الموضوع: فقط مـبـتـعـثـين نـيـوزلـنـدا

مرحبا أخواني اتمنى احد يقدر يجاوبني على هالأسئلة :

1- ايش الخطوات اللي اقدر اخلصها قبل مايصدر الضمان المالي ؟؟
2- ابغا مكاتب في الرياض تساعدني في الحصول على قبول من الجامعة في نيوزيلندا ؟؟ وكم تقريبا اسعارهم للي عنده خلفية عن الأسعار
3- هل ينفع اختار المعهد بكيفي ولا لازم يكون تبع الجامعة .. لأن المعهد اللي ابغاه في مدينة ثانية .. لأني جربته واعجبني
4- واخر سؤال انا دورت في موقع الوزارة على الجامعات النيوزيلندية اللي في تخصص طب بس ماحصلت اي خبر من موقع الوزارة ... هل لازم ادخل على جميع مواقع الجامعات النيوزيلندية علشان اعرف اي وحده فيهم

ويعطيكم العافية ياشباب وشابات على الجهد الرائع .. وربي يسهل للجميع

اخوووي دايم تبشرنا بالخير


بس ممكن تجيب لنا الرابط لا هنت بالغالي


الله يبارك بعمرك بشر عساك معانا بالبرنامج حق الابتعاث



هلا ليتوني الدبّي :109:

افا عليك .. انا اللي بسوق الطياره ان شاءالله :109:






الله يبشرك بالخير أخوي دفرنت

يعني أفهم من كلامك أنه جميع من أجروا معه مقابلة شخصية في الفهد كراون مقبول نهائي!!!



هلا اخوي حساان

ان شاءالله اعتبر نفسك مقبول نهائي وجهز اوراقك وقبولك من اليوم :24:







السلام عليكم يا اعضاء ..... اود ان استفسر عن مكاتب تجيب قبول جامعات في نيوزلاندا انا دورت الين ما تعبت واعتمت على نفسي بس مافي نتيجه الرجاء المساعدة لتخبروني بالمكاتب الجيده اغلبه خاص بأمريكا



عليكم السلام

بالنسبة للقبول يا متلهفه ماافيه اسهل منه ,, مايحتاج مكتب ولا شيء

الشغله والله العظيم بسيطه ,, الدعوة كلها ايميل وبس .. ليه انتم تعقدون الامور ؟؟

انا ارسلت ايميل للجامعه وطلبوا مني ارسل لهم صوره من الشهاده طبق الاصل ومصدقه

من وزاره الخارجية وصورة من جواز السفر وارسلتها لهم عن طريق البريد السعودي الممتاز

بـ 130 ريال و توصل لهم خلال اربع ايام بالكثير ..

اللي مستعجل يقدر يرسل لهم عن طريق الـ dhl

نصيحه لك يا متلهفه وفري فلوسك ترى الشغله ماتكلف شيء وبسيطه في نفس الوقت

حرام تدفعين اقل شيء 1500 على شيء تقدرين انتي تسوينه : (








فماهي الجامعه المناسبه لي والمعترف بها عشان اقدم عليها؟!

وماهي افضل طريقه للحصول على القبول وانهاء اجراءات التأشيره وخلافه



هلا اخوي خالد

صعبه يجي احد يشوف لك جامعه تناسبك !! انت اللي بتدرس وانت عارف التخصص حقك اكثر من غيرك

وبالنسبه للجامعات المعترف فيها .. هي 8 جامعات موجوده في المنتدى و موجوده في

موقع وزارة التعليم العالي : )

افضل طريقه للحصول على القبول هي نفس كلامي للأخت متلهفه

الدعوة سهله وبسيطه راس مالها ايميل وكل شيء منتهي : )


تمنياتي للجميع بالتوفيق

يعطيك العافية اخوي ديفرنت .. من جد انت سو ديفرنت

اخوي انا عندي كم استفسار واتمنى انك تجاوبني عليها :

1- وش الأشياء اللي اقدر اخلصها قبل مايصدر الضمان المالي .. علشان توفير الوقت ؟؟
2- انا راح ادرس لغة في معهد .. هل هذا المعهد تبع الجامعة ولا مافي مشكلة اي معهد .. لأني بصراحة انا جربت معهد في مدينة ثانية (غير المدينة اللي فيها الجامعة ) وابغا دراستي للغة تكون فيه ..بس ماادري كيف الطريقة .. ؟؟؟؟
3- هل اقدر اوصل الى اخر خطوة في الحصول على القبول بدون الضمان المالي او ماقدر اعبي نموذج طلب القبول الا ومعي الضمان المالي ... وكيف يعرفوا انه معي ضمان مالي .. ؟؟؟
ونفس الشي للمعهد .. كيف راح اراسلهم وانا مامعي الضمان المالي ؟؟

واتمنى منك انك توضح لنا طريقة الحصول على قبول بشوية تفاصيل ..بصراحة هذا الشي المهم واللي انا خايف منه .. لأني سمعت ان فيه طلاب راحت عليهم بعثاتهم بسبة هالقبول


تقبل تحية أخوك
The Days

اوراق القبول وتجهيز الجامعة اللي فهمتة وعرفتة وقريتة من المنتدى والصحف ان الوزارة راح تسعى بهذا الشيء


صح ولا نئــه يا اخ ديفرنت



احترامي الكــ



دي

دي


ليتوني الدوووبي

هلا بالغالي The Days :101:






1- وش الأشياء اللي اقدر اخلصها قبل مايصدر الضمان المالي .. علشان توفير الوقت ؟؟



اول شيء تقدر تخلصه تجيب لك قبول مبدئي من الجامعه ومعهد اللغه ,, والشغله هذي بسيطه

الدعوة كلها ايميل بس ,, وبعد الايميل يرسلون لك ابلكيشن القبول تعبي النموذج وترسله

مع شهادتك لهم عن طريق البريد السعودي الممتاز او عن طريق الـ DHL






2- انا راح ادرس لغة في معهد .. هل هذا المعهد تبع الجامعة ولا مافي مشكلة اي معهد .. لأني بصراحة انا جربت معهد في مدينة ثانية (غير المدينة اللي فيها الجامعة ) وابغا دراستي للغة تكون فيه ..بس ماادري كيف الطريقة .. ؟؟؟؟



اذا تبي نصيحتي لك اسمعني :11ight:

