الموضوع: استفسار بخصوص شهر العسل و لمدة يوم

بسم الله الرحمن الرحيم

السلام عليكم ورحمة الله وبركاته

كل عام وانتم بخير قبل الزحمة )

احب اشكر كل القائمين على هذا الصرح الشامخ من أعضاء وإدارة ..
اشهد بالله ما يقصرون مع أحد 3

حاولت ابحث في الاستفسارات عن احد راح شهر عسل لنيوزلندا .. مالقيت شيء خلال 6 او 7 صفحات ..!!

1 - هل نيوزلندا ماتصلح لشهر العسل ..؟
لأن اغلب اللي شفتهم يستفسرون .. اغلبهم بخصوص الدراسه ..!!

2 - هل ميزانية بـ 30 او كحد اقصى 35 ألف ريال سعودي .. تكفي لمدة 15 أو 17 يوم ..؟
من خلال بحث بسيط لقيت ان التذاكر تبدأ من 6آلاف وتصل إلى 7500 ..
خلونا نقول 15ألف للتذاكر ..
هل 20ألف تكفي للفنادق والسياحة ..؟

3 - لو حسبنا يومين للطيران .. يوم رايح و يوم جاي .. يطلع معنا 13 او 15 يوم هل تكفي لنيوزلندا ..؟
مع العلم إني ما احب التنقلات الكثيرة .. يعني ودي المدينة الوحده اجلس فيها على الأقل من 3 إلى 4 أيام ..!
وطبعاً ما يمنع خلال فترة البقاء في مدينة واحدة إني أخصص للمدن القريبة يوم يعني اللي تبعد ساعة او ساعتين .. يكون الذهاب لها صباحاً ومن ثم الرجوع ليلاً ^^

4 - هل نيوزلندا كلها طبيعة و بس ..؟
يعني هل ألقى فيها مدن ألعاب كبيرة ..؟ أو مجمعات تجارية كبيرة ..؟

5 - كيف الأجواء في شهر نوفمبر ..؟
لأن ان شاء الله بداية الرحلة راح تكون 3 / 11 / 2012
من خلال بحث بسيط عن الأجواء .. لقيت ان درجة الحرارة تتراوح بين 10 إلى 17
أي بمتوسط 14 .. هل درجة الحرارة 14 في نيوزلندا تعتبر باردة .. أو مناسبة للسياحة ..؟
لأن انا كان تخطيطي على أوروبا لشهر عسل .. بس يوم شفت أجواءها اللي بتكون درجة الحرارة 10 وتحت .. تراجعت عن الفكرة
وفكرت في شرق آسيا .. بس أنا ابي طبيعة ساحرة .. وما أتوقع راح ألقى أحلى من نيوزلندا ^^

6 - هل تمتاز بكثرة السياح ..؟ اي هل خدمة السياح ممتازة هناك ..؟
يعني مقارنة بسيطة ^^ .. هل فيها مثلاً باص خاص بالسياحة .. ياخذ الناس ويلف فيهم على الأماكن السياحية طول اليوم مثل باريس وبعدين يرجعون لمكان انطلاقهم نهاية اليوم ..

7 - وش الأفضل لقضاء شهر العسل .. الشمال أم الجنوب ..؟

احس كثرت عليكم بكثرة الأسئله ^^ ..
ياليت تجاوبوني باللي تقدرون عليه
لو كل عضو يجاوب سؤال ^^

لأني والله احترت وين اسافر في شهر العسل ..
اوروبا بشكل عام بيكون شتاء عندهم
وانا ما احب شرق آسيا .. انا حاب اروح شيء جديد ومميز ^^
واستراليا حسيتها غاليه كثير يعني ما اتوقع تجي على قد الميزانية طبعاً بغض النظر عن سعر التذاكر لأن لاحظت ان اسعار التذاكر متقاربة بين نيوزلندا واستراليا

أتمنى ألقى اجابات كافية و وافيه واذا احد عنده نصائح بعد لا يبخل علينا *
وان شاء الله انا بس ألقى جواب لإستفساراتي ونجزم على نيوزلندا ..
راح ارتب احلى جدول معكم يا احلى اعضاء *

