السلام عليكم ورحمة الله وبركاته
يا اخوان انا رحلتي الثلاثاء الساعة 10 الاقلاع لألمانيا = فرانكفورت لمدة يومين = سولزفلين لمدة خمس ايام
ودي اعرف استخدام الجوال STC او موبايلي مكلف والا مثل الدوال العربية تعرفته ؟
ودي بعد اعرف وش سالفة فاتورة الشراء الي ممكن استبدلها في المطار قبل رجعتي .. وكيف ؟
هل بطاقة بنك الرياض ( الصرافة ) تمشي هناك والا لا .؟
طبعا عندي فيزا .. بس سمعت من احد موظفين بنك الرياض وقريب لي يقول انها تمشي للصرف هناك ولكن لا اعلم هل عليها رسوم او لا وكم رسومها اذا فيه وهل هي افضل او الفيزا ؟
مع ان الفيزا استخدمتها بالامارات وتفاجات بأن فارق العملة يقصر الظهر حوالي 1050 ريال خذوها مني بعد دفع 12 الف بالفيزا ! والمفروض ما تتعدى 400 ريال الي ياخذونها
فخوفي بألمانيا اجيب العيد لأن فارق العملة مو شوي لو يسحبون 10 الاف بالمانيا اخاف فارق العملية يسحبون 100 الف ويقولون فارق عملية
بس من هالناحية اتمنى احد يفيدني
وش افضل اماكن الشراء في فرانكفورت وتكون اسعارهم رخيصة او معقولة بالنسبة للملابس الرجالية
طبعا النسائية ودي اعرف بعد ني بشتري لبنوتاتي .. لكن مدري العنصر النسائي بيفدني والا ما يعرفون !
هل تنصحوني بما اني بجلس خمس ايام في سولزفلين ارجع بعدها فرانكفورت والا اروح مكان ثاني ؟ وش تنصحون فيه .. المدة ماعندي مشكلة يومين او ثلاثة الى اسبوع
بالنسبة للفنادق .. طبعا انا ماعندي حجز غير تبع فارنكفورت لليومين والخم ايام بسولزفلين وبعدها ولا شي .. ما عندي اي حجوزات اخرى فهل تنصحوني احجز من هناك ووين بالضبط اقل سعر ما يهم خس نجوم والا نص نجمة المهم مكان نظيف ومحترم
هل تنصحوني استأجر سيارة ؟ مع العلم اني ما بعد طلعت رخصة دولية .. بس محتار
لأني محيوس كذا من غير سيارة .. لو فيه سيارة يمكن بعد اتوهق ويلقطني ساهر ههههه
هل فيه منكم ناس رايحين خلال الايام القادمة وفاهمين المانيا زين ؟ ودي بأخويا هناك وابي شلة نتجمع مع بعض على الاقل الواحد ما يحس بأنه يتيم بوسط المانيا
اتمنى الاقي شلة من الرياض طالعين معي بس شلة يستحقون العناء موب اي كلام
وفي الختام .. انا ممكن اروح واجي ماعندي اي مشكلة ولكن الرفقة الطيبة احلى .. والناي للناس والكل بالله
اتمى تردون لي خبر بعد عن الحدائق واحداثيات للأماكن هناك الي تستحق الزيارة
ولكم مني الف لف شكر
واعذروني على اسئلتي ولو انها اسالة عليمي لكن بكل صدق ماعمري تعديت السعودية غير الامارات والبحرين ساعة ونص بس .. ولا حطيت في بالي اطلع اوروبا ولا غيرها لأني احب الجمعات هنا بدياري واتواصل مع الي حولي باستمرار
تحياتي للجميعمواضيع عشوائيه ممكن تكون تعجبك اخترناها لك:
- مساعده ضروري ضروري ايهم افضل ميونخ ام برلين ام ستوتغارد؟؟؟ وكيف نوصل لهم من فرانكفورت
- ساعدوني بجولتنا في المانيا وجاراتها
- استفسار يا اخواني الطيبين بخصووص الـــ
- مساعده بخصوص فنادق ميونخ
- بغيت فندق قريب من مستشفي جوتن بيرج يونيفر ستي في ندينة ماينز
- أرائكم ياهل الخبره
- خبراء ألمانيا فزعتكم في قارميش
- خبراء ميونيخ للضرورة
- من فرانكفورت الى قارمش نصائحكم
- إستفسار بخصوص فيزا الشنغن
- استفسار في سفري الي المانيا
- ساعدوني بجدول مرتب لرحلتي ميونخ روست أنترلاكن زلامسي
- اخواني تكفون نخيتكم الفزعه الفزعه تكفون
- افضل فندق
- موضوع عن جو المانيا وايطاليا شهر مارس
- رايكم بالجدول
- هذي رحلتنا بعد الاستخاره ومنكم الاستشاره
- اقتراح برنامج
- وين اقدر اروح مع ماما وبابا ؟؟
- فرانكفورت أم ميونخ للتسوق ؟؟
رد مع اقتباس
المفضلات