الموضوع: اقدر انزل في المانيا واتمشى في ستراسبورغ؟؟؟؟؟؟؟

السلام عليكم ....


انا اول مره انوي اطلع اوروبا وحابه اروح باريس وستراسبورغ ......


وسمعت ان ستراسبورغ قريبه لألمانيا ؟؟؟ اقدر اسكن بمدينه او قريه بالمانيا واروح لستراسبورغ وارجع بنفس اليوم؟؟



ياليت تفيدوني لاني قريب بحجز


وايهم افضل احجز من الرياض لفرنسا او من الرياض لالمانيا ؟؟



كان تخطيطي باريس ستراسبورغ وريف المانيا








وشاكره لكم ...

مواضيع عشوائيه ممكن تكون تعجبك اخترناها لك:

• سؤال وارجو الافاده من اخواني الموجودين عن السفاره الالمانيه بالكويت
• ساعدوني في مخطط لرحلتي ورأيكم يهمني
• من يساعدني عن المانيا
• مسافر لأوروبا ابي فزعتكم
• مساعده بخصوص مستشفيات أمراض الدم بالمانيا
• الرجاء المساعدة ضروري
• حجز سياره بفرانكفورت
• يا مشرفين ويا خبراء
• حجزنا السيارة واستلامها من مطار ميونخ
• بعد غد الذهاب الى يورب بارك تعليقاتكم
• توني طالع من السفارة الالمانيه في الخبر
• قبول جامعي
• شوارع في ميونخ اريد موقعها
• فزعتكم ياجماعة الخييييير
• أستفسار بخصوص الفيزا الالمانية يا خبراء التاشيرات
• ياخوان تكفون المساعده مشكله في التـأشــيرة وفي مطار فرانكفورت وفيينا ساعدوني
• ملصقات المركبه و مواقف السيارات والرسوم
• أسئلة هامة لي
• ساعدوني مره حايسه بحجوزاتي ومخطط سير الرحله وقص التذاكر اليوم
• مشكلة في حجز موعد بالسفارة الالمانية

؟؟؟؟؟؟؟؟ يارب احد يرد

http://www.arabtravelersforum.com/travel548882-2/ توني بالصدفه قريت هالموضوع عاد انا ماعندي خبره ابد بهالمواضيع

يعني لو بسكن بالمانيا لازم اسوي زي الاخ اللي تو


مشكله عاد انا لاني ساكنه لا بالرياض ولا بجده لو بقول لزوجي لازم انت تروح بيكنسل السفره كلها

اذا بدايتك من باريس عادي تتدخل المانيا ما في مشاكل .. وحتى لو كانت عودتك من المانيا

تحياتي

هلا
ايه تقدر والفكرة الصح انك تروح باريس ومن باريس في قطار واحد سريع ساعتين ونصف وانت في ستاربورغ وسعر التذكرة عادة 40-75 يورو للشخص والتجربة رائعة جدا جدا
وفي نهر في ستاربورغ وبه حدود ما بين المانيا وفرنسا واقرب مدينة ريفيه من ستاربورغ تابعة لالمانيا هي افنبورغ offnburg ةمنها تستأجر سيارة افضل وارخص من هرتز مثلا وتبعد افنبروغ عن ستاربورغ 24 كلم يعين تقريبا ربع ساعة .
كذلك افضل انك تسكن في الريف الشرقي من يورب بارك تبعد تقريبا عن ستاربورغ ربع ساعة بالسيارة او في يورب بارك نفسها لكن انا احب الريف اللي من بعد الكبري الفاضل ما بين يورب بارك والجهة الشرقية المقابلة .

وللمعلومية من الرياض الى المانيا لديك فقط فرانفكفورت ومنها الى ستاربورغ 4 ساعات تقريبا فالاضل تجربة القطار من باريس الى ستاربورغ وتكون رحلتكم ممتعة جدا ان شاء الله

مشكورين وماقصرتوا

اختي بالنسبة للريف الاوربي والتنقل من قرية المانيه الى فرنسية او سويسرية او نمساويه بصراحة يحتاج الى سياره هل سوف تستأجرون سياره ؟؟؟اذا كان الجواب نعم فلكي ان تتنقلي بكل سهوله وتختاري ما تشأين مع حساب المسافات عن طريق قوقل ماب واذا كان الجواب لاء فيجب ان تكوني دقيقة في اختيار الاماكن وخصوصا بالريف لان بعضها يكون معزول والانتقال منه واليه متعب يحتاج قطار يتغير اكثر من مره وربما باص يعني شغلة تقلب الراس وتتعب بنقل العفش وتضيع الوقت هذا بالاضافه الى ان بعض الارياف كئئئئئئئئئئئئئئئئئئئئئئئئئيب وممل وهاديء جدا لمن لا يملك السياره لذلك يكون الاختيار بعناية واختيار مناطق في الريف الاوروبي مشهوره والوصول اليها بالقطار سهل يعني دايركت او تغيير واحد بالكثير تحياااااااااااتي

اهلين اختي لا طبعا ان شا الله بنستاجر سياره ...حلو الريف ماقد رحت لطبيعه وجو حلو اذكر ماليزيا وانا عروس ماتهنيت ماغير انافخ حر حر بعوضهالمره وبخلي ولدي ينبسط

