السلام
شخباركم يامسافرين ومسافرات ؟ :113:
خلال هذي الأيام مقررين( شخصين فقط ) على رحلة لدبي ( دار الحي ) ، كانت آخر زيارة لها بكل صراحة من عدة سنوات ماراح تتوقعون يمكن حوالي 8 - 9 سنوات ، بالرغم من مروري بأراضي الإمارات العربية المتحدة خلال سفراتي لسلطنة عمان ( آخر سنتين ) .
طبعاً وخلال هالسنوات ماشاء الله دبي تغيرت 180 درجة من جميع النواحي ومازالت ، ما أطول عليكم حاولت أجمع بعض الأماكن السياحية والمجمعات والأسواق من تقارير الأعضاء ماقصروا والله ، وإن شاء الله بتكون رحلتنا لمدة 5 أيام تقريباً !
اللي بطلبه منكم أنه ترتبون لي جدول حسب خبرتكم ، طبعاً أنا ماأعرف أرتبه بحيث يكون دقيق وأستغل فيه الوقت يعني مادري شنو الأماكن القريبة من بعض والمسافات اللي بينهم وشنو أفضل الأوقات لزيارتها ، فما أريد أزور مكان وبعده مكان في آخر الدنيا ويضيع الوقت لقلة خبرتي !
فياريت جدول متكامل مرتب بعدد الأيام وأي شي تجوفونه مناسب قولوا ليي حتى لو تضيفون شي خارج القائمة .
السكن طبعاً بيكون في أحد الشقق الفندقية في مدينة الشارقة ،،،
وهذي هي الأماكن ، وإعذروني على المقدمة الطويلة العريضة هههههههههه : :109:
1) مجمع ابن بطوطة
2) دبي مول ( ولو أيضاً سوق البحار )
3) مول الإمارات ( ومعاه Ski Dubai ) ، إذا مادخلنا سكاي دبي بنروح Chill Out واحد منهم !
4) المارينا ووك The Walk، وأيضاً Jumirah Beach Resedence أو Jumeira Beach Park هل هم مثل الشي ؟
5) أسواق شعبية ( نايف - مرشد - الكرامة )
6) السوق التراثي Souq Madinat Jumeirah مع الركوب في القارب
7) الباص البرمائي WonderBus Tourist
8)فيستيفال سنتر Festival Centre Al Badia ومنه مرسى الخور - جلسة ورحلة بالقارب
9) القرية الشعبية ( اللي على الطراز المصري )
10) قرية البوم السياحية ( راح نختارها هي أو الباص البرمائي لأنه يمرون بنفس المكان - خور دبي )
11) السوق الصيني ( Dragon Mart ) + وات ليت
12) برجمان مول ، هل هو مثله مركز برجمان التجاري اللي فيه مركز الحجز لـ الباص البرمائي ؟
13) وافي سنتر + ميركاتو + سوق الشارقة الشعبي ( الثلاثة اذا ماتسوى زيارتهم مايحتاج )
راح تستغربون أنه ماحطيت مطاعم في القائمة ، شي طبيعي لأنه ماأعرف المطاعم الممتازة وإحترت شنو أختار من تقارير الأعضاء فياريت تضيفون لي أسماء المطاعم في كل يوم مع الجدول . ( مطاعم للغذاء - العشاء ) : أهم شي مافيه مطاعم صينية ماأطيقها ، المطاعم المطلوبة ( خليجي - ايراني - لبناني - تركي - ايطالي - ولو في هندي )
طبعاً أحتاجكم قي تحديد الأماكن اللي تسوى الواحد يزورها ، وتجاهل اللي بضيع وقتي فيها ، الأماكن المهمة في بداية القائمة وللأسفل تقل الأهمية ههههههههه ، وشي ثاني بعد حاب أعرف سوق إلكترونيات بأسعار مناسبة وتنافسية !!!:106:
أدور لفيت واجد ، بس إنتون الأخبر ومنكم نستفيد
وبإنتظاركم ،،،
في أمان الله :surfمواضيع عشوائيه ممكن تكون تعجبك اخترناها لك:
- استفسار عاجل
- ضرووووووووووووري مساعدتكم
- ماهي فنادق دبي اللي فيها خدمه تاجير جت سكي؟
- عالم فيراري أبوظبي تفتح أبوابها للجمهور أكتوبر المقبل
- ابوظبي تسجل ارتفاعا بنسبة في اعداد السياح الكويتين
- عااااااااجل يا أهل دبي؟؟؟
- اهل بوظبي وش رايكم بالرتز كالرتون اللي جرب فندق افضل منه يتفضل
- استفسار السكن في بر دبي شهر
- عندي رحلة ترانزيت على أبو ظبي
- استفسار عاجل لخبراء مول الامارات فقط
- شكرا عرب لينك
- اسعار البنزين
- برنامج ساعات ترانزيت في أبوظبي
- الجوية الهندية إكسبرس تضيف رحلات جديدة من مطار أبوظبي
- فنادق بسعر معتدل في دبي
- السلام عليكم ابي منكم مساعده يااهل الخبره
- دعوة من اعضاء الفوتوغرافي ، لحضور اول معرض لأعمالنا في دبي
- منتجع فيرونا الشارقة
- كورال الخوري بدبي
- العيد في دبي
المفضلات