الموضوع: احلى رحله لاحلى كويت

بسم الله الرحمن الرحيم بصراحه مثل ما كتبت بالعنوان احلى رحله:24: لاحلى كويت الرائعه وانا قررت اكتب مو تقرير لكن مجمل رحلتى نرد بعض الجميل لمنتدانا الرائع وايضا اقول كلمه حق بحق هذا البلد الجميل الرائع الراقى مهما قلت ما يوفى الكويت حقها واهلها الطيبين جدا جدا واللى لالاسف ما صار لى اختلطت فيهم كثير مع انى اتمنى ذلك لكن بالمرات الجايه رحلتنا بدات يوم الخميس الموافق 15نوفمبر صباحا توجهنا الى الخبر بالبر انطلاقا من الرياض وكان توقيتنا صادف توقيت اجازه الاوبك:11ight: وتوقعنا الدنيا زحمه بالشرقيه ولكن كنت حاجزه مسبقا والحمد لله كل شى تم بخير وبقينا بالخبر لمده اربع ايام لظروف عمل زوجى ثم توجهنا يوم الاثنين الموافق 19 نوفمبر من الدمام الى الكويت الحبيبه وبدات الرحله ونفسياتنا مرتاحه لزياره هذا البلد الجميل:36_3_12: ومثل العاده اصور فيديو وانسى الصور للمنتدى من جد انا خجلانه منكم كثير لكن يروح الوقت كله بتصوير حمودى بالفيديو باذنالله اعوضكم او تعودوا على تقاريرى الفقيره من الصور المهم كنا بالرحله انا وزوجى الحبيب وابنى الغالى والمربيه وخرجنا من الدمام الساعه 12 ونص تقريبا وكان الطريق الى ابو حدريه وفعلا طريق هادئ لكن فيه كثير تحويلات واصلاحات وشويه حذر ربى وفقنا ووصلنا حدود الرقعى تقريبا الساعه 3 والحمد لله كل شى زين الا موضوع تاشيره المربيه لاننا اخذنا من الرياض تاشيره لعده سفرات وزرنا البحرين ما كان فيه اى مشكله لكن فى جوازات الكويت طلبوا فيزا وما عندنا قالوا تعال للمكتب وطلعها ووقفنا على جنب وراح زوجى بالجواز والاقامه والحمد لله تم كل شى ودخلنا الكويت بالسلامه:36_3_11: واول شى وجدناه مسجد وصلينا وبعدها مشينا على طريق الملك فهد وكانت شوى زحمه حتى وصلنا السالميه وكنت حاجزه بفندق الكورنيش وسالنا عن رويال مارينا لانى سمعت انها معقوله وكبيره المهم لقيناها خلف اسواق المارينا وبصراحه مستواها سيئ جدا جدا بالنسبه لى ابدا ما عجبتنى وكان صاحب الشقق موجود وشاف تعابير :36_1_2:وجهى وصار يتعذر انهم بيجددونها وان فيه ادوار مجدده لكن لا حياه لمن تنادى هجيت وقلت على الفندق طلعنا من الشقق بصراحه موقعها خيال كل المنطقه مطاعم حلوه وقريبه من المارينا لكن ما تناسبنى بالسكن ورحنا للكورنيش كان بالجهه الاخرى اللى مقابل المارينا المبنى صغير لكن مرتفع دخلنا على حجزنا اللى هو سويت غرفتين نوم وصاله ودوره مياه اعزكم الله واحده حاولنا شى اكبر قالوا هذا اكبر شى وزوجى رفض لان الحمام مشترك مع المربيه وحمودى ولكن قلنا اليوم ننام ومن بكره نشوف شى ثانى الجناح مرتب ولكن بصراحه عدم وجود مطبخ او ركن لو بسيط لخدمه النزلاء شى سيء جدا ويكره الناس فيه وبعدين غرف النوم صغيره جدا وكئيبه للغايه والله من دخلنا انا وزوجى والمربيه كلنا ضايقه صدورنا ما ادرى ليش ونحس بجو كئابه :36_1_38::36_1_4:ما كنا ندرى ان هذا كله بتاثير السكن وكن جوعانين كثير طلبنا من الفندق قائمه المطاعم لكن المشكله التليفون مو شغال وطلبوا لنا بيتزا هت وبعد ساعه وصلت وطلبوا حسابهم واحنا ما معنا الا بالريال اعطينا الفندق خمسمائه ريال يصرفونها ويعطون البيتزا حسابهم ورجعوا لنا عشرين وشويه فكه استغربنا منهم لكن الجوع ما خلانا نشوف :36_1_51:ولما خلصنا العشاء اتصل زوجى وتفاهم معهم قالوا ان سعر الصرف عندهم الالف ريال ب ستين دينار قلنا فى اى بنك هذا نصب عينى عينك:36_1_42: المهم ما اخذنا منهم حق ولا باطل وزوجى قال الافضل نسحب فلوس بالصراف وفعلا طلعنا المارينا مول قريب جدا خطوات بس ودخلنا هناك وعجبنا المول مرتب كثير وفيه كا فيهات روووووووووعه واحبهم كثير لونترو وبول واللى ما احبه ابد ستار بكس وتقهوينا وحلينا ب لونترو ورحنا السينما اللى فوق وحضرنا فيلم امريكى حلو heart breaker kidورجعنا الفندق ونمنا .........:36_1_50:اخ اششش انتظرونى بالحلقه القادمه

مواضيع عشوائيه ممكن تكون تعجبك اخترناها لك:

• شقق مفروشه؟
• إستفسار بخصوص الشاليهات أو السكنات العائليه
• ساهركم يأهل الكويت رحب فيني بفلاش ولا أحلى۔ وش السواة؟
• استفسار عن فنادق الكويت
• استفسار عن محلات الاسلحه في الكويت
• قصر السلام فندق نجوم في الكويت
• الي يعرف حق اجراءات فيزا السياحيه للكويت يساعدني بليز
• نحية خاصة
• طلب للمشرفين بحذف صوره من موضوعي
• استفسار
• ساعدوني بخصوص الفيزا الساحيه ؟؟؟
• أخوي ممكن شويه
• يا كويتيات يا ذويقات
• بنات الكويت عندي لكم سؤال عن محلات تجهيزات الولادة الصواني والاستكانات والمفرش
• ساعدوني يااهل الكويت
• اول مره أسافر الكويت ياليت تساعدونا وتفيدونا
• ديوانية الكويت
• العملية للفنادق تنال موافقة لبناء فندق في استراليا
• الفزعه يا اخوووان رايحين للكويت
• اريد شقق سعره معقول

ما شاء الله صج توج ببالي

كنت ابي اعرف اخبارج و خفت تتوهقين بالشقق !!

