الموضوع: الإرشاد إلى أهم الأماكن،،، الفزعة يأهل الكويت

صباح الخير؟؟؟

أخواني أعضاء منتدى بوابة الكويت الشقيقة أرجو منكم المساعدة في اختيار أفضل الأماكن اللي تستحق الزيارة لمدة 3 أيام تقريباً بحيث بنكون هناك يوم الأربعاء العصر إلى ظهر يوم السبت
فياريت تفيدوني:
1. بأحسن الأماكن السياحية والترفيهية .
2. أفضل الأسواق الشعبية والرخيصة والمجمعات .
3. أفضل المطاعم اللي تختلف عنا في البحرين .

وياريت تحطون لي برنامج بحيث اذا زرت اي منطقة مثلا فحيحيل اغطي كل الأماكن اللي فيها بحيث مأرجع للمنطقة مرة ثانية واضيع وقتي

الف شكر لكم مب عارفة من غيركم شنو نسوي ونخدمكم ان شاء الله اذا زرتوا البحرين

مواضيع عشوائيه ممكن تكون تعجبك اخترناها لك:

• سؤال بخصوص منتجع هلتون المنقف؟
• فندق المارينا الكويت
• هل توجد شقق رخيصة قرب شارع سالم المبارك بالسالمية
• موضوع هام جدا أرجو المساعدة
• لاهل الكويت افيدوني بالمكان
• فتج باب القبول في دار القران الكويت
• افضل محلات الشنط
• صــور رائعه للأفنيـوز المرحلـه الثالثــه ابـــــــداع
• بزور الكويت ثالث يوم بالعيد
• كم أسعار الشاليهات في الكويت
• استفسار وبعض المعلومات المهم ولا عليكم امر
• ممكن اعرف اسعار اجنحة بودل الفندقية الكويت
• بسافر الكويت
• سنوات لإنجاز المشروع ليغطي كامل الكويت في بكلفة مليار دولار
• أول مرة أسافر خارج السعودية إلى الكويت إستفسارات
• ابي سكن قريب لمنطقة بنيد القار ساعدوني يالطيبين
• عاجل جدا
• البرستيج السوق مطعم اوليف غاردن
• شاليهات الكويت
• من هو الافضل الاكوابارك ولا قرية المسيلة المائيه

صباح الخير؟؟؟
أخواني أعضاء منتدى بوابة الكويت الشقيقة أرجو منكم المساعدة في اختيار أفضل الأماكن اللي تستحق الزيارة لمدة 3 أيام تقريباً بحيث بنكون هناك يوم الأربعاء العصر إلى ظهر يوم السبت
فياريت تفيدوني



مساء الخير
والله هاذي الساعه المباركة
حياكم الله بأي وقت و ان شاء الله اقدر افييدج






1. أحسن الأماكن السياحية والترفيهية .



المدينة الترفيهية



المركز العلمي



أبراج الكويت



يوم البحار
تقرير الغالية المرام عن يوم البحار
http://www.arabtravelersforum.com/travel151392/

و اذا تحبون قعدات البحر انصحكم تروحون شاطئ شويخ







2. أفضل الأسواق الشعبية والرخيصة والمجمعات .



الأسواق الشعبيه سوق المباركية



الأسواق الرخيصه سوق المعلم و سوق السالمية و دريم مول

المجمعات الأفينيوز الكوت المهلب المارينا شرق

الأفينيوز
تقريري عن زيارتي للأفينيوز
http://www.arabtravelersforum.com/travel155059/

المهلب
تقريري عن زيارتي للمهلب
http://www.arabtravelersforum.com/travel157046/

الكوت و المنشر



المارينا



شرق








3. أفضل المطاعم اللي تختلف عنا في البحرين .



