الموضوع: حول الكويت في ايام

السلام عليكم يا جماعة ..

بس قبل ما اتكلم حياكم شويه متاي بحريني :24:



ان شاء الله عجبكم المتاي

المهم نرجع حق موضوعنا .. ياطويلين العمر .. نفس ماتعرفون انا ياي زيارة الكويت لاول مرة في حياتي ( باقول لكم ليش اول مره لان سالفتي سالفه )
وباكوني موجود من تاريخ 20 ديسمبر لمدة ليلتين.. في فندق هوليدي ان داون تاون
ياريت وياريت وياريت وبعد ياريت احد يساعدني وحط لي جدول حق السفرة الاماكن اللي اروحها ويساعدني في ترتيب الجدول .. وشنو الاماكن اللي لازم ما افوتها غير البيتزا بيتزا خخخخخ

يالله همتكم معاي يا جماعه..:113:

مواضيع عشوائيه ممكن تكون تعجبك اخترناها لك:

• رخصة القيادة للخليجيات استفسار مهم
• كم سؤال محتاجين إجابة فزعتكم
• استئجار سيارة في
• اخواتي الكويتيات استفسار
• هل من عروض خلال الأسبوع القادم في أسعار الشقق أو الفنادق
• استفسار عن دبابات بحرية
• الطريقه الجديده لرفع الصور بعد التحديث الجديد بوابة الكويت
• عااااااااجل يا سيدات الكويت
• استفسار بخصوص استئجار سيارة و افضل صالون نسائي
• الخطوط الوطنية الكويتية تتسلم اولى طائراتها في مطار الشيخ سعد
• زيارتي ل الجديد في افنيوز بالصــور
• مساعده ضروريه
• أقرب فندق أخر لفندق الريجنسي
• التأشيرة الى الكويت استفسار
• تناول عشائك على ارتفاع متر من ابراج الكويت
• بنات الكويت او من عنده خلفيه يدخل
• ساعدوني في موضوع التاشيرة ارجوكم
• لــ خبراء الشقق في الكويت
• طلب شقة فندقية
• استفسار يا إخواني الكويتين عن تفصال الثوب الكويتي وأفضل محلات الخياطة

مرحبا بك أخي الكريم في الكويت وإليك برنامج مختصر وبعض الأماكن السياحيه :
أنصحك بالسكن في شقق السالميه

المطاعم :
1 - فريج صويلح بالسالميه ( أكلات شعبيه ممتازه )
2 - مطعم مركز سلطان بالسالميه على البحر ( أحلى وأرخص أفطار )
3 - مجموعات مطاعم ومقاهي يمكن أكثر من عشرة شمال المارينا مول .

المراكز :
1 - مارينا مول بالسالميه
2 - سوق شرف على شارع الخليج العربي قرب الأبراج
3 - مجمع المهلب بمنطقة حولي
4 - مجمع أفينوس الدائري الخامس بمنطقة الشويخ
5- مجموعة مراكز تجاريه بالسالميه أشهرها الفنار

الأماكن الترفيهيه :
1 - المتحف العلمي ( أوكيريم ) بمنطقة الرأس
2 - مدينة ألعاب الدوحه
3 - مدينة ألعاب الشعب
4 - أبراج الكويت

المقاهي :
1 - مجموعة مقاهي قرب المارينا مول
2 - مقهي ليالي الحلميه على شارع الخليج

كذلك أهم سوق الكويت الشعبي وأهمه سوق المباركيه والمطاعم والمقاهي وسفره سعيده

ابو الاء اله يخليلك الاء

تسلم على المعلومات هذي .. مختصر عجوبي

بعد عندي سؤالين ... ادري مصختها بس حياكم شويه متاي

اي احسن المجمعات .. اسعارها مناسبة ..
ووين احسن مكان حق السينما..
ومطعم فريج صويلح ينفع حق العائلات ..
و..

كاني قلت بس سؤالين ..

كل الأسواق فيهم سينما
لكن الأفضل .. سينما الأفينيوز أو سينما المارينا

و شكرا عالمتاي

اسفرت وانورت الكويت حياكم الله بديرتنا............................
عليك وعلي شارع سالم المبارك.................وفية مجمع الفنار ومجمع البستان...........مركز سلطان............وكل الكافيهات.............من ستار بوكس وانت رايح....................وفي هناك مطعم فريج صويلح كما ذكر ابوالاء.....................سنتربوينت............. .والسينما بكل المجمعات................
شارع الخليج العربي من بداية تدش المركز العلمي .........الاكوريوم اهم شي تبي تدش باقي الاماكن كيفك...........بعدها انطلق الي مارينا مول بنفس الشارع...................وفية مطاعم الوجبات السريعة فوق مع السينمات وتجول بالمجمع ترا فية اشياء حلوة وكفيهات................وبعدها الي الابراج وبعدها دشة لسوق شرق................ولاتنسا لو كنت من محبي الالعاب الخطرة تدخل مدينة الشعب الترفيهية......هم علي شارع الخليج.................ومجمع الافينوز......................وحياك الله بالكويت.....................ولو تقدر تدش مطعم قيصر بالسالمية وتطلبلك واحد سيزلر مشكل ووووووووواااااااااااااااووووووووووووووو