و الله يكتبنا من العتقاء من النار في نهاية هذا الشهر الفضيل
دمتم بكل خير 3

مواضيع عشوائيه ممكن تكون تعجبك اخترناها لك:

• هل السفر لنيوزلاندا يحتاج لفيزا للسياحه؟؟؟؟
• أسعار التذاكر
• عدة أسئلة في البال
• استفسار
• إستشارة لغوية وفنية
• هل مطلوب فيزا لنيوزلندا
• اربد
• استفسار مهمممممم ياخبراء نيوزيلندا
• نوادي العاب القوي
• بدرس لغه بنيوزلندا ومتوهق؟؟؟؟
• ماهو المعهد التابع لجامعة اوكلاند
• كراس تشيرش جنوب نيوزيلندا
• أسألة واستفسارات بسيطه لدراسة اللغه الله لايهينكم دقايق
• يا شباب كيف اعرف القبلة في كراست شيرش
• انا في كريست شيرش
• طلب المايسترو
• الله يجزاه الجنة من يساعدني
• إخوانكم في نيوزلاندا بحاجتكم
• حكااايتي وساعدوني بالاجابه على اسئلتي
• من له خبرة في مدينة نابيير بنيوزلندا

المشاركة الأصلية كتبت بواسطة Abdulaziz_AG
http://www.arabtravelersforum.com/tr...1/#post7136433

بسم الله الرحمن الرحيم

السلام عليكم ورحمة الله وبركاته

وعليكم السلام ورحمة الله وبركاته

كل عام وانتم بخير قبل الزحمة )

كل عام وانت طيب وألف مبروك .. الله يوفقكم

احب اشكر كل القائمين على هذا الصرح الشامخ من أعضاء وإدارة ..
اشهد بالله ما يقصرون مع أحد 3

حاولت ابحث في الاستفسارات عن احد راح شهر عسل لنيوزلندا .. مالقيت شيء خلال 6 او 7 صفحات ..!!

1 - هل نيوزلندا ماتصلح لشهر العسل ..؟
لأن اغلب اللي شفتهم يستفسرون .. اغلبهم بخصوص الدراسه ..!!

نيوزلندا اشتهرت للدراسة لكنها سياحية أيضاً .. لكن طول ساعات السفر وغلاء التذكرة أهم عائقين
أما كشهر عسل تصلح لكن شتائها قاسي .. يفضل اختيار الوقت المناسب لك

2 - هل ميزانية بـ 30 او كحد اقصى 35 ألف ريال سعودي .. تكفي لمدة 15 أو 17 يوم ..؟
من خلال بحث بسيط لقيت ان التذاكر تبدأ من 6آلاف وتصل إلى 7500 ..
خلونا نقول 15ألف للتذاكر ..
هل 20ألف تكفي للفنادق والسياحة ..؟

تعتمد على نوع الفنادق ونوع النشاطات السياحية
لكن لو حسبناها كمتوسط ان شاء الله تكفي

3 - لو حسبنا يومين للطيران .. يوم رايح و يوم جاي .. يطلع معنا 13 او 15 يوم هل تكفي لنيوزلندا ..؟

بما انه شهر عسل وزي ما قلت ماتفضلون التنقلات الكثيرة بين المدن تكفي

لكن للشباب أقل من 20 يوم ما أفضل

مع العلم إني ما احب التنقلات الكثيرة .. يعني ودي المدينة الوحده اجلس فيها على الأقل من 3 إلى 4 أيام ..!

وطبعاً ما يمنع خلال فترة البقاء في مدينة واحدة إني أخصص للمدن القريبة يوم يعني اللي تبعد ساعة او ساعتين .. يكون الذهاب لها صباحاً ومن ثم الرجوع ليلاً ^^

4 - هل نيوزلندا كلها طبيعة و بس ..؟
يعني هل ألقى فيها مدن ألعاب كبيرة ..؟ أو مجمعات تجارية كبيرة ..؟

مدن ألعاب كبيرة ما أعتقد فيه .. أذكر قريت أن فيه لكن متواضعه
بالنسبة للمجمعات فيه لكن ليست كبيرة أيضاً (أوفر لك خخخ)

