الموضوع: الخبراء احتاج مساعدتكم الله يسعدكم

السلام عليكم ورحمة الله وبركاته

يشرفني انضمامي لهذا الموقع المميز

فلكم مني كل التقدير والاحترام

باذن الله ستكون رحلتي الى ماليزيا في شهر سبتمبر القادم لمده 14 ليله باذن الله

صراحه اول مره اسافر بالعائلة الكريمه الله يحفظهم

الاجمالي ما شاء الله عائلتين مكونه من اربعه كبار واربعه اطفال وخادمه

هل تنصحوني بالتنقل بين الجزر مع اني شايل هم التنقلات بحكم الاطفال ودوشتهم الله يحفظهم

وايش افضل المناطق السياحيه هناك للاسره والاطفال

يعني باختصار لو احد يعملي برنامج خفيف ظريف لافضل الفنادق او الشقق ومناطق مو كثير يعني مثلا سلانجور ولنكاوي وكوالا

علما ان الميزانيه المرصوده للرحله تقريبا 30 الف ريال بدون التذاكر طبعا

بانتظاركم الله يحفظكم ويسعدكم من الموبايل

مواضيع عشوائيه ممكن تكون تعجبك اخترناها لك:

• سفرتي الخميس الحقوووني
• التايمز سكوير
• طلب عااااااااااااااجل اذا ماعليكم كلافة
• محتاج رأيكم في جدولي
• كم سعر التكسي من فندق البريميد الى مطار اير اسيا
• بورت ديسكون
• سؤال كوالالمبوري ضروري
• سؤال يدور بين بينانغ و كوالا حلقة مهمه
• بخصوص الصناعية في ماليزيا
• ارجوكم حد يساعدني
• ما خاب من استشار استشارتكم الله يسعدكم
• انضممت إلى المنتدى بعدما سحرت بآرائكم،،،،،، فهل نجحت بالإختبار ؟
• تكفووووون الفزعه عاجل وبدون تأخير؟؟؟؟؟؟؟؟؟
• سؤال للعارفين بالسفر
• استفسار عن الاجهزه في ماليزيا
• ابي فزعتكم ما اعرف شيء عن ماليزيا
• استفسارات عن التنقلات الداخليه
• مارأيكم في هذا البرنامج ؟
• ارجو المساعدة من محبي ماليزيا ؟؟
• جدول رحلتي الاقتصادي رائيكم يهمني

اول شي الله يعينك علي اليهال بس مو مشكله اهم شي تستانسون
شوف اخوي اول شي بدال لا تر،ح لنقاوي روح بينانج احلي حق اليهال و الكبار بعد انا شخص ما احب لنكاوي بس يمكن في ناس يحبون لنقاوي وايد
المهم مو هذا مشكلتنا في سلانجور اسكن في سن وي لاقون في فندق هناك وفي العاب مائيه اليهال راح يستانسوف فيها وايد اقضي فيها ٤ ايام (٣ ليالي )
بعدها سافر حق بينانج او لنقاوي لو رحت بينانج اسكن في فندق هليدي ان وتري للعلم في غرف علي البحر وفي غرف مو علي البحر انت نق الي تحس انه مناسب لكم شوف الميزانيه لان طبعا الغرف الي علي البحر راح تكون اغلي
وبالنسبه حق الرحلات الي ممكن تسويها ابينانج وايد واتوقع الشباب كاتبين عن هالشي ولو مو كاتبين بلغني وانا اكتبلك اقضي في بينانج ٤ ايام ( ٣ ليالي )
وبعدين روح كوالا انا بصراحه ما احب الشقق ف ما ادري عن اماكن الشقق بس انا اسكن بفندق اسمه ميليا قبال مجمع تجاري كبير اسمه تايم سكوير وبنفس المجمع في فندق اسمه برجايا شوف جم اسعارهم برجايا راح يكون شوي اغلي بس اتوقع انك راح تحصل فيه غرف تصلح حق ٤ اشخاص لو تبي يعني تقدون تاخذون غرفتين يم بعض
ولو تعرف انجليزي عدل او حتي لو مكسر يكون افضل انك توخر عن مكاتب السياحيه العربيه لان اسعارهم وايد مبالغه فيها يعني انت اتفق وي سواقين تكاسي احسنلك ولو تبي سايق بكوالا وايد زين انا اعطيك رقم واحد مسلم اسمه بدري تقدر تكلمه وتتفق وياه ان اييب لكم سياره كبيره او سيارتين لو حابين اهو سيارته suv علي قولتهم بس اهي تري جيب صغيره اكبر من المورانو بشوي