بس اشوه انج حجزتي بالفندق



اول شي الحمد لله على السلامة
وثاني شي انا زعلانه منج وايد !!! شلون نسيتي التصوير ؟؟
يالله ميخالف .. اهم شي ان الاحداث دقيقه و جني اشوفها بالصور

ان شاء الله دبرتي امورج بدون مطبخ !!
و اللا عانيتي ؟؟ :114:


متابعه معاج لي النهاية

حمد لله على السلامه وربي يبارك لكم بس استعجلي ابي استفيد من رحلتك وبتصيرين مستشارة عندناااااااااا

هذي الساعه المباركه وحمدالله علي سلامه

الحمدلل على السلامة و صراحه بداية جميلة
و نحن بالإنتظار

شكرا جزيلا...

الحمدلله على السلامه..
و
حياكم الله بديرتكم (( الـــــكـــــويـــــت ))














بالنسبه لسعر الصرف
لان فندق و دايما الفنادق صرفهم غالي

و فوق هذا الدينار صاير غالي بالنسبه للريال !

المشاركة الأصلية كتبت بواسطة زعطوطه
http://www.arabtravelersforum.com/tr...5/#post1709935

ما شاء الله صج توج ببالي

كنت ابي اعرف اخبارج و خفت تتوهقين بالشقق !!

بس اشوه انج حجزتي بالفندق



اول شي الحمد لله على السلامة
وثاني شي انا زعلانه منج وايد !!! شلون نسيتي التصوير ؟؟
يالله ميخالف .. اهم شي ان الاحداث دقيقه و جني اشوفها بالصور

ان شاء الله دبرتي امورج بدون مطبخ !!
و اللا عانيتي ؟؟ :114:


متابعه معاج لي النهاية

هلا وغلا فيى احلى زعطوطه وتسلمين يالغاليه انا كثير استفدت من ردودك وتقاريرك الروعه تصدقين انا بالكويت كنت افتح النت واشوف تقاريرك عن الافينوز والمطاعم واروح اطبقها لانى وثقت بذوقك وكم تمنيت اقابلك لكن خيرها بغيرها وتوهقت حييل بدون مطبخ حتى المربيه ضاق صدرها تابعى التقرير وبتشوفين كل شى وسجلتك اول الحضور

المشاركة الأصلية كتبت بواسطة غروب
http://www.arabtravelersforum.com/tr...9/#post1710309

حمد لله على السلامه وربي يبارك لكم بس استعجلي ابي استفيد من رحلتك وبتصيرين مستشارة عندناااااااااا



هلا غروب اسمك حلو وانتى احلى وابشرى بباقى التقرير لكن بحلقات علشان ضيق الوقت وتسلمين يالغاليه

المشاركة الأصلية كتبت بواسطة old-man
http://www.arabtravelersforum.com/tr...6/#post1710326

هذي الساعه المباركه وحمدالله علي سلامه



الله يبارك فيك وتسلم على مرورك

المشاركة الأصلية كتبت بواسطة Dhari
http://www.arabtravelersforum.com/tr...7/#post1710347

الحمدلل على السلامة و صراحه بداية جميلة
و نحن بالإنتظار

شكرا جزيلا...



الله يسلمك والف شكر لك على تشجيعك ومرورك

المشاركة الأصلية كتبت بواسطة Hambka Q8
http://www.arabtravelersforum.com/tr...3/#post1710413

الحمدلله على السلامه..
و
حياكم الله بديرتكم (( الـــــكـــــويـــــت ))














بالنسبه لسعر الصرف
لان فندق و دايما الفنادق صرفهم غالي

و فوق هذا الدينار صاير غالي بالنسبه للريال !



هلا فيك اخوى ويشرفنى مرورك وفعلا صرف الدينار غالى كثير وفى ازدياد الله يرفع شانكم دايم لكن لو تتحد العمله الخليجيه افضل لنا جميع

الحمدالله على سلامتج وبانتظار باقي التقرير

الف الحمدلله على السلامه

وبدايه طيبه ........ متابعين التقرير ................


تصحيح المنفذ البرى السعودى هو الخفجى مو الرقعى

مشكوووووره

الحمدلله على السلامه
يعطيج العافيه ، وبانتظارج

ياهلا اختي حياكم الله بالكويت والله تشرفنا بزيارتكم

بس فندق الكونيش من الفنادق الممتازة والنظيفة وهو تابع لسلسة فنادق المرديان بالكويت


على العموم بانتظار باقي التقرير وحياكم الله

الحمدلله على سلامتكم وانشالله انكم استانستوا .