5 - كيف الأجواء في شهر نوفمبر ..؟
لأن ان شاء الله بداية الرحلة راح تكون 3 / 11 / 2012
من خلال بحث بسيط عن الأجواء .. لقيت ان درجة الحرارة تتراوح بين 10 إلى 17
أي بمتوسط 14 .. هل درجة الحرارة 14 في نيوزلندا تعتبر باردة .. أو مناسبة للسياحة ..؟
لأن انا كان تخطيطي على أوروبا لشهر عسل .. بس يوم شفت أجواءها اللي بتكون درجة الحرارة 10 وتحت .. تراجعت عن الفكرة
وفكرت في شرق آسيا .. بس أنا ابي طبيعة ساحرة .. وما أتوقع راح ألقى أحلى من نيوزلندا ^^

راح يكون فصل الربيع .. الجو بالنهار مائل للبروده .. بالليل بارد نوعاً ما

لازم يكون معكم لبس شتوي أو على الأقل جاكيتات

6 - هل تمتاز بكثرة السياح ..؟ اي هل خدمة السياح ممتازة هناك ..؟
يعني مقارنة بسيطة ^^ .. هل فيها مثلاً باص خاص بالسياحة .. ياخذ الناس ويلف فيهم على الأماكن السياحية طول اليوم مثل باريس وبعدين يرجعون لمكان انطلاقهم نهاية اليوم ..

اللي أعرفه أن فيه بكرايستشيرش قطار بالسكوير (وسط المدينة) يدور على أبرز معالم المدينة .. باقي المدن ما أعرف
عموماً فيه مكاتب الانفورميشن سنتر فيها كل ما يخص السائح وهي منتشرة في كل المدن الكبيرة والصغيرة وبعض القرى .. منها تقدر تخطط لطلعاتك لأن فيها بروشورات للنشاطات السياحية ومنها تقدر تحجز النشاطات

7 - وش الأفضل لقضاء شهر العسل .. الشمال أم الجنوب ..؟

الشمال أدفأ (حقيقة) والجنوب أجمل (رأي )

احس كثرت عليكم بكثرة الأسئله ^^ ..
ياليت تجاوبوني باللي تقدرون عليه
لو كل عضو يجاوب سؤال ^^

لأني والله احترت وين اسافر في شهر العسل ..
اوروبا بشكل عام بيكون شتاء عندهم
وانا ما احب شرق آسيا .. انا حاب اروح شيء جديد ومميز ^^
واستراليا حسيتها غاليه كثير يعني ما اتوقع تجي على قد الميزانية طبعاً بغض النظر عن سعر التذاكر لأن لاحظت ان اسعار التذاكر متقاربة بين نيوزلندا واستراليا

أتمنى ألقى اجابات كافية و وافيه واذا احد عنده نصائح بعد لا يبخل علينا *
وان شاء الله انا بس ألقى جواب لإستفساراتي ونجزم على نيوزلندا ..
راح ارتب احلى جدول معكم يا احلى اعضاء *

و الله يكتبنا من العتقاء من النار في نهاية هذا الشهر الفضيل
دمتم بكل خير 3




ان شاء الله أكون جاوبت على استفساراتك بالشكل المطلوب

وأي استفسار أخوانك هنا بالخدمه


موفق وألف مبروك

تقدر تستفيد من هذا الموضوع رغم قدمه

http://www.arabtravelersforum.com/travel52506/

المشاركة الأصلية كتبت بواسطة المظلوووم
http://www.arabtravelersforum.com/tr...7/#post7137287


ان شاء الله أكون جاوبت على استفساراتك بالشكل المطلوب

وأي استفسار أخوانك هنا بالخدمه


موفق وألف مبروك



الله يبارك فيك ويوفقنا وياك وكل المسلمين لكل خير يارب


بخصوص بعد المسافة .. هذي حطيتها في الحسبان .. ومن خلال قراءتي لموضوع اخونا هجاز الله يعطيه العافيه ويجزاه خير
اتوقع بالأمكان تقسيم طول الرحلة إلى جزئين .. الجزء الأول إلى احد مدن شرق آسيا .. ومن ثم المتابعه إلى نيوزلندا
ومن ناحية التذاكر .. انا ذكرت رقم تقريبي .. ممكن نقول لها 15 ألف للشخصين ..!
ف هنا نكون شبه انتهينا من مسألة اهم العوائق


