الموضوع: توهقت مع مكتب سياحي

السلام عليكم ورحمة الله وبركاته
نصيحة ياأخوان لأحد يحجز من مكتب سياحي
خلو شغلكم كله من النت
حجزت الطيران بزيادة بسيطة ومشيتها
وبعدها حجزت الفنادق لمدة 14 يوم بمبلغ 18000
وماكنت أدري عن الأسعار
وبعد الإطلاع على المنتدى الرائع حسيت نفسي غشيييييييييم وغافل
بعدها رجعت للمكتب قلت له ألغي حجز الفنادق
ورفض بالمرررررة مع العلم رحلتي باقي لها أكثر من شهر 😭😭😭
ياليت اللي يعرف كيف التعامل معهم لإلغاء الحجز واسترداد المبلغ منهم
لأني حسبت نفس الفنادق عن طريق بوكينج وطلعت ب9700 يعني أخذ زيادة فوق 8000
مالعمل الله يحفظكم؟ من الموبايل

مواضيع عشوائيه ممكن تكون تعجبك اخترناها لك:

• فزعتكم لا هنتوا، حجزت تذاكر لكن ما ادري تكفي الميزانية ولا جدولوا لي الرحلة
• ما نستغني عن خبرتكم نرجوا المساعدة
• رحلة إلى ربوع ماليزيا
• لوسمحتوا ردوا علي الحين ضروري
• محتار بين السويس قاردن و التايمز سكوير
• وسيلة للتنقل من سنغافورة لماليزيا سفرتي قريبه جدا
• اريد السفر ومحتار
• روحي يا نسمة عند الحبايب ديسمبر
• فندق هيدور بينانج
• رأيكم في الفنادق والجدول المعتمد
• أفضل فنادق ثلاثة نجوم في جوهور
• فزعتكم اللي متاكد من المعلومه فقط تفكون لاتوهقوني
• تخطيط جدول
• أفضل وقتت للطيران الداخلي أفضل وقت للوصول للمطار
• هل فندق راديوس جيد وهل غرفه مطلة على البرجين؟
• ماليزيا
• محتااااارة وخايفه
• رحلة اقتصادية ليلة و يوم
• مسافر في ديسمبر لماليزيا ،،، بس متردد من الصرف ؟؟؟
• اختياركم الأخير بالفنادق لاهنتم أبي همتكم

هذا مش مكتب سياحي هذا نصاب 18 الف فنادق لو حاجز احلى فنادق ماليزيا ما بيطلع هذا السعر

بلغ الشرطه عليه احسن

اذا الحجز مسترد تقدر تاخذ فلوسك بس راح ياخذوا رسوم على اﻻلغاء ما يتعدى 1000 ريال على الحجز كله .. وهددهم باي جهة رسمية من الموبايل

حبيبي هددهم بالشرطة هذا مو مكتب ابد سياحي مكتب نصب
ولا تسكت وش 18000 الف وربي شي يقهر
الحين يجي عضو ويقول انك غلطان ومسوي فاهم يليت اي عضو ينصح ولا يلوم اخاه فكل شخص معرض لهذا الموقف
وربي يعينك
ولا تسكت ابد للمكتب هددهم


ويليت الادارة تسمح للعضو بذكر المكتب حتى لا يقع احد لنصب
وحسبنا الله ونعم الوكيل فيهم

يعطيكم العافية ماقصرتم
أنا الآن يشتكيه في جهة رسمية بس ماأدري أي جهة حكومية أروح لها من الموبايل

ااااخخخ والله أني بموت من الغبن من الموبايل

يعطيكم العافية
صراحةً من جد الواحد يحس أنه في هذا المنتدى بين أخوانه من الموبايل

الصراحه غبنة الله يكون بعونك وخل احد من اقاربك عنده منصب يساعدك في هذا الغبنه
والله يوم شفت كلامكم انو ليه 18 الاف
وانا من شوي كنت بسوي حجز على فندق في قطر 12 الاف 7 ليالي
ومدري والله احس شفت كلامكم ترررردت ؟!
فندق انتركونتننتال طبعا لـ4 اشخاص

أبشركم حصلت شخص في وزارة التجارة وإن شاء الله الموضوع بينحل وأوافيكم بالأخبار من الموبايل

هذه الفنادق مع الأيام من يقدر يعطينا التكلفة تقريباً
صن وي لاقون ريزورت يومين
الدانة لنكاوي 4
جولدن ساندس بينانغ 2
كاميرون هايلاند 2
تريدرز كوالا 4
لشخصين وطفلين من الموبايل

ياليت تعطينا التواريخ من الموبايل

هلا والله اخوي ....

