الموضوع: ساعدوني الله يساعدكم

السلام عليكم
أنا من السعوديه
وابشركم قررنا نسافر في اجازة الحج ان شاء الله عالكويت :113: لكن محتارين السفر للكويت قبل العيد أحسن أو بعد العيد؟؟؟؟؟؟؟؟؟؟؟؟؟؟؟؟؟؟؟؟؟؟
من ناحية أسعار السكن
وأسعار التسوق؟؟؟؟؟؟؟؟؟؟؟؟؟؟؟؟؟؟؟؟؟؟
وأبغى نصائح للسفر للكويت لأني أول مره اروح لها ولا اعرف فيها شي ...:24:

مواضيع عشوائيه ممكن تكون تعجبك اخترناها لك:

• اسعار الشقق للايجار بالكويت استفسار
• اريد مجموعة سائقين او تكاسي جواله بخبرتكم واسعارهم المناسبه
• قادم الى الكويت
• رأيكم
• فندق روتانا المنشر
• فاكس عاجل للاحبة والغوالي اهل درة الخليج
• كل عام وأنتم بخير الفزعة يأهل الكويت الكرام
• ديوانية الكويت
• الطريق الجديد المختصر من الرياض الى الكويت
• طلب للكويتين فقط ممكن ؟
• المسافة
• ممكن مساعدة من اخواني الكويتيين
• كم سؤال جزاكم الله الف خير
• عاااااااااااجل جدااااااااااااااااا
• سأزور الكويت ولدي بعض الاستفسارات الله يسعدكم
• شقق فلورا بارك في بنيد القار
• استفسار بشأن شقه
• اسألة لبنات الكويت
• اهداء من فيصل لمحبي الكويت
• السفر بين السعوديه والكويت بالبطاقه ؟

بسم الله
السلام عليكم ورحمة الله وبركاته

اولا اهلا بكم في بلدكم الثاني وتشرفون بأي وقت وان شاء الله تقضون اوقات حلوة ..

بالنسبة لأسئلتك أختي العزيزة ..

بالعيد يكون أفضل بالنسبة لي .. ومن ناحية الأسعار .. ممكن تكون في عروض لكن تحصلينها عندكم في المكاتب السياحية في السعودية لأنه الحجز عن طريق الفندق مباشرة راح يكون اغلى وما اضن في عروض حاليا بالنسبة للعيد لأني تصلت عليهم كنت ابي احجز ليلتين في فندق مارينا وسألت عن العروض وقالوا لي انه مافي عروض حاليا بالنسبة للعيد لكن يمكن في المكاتب السياحية عندكم يمكن تحصلين اسعار مناسبة او افضل ...

وبالنسبة للتسوق في محلات حاليا عاملة تنزيلات ويمكن بعد العيد تعمل تنزيلات اكثر بس مو أكيد ..

وبالنسبة للنصائح .. من ناحية السكن .. اقترح عليك فندق مارينا لموقعه الاستراتيجي ..
وبالنسبة للجو راح يكون برد يعني عملوا حساب الملابس الشتوية ولو في اطفال اهتموا باللبس لأنه راح تقضون اوقات في الخارج فراح يكون برد عليهم ..
والأماكن السياحية كثيرة في الكويت.. فمثلا المجمعات جميلة وتستاهل الزيارة راح اكتب لك اسامي المجمعات اللي تستاهل الزيارة واذا عندكم وقت تزورونها كلها فتمام واذا ما اسعفكم الوقت فراح اكتب لك بالتدريج بالافضلية ..

المجمعات :

* مارينا مول ( يفصل بينه وبين فندق مارينا مرسى وجسر .. يعني الوصول اليه بالاقدام من الفندق )

* الأفنيوز ( احدث مجمع تسوق في الكويت ويتميز بمساحته الكبيرة ومحلات كثيرة )

* سوق شرق ( يقع على البحر وممتع للعائلات)

* الفنار( يستاهل الزيارة ويقع في اشهر شارع في منطقة السالمية)

* البستان ( بجانب الفنار..)

