الموضوع: اسئله عن جزيرة فيلجا

السلام عليكم
يعطيكم العافيه

الى (افتخر اني كويتي) و (احلى كيميائيه) و اي شخص يقدر يفيدنا :

جزيرة فيلجا

عندي 2من الشباب اعمارهم بين 19 و 20سنه (الله يحفظهم) طبعا هم عزيزين علي عشان جذي ودي نساعدهم لانهم مايعرفون شي عنها غير اسمها فيلجا ،وانا بعد ما اعرف عشان جذي قلت فيكم الخير والبركه تساعدونا
المهم يبون يروحون فيلجا على آخر الشهر تقريبا :

هل يمنع دخولهم لانهم شباب ؟
شنو الافضل ينامون هناك والا يرحون ويردون نفس اليوم ؟
اذا يروحون ويردون نفس اليوم هل لازم من الصبح والا في رحلات تبدا الظهر ؟
شنو الاجراءات بالتفصيل؟
هل يحتاجون الاثبات (الجواز - المدنيه) معاهم؟
اذا بياخذون سياره وياهم ، والسياره مو باسمهم عادي والا لا؟
هل في احتمال انهم يضيعون بالسياره والا الجزيره ماتضيع ؟
هل البنزين متوفر بكل مكان والا باماكن قليله؟
كم تكلفة الرحله كامله ، وشلون طريقة الدفع (الفلوس) هناك عندهم فيزا ، كي نت والا بس كاش ؟
وبالنسبه للموبايل عادي خطوط الكويت تشتغل عدل ؟ (حسب خبرتكم ايهما اقوى بالسيرفس الاتصالات او الوطنيه بفيلجا )؟
شنو ياخذون وياهم والا كلشي متوفر هناك؟
شنو ممكن يستمتعون فيه هناك ؟
شكثر الطريق؟
و ان شاء الله جزيرة فيلجا أمان بكل الاوقات ,,,

ملاحظه : هم ليس من محبي الصيد .
ودي اروح وياهم بس المشكله بنفس الوقت عندي سفرة عمل ومااقدر اغير وقتها (خيرها بغيرها)
واسمحولي على هالاسئله والله يعطيكم العافيه ومشكورين مقدما .

مواضيع عشوائيه ممكن تكون تعجبك اخترناها لك:

• زيارتي الأولى للكويت
• رحلتي الى الكويت ايام
• سؤال بخصوص المبالغ المالية في الصين
• الجو في الكويت؟
• الشيخ عبدالله الغنيمان يحل ضيفا علينا في الكويت
• فزعتكم يااهل الكويت النشامى او من زار الكويت
• أول مرة أعيد خارج السعودية واخترتكم يا أهل الكويت
• استفسار بسيط لو سمحتوا
• جولة بحرية
• ملابس ووووينها ؟
• ¨° جزيرتنا فيلكا وزيارتي لها °
• ماهي أجد الشقق الفندقية في السالمية
• مسافرين للكويت لأول مره وابي مساعدتكم يا هل الخبره
• مقتطفات مصًـــــورة من رحلة نسيم نجد وأبو سلطان للكويت
• مهنه جواز السفر؟؟
• مساعده في المناطق
• موقع مهم للسياحة بالكويت
• ماهي افضل الطرق للكويت الحبيبـــــــــــــــــــــــــــه
• لا يطوفكــــم اللي بالافنيـــوز
• تكفون ياهل الكويت ردوا على سؤالي قبل لا اجي واتوهق

راح اجيبك على بعض الاستفسارات اللي اعرفها..

و اللي ما اعرفها ان شاء الله يجيبونكم اصحاب الخبره ^^










اذا يروحون ويردون نفس اليوم هل لازم من الصبح والا في رحلات تبدا الظهر ؟



اذا راحوا اب سفينة "أم الخير او بنت الخير" اللي عند المارينا - يعني بدون سياره
اعتقد لازم من ال9 يروحون و آخر رجعه الساعه 5..

بالعباره ماعندي فكره !