انا كنت بسوي نفس الشيء مثلك بس فكرت فيها قلت ياولد معهد الجامعه احسن و اقوى ومعترف فيه

غير كذا ممكن لما تدرس في معهد ثاني غير معهد الجامعه كل اسبوع يطبون عليك جنسيات جديده

والاهم من هذا كله لما تدرس في معهد غير معهد الجامعه اذا جيت تدخل الجامعه لازم تسوي

اختبار اللغه اللي هو الايلتس او التوفل عشان تقدر تدخل الجامعه

وغير كذا يمكن المعهد اللي انت تبيه يمكن معهد تجاري وغير معترف فيه من التعليم النيوزلندي

ويمكن لما تجيب القبول حقهم ترفضه وزاتنا الموقره :105:

بس لما تدخل معهد الجامعه اول شيء بتكون علاقات مع اعضاء هيئة التدريس

ثاني شيء اذا خلصت اللغه بتكون نتيجه قبولك سهله في الجامعه ولا راح

يدققون عليك في اختبار التوفل او الايلتس :11ight:

اقولك الكلام هذا من اللي صار معي لما راسلت الجامعه قالوا لي اذا درست عندنا اللغه

بتكون اجراءات قبولك في الجامعه سهله ولا راح ندقق ونشدد عليك في اختبار الايلتس :11ight:

عاااد في النهايه الامر راجع لك ,, بس نصيحه لك ادخل معهد الجامعه احسن و اضمن :11ight:







3- هل اقدر اوصل الى اخر خطوة في الحصول على القبول بدون الضمان المالي او ماقدر اعبي نموذج طلب القبول الا ومعي الضمان المالي ... وكيف يعرفوا انه معي ضمان مالي .. ؟؟؟
ونفس الشي للمعهد .. كيف راح اراسلهم وانا مامعي الضمان المالي ؟؟



شف يا طويل العمر انا تقريبا الان خلصت تقريبا مابقى لي الا الضمان المالي

ابسدح لك الحين سالفتي وخذ منها اللي يعجبك واللي مايعجبك خله هنا :109:

طبعا الجامعات المعترف فيها 8 جامعات لفيت عليها كلها واخترت لي وحده

طبعا انا معاي دبلوم من الكلية التقنيه ,, اول خطوه تسويها ياطويل العمر اذا كنت مثلي دبلوم

تصور شهادتك الثانوي والدبلوم كم نسخه عربي وانجليزي وتصدقها من الكليه بالنسبه للدبلوم وتصدقها من

ادراه التعليم بمنطقه الرياض اذا كنت مخلص الثانوي بالرياض وبعد كذا تطير لوزاره الخارجية تصدقها بعد

هذي الخطوه الاولى سهله ولا فيها شيء وتخلصها في يوم واحد اذا قمت بدري :101:


الخطوة الثانيه ياطويل العمر انا ارسلت ايميل للجامعه وقلت لهم بأني ابي ادرس عندكم وانا مبتعث

من وزراة التعليم العالي بالسعودية ومعي شهادة دبلوم وش الاوراق اللي تطلبونها مني ؟

اقل من يوم وهم رادين عليّ وقالوا ارسل لنا صورة مصدقه من شهاده الثانوي باللغه العربيه والانجليزيه

وصورة من شهاده الدبلوم والسجل الاكاديمي ( الدرجات والمواد اللي درستها ) باللغه العربيه والانجليزيه

بتقول انت او غيرك وش يبون في اللغه العربيه ؟ :109: بقول مدري بس يمكن يطابقون الدرجات

وطلبوا من صورة للجواز ,, وتدفع رسوم قبول للجامعه قيمتها 60 دولار نيوزلندي تدفعها عن طريق

فيزا او ماستر كارد او حواله بنكيه


بعدها ارسلت ايميل وقلت له انا لغتي ضعيفه مره قام ورد علي قال ماعليك نسجلك في معهد لغه الجامعه

واذا سجلت عندنا اعتبر نفسك مقبول في الجامعه بعد ماتخلص اللغه :11ight:

طبعا نموذج الابلكيشن حق تسجيل الجامعه موجود في نفس الموقع ونفس الشيء لمعهد اللغه كل شيء

بتلقاه في موقع الجامعه واذا مالقيت شيء اخرشهم بايميل وعلى طول يردون عليك :11ight:

المهم انا عبيت الابلكيشن وحطيت بياناتي كامله وانتبه اهم شيء للأسم لازم يكون نفس اللي في الجواز

طبعا في اخر النموذج كتبت لهم رقم الفيزا عشان يسحبون منها الـ 60 دولار اللي هي تبع رسوم التسجيل

المهم بعد هذا كله نقزت للبريد السعودي الممتاز واحط اوراقي بوسط ظرف وارسلهم لهم وصلت لهم اعتقد

بعد اربع ايام ثم عقبها ردوا علي بايميل قالوا شكرا اوراقك وصلت وعطوني رقم جامعي وقالوا خلال فتره

بسيطه نبي نرد عليك ونعلمك ان شاءالله

ادري طولت بالكلام عليكم :109: بس عشان تكون الصورة واضحه للجميع :11ight:


الى الان اموري انا تمام بس باقي لي معهد اللغه مابعد ارسلت لهم الابلكيشن لان فيه شروط مع العائله

ماعجبتني وبرسل لهم ايميل وبعطيهم شروطي وبحاول اخلصها خلال هالاسبوع ان شاءالله

واي سؤال انا حاضر لايردك الا لسانك :101:





ليتوني الدبّي صديقي :109:







اوراق القبول وتجهيز الجامعة اللي فهمتة وعرفتة وقريتة من المنتدى والصحف ان الوزارة راح تسعى بهذا الشيء


صح ولا نئــه يا اخ ديفرنت




اذا كنت ماتقدر تجيب قبول من نفسك تروح للوزارة وهي تساعدك

بس انت احسبها معي الف واحد غيرك بيروح للوزارة ,, غير كذا رايح وجاي للوزارة

بتصير الدعوة حوسه ولخبطه ويمكن الوزارة تأخرك

اذا انت فاضي تقدر تروح للوزارة وتسئلهم عن الطريقه وكم تاخذ وقت


بالتوفيق للجميع :106:

