الموضوع: ابي اجرب ميترو دبي ظروري

السلام عليكم ياجماعة الخير ... انا ان شاءالله بروح دبي بالعيد وقلت ودي اجرب ميترو دبي والمحطات الي ينزل فيها .... يعني انا راح اكون في اتلانتس النخله شلون اقدر استخدمه ؟؟؟؟؟ للي عندهم الخبرة لا تبخلون علينا بلييييييييييييييز

مواضيع عشوائيه ممكن تكون تعجبك اخترناها لك:

• بعض الاسفسارات عن معرض جيتكس ؟
• محتاااارة ممكن تفيدوني
• إستفسار عن شقق الغدير الفندقية ـ هل هي في الشارقة أم في دبي
• الإفطار والسحور بالريتز- كارلتون أبوظبي
• موضوع تفاعلي عن السكن والتنقل يمنع فتح اي موضوع مستقل
• كرما لااااا أمرا
• رحلتين يوميا من الشارقة للدمام للعربية للطيران
• سؤال يحتاج اجابةعن الخطوط الاماراتية
• اسعار ايجار السيارات في دبي
• سفير للفنادق تفتتح أول فنادقها في الإمارات خلال
• «أكور» تفتتح فندقاً في الإمارات بحلول
• قبل الإنطلاق افيدوني بخصوص فنادق وأماكن سياحية
• فندق ميناء السلام دبي
• تعالو شوفو اوتيلات البرشا وخل نرشح وش الافضل منها ؟؟؟ مع الاسعار لاربع ليالي
• ممكن حد يدلني بليز
• دبي دانة الدنيا
• ملايين مسافر عبر مطار دبي في مايو
• «سياحة دبي» تبحث الاستعدادات لاحتفالات اليوم الوطني
• العائلات الخليجية تبدأ بالتوافد على «عالم مدهش»
• مطلوب شاليه في دبي

14 مشاهد ولا احد رد علي

انا لسه جاي من يومين ... وفعلا المترو تجربه حلوه

وهذا الرابط فيه صور للمترو من الداخل ... طلعنا من مول الامارات والى المطار والراشديه ثم

عدنا لمول الامارات ...


http://www.arabtravelersforum.com/travel319617/

هلا فيك اخوي

ما افتتح من مترو دبي هو الخط الأحمر فقط ولكن ليس كاملا

وما افتتح هو 10 محطات من اصل 29 محطة

واقرب محطة للنخلة هي محطة مول الإمارات

(للعلم النخلة جميرا بعيده نسبيا عن الخط الأحمر)

والطرق كالتالي:

من اتلانتيس إلى بداية النخلة عن طريق قطار النخلة

ومن محطة القطار إلى محطة مترو دبي (محطة مول الإمارات) عن طريق التاكسي

وهذا الموقع الخاص بالمترو

ويساعدك في تخطيط رحلاتك عبر المترو

http://www.mydubaimetro.com/en


وهذا موقع وجهتي

وهو مثل البرنامج ويساعدك على تخطيط رحلتك عبر المواصلات العامة في دبي

من مترو وباصات مائية وحافلات نقل عام

http://wojhati.rta.ae/dub/XSLT_TRIP_...T2?language=ar


واي استفسار انا حاضر

مشكوووووووووووووووورين وااااااااااااااااااااااااااااااااااااااااااااااااا ااايد وبعدين انا لازم اغير النك نيم لأن الكل يحسبون اني ريال

يعطيكم العافية يا اهل الامارات ياااااااكل الطيبة والله اني احب هالديرة الطيبه وخاصة اني عشت ودرست فيها بفترة الغزو الله لا يعيده

مرحبا .. اذا نزلت في اتلانتس في قطار .. وبامكانك اخذ خارطة المترو من المطار وهناك محطة في مبنى المطار رقم 3 التابع لطيران الامارات يعني بامكانك تروح من المطار الي فندق اتلانتس بالقطار ويمكن تدفع 5 دراهم تقريبا وماعيد القطار من 5 صباحا الى 12 اخر الليل وفي محطات في شارع الرقة وشارع الشيخ زايد والكثير من المحطات