اذا بياخذون سياره وياهم ، والسياره مو باسمهم عادي والا لا؟



اذكر اب موضوع الاخت (المرام) قالت انه لازم ان تكون السياره بأسم اللي يسوقها!












شنو ممكن يستمتعون فيه هناك ؟



فيه تأجير قواري..
و بأمكانهم يصيدون عند اليال ^^














شكثر الطريق؟



الطريج من الديره لي فيلجا نص ساعه..















هل يحتاجون الاثبات (الجواز - المدنيه) معاهم؟



اعتقد البطاقه المدنيه لازم تكون وياك اب كل مكان
حتى لو رايح الجمعيه !
اثبات اذا صار شي لا قدر الله
او تأمين اذا يبون يأجرون شي !

انشالله الاخوان يفيدوك.......................كلهم خير وبركة....................والله انا حالي حالك مااعرف شي

مشكوره (همبكه) وكذلك (سو سو ) وبانتظار اصحاب الخبر

اهلا فيك

وسوري للتأخير بالرد..

نصيحتي لا يروحون الأيام اللي مافيها ناس لان شكل الجزيره يكون موحش جدا

نصيحتي بالذهاب تاريخ 24 او 25 او 26 فبراير

لان وقت مناسبه وطنيه وهو عيد الوطني للكويت واغلب الناس راح يكونون منورين الجزيره ومالينها

طبعا راح يكون في مسيرات وحفلات ووناسه ..



وهذي اجوبتي لك ..

هل يمنع دخولهم لانهم شباب ؟
بمجرد نزولهم للجزيره ..
عادي جدا مافي اي مشاكل لدخولهم ..

ولكن!!

يمنع سكن الشباب في الفندق او البيوت المأجره من قبل ادارة الفندق
يعني صعبه ينامون بالجزيره

شنو الافضل ينامون هناك والا يرحون ويردون نفس اليوم ؟
الأفضل بأي مكان تزوره لأول مره ان تنام هناك
ولكن اذا مافي سكن خاص لهم وين ينتامون ؟؟
ممكن ان يروحون بنفس اليوم يورجعون بنفس اليوم
بواسطه سفينة ام الخير او بنت الخير اللي راح اذكرها بتقريري
ولحجز للسفينه هذا رقمهم
2244988
ممكن تتصل عليهم واهما فاتحين من ال9 ص إلى 6 مساءا يوميا
وعندهم رحلات يوميه
ولكن وقت الرحله يكون حسب حالة البحر

اذا يروحون ويردون نفس اليوم هل لازم من الصبح والا في رحلات تبدا الظهر ؟
جاوبت عليك في سؤالك السابق
ولكن في رحلات اعتقد 3 رحلات يوميه

شنو الاجراءات بالتفصيل؟
فقط يكون معاك فلوس للتذكره 12 دينار ذهابا وإيابا ولا تنسى في وجبه مجانيه لكم تستلمونها من مطعم ورد وهيل
ومعاك فلوس اضافيه لصرفها عن احتياجك لتأجير سياره او بقي او بانشي او دراجه او للجلوس بالمطعم وتناول الغدا او العشا ..

اول شئ ..
تتصل على رقم سفينة ام الخير او بنت الخير اللي ذكرته سابقا
وتحجز تذكرتك عالأقل قبل الرحله بيوم او يومين
ويكون معاك اثبات شخصي لك مثل بطاقه مدنيه
تكون محتفظ فيها لأي غرض لسمح الله
ووقت الرحله تركب السفينه مودع الكويت الغاليه
وراح توصل بحدود النص ساعه 30دقيقه راح تكون يفيلكا
راح يكون بإستقبالك باص او قطار
راح يوديك القريه عشان تنزل وتتفرج
اذا كنت من ساكني الفندق تروح للريسبشن وتاخذ مفتاح غرفتك

وبعدها تقضي يومك كله هل يحتاجون الاثبات (الجواز - المدنيه) معاهم؟
لا
بس المدنيه تكون بجيبك افضل

اذا بياخذون سياره وياهم ، والسياره مو باسمهم عادي والا لا؟
لا ما يصير لازم السياره بإسم سايقها