والله محتاره يا اخوان جاني مسج من مكتب يجيب قبول بي مدة 3 الى 6 اسابع على نيوزلاندا و بي 600 ريال وكمان قبول المعهد وشرايكم؟؟؟؟ انا بنت وماينفع اطامر من مكاتب الى مكتب ادور الراحه ... مو احسن لي؟؟؟؟

المشاركة الأصلية كتبت بواسطة متلهفه


والله محتاره يا اخوان جاني مسج من مكتب يجيب قبول بي مدة 3 الى 6 اسابع على نيوزلاندا و بي 600 ريال وكمان قبول المعهد وشرايكم؟؟؟؟ انا بنت وماينفع اطامر من مكاتب الى مكتب ادور الراحه ... مو احسن لي؟؟؟؟



هلا اختي متلهفه : )

والله براحتك اذا فلوسك كثيره :109: ( ما شاءالله وعسى ربي يزيدك ) اتفقي مع احد

المكاتب يخلص لك اجراءات القبول : )


بس احب اقول لك المطامر فيك فيك :109: سواء المكتب جاب لك قبول

او انتي من نفسك جبتي قبول : ) .. بتقولين كيف المطامر انا اقولك كيف

عشان تاخذين فيزا دراسية لازم تسوين كشف طبي و تجيبين ورقة من الشرطة

بانه ماعليك اي جريمه جنائيه :109: ,, عشان كذا استعدي للمطامر من الان :109:


بالتوفيق للجميع : )

هلا خيو ديفرنت

يعطيك العافية على مجهودك ... بس حبيت اسألك عن سالفة ترجمة الشهادة الثانوية للإنجليزي وسالفة تصديق الشهادة من وزارة الخارجية ... ممكن شوية تفصيل لهالنقطتين يالغالي

خيك

اخي الكريم ديفرنت

اشكرك على جهودك في هذه البوابة و خدمتك لاخوانك المبتعثين

تحية و تقدير

اخوك
فتى الشرقية

هلا اخوي The Days






يعطيك العافية على مجهودك ... بس حبيت اسألك عن سالفة ترجمة الشهادة الثانوية للإنجليزي وسالفة تصديق الشهادة من وزارة الخارجية ... ممكن شوية تفصيل لهالنقطتين يالغالي



شف ياطويل العمر السالفه بسيطه وسهله : )

اذا كنت انت متخرج ثانوي اكيد شهادتك بتكون باللغه العربيه : )

عشان تقدم للجامعات في نيوزلندا لازم تقوم بترجمه شهادتك الى اللغه الانجليزيه عشان ترسلها لهم

يعني المواد اللي درستها والدرجات وكل اللي في الشهاده يتم ترجمته الى اللغه الانجليزيه : )

طبعا اذا كنت دارس الثانوي بالرياض تروح الى ادارة التعليم بمنطقه الرياض اللي في شارع الجامعه

وتقول لهم ابي اترجم شهادتي ,, و اذا كنت من اهل الشرقية تروح لأدارة التعليم بمنطقة الشرقيه

يعني كل واحد يروح لادارة التعليم التابعه لمنطقته .. مو يجي واحد من اهل الشمال ويقول انت ياديفرنت

قلت تعالوا لشارع الجامعه اللي في الرياض :109:


اذا رحت بدري الصباح يخلصونها لك قبل الظهر ان شاءالله

بعد مايترجمونها لك صورها صورتين وخلهم يوقعونها لك انها طبق الاصل

واذا ماعرفت شيء هناك ,, اقرب موظف تشوفه اسئله وخش في عينه عادي لاتستحي من احد :109:

بعدها تروح لوزارة الخارجية في قسم اسمه قسم التصاديق وتصف

سرى مع العالم ويختمون لك الشهادة وخلهم بعد يختمون لك الصور


بس لازم تروح الصبح لان الفتره اللي بعد صلاة ظهر خاصه بالمراجعين اللي جايين من برى الرياض : )

واي سؤال انا حاضر لا يردك الا الكيبورد : )

بالتوفيق يابطل : )








اخي الكريم ديفرنت

اشكرك على جهودك في هذه البوابة و خدمتك لاخوانك المبتعثين

تحية و تقدير

اخوك
فتى الشرقية



هلا بـ عمّنا فتى الشرقية :106:

بالعكس انا ماسويت الا الواجب .. وهذا اقل شيء اقدر اقدمه لهذا المنتدى الغالي

و لاخواني المبتعثين ,, و احنا بالخدمه اي وقت ياغالي :24:

اجمل تحيه لك اخوي فتى الشرقية .. وشكرا على الاطراء :106: .. وعسااك دوم على القوة : )

دمت بــ ود : )

تسلم يالغالي ويعطيك الف عافية ... واذا انجزت هالاومبوسيبل ميشن عطيتك خبر وقلتلك وش صار معي

الف تحية لك

عدنا بعد غيبه :101:

اخر الاخبار من الوزارة ان اعلان اسماء المقبولين نهائيا بيكون هذا الاسبوع

و بحد اقصى يوم السبت القادم ان شاءالله :24:


اي شخص يواجه مشكله في قبول الجامعات انا مستعد اخدمه باللي اقدر عليه ان شاءالله

والسالفه جدا سهله يا شباب ولا تحتاج تعقيد ولا شيء : )








واذا انجزت هالاومبوسيبل ميشن عطيتك خبر وقلتلك وش صار معي




ماقلت لي وش صار معك The Days ؟؟

عسى الامور كلها تمام ان شاءالله : )

هلا اخوي ديفرنت

أنا كل يوم أشيك ومااحصل رد لك .. والحمدالله رجعت لنا سالم

ياطويل العمر انا أصتي أصه .... يوم نويت اني اسوي الخطوات اللي قلتلي عنها ،،، إلا البعثات ارسلوا لي موعد مقابلة مع وفد من الجامعة تبع القبول ،، انا بصراحه تخربطت قلت خلني اشوف وش نهايتها

هذا نص رسالتهم على جوالي :
"مقابلة اللجنة الطبية مجالات طبية نيوزيلندا الجمعة 4 ظ فندق الفهد كراون"

