الموضوع: جايتك بعثه للخارج وانت موظف الآن وماتدري وش تسوي أدخل أبيك شوي

:smile105:

مرحبا للجميع ...

بتكلم اليوم في موضوع ... امممممممم ممكن يكون مهم للبعض ... وهي تجربه انا مريت فيها ... وقابلت شباب في نفس الوضع ... فتكون الحيره في باله كثير .. ويكون التفكير دااااااااايم مشغله ... ومايدري وش يسوي .. ويحس الدعوه كلها محتاسه ..!!

بخص كلامي لشباب اللي يحمل شهاده البكالوريوس أو شهاده ماجستير أو معاه دكتوراه ... وهو على راس العمل حاليا ...طبعا مثلكم عارف ... صعب الآن واحد معه بكالوريوس تخصص حلو .. او ماجستير او دكتوراه .. ويكون عااااااااطل .. يعني جالس في البيت ...

يعني راح نتكلم الان فقط فقط ... عن اللي معاه احد هالشهادات .. وعلى راس العمل ... ( وعنده طموووووح أنه يكمل دراسات عليا ) ...

طيب أنتم عارفين أن الواحد إذا يبي يكمل دراسته على حساب الوزارة ... لازم يستقيل من وظيفته ( مهما كانت ) ... لكي يمسح اسمه ورقمه من التأمينات ... وهذا شرط أساسي ... والا ما راح تبتعث ..

طيب وش الحل ؟؟!! ... وش أسوي ؟؟!! ... أستقيل وأسافر ...!! وألآ بس أجلس في وظيفتي ..!!

طبعا الكلام اللي بقوله مجرد رأي ... والواحد عليه الأختيار ...

انصح أي واحد في مثل هالظرف ... وفي مثل هالموقف ... انه يجيب ورقه وقلم ... ويكتب النقاط التاليه .. او بعضها ... ( لأن مجرد أنك ما تفكر في اشياء ونقاط . مجرد تفكير في مخك من دون كتابه ... التفكير هذا يحرمك من ايجاد الحلول ... لكن لو كتبت الافكار والمعوقات ... ترجع لمخك يبدا يدور الحلول ...)

بذكر بعض النقاط .. وانت احسبها على نفسك ... وشوف هل هي سلبيه او ايجابيه لك ...

- الوضع العائلي :

-- متزوج --

هل راح آخذ عيالي وزوجتي .؟! ... ام أن لهم ظروف ما يقدرون يسافرون ... مثل ان الزوجه موظفه .. أو لها ظروف ما تقدر تسافر أو أو أو .... هذه اذا كانت موجوده تحسب كسلبيه ... اذا والله لا عادي زوجتي ممكن تروح معاي وماعندها أي مانع وعيالي ايضا ممكن اخذهم ... هذه تحسب لك ايجابيه

--- العزوبي ---

هذا ممكن أخف اموره شوي من المتزوج ... ولكن برضو عنده امور أخرى ... مثلا يقول متى راح اتزوج ؟ هل اذا خلصت الدراسه ... يعني بعد 3 سنوات تقريبا ... او ممكن بعد اول سنه اجي هنا واتزوج واخذها معي ؟ ... طيب هنا يحكم هل اللي تبي تتزوجها راح تروح معاك ... هل ماعندها التزامات .. وكذا تدخل في قسم المتزوجين وهنا انت تحدد السلبيه والايجابيه ... والبعض يقول لا والله انا الحين عمري 27 ... بسافر اخذ الماجستير وارجع بيكون عمري تقريبا 30 سنه ... طيب متى اكون نفسي عشان اتزوج .. كم يبي لي تقريبا سنتين .. يعني بتزوج وانا عمري 32 ؟؟!! .. هذه برضو فكر فيها ... وابرضو احسبها ايجابيه او سلبيه لك وحسب وضعك وتفكيرك انت ...