تاخذ تكسي من فندق اتلانتس .. ينزلك عندمول الامارات ب 10 درهم
ثم تاخذ المترو الى وسط دبي ب 6 دراهم تقريبا
بالتاكسي هذا المشوار يكلف 100 درهم سابقا قبل المترو

المشاركة الأصلية كتبت بواسطة سفير الامارات
http://www.arabtravelersforum.com/tr...3/#post3320173

مرحبا .. اذا نزلت في اتلانتس في قطار .. وبامكانك اخذ خارطة المترو من المطار وهناك محطة في مبنى المطار رقم 3 التابع لطيران الامارات يعني بامكانك تروح من المطار الي فندق اتلانتس بالقطار ويمكن تدفع 5 دراهم تقريبا وماعيد القطار من 5 صباحا الى 12 اخر الليل وفي محطات في شارع الرقة وشارع الشيخ زايد والكثير من المحطات



اخوي يعني قصدك اذا وصلت مطار الامارات اروح تيرمينال 3 وبعدها اركب الميترو يوصلني الى فندق اتلانتس ؟ والا الى محطه قبل الفندق ؟

هلا اختي

ان شاء الله تنورين الامارات

انا اليوم ركبت المترو من المحطه القريبه من شغلي (الراشديه) لين اقرب محطه لبيتنا(محطة مول الامارات) ومرينا على محطات (مطار دبي مبنى رقم 3, ديرة سيتي سنتر, الرقه, خالد بن الوليد, الجافليه, المركز المالي اللي عند المركز التجاري, مول الامارات) مريت على 7 محطات ب 4 دراهم ونصف ومن مول الامارات لين بيتنا 10 دقايق بالتكسي خذ 30 درهم ,,,المترو طبعاً غير ارخص بوايد بس اليوم اضطريت اركبه لان انا ما عندي ليسن والسواق ماكان موجود

يعني انتي تقدرين تركبين المترو من مطار دبي مبنى رقم 3 الين اقرب محطه للنخله وهي محطة مول الامارات
والتجربه حلوه الصراحه

شكلي بجرب المترو

بس عندي سوال هل فيه امكانيه من مول الامارات لدبي مول

المشاركة الأصلية كتبت بواسطة واهلالاه
http://www.arabtravelersforum.com/tr...4/#post3321724

شكلي بجرب المترو

بس عندي سوال هل فيه امكانيه من مول الامارات لدبي مول




فيه امكانيه من محطة مول الامارات لين محطة المركز المالي ,,,,,,,,هاي اقرب محطه لدبي مول

المحطات اللي داخل المولات والمفتوحه الحين محطة مول الامارات و ديره سيتي سنتر

المشاركة الأصلية كتبت بواسطة واهلالاه
http://www.arabtravelersforum.com/tr...4/#post3321724

شكلي بجرب المترو

بس عندي سوال هل فيه امكانيه من مول الامارات لدبي مول




من كول الإمارات تاخذ القطار من محطة مترو مول الإمارات

إلى محطة قطار المركز المالي

ومن محطة المركز المالي ستشاهد حافلات النقل العام

خذ الباص رقم F13 وكلها 10 دقايق بالكثير وانت بدبي مول

وبالنسبه للتعرفة فالباصات والقطار والحافلات المائية كلها ببطاقة نول

ويمكنك الدخول على خدمة وجهتي لتخطيط رحلتك عبر وسائل المواصلات بدبي

http://wojhati.rta.ae/dub/XSLT_TRIP_...T2?language=ar


واي استفسار انا حاضر

اقرب شي لجميرا هو محطة مول الامارات المترو ممكن يكون زحمة

شكرا على ردودكم يا اهل الامارات ياااااااااااا اطيب ناس