الأجواء .. انا بحثت عن الاجواء في شهر نوفمبر .. لأن رحتي ان شاء الله راح تكون من بدايته ‘لى نصه او قريب نهايته
ف لقيت انه يكون نهاية الشتاء وبداية دخول الصيف .. يعني يا ربيع او خريف ^^
وذكرت ان بعدل درجة الحرارة راح يكون بين 10 الى 17 .. بمتوسط 14 درجة مئوية
ومعدل هطول الأمطار في هذا الشهر تقريبا 10 ايام
واكرر سؤالي .. هل هي تعتبر بارده او مناسبه للسياحة ..؟


ومن ناحية الفنادق .. من خلال بحث بسيط في بوكنق .. وقراءة موضوع اخونا هشام
لقيت الاسعار تتراوح بين 500 إلى 600 ريال لليلة
اي بمعدل تقريبي 8000 لكامل المدة .. هل هنا على صواب ..؟!


واما من ناحية النشاطات السياحة .. ماعندي فكرة والله
بس خلينا نقول بمعدل زيارة مكانين إلى ثلاثة اماكن في اليوم ..!
ما ادري كم تكفل شاملة الغداء والعشاء


نروووح للمدة
تقول المدة ماتكفي .. لو طولنا المدة إلى 20 يوم .. وراحوا يومين للطيران .. 18 يوم مناسبة ..؟
ونقول ان شاء الله .. ربي ييسرها وتدبر زيادة في الميزانية إلى 40 ألف ... مناسبة ..؟


ومن ناحية التنقلات .. استنتجت من موضوع اخونا هشام نفس المعلومة اللي نوهت عليها .. يعني بيكون شهر عسل .. ما له داعي كثرة التنقلات .. وكل شوي افتح الشنطه وقفل الشنطه
اما لو اني عزوبي .. والله مستعد اروح كل يوم مدينة )


وشكراً على المعلومة بخصوص القطار بالسكوير *


اممممم قررت اتجاء الشمال والجنوب .. إني امزج بين الأثنين
بعد استفدت من اخونا هشام انه زار الشمال والجنوب .. ف ان شاء الله ما راح افوتها


ومشكوووور وماقصرت يالغالي .. الله يعطيك العافية ويرزقك من حيث لاتحتسب 3


وتقبلوني وكثرة اسئلتي بصدر رحب *


دمتم بكل خير

اخوي شهر 11يكون معتدل يعني نهايه الربيع علي دخول الصيف يكون الجو بارد شوي بالليل؟؟
من ناحية السكن الفنادق مابين 130الي 170دولار يومي احسبها بالريال
وانصحك بالجزيرة الجنوبيه احلا وارخص وتنقل فيها اسهل ومشاويرها حلوة
وبخصوص القطار بالسكوير بالوقت الحالي متوقف ؟؟؟
والاكل وجبات حلوة لشخصين 100دولار تكفي باليوم
فيه رحلة قطار ثانيه من كرايست تشيرتش الي الويست كوست جميله مرا تروح وترجع بنفس اليوم الرحلة تاخذ 3ساعات
والصراحه انصحك من الحين جمع فلوسك وكثر؟؟ شهر العسل مرة وحدة بالعمر
والبلد فيها اشياء كثيرة تتمتع فيها
بالتوفيق

المشاركة الأصلية كتبت بواسطة mjjazm
http://www.arabtravelersforum.com/tr...3/#post7144063

اخوي شهر 11يكون معتدل يعني نهايه الربيع علي دخول الصيف يكون الجو بارد شوي بالليل؟؟
من ناحية السكن الفنادق مابين 130الي 170دولار يومي احسبها بالريال
وانصحك بالجزيرة الجنوبيه احلا وارخص وتنقل فيها اسهل ومشاويرها حلوة
وبخصوص القطار بالسكوير بالوقت الحالي متوقف ؟؟؟
والاكل وجبات حلوة لشخصين 100دولار تكفي باليوم
فيه رحلة قطار ثانيه من كرايست تشيرتش الي الويست كوست جميله مرا تروح وترجع بنفس اليوم الرحلة تاخذ 3ساعات
والصراحه انصحك من الحين جمع فلوسك وكثر؟؟ شهر العسل مرة وحدة بالعمر
والبلد فيها اشياء كثيرة تتمتع فيها
بالتوفيق



