الموضوع: اذا ممكن مساعدة

أنا بسافر ماليزيا أول مرة أنا والعائلة وعندي 10 ليالي / 10 ايام
1: اريد جدول بالاماكن السياحية مناسب العائلة
كل المنطقة والكيف التنقل بين المدينة
2: افضل فندق في كل المنطقة تصلح للعوائل
3: عدد الايام في كل المنطقة
عدد الافراد 9 اشخاص

مواضيع عشوائيه ممكن تكون تعجبك اخترناها لك:

• التشك ان في الفنادق
• الخبير وافي ولايهون بقية الخبراء
• كم سؤال بس ؟ ضارروري ؟؟
• مسااااااااااااعدة في ترتيب جدول ماليزيا
• ☀ ☂ ☁ برنامجي السياحي بكل تفاصيله وفعـالياته حيــاك ☀ ☂ ☁
• مكان لركوب الخيل ، اليوم سفري واحتست
• عاااااجل وددت مساعدتكم لا عدمتكم
• لاهل الخبره وامشرفينا المميزين
• ارجو المساعده باقي خمسة ايام على السفر
• استشاره
• عندك سؤال أو استفسار تفضل
• دخيلكم انا في ورطة
• ارجوكم ساعدوني في اختيار توقيت السفر
• كيف الوصول للقرية الفرنسية
• هل شهر أكتوبر تشرين الأول مزدحم في ماليزيا؟؟
• البرجين التوأم والمول
• رايكم في خطة سفري الى ماليزيا
• رحلتي إلى ماليزيا من ولغاية
• أحتاج مساعده
• محتاجة مساعدتكمالوجهه ماليزيا والسفر اول مرا

اتمني لك سفره ممتعه
اول ماتوصل انزل في سلانجور فندق صن واي يومين فندق وملاهي اول ماتنزل وترتاح خذ تكسي خله يوديك محلات الصرافه واصرف المبلغ اللي بكيفك رحلتك كامله وبعدها دور ع سياره فان مع سواق توديك لبيننق وتقدر تخذها من الفندق اذا ارتفع سعرها 1000 او 900 رنقت
لان الخط من سلانجور لبينقق روعه
بينقق انصحك اربعه ايام
وانصحك بفندق بقيو بيتش في باتو فرنجي ع البحر وفيه مسابح وبراشوت ودبابات بحر وفيه العاب للاطفال واحلا مافيه مكان الفطور

اول ماتوصلون ع الظهر ريحو شوي وانزلو تحت خلو اول يوم للمغرب بالفندق وبعد النغرب انزلو ع رجلينكم من الفندق ولفو يسار وامشو شوي يجيكم السوق الليلي وبعده ع اليمين تجيك محطه فيها سوبر ماركت وماكدونالذز وفيه يساره كنتاكي
وبعدها ع الفندق من الموبايل

ثاني يوم من الصبح بدري بعد الفطور فيه قدام الفندق بقاله وجنبها محل انترنت
ادخله وقله ابي جوله وكاسرهم بالسعر حاول تاخذ الساعه ب20 رنقت
قله ابي جوله لين 12 الظهر
خله يوديكم الشلالات وبعدها حديقه الفواكه واذا خلصتوا اطلب رحله بحريه
انت وعايلتك ويوديكم لحالك ع لنش ويوقف بوسط البحر وتصيدو سمك وبعدها يوديك ع جزيره تتغدون فيها هدي تكلم تقريبا كل شخصين 200 مع الغدا
والعصر تكونو بالفندق
بعد العصر اذا رجعتوا وارتحتوا خذوا تكسي خلوه يوديكم جرني بلازا فيه كفيهات ومطاعم وكذا خلص اليوم الثاني من الموبايل