مراكز التسوق اللي لازم تزورها...
1- الأفنيوز (منطقة الري, طريق الدائري الخامس السريع), فيه 12 صالة سينما و راقي جدا, حيث انه الأكبر بالكويت.
2- مارينا مول:مجمعين يربطهما جسر فوق شارع الخليج العربي, والأول هو الرئيسي و له إطلالة على شارع سالم المبارك, و يضم عدد كبير جدا من المحلات التجارية,المطاعم,المقاهي, مرافق ترفيهية و غيرها.
و الثاني يقع على الواجهة البحرية, و يضم عدد من المقاهي و المطاعم الفاخرة, و إطلالة رائعة على الخليج العربي.
3- المركز العلمي: أكواريوم(و هو الأكبر في الشرق الأوسط و أفريقيا) حيث يمكنك رؤية البيئة الطبيعية بشتى أنواعها, و يمكنك رؤية أنواع الأسماك "أبرزها القروش" حيث لا يفصلك عنها سوا "زجاجة".
كما يمكنك دخول قاعة الإستكشاف في هذا المرفق"الديسكفري", و دخول سينما "آي ماكس"
4- شارع سالم المبارك : يعتبر القلب النابض لمدينة السالمية, و يضم اكثر من 10 مجمعات, و عدد كبير من المطاعم,المقاهي,الأسواق,دور السينما و غيرها...
5- مطاعم و مقاهي شارع الخليج العربي...حيث أن هناك مطعم في كل بضعة كيلومترات في هذا الشارع المميز.
6- الأماكن التراثية و المتاحف (متحف ديكسون-شارع الخليج, المتحف الوطني..الخ)+ سوق المباركية الأقدم في الكويت و يقع في قلب مدينة الكويت.

و العديد العديد.

وانا احب اشارك في ها الردود لاني اعتبر نفسي واحد من اهل ها البلد
لاتطوفك المجمعات الحلوه والجو الحلو والقعدات الشعبيه اللي على البحر وسوق الصفاة والاهم من هذا وهذا الشعب الطييييييب الحبوب الاخلاق

زعطوطه العجيبة : شكرا على الرد وبالعافية على المتاي :101:

soso swet: خليتيني اركز على سيزلر المشكل هذا .. لازم اطلبه .. ما قصرتي كفيتي ووفيتي..

Dhar: تسلم لي على الشرح والتفصيل الحلو .. خاطري اروح كل هذي الاماكن .. بس شكلها 3 ايام ماتكفي..:110::110:

سواح999 : والله صدقت .. فعلا ابصم على كلامك بالعشرة.. الكويتيين والبحرينين اهل واكثر..

بس تبون الصج .. انا كانت لي 5 محاولات ان ايي الكويت بس كلها بائت بالفشل .. سواء مع ربعي او مع الاهل.. دايما اخر الوقت يصيدني شي واعتذر .. اهمه يروحون وانا اقعد في البحرين ( مع انه انا اللي ارتب لهم السكن دايما )

ان شاء الله هالمرة تنجح المحاولة ببركة زوجتي :106:


مع اني اخاف اتكون الكويت ازحم من البحرين في العيد .. بس تغير جو زين:surf

السلام عليكم و رحمة الله



نبدي بال ..

الأسواق و المجمعات الكبيرة

الأفينيوز على امتداد الدائري الخامس ( الأكبر و الأحدث )
رابط لزيارتي للأفينيوز http://www.arabtravelersforum.com/travel155059/
سوق شرق بشرق
المارينا مول بالسالمية
المهلب بحولي
الكوت فحيحيل و لا تطوفكم القعده عالنافوره بهالجو الروعه

و بكل سوق في مطاعم و سينما

سوق المباركية سوق شعبي


المطاعم

ميس الغانم مشاوي
برج الحمام مشاوي
مغل محل هندي

مطاعم شارع الخليج

أس أس دانه للأكلات البحريه
بافلوز كافيه أمريكي ...
دجاج تكا مشويات ...
جوني كارينوز ايطالي
نينو .. فرايديز .. فدركرز .. لي نوتر ... أبل بيز.. تشيليز .. روبي تيوزدي
.........