شيء جميل من ناحية الجو .. الحمدلله طمنتني يالغالي

اما عن السكن .. تقريبا مثل ما ذكرت في حدود 500 ريال ..
انت قصدك دولار نيوزلندي .. صح ..؟ لأني حسبت 170 في 3.1

ومن ناحية الوجبات اليومية .. بعد تكلفة معقولة وشيء جميل اذا تقصد بالدولار النيوزلندي

بس الآن ودي اعرف كم تقريباً معدل الصرف لليوم من حيث التكاسي وزيارة الاماكن السياحة
وذكرت من قبل يعني ما يتجاوز مكانين او ثلاثة اماكن في اليوم ..!!

وبخصوص الرحلة بالقطار الى ويست كوست .. ان شاء الله راح تكون من ضمن الجدول

ان شاء الله الميزانية الى الآن قدرنا نوصلها إلى 40
وان شاء الله الى شهر 11 نكون جمعنا معها بعد 5

ويعطيك العافيه اخوي وماقصرت
في ميزان حسناتك يارب *
و الله يوفقنا وياك لكل خير يارب

دمت بكل خير

هلا اخوي
نعم بالدولار النيوزلندي
من ناحية الزيارات
المتاحف الحدائق التلفريك وماشابه من20دولار الي 90دولار الشخص الواحد
والتكسي اكثر شي ممكن 30دولار من مكان لأخر؟؟؟
بس مشاوير القري حولين المدينه تاخذ باص سياحي
من 80دولار ويكون شامل وجبة غداء او عشاء
وان شاء الله علي جيتك يكون الدولار نازل اقصد الصرف
وبالتوفيق

ما فكرت تستأجر سيارة ؟

المشاركة الأصلية كتبت بواسطة mjjazm
http://www.arabtravelersforum.com/tr...5/#post7149625

هلا اخوي
نعم بالدولار النيوزلندي
من ناحية الزيارات
المتاحف الحدائق التلفريك وماشابه من20دولار الي 90دولار الشخص الواحد
والتكسي اكثر شي ممكن 30دولار من مكان لأخر؟؟؟
بس مشاوير القري حولين المدينه تاخذ باص سياحي
من 80دولار ويكون شامل وجبة غداء او عشاء
وان شاء الله علي جيتك يكون الدولار نازل اقصد الصرف
وبالتوفيق



مشكور اخوي وما قصرت يالغالي
والله يعطيك العافيه على مجهودك
وان شاء الله عقبال ما نختار ونرتب الجدول )


واخوي المظلوم بخصوص السيارة .. حسب ما قرأت ان جهة السائق عندهم عكسنا .. يعني من يمين

وبصراحه مابي اخاطر .. وتضيع علي نص الرحلة وانا اتعلم السواقه هههههههه

بس لو بتطلع اوفر .. احتمال افكر فيها ^^ ..
كم يوميتها ..؟
وكم يكفيها بنزين لكل يوم ..؟
وهل اقدر استلمها من مدينة واسلمها مدينة ثانيه عادي ..؟
كيف اعرف الاماكن السياحية اللي يروحونها الباصات ..؟ لأنهم يروحون اغلب واشهر الأماكن ..
كيف بتنقل في الشمال والجنوب .. هل كل جزيرة استأجر فيها سيارة غير ولا يشحنون السياره بالبحر عادي ..؟
اما من ناحية الاستدلال على الأماكن والمناطق .. ان شاء الله الـ gps ما يقصر )

و ايه بعد قبل ما انسى .. انا تفكيري .. اني لو كنت راكب .. راح اقدر اشوف كل شيء ومايفوتني شيء من ناحية الطرق والاماكن اللي راح امر عليها
اما لو انا اسوق .. اكيد راح افوت اشياء كثيرة لأني بس بكون مركز للشارع :/
هذي من وجهة نظري