السلام عليكم ورحمة الله وبركاته

حياك اخوي

انا سفري كله مع اطفال واخر سفر لي كان 8 بالغين وطفلين

افضل جدول
يومين سيلانجور
فندق سنوي لاقون او بيرميد تاور او امباير صوبانج او رومز هوتيل

الانتقال إلى بينانج بالباص
3 ليالي في فندق بايوفيو او فندق لون بين او جولدن ساندس او بارك رويال او هوليدي ان

الانتقال إلى لنكاوي بالعباره .الفيري المائي.
4 ليالي
فندق بيلانقي بيتش او فرنجي باني ( غير اقتصادية )
بيست ستار او كاسا فينا ( اقتصادية )

الرجوع إلى كوالالمبور بطيران اير اسيا
5 ليالي
شقق فندقيه
ماعندي خبره بالشقق الفندقية


اخوي بالنسبه لي مايخليني ارجع ماليزيا الا لنكاوي والجزر الجميلة
مثل ريدانج وبرهنتيان

لاكن مستحيل افكر اروح ماليزيا وما اروح لنكاوي الرائعه

صدقني اذا رحت لنكاوي وانت مرتب جدولك وعارف اماكن السياحه فيها حتنبسط جداً

في الاخير اي خدمه نحنا حاضرين

تحيااااااتي من الموبايل

اخوي بلوسي الله يحفظك
برنامج جدا ممتاز
بس انا مسألة التنقلات متعبه شوي بين المناطق
يعني افكر اختصرها على سلانجور ولنكاوي وكوالا
وبالنسبه لموضوع السائق يا ريت ترسلي رقمه بعد اذنك

اخوي جميل الله يعطيك العافيه وحمستني بزياده على لنكاوي

وبانتظار اراء باقي الاعضاء ما نساغني عنهم من الموبايل

اخوي راح ادور لك الرقم وادز لك باذن الله باقرب وقت وتري التنقلات كلها نفس الشي عن طريق الطياره يعني مراح تتعب من مشاوير او شي بالنسبه حق الطيران عندك الماليزيه و اير اسيا بس الفرق ان اير اسيا راح تشتري الوزن مقدما وانت تشتري التذكره لان لمن تشتري مقدما سعر ١٠ كيلو اهو السعر الي راح تدفعه حق الكيلو الواحد واهم وايد دقيقين صارت وياي مره سالفه ان في شخص خليجي كان وياه عايلته وكان راح يدفع اكثر من ٣٥٠٠ رنقه بس علي الوزن بس انا شلت الوزن بداله لان كنت حاجز وصارت وي الموظفين سالفه ان ممنوع انت تشيل وزنه وان لو فيها ممنوعات وخرابيط ثانيه يعني سوولي سالفه مالها داعي بس بالنهايه مشيت كلامي فانت علشان تفتك من هالموضوع فكر عدل بموضوع الوزن وبالنسبه حق الرحلات تري في وايد اماكن حلوه ب كوالا وفي اماكن ما تسوي زيارتها وحاول لو زرت مكان بلنكاوي او بينانق ما تزوره في كوالا علي سبيل المثال لو زرت حديقه الفراشات بمكان لا تزورها بالمنطقه الثانيه لان نفس الشي مراح يفرق شي وتري شوي المواصلات بماليزيا غاليه مو سهله وانت لمن تتفق علي مشوار اتفق مع التكسي علي الروحه و الرده ولا تتفق بس علي روحه لان في اماكن صعب تحصل تكسي يردك علي سبيل المثال افاموسى مشوارها بالسياره فوق الساعه ونص ومكان حلو حق اليهال عروض حيوانات وطيور غير الحديقه المفتوحه انك تدش علي الحيوانات بالسياره معينه و غير عرض الكابوي يعني مكان حلو انك تروحله فلو خذيت تكسي مشوار الرايح بس يمكن ياخذ عليك ٢٠٠ رنقه ولمن تبي ترد اقل تكسي راح ياخذ عليك ٤٠٠ او ٥٠٠ لان راح يستغلونك اما لو خذيت التكسي من البدايه رايح راد راح يطلع عليك تقريبا ٣٠٠ او ٣٥٠ رنقه يعني اوفرلك انت تاخذ التكسي رايح راد جذي راح ترتاح