مادري شنو عندكم بالبحرين

بس اقترح

ميس الغانم



برج الحمام



مغل محل
فريج صويلح


ومطاعم شارع الخليج مثل
أس أس دانه للأكلات البحريه
بافلوز كافيه أمريكي ...
دجاج تكا مشويات ...
جوني كارينوز ايطالي
نينو .. فرايديز .. فدركرز .. لي نوتر ... أبل بيز.. تشيليز .. روبي تيوزدي

[line]






وياريت تحطون لي برنامج بحيث اذا زرت اي منطقة مثلا فحيحيل اغطي كل الأماكن اللي فيها بحيث مأرجع للمنطقة مرة ثانية واضيع وقتي



التنقل بالكويت شي وايد سهل يعني عادي تروحين مني ومناك بنفس اليوم


بكل يوم اختاري مجمع كبير غير عن اللي قبله و اهما ( الأفينيوز + شرق + المارينا + الكوت + المهلب )

يوم المارينا :

روحو المارينا و تسووقو فيه و تغدو و ان شاء الله تستانسون بالكافيه شوب و بالتسوق
و بعدين روحو المركز العلمي و دشوو الأيماكس و بعدها الكورايوم
و اخر شي روحو تعشو باحد مطاعم اللي عالبحر

روحو المارينا + المركز العلمي + مطعم عالبحر


يوم الأفينيوز :

يبيله من الصبح و تقعدون فيه لي المغرب و راح ان شاء الله تستانسون فيه
في محلات و كافيهات و سينما و ايكيا و كارفور
+.. أي نشاط ودكم تسوونه ( روحو الاسوقه الرخيصه اذا فيكم حيل بعد الأفينيوز )

الأفينيوز + أي شي ودكم تسوونه


يوم الكوت او المهلب :

بهاليوم قعدو من اصبح و روحو المدينة الترفيهية
و بوقت المغرب روحو سوق ( المهلب او الكوت )
انا افضل الكوت لان الحين الجو حلو و هناك القعدات حيل حلوه
الكوت + و قعدو بالكافي شوب عند النافوره و الجو الحلو
و روحو سوق المنشر .. سوق اصغر من الكوت لكن يمه .. بينهم شارع بس
و عقبها روحو تعشو بمطعم .

المدينة الترفيهيه + الكوت و المنشر + مطعم


يوم سوق شرق

روحو سوق شرق و تغدو فيه
و بعدها روحو المباركيه و فيها قهوات شعبيه
و بعد ما تخلصون من المباركيه روحو مطعم ميس الغانم

سوق شرق + سوق المباركية + مطعم ميس الغانم






الف شكر لكم مب عارفة من غيركم شنو نسوي ونخدمكم ان شاء الله اذا زرتوا البحرين



حياج الله و ان شاء الله اسمع عنج الأخبار الحلوه

تنورون الكويت بييتكم


تحياتي لج
زعطوطه

مشكورة اخت زغطوطة وماقصرتي

وبالتوفيق ان شاء الله

يوم الاربعا يوم الوصول
_______________

الذهاب الى الافينيوز
و الجلوس هناك مع العشاء + سينما اذا حابين!



يم الخميس
________

الذهاب صباحا الى مارينا مول
و الغداء هناك
يفضل تتغدون مبكر قبل الساعه 2
او متأخر على الساعه 5
لان راح يكون بدايه ويكند و الجو حلو هالايم و الناس يحبون يتغدون بـ مارينا كريسنت :24::101:

بعد الغداء يعني مثلاً الساعه 5
الذهاب الى المركز العلمي
"اكواريوم + سنما اي ماكس اذا ناسبوكم اوقات العروض + صاله الاستكشاف اذا وياكم اطفال"

و اذا فيه وقت روحوا احد المجمعات القريبه في السالميه..
مثلا الفنار او اذا مارينا :24:
لان راح يكون زحمه اذا حاولتوا تروحون مكان ثاني



يوم الجمعه
________

الصبح مافيه اي نشاط
عالساعه 1 بامكانكم الذهاب الى
سوق شرق و لغايه الساعه 5
و بعدها الذهاب الى المهلب..
و عالساعه 8.30 او 9
الذهاب الى المباركية
و العشاء هناك



يوم السبت
________

قبل العوده الى دياركم :101:

الذهاب
الى الكوت و المنشر و الغداء هناك لغايه الساعه 2 او 3 مثلاً

راح يكون بطريجكم اذا كنتوا يايين ابـ سيارة :24:









و بس




















ان شاء الله تقضون وقت حلو بديرتكم الثانيه "الكويت"



















ملاحظه :
1- اغلب المجمعات التجاريه تفتح من الساعه 10 صباحاً إلى 10 مساءاً
2- اغلب المجمعات فيها مصلى و مسجد للجنسين!
3- اغلب المجمعات فيها سينما و يفضل الحجز مسبقاً.