بداية موفقة لتقرير مبين عليه جميل رغم افتقاره للصور

الله يعطيج العافية واحنا متابعين معاج ولاتطولين علينا

هلا وغلا فيكم من جديد فى حلقتنا الثانيه من احلى رحله صحينا اليوم الثانى وكان الافطار من ضمن السعر بالفندق وطلعنا الدور 12 للفطور اتضح انها صاله صغيره جدا جدا فيها خمس او ست طاولات متقاربين من ضيق المكان وبوفيه متواضع جدا جدا جدا يعنى بدون افضل والحمد لله فطرنا وطلعنا السطح كان فيه حمام سباحه بسيط :surfوطبطب حمودى وياليته ما طب نزلنا وحممته ونام ولما صحى طلعنا للمارينا طبعا مشى لانه قريب لكن الجو كان رياح شديده وبارده ولالاسف اخذ برد محترم ودخلنا المارينا تجنن:24: تفتح النفس محلاتها متنوعه وتقريبا كل الماركات الموجوده عندنا ما تحمست اشترى كثير زياده عفش وكله موجود بالرياض علشان كذا زوجى يحبنى زود :106::36_3_1: المهم رحنا عبر الجسر اللى يربط المول بالمارينا ولقينا اجمل منظر بصراحه تذكرت جنوب فرنسا ومنظر اليخوت والسفن الصغيره على المارينا والمطاعم والكافيهات شى يرد الروح من جد عجبنى الجو وشفنا كثير مطاعم احترنا وين نروح :114:وسبق انى قرات لاحد الاخوان كان فى رحله مع زوجته واشار الى المطعم الهندى اللى بالدور الارضى وقلت يالله وفعلا طلبنا بريانى وكباب لحم واااوه شى لذيد انصح اللى يحبون الهندى لا يفوتهم الظاهر المطعم لوحده هنديه وشاطره بالوصفات و وانتشرت وماشاء الله عليهم الديكور حلو جدا لاتنسون تحلون بقلاب جامون احمر وتذكرونى:36_3_12: طلعنا واخذنا لفه على المارينا والبرد اخذ حقه من حمودى وقررنا نرجع المول وفعلا رجعنا ندور بالمول نهضم علشان نستعد لوجبه العشاء لان مطاعمهم حلوه وابى ازور اغلبها مع اننا مو العاده نتعشى لكن بالكويت الحال غيرر تنفتح النفس لكل شى بعد ما رجعنا الفندق كان حمودى تعبان كثير وحرارته مرتفعه :36_1_31:واعطيته فيفا دول ونام قلنا يالله ما لنا حظ نطلع ونتعشى ونمنا بدرى واصبحنا متضايقين اكثر من الوضع فى الفندق وفعلا صارت كئابه اليوم الثانى قلنا ما بدهاش طلعنا افطرنا فى paulاللى بمارينا واااوه كلشى عنده حلو وريحته الخبز تفتح الشهيه:15::1076: ادرى انى خليت لعابكم يسيل لكن ابى احمسكم تجربون اللى جربتها وبعدها طلعنا نلف فى الكويت واخذناها طول بعرض بصراحه لاحظت ان تخطيط الاحياء يختلف تماما عن الرياض ودبى يعنى الطريق اللى تدخل منه مستحيل يرجعك لازم تاخذ اتجاه ثانى شغله يبى لها تركيز شوى لكن الكويت ما تضيع وكلها ملمومه وحسيت انها تاخذ شكل نصف دائرى يعنى لما كنا نبى نروح شارع الخليج العربى وفوتنا المخرج لقينا المخرج اللى بعده واللى بعده يرجعنا لشارع الخليج وهكذا وبصراحه تنظيم رووعه وشوارع كبيره واجمل شى لفت نظرنا المساحات الكبيره للشوارع والمواقف يعنى ما تلقى على الطريق السريع عماير او محلات على طول لالا تلقاها تبعد مسافه كبيره وتعتبر مواقف من جد ما شفت مثل ها التنظيم فى اى بلد يعنى العماره اذا بنوها تلقا ضعف مساحتها مقابلها مواقف وبعدين الطريق ما ادرى شلون اشرحها لكن اللى بيروح بيلاحظ الفرق عننا وعن الامارات تحس وانت ماشى بالطريق السريع او حتى وسط البلد بالرغم من وجود عماير طويله وكثيره الا ان السماء مفتوحه ومافيه خنقه ابد لان العماير بعيده عن الطريق شى مرتب وبعدين انا لى ملاحظه على تقرير احدى الاخوات من قطر وذكرت انه من الاشياء