- الوضع الأسري :

وأقصد فيه ... أن فيه عوائل .. ما يقدرون يستغنون عن أولادهم مهما كان ... يعني تلاقي الولد له مكانته في البيت .. شايل البيت على راسه ... او انه لا قدر الله الأب متوفي .. او غير موجود في العائله .. فيكون الولد هو راعي البيت .. ومعتمدين عليه كثير ... فسفره كم سنه راح يخلق فراغ كبير .. وممكن يخلق مشاكل ... فالشخص برضو ما يفكر في نفسه بس .. وانه راح يدرس ويجيب شهاده .. لازم يفكر في أهله وعائلته اللي حوله .. وهل ممكن يستغنون عن خدماته في الفتره هذه .. او لا والله مستحيل يبعد عنهم الفتره هذه ... هنا تحسب ايجابيه لك اذا ممكن .... وتحسب سلبيه اذا مو ممكن ...

- الارتباطات الماليه :

واقصد فيها .. ان البعض مثلا ماخذ قرض من بنك .. او من شخص ... او عنده ديون ...او عنده اقساط ... او نقدر نقول عنده محلات .. وبزنس .. وهو اللي يديرها .... او ممكن نقول توه مستاجر بيت ... ومصلحه ومزينه وووووو .. وكيف بيجي وضعه لو ترك هالبيت بعد هالتعب ...
هنا ممكن ترجع لك ... هل ما عندك هل الامور .. او ممكن تحلها بشكل ما يضرك .. هذه ايجابيه لك .. وممكن تقول لا والله صعب جدا .. وصعب جدا مثلا اترك البزنس حقي .. لازم انا اتابعه بنفسي .. فهذه تسجلها سلبيه ...

- تأقلمه مع العيش الغربي :

البعض جرب السفر للدول الأوربيه ... والغربيه ... وجرب يسكن معهم .. وجرب يحتك معهم .. ويتكلم معهم .. ويعرف كيف يفكرون .. وكيف يمشون أمورهم ... فالبعض يقول والله انا سافرت اول .. واحس بكتمه لما اعاملهم .. او امشي مع الستايل والوضع اللي هم ماشين عليه ... مو زينا هنا في السعوديه الوضع متغير ... وأتمنى بس متى أخلص شغلي اللي سافرت له ... عشان أرجع لديرتي ... هذه يسجلها سلبيه ... والبعض يقول لا والله عااااااااادي جدا ... ممكن اسافر وانا جربتها .. وعادي جدا اتعايش معهم عادي وادخل معهم واحتك في الغربي .. وماعندي أي مشاكل ... هذه تسجل له ايجابيه

- قابلية الشخص للدراسه :

البعض الله يهديهم ... سمع بالتسجيل في وزاره التعليم العالي ... وشاف العالم تسجل .. قال معكم معكم .. وش ورانا ... ويكون بداخله عدم قابليه للدراسه ... يعني خلاص وصل لمرحله التشبع .. وخاصه اذا كان مخلص مرحله السابقه بشق الأنفس ... فشاف العالم تقدم .. قال معكم ... ( طبعا ممكن يقول لك لا الوضع هناك يختلف .. اذا رحت هناك راح ادرس غصب عني .. هذا شي راجع له صراحه ) ... فهذه اعتقد انها سلبيه ..

وفيه القسم الثاني اللي هو والله في راسه دراسه ... ويبي يدرس .. والدليل مثلا معدله في المرحله الدراسيه الماضيه له ... كان معدله مرتفع ... ( بالعربي مخه مفتح وناوي على دراسه ) ... هذه تحسب له ايجابيه ...

- الوضع الوظيفي :

البعض ما شاء الله متوظف في وظيفه مرموقه ... وراتب حلو ... ومرتاح في وظيفته .. ويمكن تعب كثير لين حصل هالوظيفه .. فيكون متردد كثير ... يقول اترك هالراتب !!! اترك هالمنصب !! كل نهايه شهر ينزل راتب وقدره في حسابي ... هل ممكن استغني عنه ..!! هذا ممكن تحسب عليه سلبيه ... ويقول عصفور حلو في اليد ... ولا عشره حلوين على شجره امريكيه ....

