخص الواحد
والمشكله تبي من جده أو الرياض أو الدمام أو المدينة مافي أي أمكانيه للسفر لكوالا في هذا اليوم 24/9/2014

اخوي ابو حاتم

تصرفك عين العقل و اغتنام الفرصة بالسعر المناسب


سفرة سعيدة ان شاء الله

انا نفس الشهر و يوم شفت التذاكر الاماراتية ارخص و تراها فخمة اسال مجرب ))

ماشاءالله كل الناس بيسافرون لماليزيا في اغسطس

اخواني..لقيت رحلة وابي رايكم تكفوووووون..
طيران الاماراتية
ابها-دبي-كولا-دبي-أبها
الانتظار في الذهاب 3 ساعات والعودة انا اخترت ليلتين وش رايكم؟؟
الاقلاع من ابها تاريخ(8/4) 3 الفجر والوصول لدبي 7 بتوقيت دبي
دبي-كوالا تاريخ(8/4)الساعة 10 الصباح والوصول الساعه 21
كوالا-دبي تاريخ(8/15) الاقلاع الساعة 19 والوصول بنفس الليلة22 بتوقيت دبي(اختلاف الوقت)
دبي-ابها تاريخ(8/17) الاقلاع 4 العصر
ابي رايكم تكفوووووووووووووووووووووووون ضروري

اذا الك رغبة بالتسوق من دبي فالفكرة جيدة

كم سعر التذكرة ؟؟

هلا وغلا اخوي طارق واسف على التاخير..قيمة التذكرة 7400 ريال وابي مشورتكم

فيه على الخطوط الاندونيسيه من جدة الى كوالا بسعر 6000 بتاريخ 3 اغسطس والرجوع 15اغسطس
وانتظار في اندونيسيا ساعتين واربعين دقيقه وفيه انتظار 18 ساعه تقريبا

وكلهم بنفس السعر تخلي الذهاب الانتظار الطويل في اندونيسيا وتسكن بجاكرتا ليله

وتوفر 1400 واسمك شفت دولتين وتريح بعد الرحله الطويله
او اذا ماعجبتك الفكره تكمل انتظار ساعتين ونص وبطياره ساعتين الى كوالا
تصير 5 ساعات تقريبا تحاول تصعبها و تدخل الفكره الاولى براسه

اختي نواال فكرة حلووه جدا,,لكن مدري كيف الخطوط الاندونيسية اول مره اسمع فيها هههههه
الله يسعدكم والله تعبتكم معي الله يجزاكم خير يااارب...

اختي نوال خذي بالاعتبار باقي باطلع من ابها لجدة بتكلفة 760 ريال ووقفتين

ما جربت تدور في القطرية ؟

واذا تبي اقتصادي عندك طيران ناس والقارودا اندنوسيا
سعرهم تقريبا للشخص 2900


واذا ما تبي ترانزيت عندك الخطوط الماليزية بس غالية شوية


كل ما طال بحثك كل ما زادت الاسعار

جزاكم الله خيرا

الف مبروك الزواج سلفا نسال الله ان يتمم عليكم بالخير

اولا صل استخاره وسيعينك الله في الاختيار وسيطمئن قلبك
عن نفسي اختيار الاماراتية مناسب جدا فهي خطوط مجربه وعالمية
يعاب على الخطوط الاندونيسية وجود العمالة في السياحية لانها ستتوقف في جاكرتا
يعاب على الخطوط الاقتصادية ناس . فلاي دبي او العربية انها تلغي بعض رحلاته قبل موعد السفر وتوهقك

سارع بحجز التذكره وتفرغ لاعداد برنامج شهر العسل
متمنيا لكم سفرا سعيدا