طبعا انا قلت اكيد ان هالمقابلة خاصة بتخصص الطب لدولة نيوزيلندا ،، المهم رحت يوم الجمعة
دخلت وحصلت تقريبا عشر طلاب (كلهم طب وفي نيوزيلندا ) عطونا اوراق عليها شعارات جامعة اوكلاند
انا عرفت ان السالفة سالفة قبول من الجامعة ،، المهم عبينا النماذج وبعدها عطونا نموذج اسئلة (تحديد مستوى اللغة من معهد تبع جامعة اوكلاند) انا قلت تمام ،، وحلينا تقريبا 30 سؤال
بعدها قالوا تجهزوا راح ندخلكم واحد واحد على شخصين من جامعة اوكلاند علشان يقابلونكم
استعديت ودخلت ،، كان على يميني شخص عربي يترجم اي شي مااعرفه (طبعا الحمدالله مااحتجته ابدا)
سألوني كم سؤال عام عن وضعي مع الطب وليش ابغا الطب وعندي استعداد للدراسة برا ولا لا (اسألة مقابلة عادية) المهم طلعت وقالي المترجم نعطيكم الجواب بكرا ان شالله هل طلع لكم قبول ولا لا ،،، طبعا المترجم هذا بنفس الوقت هو المسؤال ( يعني هو المكتب المفوض من قبل الوزارة علشان يجيب للطلاب قبول) للأسف كانت اخلاقه مش ولابد مع الشباب (طبعا لأنه مو سعودي ولا يبغا الخير لهالوطن)

المهم انا طلعت من المقابلة وفرحان وحاس اني مقبول خلاص
لعدة اسباب
1- لغتي الحمدالله كويسه مره ،، حتى هم استغربوا منها وسألوني عن السر وقلتلهم اني قبل شهر راجع من نيوزيلاند
2- جاوبت على كل الأسئلة بكل أريحية وهدوء ،، ومااحتجت المترجم ابدا في اي شيء
3- قلتلهم ان لي صديق يدرس طب هناك والحين هو في السنه الرابعه ،، يعني فهمتم ان عندي معلومات كاملة عن وضع الدراسة هناك (حتى هم اعجبتهم النقطه هذي )
4- قلتلهم ان عندي خلفية عن العلوم الصحية لأني درست هينا مدة سنة ،، والحين ابغا اقدم على البعثات (وهم اعجبهم ان درست هينا عن الطب واخذت معلومات كافية)

فكان عندي أمل كبير ،،، لكن (ولكن هذي هي المصيبة ) فاجأني احد الموظفين اللي كانوا في الفندق بعد ماخلصت المقابلة وقال " ترى مايبغون الا 15 طالب بس "

انا انصدمت صراحة حسيت ان العدد قليل وأمل حصولي على قبول ضعيييييف مررررررررره
وفعلا دقيت عليهم امس وقالوا لي طلع 15 اسم ،، واسمي مو معهم



ارسلولي موعد مقابلة جامعة اوتاغوا ،،، ورحت اليوم لنفس الفندق وعملت مقابلة لجامعة اوتاغو مع وفد ثاني ،،،، كان اصعب وامر ،، عطونا اختبار رياضيات واحياء وكيمياء 30 سؤال وبعدها تكتب تعبير في صفحتين كل هذا في ساعة وحدة بسسسسسسسس

حليت وحلي كان كويس ،،،، (طبعا هم حاطين شرط دخولك في المقابلة هو حلك في الأختبار)

صححوا الأوراق ،، وقالي الاردني المترجم درجتك واطية ،،، مع اني متأكد من حلي ،،، واللي متأكد منه اكثر ،، ان فيه واحد من الشباب مايدري وش الطبخة لدرجة انه قالي " والله ان التعبير ماكتبت الا ثلاث جمل والاسئلة حقت الأحياء والكيمياء حليتها بالتخمين " ومع كل هذا دخله الأردني على المقابلة

والله حسيت بالظلم ياناس ،، هالأردني ماسك الدعوه وكأنه يتمنن علينا ،،، وياليت معه حق بعد لأنه جاه واحد مع ولده وقاله كلمتين ودخله بدون اي اعتراضات

مادري وش اسوي ،، ياليت اخوي ديفرنت تشيك على معارفك وتحاول تفهم وضع طلاب طب نيوزيلندا وترد علي


انا بنتظار ردك

حراام والله .. طيب وكيف نتيجتك بجامعة اوتاقو؟؟ اكدوا لك انها لا؟! ....
ان شاالله كل الخير

طيب يعني حنا بعد حقين الهندسه بيمرمطون فينا بعد

خيرة وانا اخوك اذا ما انكتب لك شيء


والله يستر حنا بعد لا يبهذلونا يا طلبة الدبلوووم


احترامي الكـ


دي

دي

ليتوني الدووبي

الله يكتب اللي فيه الخير للجميع ان شالله

ايه على كلام الأردني ،، تخيلوا ياناس بعثة من خادم الحرمين الشرفيين ومسؤولة عنها وزارة التعليم العالي ،، يصير فيها كل هذا

انا على بالي راح احصل دكاترة سعوديين مشرفين على كل شي ،، لكن للأسف هذا الواقع

اللي اعرفه ان هالاجراءات بس لطلاب نيوزيلندا تخصص الطب ،، يعني اي طب ثاني امريكا ، استراليا ، ماليزيا ..الخ ماعليهم شي

امس سمعت خبر من واحد مدرس يقول ولد حارتنا امس شايفة متكشخ رغم انة يعرف الولد زين


قال انة خريج السنة هذي ومقدم على البعثات وامس كانت رحلتة لاستراليا انا يوم قاله قالتلة لا شعورياً عطني رقمة قال هوة في الجو بس راح اجيب رقمة اذا وصل وتسئلة


شيء يقهر اذا طلع بالواسطة


احترامي الكم


دي

دي

ليتوني الدوووبي

المشاركة الأصلية كتبت بواسطة ليتني همك !!