وفيه البعض يقول لا والله انا صراحه وظيفتي لك عليها .. او مدري وش تبي ... والراتب بعد ما يسوى .. انه مو طموحي وانا اطمح لشي اعلى .. او ان بيئه العمل اللي هو يشتغل فيها ما تساعده .. ولا ارتاح فيها الارتياح اللي ممكن ينتج ويعطي ... هذا اعتبرها لك ايجابيه النقطه ... ويكون ميله للدراسه في الخارج اكثر ...


- نقطه أخيره ... :

بعد ما تشوف النقاط الي تكلمنا عنها ... وتكتبها في ورقه .. وتحسبها زين ... يجي الأن أهم شي .. وهي صلاه الاستخاره ... تتوضأ .. وتكون نفسيتك زينه ومرتاحه .. وتصلي لك ركعتين ... وتدعي ربك دعاء الاستخاره المعروف ... وبعدها تشوف ربك وش يكتب لك ... والأفضل أنك تستخير أكثر من مره ...


هذه بعض النقاط اللي كانت في بالي الأيام اللي راحت ... وكل مره أقول راح اكتبها .. راح اكتبها ... وخاصه اذا مثلا جلست مع واحد من الشباب في الوضع هذا .. ومحتار وش يسوي ... فيكون نقاشنا على الامور والنقاط اللي ذكرتها ..

طبعا هناك امور أكثر وأكثر ... لكن بإعتقادي أن هذه هي الأهم ...


أختم بقول الله عز و جل .... (وعسى أن تكرهوا شيئا وهو خير لكم )


تحياتي للجميع

أشوفكم على خير

دمتم بود

أخوكم

المايسترو


:smile105:

مواضيع عشوائيه ممكن تكون تعجبك اخترناها لك:

• لاتحرمونا من معلوماتكم
• نيوزلندا جمال خلاب ولكن
• تحذير من استغفال الخليجيين في اوكلاند
• ابن اخت لي يدريد دراسة اللغة والبكالرويس فهل من مساعدة بارك الرحمن فيكم
• الأكل مع العائلة
• دارسة اللغة في نيوزلاندامساعدة بسيطة منكم
• شهر العسل بنيوزلندا
• رخصه القياده السعوديه في نيوزيلندا
• صور من نيوزلندا
• استفسار عن مدينة
• اللي مرت عليه هالحالة يدخل
• وكسر حاجز الـ ريال لدولار النيوزلندي
• بخصوص الكرسمس و عيد راس السنه ؟ هل تتوقف المعاهد معها
• ليست الدراسة في الخارج كل شئ
• معاهد اوكلاند
• أنا وزوجي في نيوزيلندا
• رجاء من الأخ المايسترو، ومن عنده خلفية عن معاهد نيوزلاند الدخول عاجلاً،
• إلى طلاب جامعة اوتاغو وسكان مدينة دنيدن لو سمحتوا
• كم سوال عن طريقة التسجيل بمعاااهد نيوزيلندا ؟؟
• الجو في أوكلاند و هاملتون

أنت صادق لابد من استقالة ..!

صراحة كل يوم ينقص الحماس ..!

وكل يوم نعيش على دوامة جديدة .!

الله يجزاك الف خير

جزاك الله خير اخوي المايسترو على هذه النقاط

جعلها الله في ميزان حسناتك


بارك الله فيك

المشاركة الأصلية كتبت بواسطة فتى الشرقية


جزاك الله خير اخوي المايسترو على هذه النقاط
جعلها الله في ميزان حسناتك
بارك الله فيك



هلا وغلا بالغالي ...

الله يعافيـــــــك يارب :24:

رميت فأصبت الهدف ...


كلامي واقعي وعقلاني جدا ....

تحية للتفكير الكبير ...

الله يجزاك كل خير اخوي المايسترو جبتها في وقتها

يا مال العافية يا المايسترو .. مجزي بالخير ان شاء الله ..