اللي معه عائله واطفال كثير انا لا انصحه بلنكاوي

2 سلانجور الصن واي


4 بينانج تاخذ باص خاص اربع ساعات ممتعه بالطريق


4 كوالالمبور شقق سويس قاردن او اسكت او e&o


2 افاموسا


12 يوم حق ماليزيا لا تكثر ترا صرفه فلوس على الفاضي وباتمل


لنكاوي اذا باتروحها مع الاطفال الله يعينيك 9 اشخاص التذاكر لحالها 1800 تقريبا ذهاب فقط بقيمة مواصلاتك كامل


تحياتي

الله يعطيكم العافيه
بس اعتقد البرنامج حيكون مقتصر فقط على كوالا ومنها اطلع بالسياره للاماكن السياحيه زي افاموسا والكاميرون طبعا اشوف فندق bransfield في كوال مناسب جدا حسب رأي كثير من الاعضاء
طبعا الاقامه حتكون كامل المده فيه ومنها الانطلاق
بس ابو عمر اقترح فكره بينانج بالباص فكره ممتازه بس ايش الفندق او الشقق المناسبه في بينانج
لان الفكره راقتلي فقلت اوصل كوالا اريح ليلتين في السن واي وبعدها اطلع بينانج اربع ليالي وارجع على كوالا خمس ليالي
ايش رايكم ؟ من الموبايل

اخي الكريم
بما ان عندك اطفال ولو اني ما اشوفهم عائق كبير الا اذا كانت اعمارهم صغيرة
اما اعمار 6 سنوات وما فوق فالحمد لله كلهم شباب وحلوين
وزع الأدوار بينهم حتي يتعلموا المسئوليه من الصغر
وطبعا قصدي مسئوليات صغيرة
بس تعلمهم ليه قداااااااام

اقترح كما تعودت ارتب جدولي

وحجوزاتي للفنادق من موقع بوكينق
وصرت عميله مميزة
والحين احصل على خصم 10% زيادة عن السعر المعلن

سيلانقور ( في فندق البراميد) وللعلم فيه بكج عائلي شخصين كبار مع طفلين
وتذاكر للمدينة المائية بقيمة 126 دينار كويتي
انا حاجزته
لـ 3 ليال

اذا تفكر في لنكاوي
3 ليال ايضا

تروح فيها رحلة بولا بايار
التفريك والمدينة الشرقيه
والمانجروف متعه كبيرة

بينانغ
انصحك في القولدن ساندس او بارك رويال او هوليدي ان
حسب ميزانيتك

رحلة القرود والصيد
الهضبة
حديقة الفواكة والشلالات

وانا احب بينانغ وايد لكن اذا الجدول ما يسمح لك
خليها 4 ايام ( يعني 5 ليال)

كوالا
حلوة في اسواقها
وتقدر تروح افاموسا
وجينتنق من الصبح للعصر لأن الألعاب الداخليه للأطفال فقط هي التي تعمل
والخارجية مغلقه للتجديد والصيانة
وبالطريق تمرون حديقة الفراوله ممتعه وانصحك تشتري المربي والعصير والحليب اللي عندهم
لذيذ جدا

روحوا الأكواريوم قرب مجمع كي ال ال سوريا
راح ينبسطون العيال
والحديقة الموجودة بقرب المول عجيييييييييييييبة ونظيفة مع اني ما زرتها بس مرينا عليها

واي مساعدة حاضرة بأي وقت

اختكم/ قصة حب
الكويت

بالنسبة لبينانغ
انا اطلع منها في الباص الي كوالالمبور
الرحلة جدا ممتعه والمناظر حلوة
وبتكون لكم تجربه حلوة
صدقني بتمر بسرعه


تمنياتي لكم برحلة سهلة ميسرة وسعيدة

اختي الفاضله قصه حب اتوقع ان عرض فندق البراميد ليس من بوكينج صح ومارايك هل البراميد افضل من فندق الصن واي لاجون

المشاركة الأصلية كتبت بواسطة روميو1980
http://www.arabtravelersforum.com/tr...3/#post8222473

ومارايك هل البراميد افضل من فندق الصن واي لاجون

الصن واي ريسورت 5 نجوم و افضل

البراميد 4 نجوم لكنه جيد