اللى ما عجبتها الارصفه والشوارع قديمه ومكسره وانا من جد صدمت لانى شفت عكس ذلك تماما الشوارع نظيفه جدا والارصفه افضل من اللى عندنا وحتى من الدوحه لانى زرتها من قبل وبصراحه فرق كبير بدون تحيز مع انى انبسطت بالدوحه كثير لكن اول ما تدخل الدوحه تقابلك احياء قديمه جدا وشوارع تقريبا ما فيها اسفلت ولا ارصفه والله انصدمت لمارحت الدوحه وضاق صدرى حتى وصلنا للمنطقه اللى يسمونها الكورنيش الجديد واللى الباقى يبى شغل زين عكس الكويت اول ما دخلنا من الحدود قابلنا طريق الملك فهد واسع ومرتب ونظيف عموما كلهم حلوين وكلنا نتمنى خليجنا افضل دائما وصلنا لشارع الخليج وشفنا كثير فنادق على البحر طبعا مو مباشره لان البحر مفصول عن العمران بشارع الا المطاعم هى اللى على البحر المهم وقفنا نستنشق الهواء العليل على البحر واخذنا المقسوم من اليود وتوجهنا بالصدفه الى مبنى طويل جدا مكتوب عليه اثينيه للاجنحه المفروشه ووقفنا وسال زوجى وطلع يشوف الجناح وعجبه وجانى وهو مستبشر قال لى يالله نبى ننقل هنا قلت له على بركه الله ورجعنا الكورنيش الكئيييب جدا ولمينا اغراضنا بسرعه الريح وطرنا على الفندق الجديد وقال لى زوجى مفاجاه تشوفين الفرق ووصلنا وفعلا من اول ما دخلنا اللوبى شى مرتب :24:ومريح وواسع نوعا ما وشكله فندق حقيقى ولوبى محترم وطلعنا للدور 14 وما بقى الا طابق لان البنايه كلها 15دور ولقينا بالدور جناحين واحد مكتوب عليه جناح لندن على اليمين وواحد مكتوب عليه جناح باريس على اليسار ودخلنا جناح باريس:36_9_1: ووووواااااااااااااااااااااااووووووووووه:36_7_9: ما صدقت معقول وش هالفرق نقله مو طبيعيه مع انى يئست القى سكن بالكويت عائلى وفخم ومريح لكن هالفندق رجع لى الامل من جديد اول ما دخلنا صاله فيها صالون فخم جدا :kashkhah:وشاشه بلازما وفيه على جنب طاوله طعام والاثاث نظيف وفخم وفيه بلكونه ترد الروح على البحر وعلى الكويت كلهامنظر يسوى العنا والتعب وبعدين داخل فيه غرفه نوم رئيسيه بدوره المياه اعزكم الله جاكوزى وفيه غرفه دبل ثانيه وغرفه منفرده بسريرين وكل الغرف فيها تليفزيون وتليفون واثاث حلو ومرتب ونظيف جدا وفيه مطبخ وسط ومجهز بكل شى ورا المطبخ غرفه خادمه مجهزه بالسرير وكل شى بصراحه لاتلومونى يمكن تقولون هذى ما شافت قبل شى:36_1_42: مع انى ما اسكن الا بفنادق خمس نجوم لكن من شده الكابه اللى شفتها بالكورنيش صار اى شى جنبه نعمه وحقيقه الفندق روعه وفخم ما احد ذكره ابد من الاعضاء لانى اعتمدت على المنتدى فى البحث عن سكن بالكويت وكان افخم شى قالوا عنه ساره بلازا اللى ما عجبنى ابد يبقى الموضوع على حسب ذوق كل شخص المهم ارتحنا وتنفسنا الصعداء وكانت الشقه ثلاث غرف نوم وثلاث دورات مياه اعزكم الله ومطبخ وصاله كبيره هى سعرها 200 دينار اعطونا خصم 150 دينار ووعدونا اذا رجعنا بيعطونا خصم اكثر والحمد لله استقرينا وراحت الكابه وانفتحت نفسى للتمشيه من جديد وشفت الرحله بمنطلق اخر:36_7_8: من جد السكن يمثل اغلب المتعه بالرحله نصيحه للى يبون يسافرون يهتمون بمكان سكنهم لانه اذا ارتاحوا بالسكن ارتاحوا بكل الرحله والحمد لله نصرف شوى زياده لكن على راحتنا لانبخل اعتبروا انكم اشتريتوا شنطه ماركه والا عزيمه كبيره المهم راحتكم بعد ما ريحنا قررنا نطلع الافينوز وكانت طلعه حلوه تشوفونها بالحلقه القادمه حركات تشويق لكم :36_6_3:

شوقتينا وتندمت لاني رحت يوم واحد ومريت المارينا بس ماعبرت الجسر
ومريت اثينيه من بره توقعته موشي
كملي لاني ودي ازورها مرة ثانية

الحمدللة على السلامة وتقرير موفق اختي مسافرة

اول مره اسمع عن اثينية !!!
الحمد الله انكم ارتحتو بالسكن
و مثل ما قلتي .. السكن شي وايد مهم بالسفره

الله احبكم و ما ضيع وناستكم

يالله كملي ابي اسمع شنو صار بالأفينيوز و باجي الزياره



ما زلت متابعة معاج .. حتى النهاية

الحمدلله على السلامة والتقرير جدا رائع

ومشكورة على الطراء والمدح لدولة الكويت الحبيبة

وبانتظار باقي التقرير ,,,,,,,,,,

انا بعد اول مره اسمع بالفندق اللي قعدتوا فيه

وين صاير LOL ;p

و ناطره زيارتج للافينيوز..؟

الحلقه الثالثه بعد ما استقرت اوضاعنا ولله الحمد قررنا نروح نكمل سهرتنا وخلينا حمودى اخذ الدواء ويرتاح بالفندق وطلعنا وسالنابالفندق عن مكان الافينيوز ودلونا وبدات رحلتنا وصلنا وكان المكان روعه من برا شى فخم مررررررره ونزلنا المواقف تحت وكان تقسيمه المواقف مريحه جدا يعنى اللى يبى السينما او ايكيا او كارفور تقريبا يدلونك على اقرب المواقف للمكان اللى تبيه وكانت المواقف شبه فاضيه يعنى قليل الموجودين بالنسبه لسعه المواقف الكبيره ووصلنا لمواقف السينما قلنا يالله نتعشى ونشوف فيلم وفعلا طلعنا الدور الاول كانت المحلات مرتبه بشكل جميل وكل شى فخم وماركات حلوه لكن مثل ما قلت لكم انا مو راعيه اسواق بالسفر الا نادرا جدا وطلعنا الدور الثانى ولقينا مجمع لعده مطاعم زيت وزعتر وليلى لبنانى وفرايديز وكرسبى كريم وبيتزا اكسبرس وغيرها من المطاعم وقلنا نشوف موعد الفيلم قبل وفعلا كنت ادور على فيلم رضا نفسى اشوفه من اول ما نزل اعلان الفيلم واخذنا تذاكرنا وطبعا كان فى سيينسكيب سينما vipيعنى صالات افخم من العاديه وكنت ادخلها بدبى والبحرين مافيها ولقيتها بالكويت ولكن الافلام المعروضه ما عجبتنى وكنت ابى اشوف رضا وتم بحمد الله وباقى على العرض ساعه رجعنا للمطاعم وانا منبهره بالسوق كله فخم جدا وحلو ومريح نفسيا والوقت متاخر بدات المحلات تقفل ودخلنا فرايديز وتعشينا وطلعنا على موعد الفيلم وكان يعدون اللى يدخلون وكان الفيلم يجنن ويموت ضحك المهم بعدها طلعنا من الصاله وبصراحه لاحظنا شى حلو مره باسواق الكويت وهو الامن هناك مو طبيعى عندهم تشديد فظيع على المجمعات من المواقف وحتى اخر نقطه بالسوق وحتى السينما كان فيها موظفين امن يعدون اللى يدخلون ويحسبون لهم متى يطلعون لاننا لما انتهى الفيلم وطلعوا الناس تاخرنا شوى بدوره المياه اكرمكم الله وكان الناس مشوا كلهم لما طلعنا سمعتهم يقول 62 خلاص انتهى يعنى يتاكدون كم اللى دخلوا وكم اللى طلعوا بصراحه ما شفت من قبل لا فى البحرين ولا دبى ولا السعوديه ها النظام صحيح موجود الامن بكل المولات لكن مو بها الشكل الله يقويهم وطلعنا كانت حتى المطاعم قفلت ونزلنا المواقف كله امن الله يعزهم ويعز بلادهم وحككامهم وطلعنا نتمشى بالمنطقه والاجواء بالليل روووعه نسيم الهواء البارد يعطى جو الرومانسيه وبصراحه شعرت براحه نفسيه بالكويت ما شعرتها باى بلد ورجعنا الفندق ونمنا لليوم الثانى وصحينا ونزلنا نفطر بالفندق وكان افطارهم متواضع لكن افضل من الكورنيش بكثير والمكان واسع جدا والحمد لله اخذنا حمودى وقررنا نزور الابراج وموقعها على البحر باخر شارع الخليج وبالطريق شفت مطعم ميس الغانم قلت لزوجى نبى نتغدى هنا لان المنتدى كله يمدح اكلهم كثير ووصلنا الابراج واخذنا تذاكر ولما دخلنا قالوا لنا اذا تبون تشربون شى بالكافى او تاكلون بالمطعم يعطونكم تذاكر مجانيه ويرجعون لكم فلوس التذاكر قلنا لا احنا تو فطرنا لكن عرفنا ها المعلومه وطلعنا بالمصعد للدور 82 ولقينا درج يمين ويسار لليمين تطلع الدرج وتلقى مطعم حلو ورايق كثير وفيه بوفيه غداء وعشاء وبصراحه شكل البوفيه حلو لانهم يجهزون للغداء وشفنا طريقتهم ونوعيه الاكل ولكن ما لنا خاطر ناكل ونزلنا الدرج لقينا كافى صغير جلسنا نشوف المنظر على البحر والكويت شى خيااال وبعدها طلعنا للدوراعتقد اذا ما خانتنى الذاكره ولو انها تخونى كثير 120 وارجو من الاخوان يصححون لى لو انا غلطانه وهناك مافيه جلسات لا عباره عن صحن دائرى يدور فيك بالبلوره وتكشف معالم الكويت كلها وفيه ركن يبيع الشاى والقهوه والكيك والبوب كورن شغلات بسيطه تسلى اللى يتفرج على الكويت وفيه تلسكوب بربع دينار اعتقد يقرب لك المناظر وقضينا وقت رائع ولكن شفت اشياء هناك حزت بخاطرى كثيررر صور لنفس المكان اللى احنا فيه ايام الغزو العراقى بصراحه كان دمارررر مو طبيعى كل الزجاج تكسر والدنيا مقلوبه فعلا وبصراحه الله يعطيهم العافيه اللى رجعوا كل شى احسن من اول لكن الصور فعلا مؤثره وذكرتنا بازمتنا كلنا الله لا يغير علينا يارب انتهت الزياره ورجعنا للفندق للراحه وبعد العصر طلعنا لميس الغانم وكان مطعم جميل ولكن كبيرجدا وما فيه اى رومانسيه يعنى الناس تجى تاكل بس والاكل زين مو خيال عادى من وجهه نظرى الحمد لله على كل شى لكن انا افضل المطعم اللى يهتم بالجلسه اكثر من الاكل بالرغم من ذلك قضينا وقت رائع جداااا وبعدها رحنا سوق شرق تمشينا فيه ودخلنا فيلم تيمور وشفيقه تو نزل بنفس الليله والحمد لله كان اليوم اكثر من رائع ورجعنا الفندق واحنا مبسوطين ونمنا لليوم الثانى ولنا لقاء بالحلقه القادمه

المشاركة الأصلية كتبت بواسطة راحيل
http://www.arabtravelersforum.com/tr...3/#post1712493

شوقتينا وتندمت لاني رحت يوم واحد ومريت المارينا بس ماعبرت الجسر
ومريت اثينيه من بره توقعته موشي
كملي لاني ودي ازورها مرة ثانية



ان شاء الله تكرر الزياره ظرورى جدا تروح للمارينا نفسه روعه والفندق شكله من برا عادى لكن بصراحه شى هو سلسله فنادق بباريس واليونان وبالكوين يملكه امير من ال الصباح وشكرا لمرورك

المشاركة الأصلية كتبت بواسطة khalid3116
http://www.arabtravelersforum.com/tr...1/#post1713051

الحمدللة على السلامة وتقرير موفق اختي مسافرة



الله يسلمك وشكرا لردك ومرورك

المشاركة الأصلية كتبت بواسطة زعطوطه
http://www.arabtravelersforum.com/tr...6/#post1713676

اول مره اسمع عن اثينية !!!
الحمد الله انكم ارتحتو بالسكن
و مثل ما قلتي .. السكن شي وايد مهم بالسفره

الله احبكم و ما ضيع وناستكم

يالله كملي ابي اسمع شنو صار بالأفينيوز و باجي الزياره



ما زلت متابعة معاج .. حتى النهاية



تسلمين زعطوطه وفعلا توفيق من ربى بالسكن والحمد لله وانا سعيده جدا بمتابعتك لى والف شكر لردك ومتابعتك يا غاليه