مشكور اخوي المايستور ويعطيك الف عافيه بصراحه مبدع

المايستروا وباتمان

اشكركم كثيراً على مشاركتكم الراقية في اسلوبها وفي فكرها وموضوعها

وللمعلومية انا اعرف شباب كانوا محتارين ... ارتاحوا كثير بعد قراءة الموضوع ...

شكرا لكم مرة اخرى وكتب الله لكم الاجر :24:

يرفع للفائده ...

المشاركة الأصلية كتبت بواسطة silver-370
http://www.arabtravelersforum.com/tr...3/#post1064403

في الحقيقه ان الموضوع ما يخصني لكن يوجد لدي الاخ والأخت و ولد العم والصديق الذي يبحث على مثل هذا الموضوع المهم والمفيد جداً
واتمنى ان تعطينا رأيك في نقطه ألا وهي ان في بعض المبتعثين يقدم لزوجته لأنها تستطيع ان تحصل على البعثه ويذب معها محرم وبعد ذالك تحق له بما انه مرافق معها يالية تدرس الموضوع وتعطينا السلبيات والايجابيات لأن رأيك يهمنا
وجزاك الله خير الجزاء



اممممممممم

والله يا غالي ما قد مرت علي مثل هالحاله ... :114:

لكن يمكن يفيدك اللي ابتعث الان ...

صدقت اخو ي المايسترو لافض فوك
لكن المثل يقول ( خلك على قردك لايجيك اقرد منه)
والله يوفق الجميع

يعطيك العافيه مع اني غير متزوج

ولاكن في افكار

كانت تدور في راسي والحمد لله

تمكنت منها بحوارك الهادف

شكرا اخوي على عرضك الجيد ولكن اود ان استفسر عن نقطة تطرقت لها الاوهي اذا اتتك بعثة على حساب الوزارة يجب ان تستقيل من الوظيفه لكي يمسح اسمك من التامينات هل هذا الشيء صحيح لاني انا اتتني بعثة وقد قدمت اجازة من العمل لكي اتاكد من انني سوف اقدر على الاكمال لاني لااريد التفريط بالوظيفه حتى اتمكن من الدراسة فياريت تقولي اذا الكلام صحيح ولك الشكر

المشاركة الأصلية كتبت بواسطة فوق مستواك
http://www.arabtravelersforum.com/tr...2/#post1084322

بوركت وبورك ممشاك وجعل الفردوس مثواك

استاذي العزيز المايسترو

هل من جديد على البعثات سمعنا ان هذه السنة اخر سنة للبعثات

اذا عندك اي معلومة ارجو منك ان تدلي بدلوك

اخوك ابو عادل



هلا ابو عادل ...

شوف هالخبريه يمكن تفيدك

http://www.alriyadh.com/2007/01/13/article215919.html

مشكور وما قصرت استاذي العزيز المايسترو

رحم الله والديك وجعلها في موازين حسناتك

كل الود لشخصك الكريم مشرفنا العزيز

السلام عليكم
مشكور اخوي على الموضوع المايسترو انا حبيت اسئلك انا اخوي انقبل في بعثة لنيوزلاندا واعطى اوراقه للوزارة لمركز القبول والان هو على رأس عمله ومحتار هل ينتظر قبوله من الجامعات هناك ويقدم استقالته ولا يقدمها الأن ويستقيل ويلغي رقمه في التأمين وبيني وبينك هو محتار وخايف تطير عليه البعثة ومعه دبلوم ورايح يدرس بكالوريوس ارجو الرد بشكل واضح الله يخليك وفي اقرب فرصة ومشكور على التواصل:114:

طيب أنتم عارفين أن الواحد إذا يبي يكمل دراسته على حساب الوزارة ... لازم يستقيل من وظيفته ( مهما كانت ) ... لكي يمسح اسمه ورقمه من التأمينات ... وهذا شرط أساسي ... والا ما راح تبتعث ..
اخوي مقبول في بعثة بس محتار يقدم استقالته ولا ينتظر لين يجيه القبول من الجامعات وش رايك في الموضوع وهو محتار بين وبين يخاف يستعجل ولا يحصل له قبول من الجامعه مع العلم انه ارسل اوراقه للوزارة بعد ما طلبو منه احضارها وهو معه دبلوم وبيكمل بكالوريوس

طيب أنتم عارفين أن الواحد إذا يبي يكمل دراسته على حساب الوزارة ... لازم يستقيل من وظيفته ( مهما كانت ) ... لكي يمسح اسمه ورقمه من التأمينات ... وهذا شرط أساسي ... والا ما راح تبتعث ..

سلام مايسترو بختصار انا كم مره حاولت اكتب لك سؤال رد!! اخوي قبل في بعثة لتكملة البكالوريوس وهو موظف الان وقدم اوراقة على مركز المساعدة على القبول لانهم طلبوها منه عشان يراسلون له الجامعة بدل عنه لاكن اخوي محتار ينتظر القبول من الجامعة ولا يستقيل ويمسح اسمه من التامينات نورنا الله ينور عليكم

المشاركة الأصلية كتبت بواسطة مزاحه
http://www.arabtravelersforum.com/tr...0/#post1090150

طيب أنتم عارفين أن الواحد إذا يبي يكمل دراسته على حساب الوزارة ... لازم يستقيل من وظيفته ( مهما كانت ) ... لكي يمسح اسمه ورقمه من التأمينات ... وهذا شرط أساسي ... والا ما راح تبتعث ..
اخوي مقبول في بعثة بس محتار يقدم استقالته ولا ينتظر لين يجيه القبول من الجامعات وش رايك في الموضوع وهو محتار بين وبين يخاف يستعجل ولا يحصل له قبول من الجامعه مع العلم انه ارسل اوراقه للوزارة بعد ما طلبو منه احضارها وهو معه دبلوم وبيكمل بكالوريوس



انصحه لا يقدم استقالته الى ان يخلص اموره من الوزاره .. ولا يبقى عليه الا امر الركاب

لكن لا تنسون الوضع الاجتماعي مستقبلا !!!

المايسترو :

انا مهندس حكومي راتبي 8
وش رايك تنصحني اترك الوظيفه وارواح اكمل ولا انطق بوظيفتي

اول شي ودي استأذنك وانقله لمنتديات بعض الزملاء لكي تعم الفائدة .
ولي عودة حول بعض النقاط .

تقبل تحياتي وشكري على هذا الموضوع الذي كنت ابحث له عن اجابة

تسلم يا مشرفنا الفاضل وكفيت ووفيت وما خليت لاشارده ولا وارده عيني عليك بارده

صدقت اخوي woooden

قلّت الحيرة .. ولكن مازلت محتار

هل سأقبل في البعثة أم لا ؟ مع العلم انني موظف حكومي .. على بند الأجور ..

وهل سأدرس التخصص الذي أرغبه ( هندسه ) بكالوريوس .. وفي الدولة التي أريدها ( الصين ) أو نيوزلاندا ؟ ! بصراحة ماأعرف طريقة التقديم ..

هل تنصحونني أن أدرس أو أبقى على وظيفتي ؟

يعطيك الف عافيه اخوي المايسترو اختصرت اموووووور كثيررررررره

اخوي الغالي المايسترو تستحق وقفة شكر وامتننان لك على الموضوع الرائع جزالك الله الف خير

واسمحلي ارفع القبعه لك تعبير عن شكري لك




((وعسا ان تكرهو شى وهو خير لكم))لازم اي شخص مخطط انه يعمل شى في حياته تكون هاذي قاعدته

جزاك الله خير

الله يجزاك الف الف خير على هالمعلومات درستها من جميع النواحي ووضعت المشكله ووضعت حلول لها ... الله يعطيك العافيه والى الامام يالغالي ؟