خيرة وانا اخوك اذا ما انكتب لك شيء
والله يستر حنا بعد لا يبهذلونا يا طلبة الدبلوووم
احترامي الكـ
دي
دي
ليتوني الدووبي



هذا وهو مقدم على الدكتوراة شلون حنا ياللي مقدمين على البكالريوس ومامعنا الا دبلوم

الله يستر:114: :114: :114:

المشاركة الأصلية كتبت بواسطة The Days


هلا اخوي ديفرنت
أنا كل يوم أشيك ومااحصل رد لك .. والحمدالله رجعت لنا سالم
ياطويل العمر انا أصتي أصه .... يوم نويت اني اسوي الخطوات اللي قلتلي عنها ،،، إلا البعثات ارسلوا لي موعد مقابلة مع وفد من الجامعة تبع القبول ،، انا بصراحه تخربطت قلت خلني اشوف وش نهايتها
هذا نص رسالتهم على جوالي :
"مقابلة اللجنة الطبية مجالات طبية نيوزيلندا الجمعة 4 ظ فندق الفهد كراون"
طبعا انا قلت اكيد ان هالمقابلة خاصة بتخصص الطب لدولة نيوزيلندا ،، المهم رحت يوم الجمعة
دخلت وحصلت تقريبا عشر طلاب (كلهم طب وفي نيوزيلندا ) عطونا اوراق عليها شعارات جامعة اوكلاند
انا عرفت ان السالفة سالفة قبول من الجامعة ،، المهم عبينا النماذج وبعدها عطونا نموذج اسئلة (تحديد مستوى اللغة من معهد تبع جامعة اوكلاند) انا قلت تمام ،، وحلينا تقريبا 30 سؤال
بعدها قالوا تجهزوا راح ندخلكم واحد واحد على شخصين من جامعة اوكلاند علشان يقابلونكم
استعديت ودخلت ،، كان على يميني شخص عربي يترجم اي شي مااعرفه (طبعا الحمدالله مااحتجته ابدا)
سألوني كم سؤال عام عن وضعي مع الطب وليش ابغا الطب وعندي استعداد للدراسة برا ولا لا (اسألة مقابلة عادية) المهم طلعت وقالي المترجم نعطيكم الجواب بكرا ان شالله هل طلع لكم قبول ولا لا ،،، طبعا المترجم هذا بنفس الوقت هو المسؤال ( يعني هو المكتب المفوض من قبل الوزارة علشان يجيب للطلاب قبول) للأسف كانت اخلاقه مش ولابد مع الشباب (طبعا لأنه مو سعودي ولا يبغا الخير لهالوطن)
المهم انا طلعت من المقابلة وفرحان وحاس اني مقبول خلاص
لعدة اسباب
1- لغتي الحمدالله كويسه مره ،، حتى هم استغربوا منها وسألوني عن السر وقلتلهم اني قبل شهر راجع من نيوزيلاند
2- جاوبت على كل الأسئلة بكل أريحية وهدوء ،، ومااحتجت المترجم ابدا في اي شيء
3- قلتلهم ان لي صديق يدرس طب هناك والحين هو في السنه الرابعه ،، يعني فهمتم ان عندي معلومات كاملة عن وضع الدراسة هناك (حتى هم اعجبتهم النقطه هذي )
4- قلتلهم ان عندي خلفية عن العلوم الصحية لأني درست هينا مدة سنة ،، والحين ابغا اقدم على البعثات (وهم اعجبهم ان درست هينا عن الطب واخذت معلومات كافية)
فكان عندي أمل كبير ،،، لكن (ولكن هذي هي المصيبة ) فاجأني احد الموظفين اللي كانوا في الفندق بعد ماخلصت المقابلة وقال " ترى مايبغون الا 15 طالب بس "
انا انصدمت صراحة حسيت ان العدد قليل وأمل حصولي على قبول ضعيييييف مررررررررره
وفعلا دقيت عليهم امس وقالوا لي طلع 15 اسم ،، واسمي مو معهم
ارسلولي موعد مقابلة جامعة اوتاغوا ،،، ورحت اليوم لنفس الفندق وعملت مقابلة لجامعة اوتاغو مع وفد ثاني ،،،، كان اصعب وامر ،، عطونا اختبار رياضيات واحياء وكيمياء 30 سؤال وبعدها تكتب تعبير في صفحتين كل هذا في ساعة وحدة بسسسسسسسس
حليت وحلي كان كويس ،،،، (طبعا هم حاطين شرط دخولك في المقابلة هو حلك في الأختبار)
صححوا الأوراق ،، وقالي الاردني المترجم درجتك واطية ،،، مع اني متأكد من حلي ،،، واللي متأكد منه اكثر ،، ان فيه واحد من الشباب مايدري وش الطبخة لدرجة انه قالي " والله ان التعبير ماكتبت الا ثلاث جمل والاسئلة حقت الأحياء والكيمياء حليتها بالتخمين " ومع كل هذا دخله الأردني على المقابلة
والله حسيت بالظلم ياناس ،، هالأردني ماسك الدعوه وكأنه يتمنن علينا ،،، وياليت معه حق بعد لأنه جاه واحد مع ولده وقاله كلمتين ودخله بدون اي اعتراضات
مادري وش اسوي ،، ياليت اخوي ديفرنت تشيك على معارفك وتحاول تفهم وضع طلاب طب نيوزيلندا وترد علي
انا بنتظار ردك



والله مدري وش اقول لك بصراحه .. شيء يقهر من جد :112:

بس عندي سؤال ابي اتاكد منه !!

انت مقدم على بعثات الملك عبدالله او مقدم على بعثات المتميزين

لان الثنتين فيها فرق كبير : ) وعشان توضح الصورة اكثر

بعثات الملك عبدالله تشمل امريكا واستراليا ونيوزلندا ودول شرق و جنوب اسيا

وكانت تخصصاتها : محاسبه - تسويق - تمويل - تمريض - طب - تجاره الكترونيه - حاسب الي - هندسه

وغيرها من التخصصات

اما بعثات المتميزين تشمل دول اوربيه مثل بولندا و ايرلندا والمجر وهولندا وفرنسا وغيرها

وكانت تخصصاتها = الطب و القانون واعتقد هندسه


ان شاءالله تكون لك خيره .. خل املك وثقتك بالله كبيره :101:

هلا أخوي ديفرنت

انا مقدم على بعثات الملك عبدالله


وربك يكتب اللي فيه الخير

هلا بالغالي The Days

بصراحه غريبه !!

