الموضوع: خبراء الامارات ابى برنامج لرحلتى لدبى

السلام عليكم
ارجو من كل لديه خبرة فى دولة الامارات مساعدتى فى وضع برنامج لرحلتى
علما باننى هذه أول مرة ازور فيها دبى ومعى اولادى وسوف تكون الرحلة من يوم الاربعا مساءا الى يوم الاثنين صباحا
يعنى يوم الاربعا والاثنين راح يضيعون ............. فما عندى غير الخميس والجمعه والسبت والاحد
وراح اعطيكم بعض النقاط ليتم وضعها بالاعتبار :
الرحلة للاولاد ويبون يروحون مدينة مدهش وحديقة زعيبل ومول الامارات ومول دبى ومدينة الرعب بالوافى ...... والباجى عليكم
والزوجة تبى مجمع ابو الهيل
علما باننى راح اسكن فى فندق مينك مارينا
وارجو وضع كل مجمعين بجانب بعض فى يوم واحد
ولكم منى كل الشكر
وعساه يكون فى ميزان حسناتكم

مواضيع عشوائيه ممكن تكون تعجبك اخترناها لك:

• ابى اشترى سياره من الشارقه دلونى
• الأماكن السياحية في أبو ظبي
• عيد الاضحى واستعدادات عالم فيراري أبوظبي
• مبروك الاشراف لمشرفنا كش ملك في بوابة الامارات
• الاختيار الامثل
• ساعدونيولكم الاجر؟؟؟؟
• الى عشاق الامارات اليكم طيران راس الخيمة
• يا أهل دبي و مرتاديها افيدوني؟
• قصر الإمارات يطلق مهرجان اللحظات الساحرة لجذب العائلات الخليجية
• فندق المنزل
• كم سؤال ينتظر اجوبتكم
• دبي جميلة ولكن
• ساعدوني انا جديد على دبي
• استفسار
• ممكن برنامج أسبوع في رأس الخيمة
• أضف معلوماتك
• فنادق قريبة من محطات المتروا
• سؤال بسيط دبي مول هل فيها كارفور ؟
• “دبي مول” يدعو زواره لـ”مهرجان المأكولات” طيلة شهر مايو
• الاعرب لنك بكم تجيبلي اسعار هالفندقين

لازم تسير الفستيفال سيتي....
لاتنسى الحديقه المائيه في اتلانتس..
واهم شي لا تنام الظهر.. اطلع الساعه 10 وارجع متى ما تبغي. المولات ماتسكر الظهر. اهم شي ونس عمرك

شكرا اخوى فهد على الرد
بس ياليت تقولون لى شنو المجمعات اللى يم بعض واقدر اروح لهم بيوم واحد

السلام عليكم
أنا مسافر دبي يوم الجمعة لين يوم الثلاثاء
فقولولي وين أحسن الاماكن السياحية

و شكراااااااااا

المشاركة الأصلية كتبت بواسطة صبحى1
http://www.arabtravelersforum.com/tr...2/#post3221212

شكرا اخوى فهد على الرد
بس ياليت تقولون لى شنو المجمعات اللى يم بعض واقدر اروح لهم بيوم واحد



الأخ العزيز صبحي, اول شي ارحب بك فالأمارات

المولات الي جنب بعض سوق البحار و دبي مول
والأمارات مول ما يبعد وايد بالسيارة عن دبي مول
كل المولات الي ذكرتها تقع على شارع الشيخ زايد وكذالك مركز ابن بطوطه

هلا بك اخوي بالنسبه لمدينه مدهش ومول دبي خلهم يوم واحد لانهم جنب بعضهم تقريبا حسب وصف الاخوان مع اننا مازرناها مركز وافي وحديقه زعبيل قريبه من بعض شوي ونصيحه اذا بتروح لحديقه زعبيل للتمشيه ماانصحك صح هي حلوه بس الجو بها الوقت حار ورطوبه بس اذا علشان بوابه النجوم لاتروح لها الا وانت متاكد انها فاتحه لاننا رحنا لها بشهر سبعه وكانت مسكره مو مفتوحه وجالسين يشتغلون فيها يعني ماخلصت اسال اهل الامارات عنها يمكن فتحت ولاتنسى السكي دبي مدينه الثلج في مول الامارات راح تنبسطون فيها كثير وحابه اضيف شي من خلال التجربه عندك مدينه الطفل في حديقه الخور روعه هي مدينه تعليميه ترفيهيه كلكم راح تنبسطون فيها صح انها للصغار بس حتى الكبار يستانسون فيها ولاتنسى النافوره الراقصه خلف مجمع دبي مول روعه خصوصا في الليل لاتفوتك تحياتي

انا مثلة لاكن وشي النافورة الراقصة احسها تضحك

السلام لا يفوتك النوافير في دبي مول والبراشوت في جميرا قدام الممشى والثلج في مول الامارات والاوت لت للمقاضي والله يحفظنا وياكم والمسلمين

اهم شي في مول دبي انك تشوف النافوره الراقصه....
شي خيالي لا يمل.. ولاتنسى تشوفها في الليل ولاتنسى تاخذ كاميرا معاك.......
تجربه ولا اروع واحسن من اللي في امريكا

اخوي صبحي
صباح الخير
اخوي شوف ها الرابط بس حاول تتصفح الموضوع كامل ما راح ياخذ منك كثير انا عامل برامج لكثير من الاخوان اعتقد من صفحه 6 وانت طالع - اقرا الموضوع راح تلقاء كل شي يهمك
بالنسبه لبو هيل ترا ما يسوي ما فيه الا عباءت وطرح واللي عندكم بالكويت احلي منه وموقعه عفسه وتحويلات-
هذا الرابط ويا رب يفيدك
وان بغيت شي انا حاضر اخوي

http://www.arabtravelersforum.com/travel279407/