الموضوع: برنامج لشهر العسل يوم

السلام عليكم

اريد برنامج سياحي لشهر العسل في نيوزلندا


لمدة 14 يوم


للشمال والجنوب


وافضل استخدام سيارة ايجار طوال الرحلة




اتمنى ذكر لي المناطق اللي اسكن فيها في الفندق


الاهم عندي الطبيعة

وهل ممكن ان احجز الفنادق من نيوزلندا وليس من البحرين

يعني موظفين الجوازات مايقولون شئ ولا لازم يشوفون الحجوزات؟؟


ابي ارائكم ومقترحاتكم

مواضيع عشوائيه ممكن تكون تعجبك اخترناها لك:

• اريد معرفة المعاهد المعروفة في اوكلاند
• ارجوا منكم المساعده يا رواد المنتدى
• افكر بالسفر االى نيوزلاندا اتمنى المساعده
• سؤال لاهل الخبرة فى نيوزيلاندا
• هل من الممكن تأخير الدفع
• مساعدتكم الله يوفقكم
• دراسة اللغة
• تعبئة كرت الدخول إلى نيوزلاندا الان بالصور لمن يسأل عنه
• ابغا مساعدتكم
• معهد خاص ام معهد تابع للجامعه
• نيوزيلاندا حلم ليتني لم اصحى منه
• أصحاب الخبرة في نيوزيلندا تكفون ضروري
• أسلئلة اللمسات الأخيره
• ارجوا الدخول لاصاحب الخبرة
• هل القيادة صعبة في نيوزلندا
• أسئلة لو تكرمتو
• ياشبــاب الملحقيه الثقافيه وش قصتها؟
• ممكن سؤال عن التكلفة الاسبوعية للسكن مع عائلة المعهد
• يا المظلوم كيف تشوف المباريات ؟
• بخصوص تصريح السفر

المشاركة الأصلية كتبت بواسطة bahrain2day
http://www.arabtravelersforum.com/tr...9/#post7029185

السلام عليكم
وعليكم السلام
اريد برنامج سياحي لشهر العسل في نيوزلندا

الله المستعان والف مبروك
لمدة 14 يوم


للشمال والجنوب

المدة راح تكون قصيرة اذا تبي تنقل بين الجزيرتين يعني اكثر المدن راح تمر عليها كعابر سبيل؟؟لو تحدد جنوب او شمال يكون افضل
والجزيرتين حلوين بس الجنوبيه احلا طبيعه وناس و جو؟
وافضل استخدام سيارة ايجار طوال الرحلة
سيارة تحت تصرفك راح ترتاح اكثر بس حط بعين الاعتبار انه السياقه هنا باليمين؟؟ عكس الدول العربيه والاوربيه؟؟
وفيه طرق شوي صعبه خصوصا بفصل الشتاء بس الله خير حافظ




اتمنى ذكر لي المناطق اللي اسكن فيها في الفندق
المعذرة مافهمت سؤالك بالضبط بس الفنادق متوفرة بجميع المدن
حدد وين راح توصل اي مدينه وان شاء الله ارسملك خريطه سياحه؟

الاهم عندي الطبيعة
نيوزلندا بلد الطبيعه من فوق لتحت يعني بحر والخضار والجبال والشلالات
بكل نيوزلندا بس بالجنوب اكثر وفيها تساقط الثلوج
وهل ممكن ان احجز الفنادق من نيوزلندا وليس من البحرين
نعم مافيه مشكله
يعني موظفين الجوازات مايقولون شئ ولا لازم يشوفون الحجوزات؟؟
مو لازم يشوفون الحجوزات


ابي ارائكم ومقترحاتكم



انصحك بتأجير السيار من المكاتب خارج المطار يعني لا تأجر سيارة من المطار راح تكون غاليه جدا
تحياتي

لكن شنو المناطق او البرنامج السياحي اللي تنصحوني فيه ؟؟

انا انصحك بالجزيرة الجنوبيه
مثلا تحجز علي كرايست تشيرتش ومنها تطلع علي مدينه نيلسون ثم تتجه الي الساحل الغربي
من الجزيرة الجنوبيه طبعا الطبيعه مذهله وراح تنبسط ان شاء الله
راح اذكر المدن الكبيرة اللي راح تمر عليها
جريم ماوث مدينه صغيرة ريفيه المسافه من نلسون حوالي اربع ساعات وفيه مدن مابينهم ممكن تحب تريح فيها
وبعدين هوكا تيكا تبعد من جريم ماوث 45دقيقه فيه جبال من الاحجار الكريمه اللي هو الججر الاخضر؟
بعدين فرانز جوسف مدينه تبعد ساعتين
مدينه حلوة مره والمشهوره بالجليد الازرق منطقه جبليه حلوة
وبعدين منطقة فوكس جلاسيس تبعد 30دقيقه وهي جزء او جهة ثانيه من الجليد الازرق
بعد كذا تنزل علي مدينه وانكا تبعد اربع ساعات
مشهورة بالمناظر الحلوة وتقع علي بحيرة صغيرة
بعدين اارو تاون تبعد 40دقيقه من وانكا فيه شلالات وحلوه
بعدين كوينز تاون تبعد ساعه بلد الثلوج والنشاط والحركه الحلوة خلابه جدا بالشتاء
بعدين ملفورد ساوند بلد يعجز اللسان عن وصفها من اجمل المدن بالعالم طبيعه طبيعه ساحرة
تبعد اربع ساعات من كوينز تاون

اخوي انا تجنبت ذكر بعض المدن الصغيرة اللي هي راح تكون علي الطريق وراح ان شاء الله تمر عليها كلها
وهذي السفرة راح تغطي معضم الجزيرة الجنوبيه وبالنسبه للاقامه شي راجعلك يعني انت تحدد كم تغضي بكل مدينه لما توصل بالسلامه
والمناظر الطبيعيه علي طول الطريق الساحل الغربي بصورة عامه من اجمل الاماكن في نيوزلندا
والمعذرة اذا نسيت شي
بالتوفيق