هل في احتمال انهم يضيعون بالسياره والا الجزيره ماتضيع ؟
لا ما تضيع الجزيره سهله وايد

هل البنزين متوفر بكل مكان والا باماكن قليله؟
مكان واحد

كم تكلفة الرحله كامله ، وشلون طريقة الدفع (الفلوس) هناك عندهم فيزا ، كي نت والا بس كاش ؟
اذا نص يوم اتوقع 50 دينار مع التذاكر ومع الصوغه

اي عندهم جهاز كي نت موجود بالريسبشن

ممكن السحب من هناك

وطريقة الدفع كاش ..
وبالنسبه للموبايل عادي خطوط الكويت تشتغل عدل ؟ (حسب خبرتكم ايهما اقوى بالسيرفس الاتصالات او الوطنيه بفيلجا )؟
اي عادي تشتغل كل الخطوط الوطنيه + الاتصالات
لكن خطوط الوطنيه اقوى بالجزيره لان حاطين بالجزيره برج خاص بالسيرفس

واذا عندك وصله بالنت عادي تشبك منها ..بواسطة لابتوبك طبعا..

شنو ياخذون وياهم والا كلشي متوفر هناك؟
ممكن ياخذون معاهم اكلهم اذا مو حابين يصرفون فلوس وايد
وهناك في 3 بقالات و3 مطاعم فيها مشويات + في محل خاص بالساندويتش الصاج
ومحل لصنع الحلوى و محل للطرشي والمخلل ومطعم خاص بالبيتزا

شنو ممكن يستمتعون فيه هناك ؟
انا عن نفسي احب استمتع بكثره المشي على الشاطئ
ممكن يأجرون بقي=بانشي او دراجه او سياره او همر
او الجلوس بالقهوه صاحبها ( بوفلاح) واحتساء الشاي والقهوه وفي شيشه بعد
وفي ملعب للكره داخل القريه
وفي ركوب الحصان


شكثر الطريق؟
30 دقيقه عبر ام الخير

ساعه ونص عبر مؤسسة النقل العام الكويتيه

و ان شاء الله جزيرة فيلجا أمان بكل الاوقات ,,,
اكيد امان خاصه وجود الشرطه فيها

ملاحظه : هم ليس من محبي الصيد .
ودي اروح وياهم بس المشكله بنفس الوقت عندي سفرة عمل ومااقدر اغير وقتها (خيرها بغيرها)
واسمحولي على هالاسئله والله يعطيكم العافيه ومشكورين مقدما .

بالنسبه للصيد ممكن اييبون معاهم عدتهم ويقعدون على الحامي ( هذا مكان امام فندق ايكاروس مثل جسر بوسط البحر)
اغلب الحداقه اييبون معاهم عدة الصيد ويصيدون ..


وهذا تقرير لذهابي للجزيره ..

http://www.arabtravelersforum.com/travel130765/

وفي تقرير ثاني توني سويته بس ما خلصت منه .. اعتقد انك متابعني فيه ..

وبالعكس عادي اللي تبيه اسأله ..

حاضرين ..

بس ارد واعيد نصيحتي

ماراح يستانسون بالجزيره

لان وقت ذهابهم راح تكون الجزيره خاليه من السكان

نصيحتي بوقت العيد الوطني .. افضل وقت ..

نسيت اقولك ..

هذا سايت خاص بالجزيره

http://www.failakaheritagevillage.com
راح تشوف كل خدماتهم والفنادق والبيوت ............ألخ

هذا الموقع باللون الأزرق فقط حط المؤشر وبعدين اضغط كلك وحده وراح يفتح معاك ..