:106:حياج الله مسافره في بلدج الثاني
ومشكوره على الاطراء الحلو لديرتنا
اما بالنسبه للسكن فالمعروف ان الشقق الفندقيه ما تكون بنفس مستوى الفنادق والافضل للمسافر انه يحجز ليله وحده في البلد اللي يبي يزوره اذا عجباه المستوى كمل ما عجباه يبحث له عن سكن ثاني
على فكره ليش ما حجزتوا في فندق المارينا او في المنتجعات كالنخيل او موفنبيك او هيلتون المنقف هناك تلقين المستوى والنظافه واطلاله حلوه على البحر
ويعطيج العافيه على التقرير الحلو

:106: حرم الملك :106:

المشاركة الأصلية كتبت بواسطة @عاشق الخيال@
http://www.arabtravelersforum.com/tr...3/#post1714233

الحمدلله على السلامة والتقرير جدا رائع

ومشكورة على الطراء والمدح لدولة الكويت الحبيبة

وبانتظار باقي التقرير ,,,,,,,,,,



تسلم اخوى والكويت بلد فى غنى عن شهادتى رائعه فعلا بمعنى الكلمه

المشاركة الأصلية كتبت بواسطة Hambka Q8
http://www.arabtravelersforum.com/tr...4/#post1714284

انا بعد اول مره اسمع بالفندق اللي قعدتوا فيه

وين صاير LOL ;p

و ناطره زيارتج للافينيوز..؟



هلا اختى الفندق فى بنيد القار مقابل مطعم فرايديز على البحر بصراحه حلو جدا وانصح فيه

حمدلله على سلامتكم اختي

ما شاءالله ..

تقرير كتابي 100 في 100

اولا الحمدلله على السلامه

ونورتوا الكويت

وبالنسبه لمجمع المارينا طبعا من امجمعات اليديده بالكويت

ويحتوى علىنسبه كبيره من المحلات والمطاعم والكافيهات

واول مره اسمع بشقق أثينيه ؟ وسعرها غالي 150 ؟ لكم يوم ؟


وهو الامن هناك مو طبيعى عندهم تشديد فظيع على المجمعات من المواقف وحتى اخر نقطه بالسوق وحتى السينما كان فيها موظفين امن يعدون اللى يدخلون ويحسبون لهم متى يطلعون لاننا لما انتهى الفيلم وطلعوا الناس تاخرنا شوى بدوره المياه اكرمكم الله وكان الناس مشوا كلهم لما طلعنا سمعتهم يقول 62 خلاص انتهى يعنى يتاكدون كم اللى دخلوا وكم اللى طلعوا بصراحه ما شفت من قبل لا فى البحرين ولا دبى ولا السعوديه ها النظام صحيح موجود الامن بكل المولات لكن مو بها الشكل الله ..

اكيد نقاط الأمن بالكويت من بعد التحرير
كثرت وذلك لزيادة الأمن في المكان الموجوده فيه..

وبانتظار الجديد

حياج الله يالغالية بالكويت

كان ودنا الموضوع في صور

بس بشرحج كفيتي ووفيتي

ونتمنى ان نشوفج مره ثانية بالكويت

ويعطيج الف عافية

انتظر التفاصيل يالغلااااااااا

يعطيج الف عافيه عالتقرير
وننطر التكمله

يعطيج العافية

وفي انتظار بقية التقرير ,,,,,,,,,,

الحمدلله على السلامة ..

والكويت بلدك وبلد كل خليجي وعربي .. واهل الكويت طيبتهم من طيبة الخليج والعرب .. وماعليكم زود ..

وفرحتيني بتقريرك الجميل واهم شي انكم استانستوا وقضيتوا وقت جميل في بلدكم الثاني .. بس شي ضايقني كثير

اهو مرض ولدكم .. وايد ازعل واتضايق ويتعكر مزاجي لمرض احد الاطفال .. اهم شي مايشوف شر واهتموا مرة ثانية

وحافظوا عليه من تقلبات الجو لأنه الطفل مثل الوردة يحتاج عناية خاصة ورقة في الحفاظ عليه ..

كملي تقريرك احنا في الانتظار ..

موفقة ..

الحمد لله على السلامة ، بس نبي نعرف أهم السلبيات التي واجهتك في الزيارة .

المشاركة الأصلية كتبت بواسطة الملك
http://www.arabtravelersforum.com/tr...5/#post1715235

:106:حياج الله مسافره في بلدج الثاني
ومشكوره على الاطراء الحلو لديرتنا
اما بالنسبه للسكن فالمعروف ان الشقق الفندقيه ما تكون بنفس مستوى الفنادق والافضل للمسافر انه يحجز ليله وحده في البلد اللي يبي يزوره اذا عجباه المستوى كمل ما عجباه يبحث له عن سكن ثاني
على فكره ليش ما حجزتوا في فندق المارينا او في المنتجعات كالنخيل او موفنبيك او هيلتون المنقف هناك تلقين المستوى والنظافه واطلاله حلوه على البحر
ويعطيج العافيه على التقرير الحلو

:106: حرم الملك :106:



هلا حرم الملك وديرتكم جميله جدا وبدون شهاده منى وانا مشكلتى حساسه بالسكن جدا وبالنسبه للشقق الفندقيه لابد كل بلد فيها كل المستويات وانا عجبتنى اثينيه وبصراحه يفترض انها تاخذ حقها فى المنتدى وبعدين فيه اكيد شقق ثانيه مثلها واحسن لكن ما احد ذكرها يمكن لانها غاليه شوى لكن فيه ناس مثلى وشروياى ما يهمهم بالسفر الا السكن وتروح كل الميزانيه عليه والمنتجعات اللى قلتى عنها حلوه لكن مشكلتها بعيده عن المجمعات والمطاعم وانتى عارفه وضع الزحمه بالبلد واكيد باجربها مرات ثانيه والف شكر لمرورك