* ليلى جاليري( بجانب البستان )

*الثريا( السالمية اول شارع سالم المبارك اللي يقع عليه الفنار اللي اهو اشهر شارع في السالمية )

* الكوت ( يقع في منطقة الفحاحيل وبعيد عن السنتر ومنطقة السالمية حوالي 30 الى 45 دقيقة من السالمية .. يتميز بمقاهي ومطاعم ملاصقة لنافورة والجلوس فيها جميل جدا .. )

* المنشر ( مجمع جميل وهادئ وفيه (فندق روتانا المنشر) وقريب جدا من الكوت يفصلهم شارع ..ممكن زيارتهم في نفس اليوم .. )

* سوق الصالحية ( يضم اغلب الماركات العالمية .. ويقع في مدينة الكويت )

* المهلب ( يستاهل الزيارة )

فيلا مودا ( في المنطقة الحرة .. للماركات العالمية )

* كويت ماجيك ( قريب من الكوت واسعاره مناسبة لجميع المستويات )

...

الملاهي :

حديقة الشعب ( تقع على البحر .. وليست بعيدة عن المارينا مول تقريبا 5 الى 7 دقائق بالسيارة وتضم العاب للصغار الكبار)

المدينة الترفيهية ( بعيدة بس تستاهل الزيارة وتقضون فيها يوم كامل تقريبا )

............

هذا اللي يحضرني الحين واتمنى الاخوان ما يبخلون عليكم بالمعلومات ...

الف الف الف شكر على المعلومات المفيده
والله يجعلها في موازين حسناتك
الله يكثر من أمثالك
طيب ممكن تذكر لي إذا فيه شقق حلوه وأسعارها معقوله وقريبه من السالميه
وإذا فيه أسواق شعبيه حلوه اتمنى ماتبخل علينا

اذا ممكن ارد عليج الاسواق الشعبيه عندنا كثيره وحلووه واسعارها روعه
عند المحااميد في حولي
سوق المعلم في حولي
سيتي سنتر بالسالمية
المباركية لاا تطوفينها طبعااااا وتاكلوون فيها ذاك الكباب يمي يمي
البلوكات سوق اقمشه رووعه
دريم موول بمنطقه الشويخ روووعه

والشقق ان شاء الله يفيدونج فيها الاخوان

وحياج الله

المشاركة الأصلية كتبت بواسطة أم خماس
http://www.arabtravelersforum.com/tr...0/#post1718070

الف الف الف شكر على المعلومات المفيده
والله يجعلها في موازين حسناتك
الله يكثر من أمثالك
طيب ممكن تذكر لي إذا فيه شقق حلوه وأسعارها معقوله وقريبه من السالميه
وإذا فيه أسواق شعبيه حلوه اتمنى ماتبخل علينا

لا شكر على واجب .. حياج الله في اي وقت ..

بالنسة للشقق .. حاليا ماعندي فكرة كاملة عنهم لكن ابشري بالخير بحاول اليوميين الجايين اشوف لج افضل شقق تكون مريحة وعائلية واسعارها مناسبة وموقعها استراتيجي ..

لكن حاليا حصلت هالشقق بس مو متأكدين منهم 100% بس بتأكد منهم اكثر واسأل عنهم واعطيج خبر ابشري ..

dream house at salmiya
http://www.rahotelapts.com/index.php

http://www.l22l.com


http://www.l22l.com

http://www.l22l.com

*************

كراون سويتس .. ت/9655730400+

سعر الشقة غرفتين نوم وصالة ومطبخ ( وكرمكم الله) حماميين بـ 40 دينار وموقعه قريب من مارينا مول في السالمية ..

************

وبالنسبة للأسواق الشعبية :

*للعبايات والدرارييع .. الفروانية : مجمع العربيد والحمرا مول .. والمشعل للعبايات ..

*سوق السالمية ( سيتي سنتر ) ..راح يعجبكم شامل كل شي حتى العاب للأطفال وللشباب صالات بلياردو وبولينغ ومطاعم كثيرة واسعار مناسبة ..

*دريم مول .. في الري ..

*كويت ماجيك .. شوي بعيد عن السالمية بس راح تستانسون فيه .. يستاهل تقضون يوم كامل فيه ..

*مجمع النقرة الشمالي والجنوبي ..


ودمت بحفظ الرحمن ..