طبعا اللي يحدثك رجل ودام معكم سياره ان شاء الله ما فيه مشكله وافضل برنامج لكم هو الوصول لفرانكفروت والجلوس فيها ليلتين (ويمكنكم السكن في بادن بادن اذا ما ترغبون في فرانكفورت ) ثم الانتقال الى منطقة روست حيث ملاهي اليورب بارك او بادن بادن وهي قريبة من فرانكفورت ساعتين بالسياره وملاصقة لمنطقة الغابات السوداء ويمكنكم السكن بمنطقة الغابات السوداء او الانتقال الى كونستانس على حدود سويسرا او انترلاكن الحالمه بسويسرا وستراسبورغ قريبة من بادن بادن 40 دقيه ومناطق كثيره رائعه اخيرا يتم تسليم السياره في ستراسبورغ ضاحيتاها الالمانيه kehl لكي لا تحسب عليكم ضريبة اختلاف الدول ثم تنطلقون بواسطة القطار من ستراسبورغ الى باريس اقل من ساعتين ونصف ومن باريس الى ارض الوطن ويمكنكم الانتقال من انترلاكن بسويسرا الى جنيف ساعتين ونصف ومن جنيف الانتقال بالقطار الى باريس 3 ساعات ولي رجعه لترتيب المناطق اذا اعجبك المسار

اسفه اخوي مانتبهت مرات ادخل من الايفون ماشوف زين ههههه.....


يعطيك العافيه اخوي ماقصرت ... شاكرة لك اهتمامك ...



بس تنصحني اقدم عالسفاره الالمانيه ولا الفرنسيه ... ايهم اسهل بالشروط ..----->>>> زوجها ودهم يرفضون ... رايح مجامله لي مايجي السفر

اخوي Daayem1. انا الحين استقريت على الجدول : باديس ديزني ستراسبورغ رست بادن بادن فرانكفورت


بس للحين محتاره بنقطة الوصول هل بتكون باريس او فرانكفورت .....


تو كتبت انت ان نسلم السياره بقربه بالمانيا طيب كيف نرجع ستراسبورغ ؟؟؟؟؟؟ واذا فيه ضريبه كم تقريبا الضريبه ؟؟؟؟؟




ادري دوخت بالاسئله بس لك الاجر انك ساعدتني

السلام عليكم ...

اليوم رحنا المكتب طلعت التذاكر غلى الخطوط المصريه الرياض القاهره باريس فرانكفورت القاهره الرياض الشخص حول 4000 الاف للشخص !!!!!



حيل غالي السعر ...وقالنا الموضف ان الخطوط التركيه نفس سير الرحله اللي كتبتها تو ب2800 معقول السعر للشخص بس توقف باسطنبول ...


وتوني شفت عروض تشجيعيه على الخطوط السعوديه جنيف والمانيا ذهاب وعوده 1800 ريال للشخص ....ايهم برايكم افضل العرض بينتهي يوم 25 من شهر 3 ميلادي ...وجوازاتنا توها منتهيه يمدي نحجز عليها ؟؟؟؟

الله يجزاه خير اللي يرد علي بسرعه ...

تكفون ردووا. ...

يارب احد يرد

مساء الخير

يعتمد على المخطط ااذا فرانكفورت جنيف صعب ادخال ياريس

اشرح لنا المخطط حتى انعرف اماكن الوصول والنهايه صحيحه او لا

طبعا بالنسبه للسياره اذا استلمتوها من فرانكفورت يمكن تسليمها بمنطقة kehl وهي قرية المانيه ملاصقة لستراسبورغ وتبعد فقط عن محطة القطار 7 كيلو تسلمونها وتاخذون تكسي الى المحطه وبالنسبه للضريبه تختلف من دوله الى اخرى ومن سياره الى اخرى ومن شركة الى اخرى وعلشان اعطيكياها بالتفصيل بالنسبه لاستلام السياره من فرانكفورت وتسليمها في ستراسبوغ الضريبة تقريبا 200 يورو ولكن اذا استأجرتوا سياره فرنسيه مثل SEAT LEON لن يكون عليها ضريبة بل ستكون ارخص من لو سلمتوها في المانيا لانكم ستعيدونها لموطنها الاصلي هذا من خلال بحثي في شركة اليورب كار وتقدرين تبحثين وتسوين مقارنه بحيث تضعين حجزك والتسليم في المانيا ثم تقارنين بنفس الفتره التسليم في ستراسبورغ http://www.europcar.com/DotcarClient/step2.action

بالنسبه لحجز الطيران الاسعار تعتمد على تاريخ السفر هل هو بالموسم او بفتره ميته مثل شهر مايو او منتصف جون واحياننا يوم يفرق الضعف وطبعا السعوديه افضل بكثير يكفي انها مباشر الى فرانكفورت واذا انتم لستم مرتبطين بمدارس او اطفالكم يعطلون قبل المدارس باسبوعين في المراحل المتقدمه فابحثوا في الانترنت عن افضل وقت للحجز لان المكتب ما يحب يتعب تفسه بالبحث كثيرا تحياااااااااااااااااااااااااااااااااتي

لا جنيف ماراح اجيها ......



المخطط اول شي اربع ايام باريس يومين ديزني لاند ....بعدين يومين ستراسبورغ ...


بعدين رست الالمانيه وبادن بادن وفرانكفورت بس ماراح اجي سويسرا

مشكورين اللي ردو على اسئلتي