اللي اعرفه ان المقابلات الشخصية لطلاب نيوزلندا هم اللي مقدمين على برنامج المتميزين :114:


ولكن احب اقولك اذا انت مقدم ماجستير او دكتوراة ان شاءالله انك من المقبولين :24:

تفائل بالخير وانا اخوك والامور كلها تساهيل ان شاءالله :24:

لا يالغالي اي ماجستير

انا مقدم على بكالوريس علشان كذا ضايق صدري


طيب هل هذا معناه انه ماراح ينزلي ضمان مالي ،،، طيب لنفرض انه نزل الضمان المالي هل اقدر اروح للوزارة واغير التخصص .. يعني اخليه هندسة كمبيوتر مثلاً ولا بعد مافي أمل

شباب عندي سؤال اذا تكرمتوا

البعثة بداية كل عام دراسي جديد ولا كل سمستر ؟

هي قبل العام الدراسي بفترة علشان كورسات اللغة وعشان الواحد يجتاز اختبار الايلتس ويدخل الجامعة مع السنة الدراسية الجديدة!

طيب أقدر اختبر الايلتس في بلدي عشان اوفر وقت الدراسة هناك ؟

المشاركة الأصلية كتبت بواسطة The Days


لا يالغالي اي ماجستير
انا مقدم على بكالوريس علشان كذا ضايق صدري
طيب هل هذا معناه انه ماراح ينزلي ضمان مالي ،،، طيب لنفرض انه نزل الضمان المالي هل اقدر اروح للوزارة واغير التخصص .. يعني اخليه هندسة كمبيوتر مثلاً ولا بعد مافي أمل



كوويس كلنا بكالريوس :109:

تطمن يالغالي وكل الامور تساهيل ان شاءالله : )

بالنسبه لتغيير التخصص تقدر تغيره اذا رحت هناااك في نيوزلندا ان شاءالله

يعني مافيه مشاااكل .. ابد توكل على ربك وبتتسهل الامور ان شاءالله :24:



الغالي VIP900






طيب أقدر اختبر الايلتس في بلدي عشان اوفر وقت الدراسة هناك ؟



اعتقد لو تروح للوزارة او تتصل عليهم يكون افضل لك : )

المشاركة الأصلية كتبت بواسطة vip900


طيب أقدر اختبر الايلتس في بلدي عشان اوفر وقت الدراسة هناك ؟



طبعا تقدر تسويه في احد المعاهد المعترف بشهادتها عالميا ... بس ترى دراسة اللغة بنيوزيلاند او بأي بلد يتلكلم انجلش تكون احسسسن ... عشان تكون على الاقل تعودت على طريقتهم وسرعتهم بالكلام قبل ماتدخل الجامعة ... ولكن استفسر من الوزارة احسن ..
لانهم بيقولوا لك سووا لغة على كل حاال .. هم دافعينها دافعينها:101:

هااااااه ياشباااااب وصبااااياا

مستعدين اليوم :109:

اليوم ان شاءالله الخميس ممكن وبنسبة كبيرة جداا الاعلان عن اسامي المقبولين نهاائياا ان شاءالله :24:

وان صاار فيه تأخير فهو بيكون الى يوم السبت كحد اقصى مثل ماذكرت لكم سابقاا

توكلوا على الله واليوم ان شاءالله نبارك لبعض بالقبول النهائي بأذن الله : )


بالتوفيق للجميع : )

ديفرنت
الله يعين اذا طلع شيء علمنا
ولك دعوه من صميم القلب

ياشباب دخلت على موقع الوزارة اليوم ومافي شي

وبعدين حصلتهم حاطين تحذير بالأحمر عن التعامل مع المكاتب الغير مرخص لها للحصول على قبول من الجامعات

وش السالفة ياللي عنده خلفية عن هالتحذير ؟؟؟

بتكون معي اليوم الوطني وتصير الفرحة فرحتين وصدقني يا دفرنت لو طلع اسمي لك مني عشوة وبأي مطعم تريدة لانك محمسنا حبتين



تراني عند وعدي


احترامي الكــ

دي


دي


ليتوني الدوووبي

السلام عليكم جميعا

للأسف الشديد .. تم تأجيل موعد اعلان الاسماء النهائيه الى الاسبوع القادم

وكالعاده لاجديد .. تخبط واضح من الوزارة الله يخلف عليها بس

هذا نص الخبر منقول من الاخ زامل العثمان احد موظفين الوزارة وترااه رجال طيب






كان الموعد المفترض والمجدول له من الوزارة هو كما يعلم الجميع 2/9/2006م ..

ولكن طرأت أمور تم تأجيل الإعلان بسببها وهي :

- الأخطاء الشنيعة في أسماء المرشحين مبدئياً .. مما حدا بالوزارة أن تفتح باب الاعتراض للطلبة الذين لم يترشحوا ليتقدموا باعتراضهم لدى الوزارة لمدة أسبوعين ..

- فرز مستندات ووثائق المعترضين لترشيح المستحقين منهم ..

- تكليف فريق عمل لاستلام وثائق من تم ترشيحهم من المرشحين من المعترضين وأيضاً فريق عمل آخر لعمل المقابلات الشخصية لمن تم قبول اعتراضهم من طلبة البكالوريوس (بنين) .. وكان ذلك في الفترة 2-3/9/2006م .. أي في نفس اليوم الذي من المفترض إعلان الأسماء النهائية فيه ..

- بعد استلام الوثائق والمستندات من اللجنة التي كانت تعمل في فندق الفهد كراون - وهي لجنة مكلفة من معهد الملك عبدالله للبحوث والدراسات الاستشارية - كان من المفترض اعتماد نتائجها وإعلان الأسماء النهائية الأسبوع الماضي .. ولكن !!
تبين أن هناك أخطاء غير طبيعية وقعت بها تلك اللجنة حيث تبين عدم ترشيح بعض الطلبة الذين يستحقون الترشيح (وهم كثر) وترشيح بعض الطلبة الذين لايستحقون الترشيح (وهم قلة) مثل ترشيح طالبة غير سعودية للبعثة !!!! أو عدم ترشيح طالب بسبب نقص صورة من جواز سفره .. لاتعليق ..

- وبسبب ذلك تم تكليف لجنة أخرى وصل عدد أعضاءها إلى عشرين عضو بإعادة فرز وتدقيق تلك المستندات لكي لايتم ظلم أحد من الطلبة ..

- تبين بأن هناك طلبة تحتاج وثائقهم إلى معادلة .. حيث أن شهاداتهم صادرة من خارج المملكة .. فكان يجب البت في أمرهم أولاً ..

- سيتم غداً إن شاء الله الجمعة إعتماد الأسماء النهائية وبانتظار رد إدارة المعادلات في أمر معادلة شهادات الطلبة المتخرجين من جامعات خارج المملكة ..