18000 الف حجز فنادق كثيييييير هذا اخذ عموله عليك اقل شي 9000 الاف ريال ..

الفنادق اللي انت بتحجزها كلها 5 نجوم لكن ماتتعدى ال 9000 مع الضرائب والرسوم والافطار

مو من حق المكتب انو مايسترد المبلغ نهائيا

ممكن انه المكتب اكد الحجز و حول المبلغ الى الفنادق ...واخذ عمولته ...واعطاك الفاوتشرات

بس هالشي مايمنع انو المكتب يتواصل مع الفنادق ويكنسل الحجوزات ويسترد المبلغ ...هذا حقك

اخوي حاول انك تستلطفهم بالكلام وقوله انا كنسلت السفر نهائياااااا وابي استرد المبلغ مو معقول 18000 ريال تروح كذا

اذا ما نفع معاه هالكلام ...اقرب قسم شرطه للحي الموجود فيه المكتب ..وقولهم انا حجزت وابي اكنسل بطلت اسااافر ..وابي استرد فلوسي

وانشاءلله مايقصرون معك ...

ااذا كنت في مدينة جده ...انشاءلله اقدر اساعدك

بالتوفيق اخوي

بصراحه شي يقهههههههر وينننن 18 الف عندك حمايه المستهلك مدري لهم دخل او لا بس جرب وفعلا لا تسكت لهم ابداااااا ابدااااا

حجز الغرف ما يفرق اخوي فيه اطفال او لا لانك هناك تزيد سرير وتدفع المبلغ كاش بالفندق ... الفنادق مستحيل مستحيل توصل 18 الف

حجزنا عشرين يوم ب15 الف احس كثيره 18000 على 14 ليله من الموبايل

تكفى يابو فيصل أبغى أتواصل معك عالخاص
بخصوص مكتب سياحي بجده
نصب علي

تكفى ضرووووووووووووووووووووووووووووووووووووووووووووووور ي

هلا والله اخوي..

يا اخوان المكاتب السياحيه اكثرهم نصابين وكثيير حذرنا منهم الا من رحم الله

اكثر المكاتب النصابه تاخذ عموله ع كل فندق تحجزه ..اما بعض المكاتب اللي عندها امانه وذمه تاخذ عموله ع جميع الفنادق المحجوزه

مثال:

انت بتحجز 6 فنادق

المكتب النصاب بياخذ عموله ع كل فندق 200 ريال تقريبا ...

6 فنادق ضرب 200 =1200 ريال عموله

اما المكتب الجيد بياخذ عمولع ع جميع الفنادق شامله وليس كل فندق اقل مكتب 200 ريال

غير الجولات والاستقبال من و الى

نصااااااااااااااااااابين ..اكثر الناس يجهل طريقة الحجز عن طريق النت او بمعنئ اصح يخاااف يقول احجز من مكنب واريح راسي لا اروح هناك واتوهق مايدري انه المكتب نصب عليه

عموما اخوي ..ارسل لي اسم المكتب وفي أي حي ..ع الخااااااااص

بالتوفيق

فعلا - وزارة التجارة شادة حيلها الله يعطيهم العافية

وياريت بعد ماتأخذ حقك منهم ( تشهر بهم ) كي لايقع أحد بيدهم


موفق اخي وسفرة سعيدة إن شاء الله

كفوووو ابو فيصل كفوووو

الله يسعدكم جميعا أبو فيصل والعدني وعبادي

أبوفيصل الله يكرمكلو ترسل رسالة ع الخاص
لأن عدد مشاركاتي لايسمح لي أرسلك خاص

ابشر بعزك اخوي...الحين توصلك رساله ...ولا تشيل هم بسيطه انشاءلله

اووووف والله حرام

أنا حجزت لـ 21 يوم منها 4 ايام في سنغافورة
فنادق بين 5 نجوم و 4 نجوم
السعر 10800 ريال والسعر شامل للضرائب اللي راح تدفعها كاش بالفندق