ههههههه ونااسه رحلتج اهم شيء ارتحتي وحمد لله على السلامه

الحمدالله على السلامه

تأخرتي علينا ... نبي انعرف كل كبيره و صغيره بالزيارة

و لا تنسين تقولين السلبيات قبل الايجابيات


تحياتي لج
زعطوطه

مرحبا فيكم وحشتونى كثيرررررر وانا اسفه جدا جدا للتاخير والله ظروف خارج ارادتى لكن اليوم اباحاول اكمل لكم الرحله بحلقه وحده علشان ما اتاخر عليكم ولان الايام هذى مشغوله كثير وحتى الاخوان اللى شاركو معى اشكرهم واعتذر عن الردود لهم لان وقتى مره ضيق لكن لى عوده باذن الله

:110::110::110::110::110::110::110::110::110:ياقهر ى قضيت ساعتين اكتب لكم اخر حلقه من تقريرى ولما طلبت ارسال المشاركه علق وحاولت مافيه فايده قفل الموقع حسيت انى ابى اصيح تعبت بالكتابه ووعدتكم الليله وبالاخر يمسح كل شى اعذرونى بكره اكمل لكم لانى منتهيه تعب ونوم :110::110::110::112::112::112::112::112::112::112: :112:

يا مرحبا فيج اختي بلدج الثانيه الكويت

ومشكوره على التقرير الاكثر من رائع وكان ودي اعطيج لاب توبي تكتبين فيه الحلقه الاخير


بأنتظار البقيه ..

اختج : بنت الكويت

يالله ميخالف حصل خير .. و بنظل متابعين معاج


و الله يفرجها عليج ان شاء الله


تحياتي لج
زعطوطه

المشاركة الأصلية كتبت بواسطة مسافره بلا سفر
http://www.arabtravelersforum.com/tr...0/#post1712150

مبنى طويل جدا مكتوب عليه اثينيه للاجنحه المفروشه ووقفنا وسال زوجى وطلع يشوف الجناح وعجبه وجانى وهو مستبشر قال لى يالله نبى ننقل هنا قلت له على بركه الله ورجعنا الكورنيش الكئيييب جدا ولمينا اغراضنا بسرعه الريح وطرنا على الفندق الجديد وقال لى زوجى مفاجاه تشوفين الفرق ووصلنا وفعلا من اول ما دخلنا اللوبى شى مرتب :24:ومريح وواسع نوعا ما وشكله فندق حقيقى ولوبى محترم وطلعنا للدور 14 وما بقى الا طابق لان البنايه كلها 15دور ولقينا بالدور جناحين واحد مكتوب عليه جناح لندن على اليمين وواحد مكتوب عليه جناح باريس على اليسار ودخلنا جناح باريس:36_9_1: ووووواااااااااااااااااااااااووووووووووه:36_7_9: ما صدقت معقول وش هالفرق نقله مو طبيعيه مع انى يئست القى سكن بالكويت عائلى وفخم ومريح لكن هالفندق رجع لى الامل من جديد اول ما دخلنا صاله فيها صالون فخم جدا :kashkhah:وشاشه بلازما وفيه على جنب طاوله طعام والاثاث نظيف وفخم وفيه بلكونه ترد الروح على البحر وعلى الكويت كلهامنظر يسوى العنا والتعب وبعدين داخل فيه غرفه نوم رئيسيه بدوره المياه اعزكم الله جاكوزى وفيه غرفه دبل ثانيه وغرفه منفرده بسريرين وكل الغرف فيها تليفزيون وتليفون واثاث حلو ومرتب ونظيف جدا وفيه مطبخ وسط ومجهز بكل شى ورا المطبخ غرفه خادمه مجهزه بالسرير وكل شى بصراحه لاتلومونى يمكن تقولون هذى ما شافت قبل شى:36_1_42: مع انى ما اسكن الا بفنادق خمس نجوم لكن من شده الكابه اللى شفتها بالكورنيش صار اى شى جنبه نعمه وحقيقه الفندق روعه وفخم ما احد ذكره ابد من الاعضاء لانى اعتمدت على المنتدى فى البحث عن سكن بالكويت وكان افخم شى قالوا عنه ساره بلازا اللى ما عجبنى ابد يبقى الموضوع على حسب ذوق كل شخص:36_6_3:




فندق اثينيه بجانب مستشفى السلام مقابل فرايدز شارع الخليج العربي...



شكرا لج اختى على التقرير المميز

:113:

الحمد لله على سلامة الوصول تقرير حلو وشرح مسهب بارك الله فيج
وبالنسبه للتقارير الكتابيه لأن مشكلتج صارت معاي كذا مره
كتبي اول شي بالورد وبعدين نسخيه وبدئي بتنسيقه بصفحة المنتدى
اعتقد بالطريقه هذي ما تخافين على النص اللي تعبتي بكتابته ويكون محفوظ عندج للمواقف البايخه هذي
بنتظار الحلقه الاخيره وعساج على القوه

مرحبا فيكم مره ثانيه بعد انقطاع طويل لظروف خارجه عن ارادتى وانا بصراحه فرحت كثير للردود اللى قراتها وفرحت اكثر لعدد الزوار الحمد لله ان تقريرى اخذ صدى حلو يهون لاجله التعب وانا اعتذر عن الانقطاع وباكمل تقريرى فى حلقه مختصره والف شكر للجميع

