السلام عليكم..
نكمل الحديث: بسم الله
بعد ما قالت سارة : (الباص رايح يمر علينا وياخذنا بعد نص ساعة تقريبا
ومعة باقي الركاب ونبدأ الرحلة الى فاكابابا تابوو الثلج)
جلست انا وزميلي نتشاور ونتحاور عن الرحلة كيف راح تكون وهل هي شاقه والا مريحه وقمنا تمشينا شوي وبين الاشجار ، شوي الا الباص واصل
نزلوا منه ثلاثه وبقوا سته في الباص وسلموا علينا ، فيه واحد كان من ايرلندا اول ما شفته وعرفتنا ساره عليه وقالت هذولاء عرب ، ضحك وقال : سلام ( باللكنه الانجليزيه) ضحكت وانا اصافحه
المهم ركبنا الباص وفعلاً زي ما قالت ساره الباص مجهز تجهيز كامل يعني ( شقه ماهو باص ) حمام وسريرين نوم ومطبخ وكراسي مريحة كنبات ،مشينا الصراحه كن ودي لو اننا بنهار لأنه بالليل ما تستمتع بالطبيعة ولا تقدر تتفرج ،
---- موقف ---
بعد ما قطعنا نصف المسافة تقريبا وصلنا مدينة تابو ثم وقفوا وقالوا ( كل واحد له 15 دقيقة علشان العشاء ) نزلنا انا ورفيقي بسرعة ونروح ماكدونالدز ونطلب ونقعد نأكل بسرعة بسرعة نبي نمكن قبل ما تخلص الربع ساعة ، ما قدرنا ، انتهت ربع ساعة وحنا ناكل ، خلصنا أكل تقريبا بثلث ساعة 20 دقيقه طلعنا من المطعم الا ساره تدورنا وتقول بسرعة بسرعة ركضنا وراها وركبنا في الباص الا ( كل واحد قاعد ومعه عشاه ) قال واحد منهم يمون علي : وين عشاكم ؟
وهم ساكتين مستغربين ( كل هالتأخير وما معنا أكل ) ،،، قلت كليناه بالمطعم . وهم يفقعون ضحك وانا اضحك واطق على بطني واقول العشاء هنا .. .
اثر الطريقه 15 دقيقة علشان الواحد يروح يطلب وياكل بالباص وحنا ما شين بالطريق . وانا وزميلي فهمنا انه 15 دقيقة تأكل وتجي .
----------- انتهى --------------
المهم وصلنا بالليل تقريبا الساعة 10 أو زود ، وقفنا عند هاك الكوخ الكبير كان فيه ثلاث اشخاص ، وحنا ندخل الا النار شابه والدفايات كانت برد صقيع ، وقام كل واحد حط اغراضه عند سريرة ، وجلسنا بالصالة عند النار الوقده ( الضو) وتعللنا شوي ثم قاموا للنوم وتواعدنا بكرى الصباح الساعة 8 نصعد الجبل ( الثلج ، التزلج ).
يوم اصبحنا الا الناس قايمه ورايح نصهم وانا اغسل واصلي والبس كل الفنايل اللي معي من البرد ههههههه وانا اويق ( اطل ) مع الدريشة الا المنظر اللي ما بحياتي تخيلته مو شفته الزرع عليه ثلج اوففففففففففففف .
--------
--------
والله ونفطر ونطلع بالبرد انا وزميلي ونتفرج على الجبال اللي تحتها خضار وفوقها ثلوج ،
كان فيه واحد شباب نيوزلندي معنا بالرحله مهبول خش معنا عرض يضحك معنا ويسأل عن العرب ويبي يتعرف وكان بصراحة نكته بس يضحك ويسولف والا شافني قال( هيللللو مستر ساووووودي )ههههههههههه
لقيته الصبح برى عند الباب يصلح زلاجته ( البورد ) وجيته وساعدته
---------------
----------
المضحك بالامر صار ما يعرف يتزلج يعني من جنبها ، اثره جاي يبي يتعلم ، قمت انا اضحك عليه وهو مستانس لقى واحد زيه لانه يوم ساعدته بتصليح الزلاجه يحسبني خبره واعرف ، ما دري اني جاي علشان المس الثلج واشوفه .