و داخل كل سوق تحصل مطاعم و ان شاء الله ترضي كل الأذواق


أماكن تستحق الزيارة

أبراج الكويت
المركز العلمي ( سينما الأيماكس و الكورايوم )
المدينة الترفيهية بالدوحه


هذا جدول قدمته لأحد العضوات و ان شاء الله يعجبك







يوم المارينا :

روحو المارينا و تسووقو فيه و تغدو و ان شاء الله تستانسون بالكافيه شوب و بالتسوق
و بعدين روحو المركز العلمي و دشوو الأيماكس و بعدها الكورايوم
و اخر شي روحو تعشو باحد مطاعم اللي عالبحر

روحو المارينا + المركز العلمي + مطعم عالبحر


يوم الأفينيوز :

يبيله من الصبح و تقعدون فيه لي المغرب و راح ان شاء الله تستانسون فيه
في محلات و كافيهات و سينما و ايكيا و كارفور
+.. أي نشاط ودكم تسوونه

الأفينيوز + أي شي ودكم تسوونه


يوم الكوت او المهلب :

بهاليوم قعدو من اصبح و روحو المدينة الترفيهية
و بوقت المغرب روحو سوق ( المهلب او الكوت )
انا افضل الكوت لان الحين الجو حلو و هناك القعدات حيل حلوه
الكوت + و قعدو بالكافي شوب عند النافوره و الجو الحلو
و روحو سوق المنشر .. سوق اصغر من الكوت لكن يمه .. بينهم شارع بس
و عقبها روحو تعشو بمطعم .

المدينة الترفيهيه + الكوت و المنشر + مطعم


يوم سوق شرق

روحو سوق شرق و تغدو فيه
و بعدها روحو المباركيه و فيها قهوات شعبيه
و بعد ما تخلصون من المباركيه روحو مطعم ميس الغانم

سوق شرق + سوق المباركية + مطعم ميس الغانم





تحياتي لكم جميعا
زعطوطه

[IMG]http://www.arb-up.com/[/IMG]
وينعاد على الجميع بالصحه والعافيه

ماشاء الله ما خلو شي الاعضاء ما حطوه يعطيهم العافية
وحياك الله في الكويت

ممكن نسأل عن حالة الجو عدكم في الكويت ..؟؟

ان شاء الله ناوي انزل على العيد .. وابغي اعرف كيف الجو ..؟؟

يمنفع نلبس ابيض في ابيض ..؟؟

المشاركة الأصلية كتبت بواسطة uaeifm
http://www.arabtravelersforum.com/tr...0/#post1731780

ممكن نسأل عن حالة الجو عدكم في الكويت ..؟؟

ان شاء الله ناوي انزل على العيد .. وابغي اعرف كيف الجو ..؟؟

يمنفع نلبس ابيض في ابيض ..؟؟




الجو بارد يبيلك هدوم شتويه و خاصه بالليل



حياك الله بالكويت :101:

مرحبا يالزعطوطه

يعني ما ينفع بيوم العيد نلبس ابيض عدكم ؟؟؟

لأنه بصراحه عدنا في الامارات الجو بعده مب بارد .. ونحنا فصلنا كنادير ( دشاديش بيضا للعيد ) ؟؟؟

^ ^ ^ ^ ^ ^
لو تسمحلي اختنا زعطوطة بالإجابة...
والله إذا بتقضي كل الوقت في داخل المرافق
أعتقد راح يمشي الأبيض...

و لكن إن كنت بتقضي حتى لو وقت قليل بالخارج ما انصحك...
و المسألة ليست بمسألة بارد وايد أو شوي...!(ممكن يكون الجو مو بارد حيل)
المسألة مسألة تغير مفاجئ بدرجة الحرارة و اهو شي مو طيب ...بعيد الشر عن الجميع :d

تسلم يا اخوي .. انته والزعطوطه

ان شاء الله بناخذ جاكيتات معنا تحسبا للبرودة

حياك الله أخوي بالكويت :101: راح أقولك أحلى الأماكن اللي لازم تزورهم وفي منهم ذكروهم قبلي

أحلى المجمعات بالنسبه لي

الأفنيوز:أحلى وأكبر مجمع في الكويت وتلقى فيه كل شي وفيه سنما بعد.

مارينا مول:هذا المجمع بعد وايد حلو وفيه سنما بعد

سوق شرق:مجمع حلو وفيه سنما

مجمع الفنار:هذا قريب من المارينا وفيه سنما

مجمع المهلب: هذا المجمع على شكل باخره وفيه سنما

مجمع الكوت: مجمع كبير وفيه سنما

مجمع المنشر: خوش مجمع

مجمع الصالحيه:مجمع حلو حق الماركات العالميه

مجمع الرايه: هما فيه ماركات عالميه


المطاعم اللي أحب أروحهم:

ضروري تروح مطاعم البدع كلهم حلوين

مطاعم مارينا كريسنت

مطاعم اللي يم الشيراتون

من أكثر مطاعم اللبنانيه اللي أحبهم فيلا فيروز - أيام زمان-ميس الغانم

ومطاعم اللي على طول الخليج العربي متروس كل شوي يطلعلك مطعم

ووايد بعد بس ماني متذكره الحين وعلى فكره كل المجمعات اللي ذكرتهم قبل فيهم مطاعم