مشكوره (احلى كيميائيه) كلام جميل راح ابلغ هم اياه بالكامل
سؤال عالماشي :
جم مساحة الجزيره (الجزء المسموح باستخدامه)؟
هل في صوغه مشهوره بفيلجا والا صوغه عامه؟
اذا وصلوا الجزيره يستقبلهم باص او قطار يوديهم مكان ، بعدين الرده للسفينه شلون ، هل يعطونهم وقت معين والا ؟ لان هم مرتين طايره عنهم الطياره والسبب التأخير فنهي شلون؟
وطبعا اذا طلع اي استفسار راح ارجع لكم اذا مافيها كلافه
والله يعطيكم الف عافيه

انا كاتبه تقرير عن فيلجا بالتفصيل الممل
شوفه وان شاء الله تستفيد
الصراحه ما عجبتني المطاعم هناك ... و راح تعرف ليش لما تشوف تقريري

المشاركة الأصلية كتبت بواسطة المرام
http://www.arabtravelersforum.com/tr...3/#post1771063

انا كاتبه تقرير عن فيلجا بالتفصيل الممل
شوفه وان شاء الله تستفيد
الصراحه ما عجبتني المطاعم هناك ... و راح تعرف ليش لما تشوف تقريري




اهلا (المرام) ، مشكوره عالدعوه

المشاركة الأصلية كتبت بواسطة اكشخ يازين
http://www.arabtravelersforum.com/tr...2/#post1766862

مشكوره (احلى كيميائيه) كلام جميل راح ابلغ هم اياه بالكامل
سؤال عالماشي :
جم مساحة الجزيره (الجزء المسموح باستخدامه)؟
هل في صوغه مشهوره بفيلجا والا صوغه عامه؟
اذا وصلوا الجزيره يستقبلهم باص او قطار يوديهم مكان ، بعدين الرده للسفينه شلون ، هل يعطونهم وقت معين والا ؟ لان هم مرتين طايره عنهم الطياره والسبب التأخير فنهي شلون؟
وطبعا اذا طلع اي استفسار راح ارجع لكم اذا مافيها كلافه
والله يعطيكم الف عافيه




؟؟؟؟؟؟؟؟؟؟

المشاركة الأصلية كتبت بواسطة اكشخ يازين
http://www.arabtravelersforum.com/tr...2/#post1766862

مشكوره (احلى كيميائيه) كلام جميل راح ابلغ هم اياه بالكامل
سؤال عالماشي :
جم مساحة الجزيره (الجزء المسموح باستخدامه)؟
ربع الجزيره اهو الجزء المسموح


هل في صوغه مشهوره بفيلجا والا صوغه عامه؟
سابقا ( السمك)
حاليا ( الحلوى والآجار = الطرشي)

اذا وصلوا الجزيره يستقبلهم باص او قطار يوديهم مكان ، بعدين الرده للسفينه شلون ، هل يعطونهم وقت معين والا ؟ لان هم مرتين طايره عنهم الطياره والسبب التأخير فنهي شلون؟
نفس الباص او القطار اللي راح يوصلكم القريه التراثية اهو نفسه راح يردكم المينا
وطبعا تكون معاكم تذاكر الرده للكويت تكونون قاصين التذاكر من نفس الكشك الخاص بالتذاكر

وطبعا قبل رحلتكم بساعتين لازم تتصلون على الريسبشن عشان ياخذون اغراضكم ويودونهم الريسبشن استعدادا للرجوع للكويت ( هذا اذا كنتوا حاجزين بالفندق)

وحتى لو ما حجزتوا بالفندق ..

بما انكم حجزتوا تذاكر من المارينا كيرسنت (الباص راح يقولكم) و ( تسمعون بالريسبشن ان على الزبائن الحاجزين للرجوع على رحلة الساعه 2 ظهرا التجمع بالريسبشن) متى وقت تجمعكم بالريسبشن عشان يردكم للمينا ..


واذا اهما من النوع اللي تطوف عنهم الطياره او السفينه لا يخافون او يحاتون لأن اقل شئ تكون 3 رحلات يوميا الرحله الأولى ردتها 2 والثانيه4 الثالثه5 عصرا

وطبعا اذا طلع اي استفسار راح ارجع لكم اذا مافيها كلافه
والله يعطيكم الف عافيه





الله يسلمك ..

افا عليك إسأل .. اللي تبيه . لا يردك إلا كيبورك ..

مشكوره وايد ويعطيج العافيه

الشكر موصول على الإجابات ألي نفعتنا كلنا كل الشكر لكم

شلون الجو راح يكون بفيلجا على آخر الشهر ؟
وشكرا