الحلقه الاخيره انا بصراحه نسيت بعض التفاصيل وايضا ترتيب الايام لكن الحلقه هذى باكتب فيها بشكل مختصر باقى الاماكن اللى زرناها مثلا من المطاعم اللى اعجبتنى كثيررررر واللى يروح الكويت لازم يمرها ويجربها مطعم سفن سيز اللى يقع على البحر فوق مطعم برج الحمام وهو مبنى زجاجى يضم مطعمين الدور الاول برج الحمام وهو لبنانى وجلساته حلوه كثير وفيه بلكونات على البحر ولكن الارقيله منتشره وريحتها ضايقتنى فطلعت للدور الثانى وهو مطعم بحرى وراقى جداا الاستقبال خمس نجوم بشيلونا من الارض والجلسات مره حلوه على البحر وفيه كباين لوحدنا مطله على البحر من جهتينوالاكل لذيذ جدا اخترنا السمك والجمبرى من العرض وهم اقترحوا طرييقه الطبخ اللى اغلبها مشوى وانا انصح فيه بشده وايضا من المطاعم اللى زرتها الهارد روك وكان هادئ جدا بالليل مو مثل ما توقع زوجى انه بيكون دسكو وصجه لالا ابدا مجرد مطعم عادى وفيه شاشات تليفزيون واغانى عاديه وطلبنا عشاء وبصراحه الاكل عادى لكن جلسته رومانسيه وحلوه على البحر والجو كان بدا يميل للبروده ومن الكافيهات دخلنا شوكليت بار ممتع جدا بالذات ايام الاجازات لان الناس يتجمعون بالمطاعم والكافيهات وانا احب الناس واخذنا فوندان مشكل وكاان حلو جدا والجلسه حلوه طبعا الفرع اللى بمارينا بالدور الثانى وكذلك دخلنا فرايديز فى المارينا جميل ومع الناس اجمل وانا عجبتنى كثير منطقه المارينا ومن المجمعات اللى رحت لها اكثر من مره الافينوز لانه رائع جدا وما تمل منه ولكن المره هذى رحنا بوقت اجازه وكانت الزحمه مو طبيعيه ما لقينا موقف لسيارتنا حتى بالمواقف الخارجيه ونزلنا وابو محمد قعد يدور موقف الله يعينه اكثر من ساعه ومن المطاعم اللى عجبتنى بالمجمع كان مطعم ايطالى اسمه الفرونو جلساته حلوه وفيه جلسات خارجيه مطله على نافوره كبيره حلوه ولكن الجو بارد ما قدرنا نطلع وتعشينا فيه انصح فيه لانه رايق ومقابل لكافى ومطعم لونترو واكتشفت ان الافينوز فيه مطاعم كثير لكن منتشره فى المجمع يعنى مو فى ركن واحد ولا فى دور واحد وش بعد لانى نسيت تفاصيل كثيره لكن ما نسيت الانبساط اللى عشته هناك باختصار اجواء الكويت مره ممتعه واللى ما زارها انصحه يلحق نفسه ويزورها واللى عنده اى سؤال لا يتردد بليز اتمنى افيدكم عن تجربتى واعذرونى للتاخير والاختصار وسلامتكم

الحمدلله على السلامة أختي مسافره بلا سفر...
و إن شاء الله إستمتعتوا بالإجازة الحلوة و الخفيفة هذي...!

و نتمنى تكرارها بوقت لاحق...

مع كل شكري و تقديري لج على هذا الموضوع و تقبلي تحياتي
:kashkhah: صج كشخه :kashkhah:

الله يعطيج ألف عافية و مشكوره على تكملة التقرير

و اتمنى انج تزورينه مره ثانية

حياج الله في لكويت والحمد لله على السلامة

ومشكورة على تقريرج الجميل

يعطيك العافية ,,,

المشاركة الأصلية كتبت بواسطة Dhari
http://www.arabtravelersforum.com/tr...7/#post1745757

الحمدلله على السلامة أختي مسافره بلا سفر...
و إن شاء الله إستمتعتوا بالإجازة الحلوة و الخفيفة هذي...!

و نتمنى تكرارها بوقت لاحق...

مع كل شكري و تقديري لج على هذا الموضوع و تقبلي تحياتي
:kashkhah: صج كشخه :kashkhah:



هلا حبيبتى والله استمتعنا كثيررر بالزياره وان شاء الله تتكرر قريبا واغلب صديقاتى وقريباتى راحوا الكويت باجازه الحج على اثر رحلتنا والف شكر لمشاركتك ورفعتى معنوياتى كثيرر بكشخه :24:

[/SIZE]





المشاركة الأصلية كتبت بواسطة زعطوطه
http://www.arabtravelersforum.com/tr...4/#post1746134

الله يعطيج ألف عافية و مشكوره على تكملة التقرير

و اتمنى انج تزورينه مره ثانية



:36_3_15:الله يسلمك يا عسل والف شكر لمتابعتك تقريرى المتواضع جدا لكن وجودك اكبر تشجيع يا عسل والله اانى احببتك فى الله واتمنى المره الجايه اتشرف بلقائك :36_3_16::36_3_12:

المشاركة الأصلية كتبت بواسطة Dimo Traviler
http://www.arabtravelersforum.com/tr...8/#post1746168

حياج الله في لكويت والحمد لله على السلامة

ومشكورة على تقريرج الجميل

الله يسلمك اخوى والف شكر لمشاركتك ومتابعتك للتقرير والكويت بلدى الثانى اكيددد

المشاركة الأصلية كتبت بواسطة عربون محبة
http://www.arabtravelersforum.com/tr...1/#post1747001

يعطيك العافية ,,,



هلا فيك ويا حلوك اول مشاركه لك بالمنتدى كانت فى تقريرى وهذا تميز لى الف الف شكر وهلا فيك بمنتدانا الرائع جدااا

الحمدالله على سلامتج وشرفتينا

ونتمنى تزورين الكويت مره ثانية

المشاركة الأصلية كتبت بواسطة مسافره بلا سفر
http://www.arabtravelersforum.com/tr...5/#post1754495

[/SIZE]

:36_3_15:الله يسلمك يا عسل والف شكر لمتابعتك تقريرى المتواضع جدا لكن وجودك اكبر تشجيع يا عسل والله اانى احببتك فى الله واتمنى المره الجايه اتشرف بلقائك :36_3_16::36_3_12:



يا هلا مسافرة بلا سفر ، و الله انج تستاهلين الخير ، و اتمنى ان نلتقي على خير ان شاء الله
حياج الله بأي وقت :101:

ممكن احد يجيب لنا رقم تلفون او موقع فندق اثينيه على الانترنت
واكون له شاكرا