اخونا الكريم
انا للأسف مش هاقدر افيدك فى كل شئ لكن هاجاوب على اللى اعرفه
- بكم تقريبا سعر التاكسي من المطار الى الفندق؟
على الرغم من قرب المطار من الفندق لكن اقل شئ هاتدفعه 30 او 50 جنيه .. على فكرة المسافة قريبة جدا جدا من المطار للفندق لو معاك شنط كتير هاتضطر تاخد تاكسى لكن لو مش كتير هاتلاقى فى موقف اتوبيسات عند مخرج المطار فى منها 3 اتوبيسات بتروح مساكن شيراتون ممكن تركب اى واحد منهم هاينزلك قريب جداً من الفندق والتكلفة لن تتعدى ال5 جنيهات
5-ما هي اشهر المطاعم المتخصصة في الكباب والكفتة القريبة من هي الفندق؟ وبما تنصحوني من المطاعم القريبة؟
فى مطعم مندى وكبسة اسمه حضر موت فى شارع الحجاز بعد مستشفى هليوبليس فى نفس صف المستشفى وفى نفس المنطقة موجود مطعم دجاج تكا .. وفى نفس الشارع امام حديقة الميريلاند يوجد مشويات فرحات
التاكسى من مساكن شيراتون الى مطعم حضرموت هاياخد 10 جنيهات ولو روحت عند فرحات اللى امام الميريلاند هاياخد 15 جنيهاً
مطعم حضرموت ليه فرع تانى فى ميدان الجلاء بمصر الجديدة وبجواره مباشرة فى مطعم شاورما ابو مازن السورى وهو من المطاعم الممتازة
يوجد فى مساكن شيراتون مطاعم منها مطعم مشويات لا اتذكر اسمه للأسف لكن هو من اسوأ المطاعم بصراحة اللى اكلت فيها وباقولك علشان تخليك بعيد عنه
6- لضيق الوقت قررنا ان تقتصر زيارتنا للقاهرة على سيتي ستار فهل هناك مكان مناسب اكثر منه او قريب من الفندق مناسبة وبكم سيكلف التنقل بالتاكسي من الفندق الى سيتي ستار؟
هو انسب مكان تروحه سيتى ستارز نظراً لضيق وقت الترانزيت والتاكسى من الفندق لسيتى ستارز هاياخد 20 جنيه
على فكرة داخل سيتى ستارز نفسه هاتلاقى مطاعم الوجبات السريعة زى كنتاكى وماكدونالدز وكوك دور وغيرهم وكمان فى مطعم مناقيش بتاع الاكلات والمشويات اللبنانية
اتمنى انى اكون افدتك
المفضلات