المشاركة الأصلية كتبت بواسطة الهااوي العامري
http://www.arabtravelersforum.com/tr...4/#post8235006
السلام عليكم
وعليكم السلا م ورحمه الله وبركاته
شباب انا مسافر ان شاء الله الى ماليزيا بتارخ 4/6/2014 و الوصول 5/6/2014 الصباح باذن الله
كوالالمبور لحد 6/6/2014 الصباح للاستراحه من السفر و اطلع الصباح الى لينكاوي
حلو الراحة يوم من عناء السفر ومنها ممكن تطلع كذا رحلة تشوف شي جديد
وين بتسكن بكوالالمبور؟؟
لينكاوي من 6/6/2014 الى 8/6/2014
شويه يعني بس ليلتين
ما يمديك تشوف شي 
خليهم 3 ليال افضل
حرام التنقلات تصير كثيرة وسريعه وانت ما تستمتع بالسفرة
9/6/2014 الصباح الى بينانج
يعني بينانج 3 ليال ؟؟؟
قليله بينانج حلوة وفيها اماكن حلوة
اكيد ان لفيت بالمنتدي ورتبت لك جدول للرحلة
وخليك في فندق بشارع الباتوفرنجي افضل واوونس
كل شي قريب منك المطاعم والسوق الليلي والتمشي بالليل فيه متعه
يعني فندق بارك رويال - هوليدي ان - قولدن ساندس
كلهم حلوين
12/6/2014 الصباح الى كوالالمبور
طيارة والا باص ؟؟؟
يعني باقي لك ليلتين للتسوق في كوالا
ومن ثم العودة الى الوطن بتاريخ 14/6/2014
شباب محتاج مساعده في الفنادق الافضل للاقامة ؟
و التنقل من كوالالمبور الى لينكاوي ؟
طيارة ماكو خيار اخر
ومن لينكاوي الى بينانج ؟
اما بالعبارة او طيران على الماليزية او طيران اسيا الأقتصادي
وبما ان جدولك مزحوم والأيام قليله لا تضيع وقت بالعبارة خذ طيران وريح بالك
ومن بينانج الى كوالالمبور ؟
باص او تاكسي خاص او طيران
يفضل النقل البحري او البري ؟
وشو افضل المناطق للزياره في هذي الاماكن ؟
سيلانقور :
الشلالات - صن واي لاقون - الماينز
الأي سيتي مساءا لو ماعندك شي تسويه بهاليوم
ولا تطوف سوق البراميد مجمع ونيس فيه كل شي وكبير
لنكاوي :
التلفريك والقريه الشرقيه
رحلة البولابايار
المانجروف ولاتطوف مطعم السمك العائم اكلهم ناطع ولذيذ
وميناء الجتي بوينت فيه محلات حلوة ومعفيه من الضرايب
ميدان النسر قريب من الميناء
بينانغ :
رحلة الصيد وجزيرة القرود والشواء
الجت سكي والبراشوت علي شاطئ الفندق
هضبه بينانغ
محلات الشاي والقهوة البيضاء
الأسواق : جيرني بلازا حلو وونيس
كوينسبي مول مجمع ضخم وفيه محلات كشخة وماركات ومطاعم
كوالا
زو نيجارا ( حديقة الحيوانات عزكم الله )
حديقة الفراوله والمعبد الهندي الواقف بالطريق الي جنتنق
الأسواق
كي ال ال سوريا
تايمز سكوير
بي بي بلازا
سوقو
البافليون
السوق الصيني والسوق الهندي
و دمتم في حفظ الله
بالتوفيق
واي مساعدة نحن بالخدمة
رد مع اقتباس
المفضلات