الموضوع: ابغى اروح رابع العيد لدبي وش تنصحوني

أخواني واخواتي الأعزاء

سلام من الله عليكم

نفسي احد يفيدني عن دبي ناوي اروح انا والمدام وطفليني بنت 4 سنين وولد سنه بنروح لدبي رابع العيد وودي بخطة لرحلتنا ووشهي الأماكن الي نروحلها والفنادق الحلوه والنظيفه والمطاعم والرحلات البحريه والاسواق

يعني ولا عليكم امر يا عيال زايد يا اهل الكرم والشيمه تنصحوني بشي يفيدني
وشكرا لكم

مواضيع عشوائيه ممكن تكون تعجبك اخترناها لك:

• وين اسكن؟؟
• مطار دبي يتخطى حاجز ملايين مسافر خلال شهر يوليو
• ليالي رمضان في أبوظبي
• وين احصل خريطة دبي فيه ؟؟
• التصويت لدبي كأحدى عجائب المدن السبع
• فنادق البرشاء والممشى ههههه
• رحلتي الى دبي
• ايش في امكان في ابوظبي ؟
• استفتار شرايكم فندق في دبي
• معرض للمنتوجات الصينيه و الهنديه مايو م
• هل موجود سوق تحت الارض بدبي؟
• هذا الموجود فايها افضل
• أبو ظبي
• الانترفستيفال والا كراون بلازا
• بنات الامارات ابي رايكم
• طلب لشركة عرب لنيك لو تكرمتكم
• الإبداع الإماراتي في مهرجان أبوظبي ٢٠١٤
• ليلة كلها ضحك مع الأمم المتحدة للكوميديا
• محلات الاواني الفخمه؟؟؟؟
• مسبح عائلي

كم مده إقامتكـ؟

كم الميزانية ؟

عشان نعرف وش الفنادق المناسبه لك من حيث المزانية

أما بالنسبه للتسوق

فعندك مول الإمارات (إذا كنت ترغب السكن في فندق قريب من المول فوجد الكثير من الفنادق وأيضاً الشقق المفروشه )

عندك فندق هوليدي إن

وأيضأ كورا بوتيك

وشقق نجد

طبعاً كل اللي ذكرت تبعد مسافه قليله عن مول الإمارات وأسعارها متوسطه


وعندك شيلسي على شارع زايد

وهذا رابط تقد تشوف منه صور الغرف وانا حطيت لك السعر زي ماقلت رابع ايام العيد

حسبت لك تقريباً 5 ايام

موجوده التكلفه في الرابط


http://www.booking.com/hotel/ae/chel...28&aid=1329869


اما التسوق فعندك اسواق كثيره

ابن بطوطه

مول الامارات

مول دبي

فستفيال

ميركاتو

ستي سنتر

وافي سنتر

السوق الصيني


اتمنى اني وفقت في الإجابه على سؤالك

انا وبعد مثلك كل زياراتي السابقة كانت رحلات عمل، ابي امكان ترفيهية للعائلة والاطفال وعن احتفالات العيد....

هلا فيك اخوي

بس لو تعطينا فترة اقامتك وطريقتك المفضله للتنقل

والميزانية الموضوعه بشكل عام وميزانية الفندق بشكل خاص

والمدن اللي تبغي تزورها؟؟؟

وان شا الله راح انساعدك

تسلمولي يالغالين
طبعا الميزانية 6000 ريال سعودي
الاقامة من 4 إلى خمسة أيام
طبعا السكن في دبي فنادق حلوه وياليت اعرف سعر الشاليهات
واعشق الرحلات البحرية ( يعني اي شي فيه بحر قولولي )

تسلمووووووووولي يا عيال زايد

اخوي ابو وسن

نصيحه اول شي تسويه تأجر سياره من المطار ويكون معاك الجارمن

لان التكاسي واااايد غاليه والتأجير يوفر عليك واايد والمواقف ماشاء الله في دبي واايد منظمه أحسن من انك تنتظر التاكسي عند المولات

