اهلـــين للجميع
خصوصا مشرفين القسم ,,
وربي ماشجعني اكتب الموضوع الا عشان أطمن الجميع
خصوصا خواتي اللي يحبون البحرين ويستمتعون فيها ...
خصصت البنات لان خوفهم اكبر ..
زرت البحرين يوم الخميس اللي طاف ,, وكان مجمع السيف زحمة والوضع عااااااادي جداً
رحت أنا وزوجي .. تمشينا وتغذينا وكان فيه عوائل سعودية .. يلعبون اطفالهم ويتغدون زي العادة ..
راح زوجي للقهوة اللي بالدور الارضي وانا فرفرت المجمع لحالي ولا كأن شي صار .. بالعكس
البنات البحرينيات يتبسمون بوجهي لانهم عارفين اني سعودية من العبايه والنقاب .. وربي ان كذا وحده تشوفني وتتبسم
صار لي الموقف 3 مرات .. ولاحظت فيه بنات معلقين بروشات صغار فيها علم السعودية وفيه ناس معلقين على سيايرهم علم الامارات ..
وعلى فكرة شفت كذا شخص قطري واماراتي .. ومايهون السعوديين كابين هناك هههههههههههه ..
ورجعنا للخبر لان عندنا شقة هناك ماحبينا ننام ونتخسر هههههه
قمنا الجمعه دق زوجي على أخوه الصغير عمره 19 يموت بالسنما ..
وقلنا تعال معنا
وصارت رحله ثلاثيه ..
رحنا هالمرة للستي سنتر .. تغذينا بالمطعم الايطالي الا انا ماتغديت هههههه
لاني مسويه رجيم
وبعدين خشينا السنما مليااانه ميه بالميه فل ..
شفنا فلمين fast 5 هذا حق اخو زوجي ماحبيت ادخله بس علشانه هههه
وطبعا طبعا دخلت فلم قراصنة الكاريبي وهذا اللي أنا اخترته وفرحت لمن شفته معروض,,
وبعدها درت لي كذا محل ما أتوب .. ههههههههههه
والحمد لله مشينا الساعه 10 ونص و وصلنا الخبر الساعه 11
وللمعلومية .. مااااا شفت ولا تفتيش ... بالخط ..
والوضع مرة عادي ,, بس الجمارك السعودية والبحرينيه مخلين السيد واحد بس ؟؟!
وكان زحمه شوي ..
وصلى الله وبارك
اختكم آنيا من الجبيل البلد
مواضيع عشوائيه ممكن تكون تعجبك اخترناها لك:
- متنزه ومحمية دوحة عراد البحرية
- سؤال عن فندق في بحرين
- استفسار عاجل عن فروع محل Bershka بيرشكا في البحرين ومتى تفتح المولات وتقفل
- سؤال يا أهل البحرين الكرام
- صالون فندق الريجنسي رقمه أو اوقات عمله
- المنامة المدينة المفضلة للعيش في الشرق الأوسط
- إستفســار عن أرض المعارض أهل البحرين الطيبين ؟
- حبيت اسالكم بعد ماتوهقت السكن بالبحرين
- منو يفيدنا عن شقق الماريوت ؟؟؟؟؟؟؟
- حلويات
- سؤال ماعمري شفت احد تطرق إليه من قبل والله أعلم
- ماهي الاماكن السياحية بالبحرين
- الحلوه البحرينه و العمانيه
- مسجد الخميس
- وهذي بعض الصور لمناطق عزيزة علي جداً بالبحرين
- سؤال سريع
- انصحوني يا الاجاويد انا محتاره ؟
- ممكن سؤال يامحبين البحرين
- بغيت منو يدلنى علي محلات الدراريع
- طلب شالية بمسبح خاص
المفضلات