هلا اخوي ،،
بالنسبة للخطوط اختار الارخص ويكون طيران حكومي مو اقتصادي يعني مثل الخطوط السعودية او الماليزية وابعد عن الاقتصادي مثل ناس واير اسيا بالنسبة وذلك بسبب طول الرحلة وراحتك ووجبات مجانية .. ،، والسعر هو الفيصل في تحديد الطيران .. قارن بين المواقع وشوف .
بالنسبة لحجز الفنادق في البداية تحدد امرين اذا انت متأكد 100 % من تواريخ سفرك وانك حتسافر لامحالة هنا تشوف مواقع بوكينج واقودا وتقارنها باسعار المكاتب السياحة خاصة المكاتب السياحية العربية اللي بماليزيا وتشوف الارخص وتحجز وتدفع المبلغ .
بالنسبة للامر الثاني وهو انك متردد ومو متاكد 100% هنا تحجز عن طريق بوكينج ويكون الدفع لاحقا ولكن تأكد ان بهذه الطريقة يكون السعراغلى من الامر الاول .
تجربتي الشخصية انا حجزت في البداية من بوكينج ،، لكن حصلت شركة سياحية عربية بماليزيا وكان سعرهم ارخص وفنادقهم افضل من اللي اخترتها وفوق كذا كلها بإفطار واطلالة على البحر في بينانغ ولنكاوي ،، المهم كنسلت الحجز ببوكينج وحجزت عن طريقهم ودفعت 20 % من اجمالي المبلغ لتأكيد الحجز والباقي يكمل عند الوصول لماليزيا وارسلوا لي ارقام الحجوزات بكل فندق بإسمي وتقدر تتواصل مع الفندق وتتأكد .
اتمنى اكون ساعدتك ولو بشي بسيط .
رد مع اقتباس
المفضلات