وهذا عن تجربه .....وبالتوفيق

يعطيك العافية يا ام ثنيان بالفعلا ذكرتيني والله ضروري

المشاركة الأصلية كتبت بواسطة ابو وسن-15
http://www.arabtravelersforum.com/tr...1/#post3322631

تسلمولي يالغالين
طبعا الميزانية 6000 ريال سعودي
الاقامة من 4 إلى خمسة أيام
طبعا السكن في دبي فنادق حلوه وياليت اعرف سعر الشاليهات
واعشق الرحلات البحرية ( يعني اي شي فيه بحر قولولي )

تسلمووووووووولي يا عيال زايد




خلاص اخوي ابشر

ان شا الله بالكثير اليوم بالليل برد عليك

هلا فيك اخوي


ارشح لك فندق ارجان - مدينة دبي للإعلام

الفندق قريب من مرسى دبي او المارينا

فندق بوكينج مسوي عرض على السويت الكلاسيك بغرفة واحده

احجز 4 ليالي وادفع قيمة 3 فقط

وبسعر 3450 درهم لأربع ليالي

ونفس الغرفة سعرها 4600 بدون العرض للأربع ليالي


ايضا شيراتون شارع الشيخ زايد مسوي عرض حلو

الفندق قريب من محطة المترو وقريب من دبي مول

الكلاسيك روووم مع الفطور (عرض الصيف)

بسعر 2124 درهم للأربع ليالي


ايضا تشيلسي للشقق الفندقية على شارع الشيخ زايد

سعر الشقة بغرفة واحده 2655 درهم للأربع ليالي


تاورز روتانا على شارع الشيخ زايد

سعر الغرفة 1870 درهم للغفة المزدوجة (الكلاسيك) للأربع ليالي


فندق المروج روتانا (مسافة قطع شارع لدبي مول)

3175 درهم للكلاسيك رووم للأربع ليالي


اما بالنسبه للأماكن المقترحة للزيارة

فاليوم الأول يمكنكم زيارة دبي مول وسوق البحار بحكم انه بجنبه ومشاهدة النافورة الراقصة (دبي فاونتن)

اما اايوم الثاني

فيمكنكم زيارة مول الإمارات وتايمز سكوير سنتر

وفي اليوم الثالث ابن بطوطة ومرسى دبي واذا في وقت سوق جميرا


وايضا اذا زدتو يوم واحد يمكنكم زيارة فندق اتلانتيس ومركز ميركاتو


وبالنسبه للرحلات البحرية

ارشح لكم مطعم باتو دبي

وهذا تقرير الأخت بنوتة الإمارات

http://www.arabtravelersforum.com/travel253584/


وانت شوف اللي يعجبك ورتب البرنامج

بس اخوي لازم على الأقل تطلعون من الصبح عساس تاخذون راحتكم بالتمشي

ولا تنسى تمر على تقارير الأعضاء وتاخذ فكرة عساس اتسوف الأماكن اللي تعجبك


واي استفسار انا حاضر

يا بو وسن والله مشرفنا ولد زايد ما قصر باشرح
بس اذا تشوف بتوقيعي ( رحلتي الي دبي ) را تشوف الرحلات البرية سفاري
و الاماكن السياحة الحلوة و السكن في فندقي طبعن كاتب السلبيات و الايجابيات

يعطيكم العافية وما قصرتوا والله
طيب وش الأفضل شقق الخالدية الي بالرقة او تاج بالاس

المشاركة الأصلية كتبت بواسطة ابو وسن-15
http://www.arabtravelersforum.com/tr...2/#post3325702

يعطيكم العافية وما قصرتوا والله
طيب وش الأفضل شقق الخالدية الي بالرقة او تاج بالاس




اخوي انا لا انصحك بالسكن في ديره

اولا للزحمة الشديده فيها

وايضا المنطقة تعتبر قديمة والمشاريع الجديده كلها ببر دبي

يعطيكم العافية وما قصرتو بس وش الفنادق المناسبة للعائلات في بر دبي

اخوي الفنادق اللي عطيتك فوق كلها حلوه ومناسبه للعوائل