الموضوع: لاهل الخبرة والتجربة مكان مختلف مميز ممتع

السلام عليكم ورحمة الله وبركاته


عندي 3 او 4 ليالي محتاارة وين اقضيهم وراح يكونون بين كابرون و بادن بادن

يعني المخطط كابرون _ ...؟؟؟؟.... _ بادن بادن _ ميونخ

ابي هالايام في مكان مختلف عن الاماكن اللي بالمخطط ، فكرت وبحثت وااايد بس ماوصلت لمكان يرضيني

ابي مكان غييير مايشابه اللي بزورهم ، مكان مميز ، مختلف ، ياااريت اهل الخبره يسااعدوني ؟

حيييييييييل كان خاطري بيورو ديزني بس بعيده واايد

مواضيع عشوائيه ممكن تكون تعجبك اخترناها لك:

• ماعليكم امر خبراء اوروبا فزعتكم بلييييييز
• محتاج سيارة في مطار ديسلدروفرايكم مهم
• هذا ما حدث معي الجمعه قبل الماضيه عند نزولي بمطار فرانكفورت
• النمساوسويسرا والمانيا
• ابي مساعدتكم ورايكم في تاجير السيارة
• شهر عسل
• جاهز للسفر ولكن
• استفسار عن رحلة لشهر العسل بدول أوروبا
• مين يفيدنا بخصوص اختلاف الاسم بين الجواز و الفيزا ؟؟
• شنو الفرق بين حجز السيارة من النت وحجزها من المكتب؟
• ساعدوني اريد الذهاب الى لايبزيغ للعلاج
• في ضيافة البحيرة الساحرة
• ساعدوني بخصوص التأشيرة
• مسافر في يونيو هل يتواجد بها الثلوج؟ولو على المرتفعات ويمكن الوصول لها؟
• التخطيط لرحلة شتوية
• اجازة نص السنه في فرانكفورت
• لاهل الخبرة فزعتكم لاخوكم
• ايش افضل السكن في رست او ستراسبورج ؟
• محتاج خطة لـ أيام في ميونخ فرانكفورت
• استيكر السياره

مساء الخير غارمش وكونستانتس المانيا

لو ما عندكم مشاكل بالمسافات الطويله ممكن تتطلعون من زيلامسي الى سويسرا ومنها الى بادن

اهلاااا مشرفنا كونستانس ماحسيت فيها شي مختلف او مميز ماعندنا مشكله بالمسافات بس ابي منطقه او مكان يمون مختلف عن الاماكن اللي قررت اروح لهامابي اروح لاماكن احسها مكرره مادري فهمت قصدي او لا ؟!



مو شرط تكون بنص المسافه بين كابرون وبادن


بس المهم تكون قريبه ومو بعيده وايد عن المخطط

ديزني مافيه مجال نهائيا تدش بنص المخطط صح ؟

ودي فيها بس تكون بالنص ! بس جنها حده داش عرض (

طبعا ديزني بعيده ولا يمكن

شنو الاماكن وشنو المخطط

كابرون 4 ليالييوم الوصولالثلج وشلالات كريملسالزبورغالقرى القريبه والبحيراتبادن بادن 4 لياليالسنترالشلالات وبحيره تتسيستراسبورغاوروبا بارك



ميونخ 3 ليالي سوووق

اختاري غارمش 3 ايام .. بين كابرون وبادن لو احببتي او ضواحي ميونخ

كونستانس احلى

يعني مافيه الا هالخيارين ؟ كونستانس و غارمش

واذا كانت هالايام بين بادن بادن وميونخ ؟

نفس الشي ؟

مافيه مجال ندخل ايطاليا او فرنسا صح؟!

ايطاليا وفرنسا بعيده
ممكن تدخلني بريغنز اولندوا بس المعلومات عنها قليله وكلها مطله على بحيره كونستانس

لا كلهم بعيدين

وغارمش احلى من كونستانس .. ولو رغبتي بسويسرا او اطراف النمسا مثل بريغنز حاضرين والمعلومات متوفره عندنا بالمنتدى

بس ما اعرف ليش متضايقه جذيه .. انتي زرتي هالمدن من قبل وله فقط رايي

تحياتي

مشكوورين على الرد عزيزتي دموع واخوي علي ..