--المهم شوي وقف جيب برادو تويوتا قديم شوي يمكن موديل 97 او 98 وركبنا 4 اشخاص انا وزميلي والمنسم وواحد معه . ونمشي توجهنا للجبل وكان في طريق ممتع بين الاشجار وحنا في وضع صعود للجبل وشوي تظهر القمه والثلج بين الاشجار وكانت الاشجار كبيرة مره تحس انها غابة لها مئات السنين ، من زود الارتفاع عن سطح البحر تحس اذانك تنفقع من الضغط كأنك في طياره __ المهم وصلنا تقريبا نصف الجبل بداية الثلوج الا فيه مواقف كبيره توقف فيها السيارات وحنا نوقف قال السواق الساعة 4 العصر الوعد عند السيارة
وحنا ناخذ نرقم جواله ونمشي ، بعد ما وقفنا السيارة بالمواقف كان فيه باصات تنقلك من المواقف الى مدخل بداية التزلج
وحنا نركب الباص وننزل مع الناس وندرعم ما ندري وين الله حاطنا ههههههههههه
وهو يبدأ الثلج وانا اطأ عليه وانا اوقف شوي واخذ نفس واحركه برجلي وانا انزل على الارض وافصخ الدسوس ( شرابات اليدين) وامسكه بيدي وانا اصرخ اخيرا لمست الثلج اخيرا وانا اموت هههههههههههههههههههههههههههههه
امزح ما مت ،ههههههههههههههههه المهم ونقوم نتمشى هنا وهناك بين هالناس والعالم ، المكان اللي حنا فيه مكان سياحي للنيوزلنديين انفسهم يعني كل اللي بالموقع نيوزلنديين من مدن متفرقه الا عدد بسيط مثلنا من شرق اسيا
كان فيه مكان لتزلج المبتدئين
وقسم للتدريب على البورد والسكي
وقسم للمتعلمين ( يعني اللي يعرفون )
وقسم للمحترفين
----
وكان فيه مكان لتأجير الزلاجات والبورد والعصيان حقاته ، ومكان لتأجير الكنادر وبعض الحاجات الصراحة الا هالحين مادري وشي .
وكان فيه مطاعم ومقهى وكشكات تبيع مشاوي هوت دوق وطقتها
وكان فيه سوق مصغر يبيع ملابس ونظارات شمسيه وتذكارات ومناظر صور وغيرها وهدايا ... الخ وكان غالي جدا ضعف الاسعار في المدن.
اول ما تعرفنا على المنطقه وشفنا جوانبها حسيت بحرقة الشمس وانا بالثلوج ، فعلا حاجه غريبه ، قمت وطلعت الدهون اللي اعطوني العائله ودهنت وجهي انا وزميلي ، الصراحة على زود سمارنا بغينا نحترق من اشعاعات الشمس وحرارتها على الجلد .
استأجرنا زلاجات صغيره كأنها كرتون موز هههههههههههههههه وقمنا نتزلج مع هالبزارين وهالعجز واللي ما يعرفون ،
طبعا فيه مكان خاص للمبتدئين
----
----
---
---
----
----
، شوي الا هذا خويي المنسم النيوزلندي يتزلج مع الوغدان ( الاطفال ) وخذ ياضحك هو يحسب وانا احسب ؟
المهم قلت لزميلي نبي القمه ماهي سالفه ، قال قدام ، بس وشلون قال خلنا نركب مع هالناس في التل فريك
---
---
والله حنا نروح ونقص تذاكر ونتوجه الى التل فريك ...
------------------------------
للحديث بقية ان شاء الله
رد مع اقتباس
المفضلات