حبيبي بوراشد
انا سالت كذا سؤال بكذا موضوع بس اظاهر محد انتبه للموضوع
عموما , يا بوراشد
بالنسبه لدلمون او المدينه المائيه , شلونها ؟ وشلون وضع السياح هناك ؟ هل هي شبيهه لاتلانتس دبي اقصد من حيث لبس السباحه للزوار , يعني مفتوحه عادي المايوهات النسائيه ولا غير ؟
جنة دلمون المفقودة هي حديقة مائية بس عاد يا أخوي مب مثل مستوى اتلانتس .. اتلانتس أفضل بكثير .. ولكن جنة دلمون فيها ألعاب متنوعة ولكن ليست بكثرة اتلانتس .. واهي تفتح في شهر رمضان من الساعة الثامنة مساءاً وحتى الثانية صباحاً ويومي الجمعة والسبت تفتح من الساعة السادسة مساءاً وحتى الثانية صباحاً ما عدا يوم الثلاثاء مغلقة .. وبخصوص الملابس فهي مفتوحه عادي كل شيء وفيها مايوهات .. لأنها مختلطة .. وطبعاً ها الشيء لا يأتي إلا من الاجانب ..
ثانيا شنو اقدر اسوي من نشاطات بنفس المنطقه غير دلمون وحديقه الحيوان ؟ او اني لازم انزل للمنامه ؟
عندك محمية العرين .. ومن الممكن أنك تزور الفندق الجديد اللي في منطقة الزلاق وأسمه سوفتيل الزلاق وهو منتجع جديد وفي اشياء وايد من برك السباحة وشاطئ خاص بالفندق ويمتاز بنظافته وهناك اختيارات من المطاعة ذات إطلاله جميلة على البحر .. وعندك أيضاً حلبة البحرين للفورملا وتقدر تسوق هناك سيارات الكارتنغ على حلبة الكارتنغ في حلبة البحرين للفورملا .. وعندك أيضاً شاطئ بلاج الجزائر للسباحة .. وإذا بغيت تنزل المنامة تقدر لأنه يفصل منطقة الصخير والمنامة شارع الشيخ خليفة بن سلمان وراح تبعد المنامة عن الصخير حوالي 15 دقيقة لأنه راح يكون شارع رئيسي يصلك إلى المنامة ولا توجد زحمة فيه ..
وأتمنى أني ما قصرت في شيء ..
وإذا عندك أي استفسار يا أخوي ترى حاضر لك ..
وبالتوفيق ان شاء الله ..
المفضلات