هلا وغلا ام خمااس وحياج الله بديرتج الثانيه لكويت وحللتي سهلا على بلدكم الثاني

انا بعطيج رقم عماره وااايد حلو السكن فيها تطلع على سوق سيتي سنتر السالميه

العمار يم فندق ريتز السالميه بينها وبين العماره 15 خطوه يعني جيران يم بعض

الشقه مكونه من صاله جبيره وايد + 3 غرف + حمامين + مطبخ

بعطيج رقم الحاارس مع فتح الخط 009659549642 الايجار 30 دينار

ملاحظه : اتصلي قبل لاتطيرون من المطار علشان يحجزلكم وافضل بعد العيد لان قبل العيد بيكون زحمه

المطلوب الجواز فقط لاغير

ومع السلامه

sullmish
أحب ماليزيا
YaNaSeNa
الف شكر على ردودكم وأحرجتوني بكرمكم
هذا الكرم وانا مارحت للكويت أجل كيف اذا رحت اكيد بنلقى الكرم على اصوله
انتظر منكم المزيد ومشكورين

حياج الله بالكويت

والأخوان والخوات ما قصروا ..

وموفقه يارب

أحلى كيميائيه
الف شكر على الترحيب
ومن جد شوقتوني أزووووووووور الكويت في اقرب وقت
لكن زودوني الله يخليكم باسعار الفنادق والشقق الفندقيه القريبه من السالميه
وكم تتوقعون يكفي ميزانيه؟؟؟ مع العلم انه أنا وزوجي فقط ومدة الإقامه 5 أيام بإذن الله وبنسافر في سيارتنا
وتمشي عندكم الفلوس السعوديه ؟؟؟؟؟؟؟؟؟؟
أزعجتكم بكثر أسئلتي............

الأفضل انكم تصرفون فلوسكم

التعامل بالدينار الكويتي



و حياكم الله بالكويت

واذا تبين اي شيء ياأم خماس حاضر
يمنع وضع الايميل واذا تكرر الامر سيتم ايقاف العضويه--- الادارة العامة للموقع

ماتقصر
ومشكور على الخدمات اللي تقدمها
لكن أبغى أرقام فنادق وأسعارها تكون معقوله بحدود 300 ريال سعودي وتكون في السالميه

السلام عليكم
انا بعد كنت ناوي ان شاء الله انا والعائلة نروح الامارات اجازة الحج بس الاخوان هناك في بوبة الامارات يقولون ناااار غاليه مره خصوصا عقب زيدة رواتبهم وودي اغير الوجهه للبحرين والحين ودي اشوف الكويت وشلون الاسعار والميزانية لمدة 6 ايام الكويت او الامارات ومشكورين الاخوان الكويتيين والاخوات الكويتيات على الرد والشكر للاخت صاحبة الموضوع

حياك الله اختي ام خماس ..

الفنادق في منطقة السالمية اهي فندق المارينا - فندق الهوليدي ان - فندق ريتز

هذيلي الي اعرفهم واتوقع فيه بعد غيرهم بس يمكن اقل بالمستوى ..


دخلي asiarooms.com هل السايت في صور عن الاوتيلات واسعارهم يمكن يفيدك

حياج الله اختي بديرتك الكويت...................بالنسبة للسكن الاسعار شوي مرتفعة فترة العيد.
اما التسوق فترة العيد او قبلها زين.............هالايام في المعرض السوري بارض المعارض بمشرف في اشياء زينة............والعبي والدراعات ...........منطقة الفروانية..مجمع العربيد الحمرامول...........ومجمع الايوب بمنطقة حولي...................والاسواق عندج سوق السالمية.عند دوار الجوزات حلو لو معاكم يهال..........والمجمعات كثيرة والاسعار بعد بتحصلي وايد اماكن مسوين تنزيلات....مارينا مول.............سوق شرق............المهلب................واي شي راسليني علي الخاص وانا حاضرة يالغالية.................

مشكوره حبيبتي على المعلومات الحلوه
وانا الحين عندكم في الكويت
والله الكويت مررره حلوووه
وانتم ما قصرتوا
كيف ارسل عالخاص؟؟؟؟؟؟؟؟؟؟؟

نورتي وزدتي النور انواار ام خمااس بخصوص الرسائل ممنوع بالموقع عشان مايصير مشاكل بين الاعضاء وشيء حلو

واتمنى تكونين بخير وصحه وعافيه

سلام ختام

أعتقد لازم تراسلين اداره الموقع


واتمنى انج تستانسين معانا