الموضوع: ااالاخ بو عمر خبير المانيا المحترم

هلا فيج م اعرف هذا المحل

لكنه يقع بهذا العنوان

Sendlinger Strasse 54, Munich, Germany 80331

مو بعيد كثير الشارع هذا عن المارينا بلاتز وفي محلات كثيره يفضل الذهاب له بالتاكسي

بصراحة ماني عارفة اشلون اشكرك علي هالمعلومة
يزاك الله خير وما قصرت

السلام عليكم
خبيرنا المحترم ابو عمر،،،،،،،
اشلونك أنا غطيت عن المنتدي بسبب التزامات الحياة
بغيت أخبرك تم حجز السكن وعمل الفيزا وكل ما يتعلق بالسفر طبعا هذا بفضل من الله ثم مساعدتك
واحنا بانتظار السفر ان الله كتب بعد الاختبارات مباشرة وعسي ربي يسهل أمورنا وأمور المسلمين
وأشكرك مره ثانية وثالثة ،،،،الخ علي الخدمات وبصراحة ما نستغني عن المنتدي كله

يا هلا فيج منوره

ان شاء الله يوفقكم بالامتحانات

وتقضون اقات جميله بالرحله

وترجعون لنا بالسلامه

تحياتي

السلام عليكم ورحمة الله وبركاته
خبيرنا ابوعمر عيدك مبارك وتقبل الله طاعتك
الحمدلله رجعنا بالسلامة من المانيا والنمسا والرحلة كانت روعة وطارت الايام بسرعة
حبيت اقولك عن السكن اللي في قارمش مثل ما طلبت السكن كان في freiraum والشقة كبيرة وواسعة ثلاث غرف وصاله كبيرة وغرفة للبيبي وتكرم حمامين بس من دخلت الشقة وانا متضايقة لان بكل مكان حاطين البوذا مالهم لدرجة لما نطلع افتح علي القران واخليه شغال لين نرجع عشان جذي ما ارتحت في قارمش
اما كابرون كانت قمه في الهدوء والراحه وتقريبا هي السنتر لاي مكان قريب منها
وبصراحة جدولي كان مرتب ومنظم والبركة فيك وفي المنتدي والله لا يخلينا منكم ومن مشورتكم وانا عاجزة عن توصيل الشكر لكم وان شاءالله تلاقونه في ميزان اعمالكم
مع تحيات ام عبدالله الفارس

وعليكم السلام

الحمدلله على السلامه وكل عام وانتي بخير

الحمدلله انكم استمتعتوا بالرحله وكان التوفيق بالسكن شي جيد

ان شاء الله كل سنه رحله جميله

شاكر لج مشاركتج لنا لما وجدي

واتمنى لكي دوام الصحه والعافيه

يا هلا ومرحبا
حياك الله....
الرحلة ممتعة جدا اولها كانت بكابرون(قعدنا فيها اسبوع وبصراحة ما كفت المدة) هدوء جدا والجو بارد لدرجة لبس الجاكيت
ومن كابرون تقدر تروح رحلات لقري تبعد تقريبا ساعة وشوي وترجع اخر النهار بس اللي ميز كابرون ان في قهوة ومطعم اصحابها اتراك وتقدر تسهر الي الساعة 12 وما شاءالله امان
والاسبوع الثاني رحنا قارمش (4 ليالي) بس ما ساعدنا الجو كان كله غيم ومطر تبارك الله وما في رحلات للعيال
والاسبوع الثالث في فرايبورغ وفندقنا كان بالسنتروتمتعنا فيها وهما الجو كان بارد
والاسبوع الاخير كان في ميونخ طبعا كله تسوق بتسوق والجو بارد ومطر وحتي البردي نزل

يعطيج العافيه اخت ام عبدالله
اهم شي استانستوا,
وما شاء الله على الرغم ان سفرتكم في شهر 7 او اظن بهاي الشهر الا ان الجو بارد,
الله يعين انا رحلتي في شهر 10

شكرا مره ثانيه
والحمدلله على السلامه

الاخ المحترم ابو مريم
الله يسلمك وان شاءالله تستانسون كثر ما احنا استانسنا واكثر بعد
بس ما اوصيك عليك بالملابس الشتوية لان بشهر اكتوبر الجو بااااارد وانا تحسفت اني ما اخذت تريننج سوت لبنتي لان اللبس العملي مريح بالسفر
بالتوفيق ان شاءالله