الموضوع: ابحث على الابتعاث الى استراليا

السلام عليكم
للحصول على قبول غير مشروط احضر اثبات ان مرحلة البكالوريس كانت باللغة الانجليزية
ان شالله انها تكون فائدة وتحصل على القبول

اخويا عبدالعزيز انت لازم اول تدور في الجامعات عن التخصص اللى تبغي تدرس فيه لان مو كل الجامعات فيه جميع التخصصات ، وانت ثاني شي ماوضحت تبغي تدرس بكالوريوس او ماجستير ، لكن انا اتوقع انك تقصد انك تبغي درجه الماجستير.
انا عملت بحث في الجامعات عن الماجستير في تخصص health informaiton management ومالقيت هذا التخصص الا في جامعه سدني فقط .
لكن لقيت ماجستير في تخصص Health services management ولقيت هذا التخصص في الجامعات التالية :
جامعه سدني
جامعه سدني للتكنولوجيا (UTS)
جامعه موناش
جامعه نيو ساوث ويلز
جامعه غرب سيدني ( لكن هذي الجامعه غير معتمده لدي التعليم العالي في درجة الماجستير)

يعني اعتقد ان هذا التخصص متوفر اكثر في الجامعات الاسترالية اكثر من التخصص اللى انت كتبته واللى مالقيته الا في جامعه سدني الا اذا انت متأكد انه موجود في جامعات ثانيه .


مسأله القبول المشروط لازم منه لانه هناك شرطين حتى تأخذ القبول النهائي

اولا: انك تجيبلهم اثبات انك حاصل على 6.5 في الايلتس ، لانك لو ماجبت لهم انك حاصل على هذي الدرجه لازم تلتحق بمركز اللغه حتي تقدر تحصل على هذي العلامه ، وبعدها تبدأ الدراسة .

ثانيا : لازم تجيب لهم ضمان مالي بمبلغ الدراسه اللى راح تدفعها ( تكاليف الدراسه) ، ولو انك راح تدرس عن طريق عملك فاول شي راح تأخذ قبول مشروط حتى تقدمه لجهه عملك وبعدين يعطوك الضمان المالي حتى تقدمه للجامعه .

يعني لو انك تبغي تدرس عن طريق جهه عملك وماعديت مستوي اللغه المطلوب للماجستير اللى هو 6.5 في الايلتس ، هما راح يعطوك قبول مشروط بدراسه اللغه الانجليزيه ، يعني يوافقوا بعد مايدرسوا طلبك بشرط انك تلتحق بمعهد اللغه بحد اقصي 50 اسبوع ، وبعدين تقدم قبول الجامعه المشروط وقبول معهد اللغه لجهه عملك ولو وافقوا راح يعطوك الضمان المالي وبعدين تقدمه للجامعه وتبدأ دراسه اللغه حتى تجيب 6.5 في الايلتس .

عموما انا في رايي اختار تخصصك واختار الجامعه وبعدين ابدأ فاضل بين الجامعات .

واتمنالك التوفيق

عفوا اخوي هناك جامعات عندها تخصص ماجستير Health services management ونسيت مااكتبها وهي :
جامعة كيرتن للتكونولوجيا
جامعة فليندرز
جامعة جريفيث

اتمنالك التوفيق

اخوي العندليب لا عدمناك والله يعطيك العافيه وانا اخوك

بس انا ابي باكالوريوس
مع العلم يوجد لدي الترانس كربت بالانجليزي والمواد اللي درستها جميعها بالانجليزي
ويوجد لدي الوصف الاكاديمي للمواد

والله يوفقك اخوي العندليب على تعبك معي
وترى التخصص موجود في الجامعتين المذكوره في كتابتي الاولى

يعطيك العافيه اخوي عبدالعزيز انا عملت بحث عن التخصص اللى تبغاه لدرجة البكالوريوس وفعلا لقيته في جامعتين وهي :
جامعة كيرتن للتكنولوجيا
وجامعة لاتروب

وانت مدام تبغي تدرس بكالوريوس فالدرجه المطلوبه لبدء الدراسة اقل من 6.5 في الايلتس يعني اعتقد 5.5 كفاية ، ولو سألتني اي الجامعتين السابقتين افضل راح اقولك جامعة لاتروب لانك بعد ماتنتهي من السنه التحضيريه بنجاح تقدر تبدأ الدراسه مباشرة بدون الجاجه لاجراء اختبار الايلتس ، يعني الجامعة تعترف بنتائج مركز اللغه التابعه ليها وتقبلها ، بعكس جامعة كيرتن للتكنولوجيا اللى ماتقدر تبدأ الدراسه الا لما تجيب الدرجة المطلوبه في الايلتس .

حبيبي تبغي نصيحتي زور مكتب dpi لانه المكتب الوحيد المعتمد من قبل الجامعات الاسترالية ، يعني هو راح يقولك ايش الطلبات ويرسلك هي بعد مايأخذ مصاريف الارسال . انا لاني في جدة زورت المكتب والموظفين اللى فيه متعاونين لابعد الحدود ، بس بصراحه لسه ماجربتهم حتى اقدر اقولك كيف خدمتهم ، لكن في الاستشارات تراهم مره مفيدين ومجانا .

اذا انت من جدة موقعهم في طريق المدينه ، امام سوق المساعدية ، مركز سكاب الدور الاول ، تلفون 6681077
اذا انت من الرياض موقعهم ، العطار للسفريات في مبني العطار ، الملز تلفون 4793930
واذا انت من الشرقيه زور مكتبهم اللى في البحرين .

وهذا موقعهم على النت
http://students.idp.com/arabic/default.asp

واتمنالك التوفيق