اليوم الثالث
الصبح خلوكم بالفندق لين الظهر بعد الظهر انزلو من الفندق ويسار فيه مكان وقوف الباصات بجيك باص رقم 101 او 102 احفظ هالرقمين
واركبوه قله كفي ثري
روحو تذوقو القهوه عندهم واشتروا ترا قهوتهم خيال لاتنسي جب لي كيس قهوه شكولاته😜
واذا نزلتو منه جنبه محل شوكلاته برضوا حلو
خلصتوا منه انزلو برا واتحروا الباص وقله جرني بلازا وانبسطوا فيه والرجعه للفندق اذا فيكم حيل ارحعوا بالباص 102 او101 وقله باتو فرنجي وعطه اسم الفندق واذا تعبانين ع تكسي
وكذا خلص اليوم الثالث من الموبايل

فيه حدايق التوابل والفراشات مانصحك
اليوم الرابع تكسي وعلي الجبل الاحمر والقرود واسئل اذا شغلو القطار الحبلي روحو له
واذا خلصتوا خل التكسي يعمل لك جوله داخل البلد واي مكان يعجبكم انزلو له وفيه برضوا متحف الالعاب حلو وقبل ترجع الفندق مر خوينا اللي قدام الفندق واحجز سياره ع كوالا صباح اليوم الخامس من الموبايل

احجزفي كوالالمبور باحد الفندقين استانا بس غالي شوي او دورسيت رجنسي اربعه نجوم وحلو للعوايل ومكانه حلو بشارع العرب
وبالطريق وانتم رايحيين خل السواق يمر فيك ع كاميرون تمشيه بالسياره ومزارع الفراوله وبعدها ع كوالا
توصلون كوالا ع بعد الظهر
وبعد ماترتاحون وبعدها انزلوا تمشوا بشارع العرب
كذا انتهي اول يوم من الموبايل

ثاني يوم تكسي وخله يوديكم جنتنق التلفريك توصلون التلفريك وبعدها تطلعوا فوق وتمشوا فيه العاب مطاعم الملاهي اخبرها مقفله واذا خلصتوا انزلوا مع التلفريك ومع التكسي وخله يمر فيكم ع ستروبري فارمر وبعدها عالفندق

بعد ماترتاحون بالفندق روحو البافليو مول وفيه سينما
وبعدها ع رجليكم تمشو بشارع العرب وكذا خلص اليوم الثاني من الموبايل

اليوم الثالث بعد الفطور خذ تكسي ع افاموسا منتجع فيه استعراض حيوانات وحديقه حيونات تدخل بسياره مصفحه
والعاب مائيه واخر شي فيه استعراض سيرك وحيونات وبعدها ترجعون للفندق وكذا خلص اليوم الثالث من الموبايل

اليوم الرابع خلوها في كوالا روحو البرجين والمناره وتايمز سكوير وللتسوق روحو السوق الصيني وجهزوا شناطكم عشان السفر بكره وحاول تروح للمطار قبل الوحله اقل شي بثلاث ساعات

اتمني اني افدتك من الموبايل

شكرا على رد السريع و نصائح قيمة و معلومات مفيدة‎

شكرا ل msa على الرد السريع طيب ما في شي عن لنكاوي ؟؟؟

لنكاوي رحته مرة وحده وحاجز ثلاث ايام من اول اربع ساعات طفشت ورحت لبيننق 😃 من الموبايل

المشاركة الأصلية كتبت بواسطة Msa_996
http://www.arabtravelersforum.com/tr...2/#post8290052

لنكاوي رحته مرة وحده وحاجز ثلاث ايام من اول اربع ساعات طفشت ورحت لبيننق 😃 من الموبايل



تتعوض المرات الجاية ان شاء الله
بس يا ريت لو تذكرلنه سبب طفشانك منهة

مرضت انا والمدام وتسمننا وضاعت شنطتنا صارت افلام الله لايعودها
ومنطقه هدووووء بزياده من الموبايل

المشاركة الأصلية كتبت بواسطة Msa_996
http://www.arabtravelersforum.com/tr...2/#post8290692

مرضت انا والمدام وتسمننا وضاعت شنطتنا صارت افلام الله لايعودها
ومنطقه هدووووء بزياده من الموبايل



الله يعوضكم عنها بالخير