ودمتم بكل خير

نعم السياقه بالعكس هنا
واجرة السيارة تبدأ من 30دولار باليوم الا اذا اخذتها من المطار راح تنقص قص يعني اجر من المدينه
وعلي حسب الشركة ممكن تسلمها بمكان ثاني بس (فيه دفع $)
والصراحه في شوارع جدا خطرة
وسعر البنزين 2,16دولار
وبالفعل اخوي لما تكون بالباص اتشوف احسن وترتاح
لو تأجر سيارة للمدينه يكون كويس للسفرات خليك علي الباص اسهل لك
وان شاء الله مشرفنا يوضحلك اكثر
تحياتي

السلام عليكم ورحمة الله وبركاته اخي عبدالعزيز اخي انت محظوظ تدري ليه قول ليه اخترت نيوزلندا واستفسرت في هذا القسم الرائع لان فيه الاثنين اللي ردو عليك الاخ مجازم والاخ المظلوم الله يحفظهم معهم ماراح تندم والاخ اسامه حبيبنا لاننساه لانهم شباب لهم بصمه في هذا القسم اسئل الله العزيز القدير في الشهر الكريم ان يجعل مساعداتهم شاهده لهم يوم القيامه وشكرا

مشكوور اخوي مجازم
وان شاء الله فكرة السيارة بتكون تحت المجهر
يعني لو رحت هناك وما ارتحت في التكاسي وكذا .. ان شاء الله راح استأجر سيارة لداخل المدينة
اما للسياحة والمناطق القريبة .. الله يخلي الباصات )

مشكور اخوي نايف على ردك الجميل
وبصراحه ما قصروا الأخوان .. الله يعطيهم العافيه وفي ميزان حسناتهم يارب


طيب بخصوص الطيران
بحثت في طيران كاثي باسفك
وفي طيران الامارات
وطيران سنغافورة
وطيران الاتحاد وطيران

الأنسب واقل سعر .. هي الاماراتيه .. بس مشكلتها لازم فيزا لأستراليا
وبعدها تجي السنغافورية .. و مشكلتها انها تقلع من الرياض .. وانا من الشرقية
وبعدها تجي كاثي باسفك .. هي اغلى من الثنتين اللي قبل .. و في ناس تمدحها وناس تذمها :/
لو بطلع من الدمام بتكون رخيصه .. بس المشكلة راح يوديني للبحرين عن طريق باص وبعدين يتم الاقلاع من البحرين
ويوم دخلت اشوف الحجز عن طريق البحرين .. طلع لي اغلى :/
وطيران الاتحاد هو الأغلى من بين الكل و هذا عيبه

اتمنى تفيدوني من ناحية الطيران لأن كل يوم عن يوم تزيد اسعار التذاكر
وانا ان شاء الله رحلتي راح تكون من 3 نوفمبر الى 23 نوفمبر

و دمتم بكل خير

هلا خوي
اشوف السنغافوريه انسب شي خط السير حقهم مريح
وكطيران جدا ممتاز
اكيد فيه طيران داخلي يعني من الدمام لرياض وتجلس كم ساعه بمطار الرياض وتكمل رحلتك
فأرشح السنغافوريه

يعطيك العافيه اخوي مجازماعجبتني الاماراتية سعرها انسب
بس ما ادري كم سعر الفيزا الترانزيت لاستراليا :/

السلام عليكم
اخي الكريم يسعدلي صباحك
ومبروك مقدماً
نصيحه اخوية انك تغيّر الوجهه
مب عشان ان نيوزلندا ماتصلح!!
عشان البعد والارهاق والتعب
وانت قبلها عندك ترتيبات الزواج وضغط نفسي وقلة نوم
والله بتتعب
فـ الافضل انك تأجلها لوقت اخر بالمستقبل بإذن الله
***
افضل وجهه للعرسان هي الجزر
وافضلها هي موريشيوس
بإمكانك الحصول على باكيج عن طريق الاماراتيه
لمدة اسبوع
***
ماعجبتك الجزر وتبي طبيعه
عندك جنوب افريقياً
بوقت سفرتك الجو حلو وجميل
وفيها طبيعه خلابه وانشطه جميله
والاخوان بالبوابة الافريقية ماقصرو
بالتقارير الجميله
***
تحياتي