وبهذا يكون إعلان الأسماء النهائية نهاية الأسبوع القادم إن شاء الله أو قبله ..

ولايستطيع أحد أياً كان أن يحدد التاريخ باليوم عن الإعلان النهائي ..

وفق الله الجميع لما يحبه ويرضاه ..

والسلام عليكم ورحمة الله وبركاته ..



الصبر زييييين :24:

مشكووووووووووور
وفعلا اسم على مسمى

لكن اش قصة التحذير اللي على موقع الوزارة ؟؟؟؟؟؟

المشاركة الأصلية كتبت بواسطة ابو عبير


مشكووووووووووور
وفعلا اسم على مسمى
لكن اش قصة التحذير اللي على موقع الوزارة ؟؟؟؟؟؟




هلا والله ابو عبير : )

بالنسبة للتحذير الله يسلمك .. الوزارة تنصح الطلاب انهم مايروحون

للمكاتب التجارية


من اجل الحصول على قبول في جامعات دول الابتعاث ..

لان اغلب المكاتب وبنسبة 95% هدفهم ماادي بحت : (

عشاان كذا الوزارة قررت انها تفتح مركز قبول في الوزارة لخدمة الطلاب المبتعثين

وتجيب للطالب قبول الجامعه وقبول معهد اللغه وكل هالخدماات مجانية :24:


اما الطالب اللي يبي يجيب قبول من نفسه كيفه او يبي يجيب من مكاتب تجاريه بكيفه

بس لايجي بعدين ويجلس يصج الوزارة ويقول ان المكتب الفلاني ضحك عليّ

او هو سبب تأخيري .. عشان كذا الوزارة تضرب عصفورين بحجر

الاول هو خدمه الطلاب وتكون مسئوله عن قبولهم

الثاني لو الطالب اعتمد على مكتب تجاري وتأخر .. الوزارة هنا مايكون عليها مسئوليه

والطالب يتحمل المسئولية كاامله : )


ادري اني طولتها وهي قصيرة بس ودي اوضح الصورة للجميع بشكل وااضح : )


دمتم بــ ود : )

مشكووووووووووووووووووووووووووووور ديفرنت:24:
وانشاء الله على قولتك: انت اللي بيسوق الطايره لم نيوزيلاند بس على مهلك:surf

[b]لووووووووووووووووووووووووووووووووووول على الوزارة


يا صبري يانا يامدارية

تسلم اخوي ديفرنت ،،، تراك طمنتنا الله يطمن قلبك

شهر مبارك عليك وعلى بقية الأعضاء

مشكوووووووووووووووووووووووووووووووووورة اخوي

ان شاء الله جميع نلتقي بنيوزلندا

شكراً جزيلاً :101:

يعطيكم ألف عافية شباب
تعاون جميل وقلوب متآلفة أدامها الله على ما يحب ويرضى
آمييييييييييييييييييييين

السلام عليكم

كل عااام والجميع بخير وعيدكم مباارك بعد الزحمه طبعا :109:


عشااان ما اطول عليكم بالهذره اللي مالها سنع ... بعطيكم الزبده بس لا تنسوني بالدعوة الصالحه :24:


اليوم كلمني واحد يقرب لي وله معااارف في الوزاره وقاال لي ان الاسماء نهايه الاسبوع هذا ان شاءالله :101:

الخبر اكيييييييييد ان شاءالله





الله يستر لاتفشلني الوزارة وتأجل الموضوع :109:


بس تطمنوا .. الاسبوع هذا اكيييييد ان شاءالله


دمتم بـ ود : )

جزاك الله خير ياديفرنت
الوزارة الله يستر منها لاني سمعت خبر من مدير العلاقات العامة بمركز القبول
ان المركز فقط للمبتعثين لامريكا
والباقي(شرق اسيا واستراليا ونيوزيلندا) احتمال يحولونهم لادارة البعثات اللي يومهم سنة
لان المركز عليه دكاتره سعوديين قليل درس منهم بهذه الدول
اتمنى للجميع التوفيقmaged902************"""

أخوي ديفرنت مشكور على جهدك الأكثر من رائع
انا عندي سوال عن القبول
انا عبيت الابليكيشن حق جامعة اوكلاند وردوا علي بعدها باسبوعين تقريبا وقالوا ارسل اوراقك بس المشكلة انهم ارسلولي مع الايميل ملف atach وعي الملف لاينفتح وكان لما احمل الملف يقولي برنامج adob ان الملف تالف وطلبوا اني ادفع مرتين حق الارسال رايح جاي رحت فيديكس وقالي 660 رايح جاي هل البريد السعودي الممتاز بيسوي نفس الخدمة 260 او ارسل على فيديكس احسن
السوال الثالث كيف اقدم على المعهد حق الجامعة وماهي اجراءات الفيزا واسف على الاطاله

هلا اخوي maged902

بالنسبه للقبول ترى الدعوة سهله : )

شف لك اي واحد من اخوياك بلبل انقلش وخله يراسل لك الجامعه : )

وكل الدعوة تراها ايميلات : ) صدقني بتخلص قبل كل مراكز القبول : )

اتمنى لك التوفيق يابطل : )


===================================

هلا اخوي hizzo






انا عبيت الابليكيشن حق جامعة اوكلاند وردوا علي بعدها باسبوعين تقريبا وقالوا ارسل اوراقك بس المشكلة انهم ارسلولي مع الايميل ملف atach وعي الملف لاينفتح وكان لما احمل الملف يقولي برنامج adob ان الملف تالف



كويس شغلك تماام ما شاءالله : )

بالنسبه للملف لازم يكون عندك برنامج اسمه adobe reader انسخ اسمه واكتبه في قوقل

وبيطلعه لك ثم حمله عشان تقدر تحمل المرفقات : )








وطلبوا اني ادفع مرتين حق الارسال رايح جاي رحت فيديكس وقالي 660 رايح جاي هل البريد السعودي الممتاز بيسوي نفس الخدمة 260 او ارسل على فيديكس احسن




اذا انت مستعجل ارسل عن طريق فيدكس اما اذا كاان عندك وقت كثير ارسل عن طريق البريد السعودي

ترى الفرق بينهم كله يومين بالكثير : )








السوال الثالث كيف اقدم على المعهد حق الجامعة وماهي اجراءات الفيزا واسف على الاطاله