اخ علي انا مو متضايقه .. بس كنت ابي كل مكان اروح له يكون له طعم مميز ومختلف عن اللي قبله و بعده

يعني مثل ديزني مثلا احسها تعطي نكهه للسفره بس للاسف واايد بعيده عموما خليتوني ارد افكر بكونستانس واللي حواليها




شرايكم ببريغنز ؟تسوى احط لها 3 ليالي ؟يعني يصير 4 كابرون3 او 4 بريغنز4 بادن بادن3 ميونخ

لوتبغين شوري 4ليالي في كابرون قليله جدا وشكلك ماحطيتي شي في سالزبورغ برايي خلي مخططك

6 كابرون - ليلتين قارمش اوكونستانس اوبريغنز - 4ليالي بادن بادن - 3ليالي ميونخ

لا انا حاطه يوم واحد لسالزبورغ من كابرون
وزيلامسي مو بالخطه اساسا لاني سبق وزرتها

وبصراحه انا من النوع الملول مااحب اطول بالمكان

ما انصحج بهذا المخطط طويل جدا ومكلف جدا وكل هذا علشان ديزني واصلا عدد ايامكم قليله وراح اتشوفون ملاهي يوربا بارك

لو كان العوده من باريس ممكن ويكون من مطار ميونخ الى زيلامسي مباشره ثم ميونخ ثم بادن او ستراسبورخ ثم ديزيني وباريس

اذا كل هذا الشوق لها والحلم والميزانيه ممتازه

واذا انتم اثنين وفيكم شده روحي

من كابرون الى بادن 7 ساعات من بادن الى ديزني تقريبا 5 ساعات ونصف الى 6 ساعات وتقريبا منها الى ستراسبورخ نفس المسافه ثم 4 ساعات وشوي الى ميونخ

شوفي تقريبا هذي المسافات بالسياره

عن اذن المشرفين بو عمر ودموع الوجد : ) ممكن افيدج بتجربتي .. انا لي زياره من سنتين كانت ميونيخ - زيلامسي - زيوريخ - باريس
اول يومين في ميونيخ وبعدها زيلامسي او كابرن وكانت 3 ايام وبعد ذلك زيوريخ 3 ايام وباريس يومان
كانت رحله شبابية صح سريعه ولكن جميلة .. ممكن يكون الجدول نفس الي ذكرته وتوزعين الايام حسب ما ترغبين
وممكن تتسوقين في زيوريخ اذا تبون تسوق خصوصا انه السوق كبير وبصراحه حلو وانا شفته احلى من سوق ميونيخ ماركات وكل الي تبونه .. ولكن زيوريخ بشكل عام اغلى من ميونيخ لانها مركز المال العالمي !
المسافة الوحيده ممكن تكون بعيده بين زيلامسي وزيوريخ تقريبا 5 ساعات بالسياره ..
طبعأ اذا معاكم سياره تسلمينها بزيوريخ وبالقطار 3 ساعات الى 4 ساعات وتكونين في باريس .. الي انا اشوفه انج تبين ديزني لاند اكثر من يوروب بارك وانا زرت الاثنينه .. كلهم حلوين لكن نحن كشباب عجبتنا يوروب بارك اكثر لانه فيها العاب مغامرات للكبار اكثر في حين انه ديزني متنوعه للصغار والكبار

حبيت افيدج بالتجربه لا اكثر وانتي تشوفين الي يناسبج وتقبلوا مروري ..

اخ علي اذا متعبه غصب بشيلها من راسي لان معاي اطفال

ديزني صراحه حلم .. بس اذا مكلفه بعد عطيتني سبب ثاني يخليني اكنسلها


شكلي راح اعتمد بريغنز 3 ليالي .. وين اقدر اروح منها ؟دشيت على اغلب الفنادق بميونخ والشقق بكابرون اللي بمواضيعك واسعارهم زينه كلهم فللل بالوقت اللي ابيهم

اخوي سيف الامارات آنا ماهمتني الالعاب آنا ابي اشوف شخصيات ديزني وعروضهم ؛)

مشكور على ذكر تجربتك بس جذي تعب لان معاي اطفال .. مو خفيفه




لازم نكتفي باوروبا بارك هالمره .. ونخلي ديزني مره ثانيه ان شاء الله

ماحصلت بكابرون

شرايكم بهالمنطقه Maria Alm am Steinernen Meer

؟

وهالفندق :
Haus Stablerkrämer



http://www.booking.com/hotel/at/haus...X2&aid=1329869

؟؟؟؟؟