بالنسبة للتقديم على المعهد اعتقد ان الجامعه يسئلونك عن مستوى اللغه عندك .. واذا ماسئلوك

ارسل لهم ايميل وقل لهم ان لغتي ضعيفه مره بعدها هم بيرسلون لك ابلكيشن اللغه تعبيه ثم ترسله

لهم عن طريق الفاكس او ترسله عن طريق الفيدكس .. اللي يريحك طبعااا : )


وبالنسبة لاجراءات الفيزا اول شيء تاخذ خطاب من وزارة التعليم وتروح للسفاره النيوزلنديه

تقول لهم انا طالب مبتعث عن طريق وزارة التعليم وتوريهم الخطااب ثم ياخذون جوازك

وبعدها تروح تسوي كشف طبي + تروح لاي مركز شرطه تاخذ منهم ورقه ان ماعليك سوابق اجراميه :109:

وخلال الحوسه هذي جوازك يروح الى دبي عشان يجهزون لك الفيزا ..

والفيزا بشكل عااام تاخذ لها مده مابين 3 اسابيع الى 5 اسابيع

واي سؤال انا حااضر : )

بالتوفيق للجميع : )

مشكور أخوي ديفرنت ويعطيك العافية

شوفلك مكتب يساعدك اخوي ولا احد من الشباب، وفيه موقع ممكن يفيدك وباللغة العربية للسهولة

ممنوووووووووووع وضع دعايه للمواقع ... نبهتك أكثر من مره ...

المشرف

ترا المبتعثين لنيوزيلندا 258 تقريبا مو 2883

عددهم ما بين 250 الى 300 شخص وحسب ظرووفهم فية ناس تأجل البعثة كم شهر


انا عن نفسي السفر انشاء الله بشهر جــون يوم 7 الى 10 /6 /2007 ميلادي كرايست تشيرج جامعة كانتربري



بالتووفيق الجميع


دي


دي


ليتوني الدوووبي

بسم الله الرحمن الرحيم

اخوي دفرنت عندي استفسار عاجل ارجوا انك تجاوبني لانوا وقتي جدا ضيق اذا تسمح

انا ياطويل العمر مقدم على البعثه وانقبلت فيها بعد ماجبت قبول الجامعه بنفسي وخلصت

بعدين اخذت الضمان المالي ولله الحمد بعدين طلبو مني اجيب الفيزه علشان يعطوني امر (اركاب) احجز فيه الطياره
على طول رحت على السفاره في الرياض وقالولي احنا مانصدر اي نوع من انواع الفيز راسل سفارتنا في دبي او بانكوك انا جاني احباط كبير قمت لفيت الرياض كلها علشان اجيبها ماحصلت مكتب يعطيني ايها او يراسل السفاره في دبي قمت كلمت السفاره في دبي قاموا ارسلوا لي ورقتين على الفاكس وحده فيها شروط والثانيه فيها ابلكيشن وقالولي عبها وطبق الشروط وارسلها على الدي ايش ال او اي شركه وانا بصراحه متخوف انهم يرحون الاوراق مع الجوزات و مايرجعون تكفي يا دفرنت نورني اخوك متورط .

ولك جزيل الشكر ,,,

بسم الله الرحمن الرحيم

اما بعد ,,,

اخوي ديفرنت ارجوا انك تساعدني في معطلتي هذه لانها ارقتني في الحقيقه

انا قدمت على بعثة خادم الحرمين وانقبلت فيها ولله الحمد وبعد استلمت الضمان المالي ولله الحمد بعدين طلبوا مني انوا اجيب لهم التأشيره علشان يعطوني امر ( أركاب ) علشان احجز فيه الطياره

قمت على طول على السفاره النيوزلنديه في الرياض قالوا احنا مانصدر اي نوع من انواع التاشيرات راسل سفارتنا في دبي او بانكوك انا جاني احباط عظيم قمت لفيت مكاتب الرياض كلهم ماحصلت احد يجيبها لي

بعدين يأست وكلمت السفاره في دبي

قاموا ارسلوا لي ورقتين على الفاكس وحده ابلكيشن اعبيه والثانيه فيها شروط

قالوا لي كمل الشروط كلها وبعدين ارسل الاوراق على الدي اتش ال او ايشركه ثانيه الى يريحك

وانا بصراحه خايف انوا لما ارسل الاوراق مع الجوزات انهم مايرجعون

كذا خوف دخلي تكفي ياديفرنت نورني اخوك متورط

وهل في طريقه أأمن ارسل فيها السفاره في دبي .

ولك جزيل الشكر ,,,

بعد إذن اخوي ديفرنت ( ابا اتلقف اشوي وبرد على نواف )


عزيزي نواف

بدل البهذله والتعب ومراسلة السفارة في دبي وهالشغلات كلها

ليه ما تروح لم مكتب خدمات

عندك يا عزيزي مكاتب معتمده من الوزاره

1/ Igec المجموعة الدولية للإستشارات الدراسيه
شارع العليا العام - مركز الاندلس - بوابة 4 - الدور الثاني
تلفون : 4199060 - 4199061

2/ الوكالة العالمية للخدمات الطلابية
الطريق الدائري الشمالي بالقرب من مخرج 5
حي المروج
تلفون : 4538983
جوال : 0509609865


لما تروح لهم راح يهتمون فيك وهم اللي يساعدونك في استخراج التأشيره

طبعا راح يطلبون منك فحص طبي والمستشفيات المعتمده هي :

سليمان الحبيب ( بالعليا ) - ( والله نسيت باقي المستشفيات اسأل عنها او تلقاها بموقع الوزاره )

وايضا يطلبون منك البصمات ( طبعا تاخذ ورقة من الوزاره موجهه للأدله الجنائيه )

وصور لشهاداتك - كرت العائله - الجواز - بطاقة الاحوال وهلمجرا




عسى ربي يوفقك ويسهل أمرك

تقبل أرق التحايا

( وأحلى لقافه ) :101:

خريج كلية الاتصالات والمعلومات - دبلوم شبكات حاسب

راح أكمل الباكالوريوس ( بإذن الله ) في جامعة ميسي بأوكلاند تخصص كومبيوتر ساينس



عسى ربي يوفق الجميع ويسعده ويحميه


لا تحرمونا من دعواتكم الصادقه


تقبلوا أجمل وأرق تحيه


أخوكم / عادل